ଯୋହନ୍‌‌ 17:26 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁶ ମେଣ୍ଡେ, ନିମ୍‍ ନାକିଂଙ୍କ୍ ବେଦ୍‍ଲେକାମ୍ ପ୍ରେମ ମାଡ଼୍‍ତିନ୍, ଆଦ୍ ବେଲା ଅଡ଼ାଗ୍ ମାନ୍‍ତା ନୁ ନାନ୍ ଅଡ଼ାଗ୍ ମାନ୍‍ତାନ୍, ଇଦିନ୍ ସେଙ୍ଗେ ନାନ୍ ଅଡ଼୍‌‍କିଂଙ୍କ୍ ନି ପେଦେର୍ କେତ୍‍ତାନ୍ ନୁ କେତିତାନ୍ ।”

ଯୋହନ୍‌‌ 17:26 ပူးပေါင်းရင်းမြစ်များ

ଯୋହନ୍‌‌ 14:20

ନାନ୍ ବାବାନାଗ୍ ମେଣ୍ଡେ ମିଡ଼୍ ନାୟାଗ୍ ମିନ୍ଦେଡ଼ି, ଇଦ୍ ଆଦ୍ ଦିନ୍ ୱାତ୍‍କେ ପୁନ୍‍ତିଡ଼୍ ।

ଯୋହନ୍‌‌ 14:23

ଜିସୁ ଅଂକିଙ୍କ୍‌ ଉତ୍ତର୍ କେତ୍‍ତଣ୍ଡ୍‌, ଯଦି ବେନ ନାକିଂଙ୍କ୍ ପ୍ରେମ ମାଡ଼୍‍କେ ଆଲେକେ ଅଣ୍ଡ୍‌ ନା ବାକ୍ୟ ପାଲନ୍ ମାଡ଼ିତନ୍, ମେଣ୍ଡେ ନା ବାବାଲ୍ ଅଂକିଙ୍କ୍‌ ପ୍ରେମ ମାଡ଼ିତନ୍, ମେଣ୍ଡେ ମାମ୍‍ମେ ଅନ୍‌ ପାକେ ୱାସ୍ ଅନ୍‌ ତଡ଼୍ ମାନ୍‍ତମ୍ ।

ଯୋହନ୍‌‌ 15:15

ନାନ୍ ମିକିଂଙ୍କ୍ ଚାକର୍ ଇଞ୍ଜ ମେଣ୍ଡେ କେଲନ୍, ବାତେଙ୍କ୍ ଇତ୍‍କେ ମାଲିକ୍ ବାତେଏ ମାଡ଼ିତନ୍, ଚାକର୍ ଆଦ୍ ପୁନଣ୍ଡ୍, ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ସାଙ୍ଗ ଇଞ୍ଜ କେସ୍‍ମିନ୍ଦେନ୍, ବାତେଙ୍କ୍ ଇତ୍‍କେ ନାନ୍ ନା ବାବାନ୍ କନ୍‍ସ୍ ବାତେଏ କେଞ୍ଜିମିନ୍ଦେନ୍, ଆୱ୍‍ଚାରେ ମିକିଂଙ୍କ୍ କେତ୍‍ତାନ୍ ।

ଯୋହନ୍‌‌ 15:4

ନାୟାଗେ ମାନୁଟ୍, ଆଲେକେ ନାନ୍ ମିୟାଗ୍ ମାନ୍‍ତାନ୍ । କମ୍‍ମା ବେଲା ଅଙ୍ଗୁର୍‌ ଟଣ୍ଡେତାଗ୍ ମାନୋକ୍ କାୟା ଆଦେ ପାର୍‍ୱେ, ଆଦେପୁଟୁଙ୍କ୍ ମିଡ଼୍ ମିକା ନାୟାଗେ ମାନୋକ୍ କାୟା ଆଦେ ପାର୍‍ୱିଡ଼୍ ।”

ଯୋହନ୍‌‌ 15:9

ବାବାଲ୍ ବେଲା ନାକିଂଙ୍କ୍ ପ୍ରେମ ମାଡ଼୍‍ତଣ୍ଡ୍, ନାନ୍ ମିକା ଆଲେକେ ମିକିଂଙ୍କ୍ ପ୍ରେମ ମାଡ଼୍‍ତାନ୍; ନା ପ୍ରେମାତାଗ୍ ତିଆର୍ ଆସ୍ ମାନୁଟ୍ ।

ଯୋହନ୍‌‌ 17:23

ନାନ୍ ଅଡ଼ାଗ୍ ନୁ ନିମ୍‍ ନାୟାଗ୍ ବେଦ୍‍ଲେକାମ୍ ଅଡ଼୍‌ ପବିତ୍ର ଆସ୍ ଅଣ୍ଡୟାଗେ ଆଦ୍‍ତଡ଼୍, ଆଲେକେ ଜଗତ୍ ପୁନ୍‍ତେ ଯେ ନିମ୍‍ ନାକିଂଙ୍କ୍ ରଅତିନ୍, ମେଣ୍ଡେ ନାକିଂଙ୍କ୍ ବେନ୍ ଲେକାତ୍ ପ୍ରେମ ମାଡ଼୍‍ତି, ଅଡ଼୍‌‍କିଂଙ୍କ୍ ମିକା ଆଦେ ଲେକାତ୍ ପ୍ରେମ ମାଡ଼୍‍ତିନ୍ ।”

ଯୋହନ୍‌‌ 17:6

“ନିମ୍‍ ନାକିଂଙ୍କ୍ ଜଗତ୍‍ତାଗ୍ ବେନ୍ ନାରୁଡ଼୍‍କ୍ ଦାନ ମାଡ଼୍‍ତି, ନାନ୍ ଅଡ଼୍‌ ଗାର୍‍ରେ ନି ପେଦେର୍ ପ୍ରକାଶ୍ ମାଡ଼୍‍ତାନ୍; ଅଡ଼୍‌‍ ନି ମାନେଇ ନୁ ନିମ୍‍ ଅଡ଼୍‌‍କିଂଙ୍କ୍ ନାକିଂଙ୍କ୍ ଦାନ ମାଡ଼୍‍ତି, ମେଣ୍ଡେ ଅଡ଼୍‌ ନିୱାଦ୍ ବାକ୍ୟ ପାଲନ୍ ମାଡ଼୍‍ତଡ଼୍ ।

ଯୋହନ୍‌‌ 17:8

ବାତେଙ୍କ୍ ଇତ୍‍କେ ନିମ୍‍ ନାକିଂଙ୍କ୍ ବେନ୍ ସାରେ ବାକ୍ୟ ଦାନ ମାଡ଼୍‍ତି, ନାନ୍ ଅଡ଼୍‌‍କିଂଙ୍କ୍ ଆୱ୍ ସାରେ ଦାନ ମାଡ଼୍‍ତାନ୍, ମେଣ୍ଡେ ଅଡ଼୍‌ ଗ୍ରହନ୍ ମାଡ଼୍‍ତଡ଼୍, ମେଣ୍ଡେ ନାନ୍ ଯେ ନିୟାଗ୍ କନ୍‍ସ୍ ୱାସ୍‍ମିନ୍ଦେନ୍, ଆଦ୍ ସତ୍ ଇଞ୍ଜ ପୁଞ୍ଜ୍ ମିନ୍ଦେଡ଼୍‌ ନୁ ନିମ୍‍ ନାକିଂଙ୍କ୍ ରଅତି ଇଞ୍ଜ ବିଶ୍ୱାସ୍ ମାଡ଼୍‍ତଡ଼୍ ।”

ଯୋହନ୍‌‌ 6:56

ବେନ ନା ଆଉଙ୍ଗ୍ ତିନ୍‍ତଣ୍ଡ୍ ନୁ ନା ନେତୁର୍ ଉନ୍‍ତଣ୍ଡ୍, ଅଣ୍ଡ୍‌ ନାୟାଗେ ମାନ୍‍ତଣ୍ଡ୍ ନୁ ନାନ୍ ଅନ୍‌‍ଆଗେ ମାନ୍‍ତାନ୍ ।

ଯୋହନ୍‌‌ 8:50

ବାତେଙ୍କ୍ ଇତ୍‍କେ ନାନ୍ ନିଜେ ନିଜେତ୍ ଗୌରବ୍‍ତେ ପେର୍‍କେ ଆନୁଟ୍; ବାତେଙ୍କ୍ ଇତ୍‍କେ ଇଦ୍ ଗଟ୍ ନା ସେଙ୍ଗେ ମେଣ୍ଡେଅର୍‍ତୁନ୍ ନୁ ନା ପାକେଙ୍କ୍ ବିଚାର୍ ମାଡ଼ିତନ୍ ।

ରୋମୀୟ 8:10

ଇତ୍‍କେ କ୍ରିଷ୍ଟ ଯଦି ମିଇ ଗାର୍‍ରେ ମିନ୍ଦେଣ୍ଡ୍, ମିୟାଦ୍ ମେନ୍ଦୁଲ୍ ପାପ୍‌ ତଡ଼୍ ନଷ୍ଟ ଆଦାନଙ୍କ୍ ଆଞ୍ଜମାତ୍‍କେ ଗାଲା, ପବିତ୍ର ଆତ୍ମା ମିକିଂଙ୍କ୍ ଜିୱୁଣ୍ଡ୍ ଇଦ୍‍ତେ, ବାତେଙ୍କ୍ଇତ୍‍କେ ଇଶ୍ୱର୍‌ତେ କଣ୍ଡେତାଗ୍ ମିଡ଼୍ ଦାର୍ମାମ୍ ଇଞ୍ଜ ଲେକା ଆତ୍‍ତିଡ଼୍ ।

୧ କରନ୍ତିୟ 1:30

ଇତ୍‍କେ ଇଶ୍ୱର୍ ମିକିଂଙ୍କ୍ କ୍ରିଷ୍ଟ ଜିସୁନ୍‌ ତଡ଼୍ କାଲ୍‌ପି ମିନ୍ଦେଣ୍ଡ୍‌ ନୁ ଆଦ୍ କ୍ରିଷ୍ଟଙ୍କ୍ କେ ମାନ୍‍ ମାଇଦିଙ୍କ୍‌ ବୁଦ୍‍ତେ ଲେକାମ୍ ମାଡ଼ିମିନ୍ଦେଣ୍ଡ୍ । ଅନ୍‌ ତଡ଼୍ ଇଶ୍ୱର୍‌ତେ ତଡ଼୍ ମାୟାଦ୍‌ ସାୟେତ୍ ସମ୍ପର୍କ ତିୟାର୍ ଆତ୍‍ତେ, ମାନାଡ଼୍ ଦାର୍ମାମ୍‌ ନୁ ପବିତ୍ର ଜିୱାତେ ନାରୁଡ଼୍ ଆସ୍ ମୁକ୍ତି ପାଏମ୍ ଆତ୍‍ତାଡ଼୍ ।

୧ କରନ୍ତିୟ 12:12

କ୍ରିଷ୍ଟ ନାର୍‍ଗେ ଦୁଡ଼ା କାୟ୍‍ଲ୍‍ତେ ଅଣ୍ଡୟ୍‌ ମେନ୍ଦୁଲ୍ ଲେକାମ୍ । ନାର୍‍ଗେ ଅଂକିଙ୍କ୍‌ ତଡ଼୍ କାୟ୍‍ଲିମାତ୍‍କେ ଗାଲା, ମେନ୍ଦୁଲ୍ ଅଣ୍ଡୟ୍‌ ।

ଗାଲାତୀୟ 2:20

ଆଦିଙ୍କ୍ ଇଞ୍ଜେ ନାନ୍ ନିଜାମ୍ ଜିୱେ ଇଲେନ୍, ନାୟାଗ୍ କ୍ରିଷ୍ଟ କେ ଜିୱୁଣ୍ଡ୍ । ନାନ୍ ଇଞ୍ଜେ ବେନ୍ ଜିୱୁଣ୍ଡ୍ ବାଦ୍‍କୁତାନ୍, ଆଦ୍ ଇଶ୍ୱର୍‌ତେ ମାର୍‍ଦିଙ୍କ୍ ନାୟାଦ୍ ବିଶ୍ୱାସ୍ ମାନ୍ଦାନ୍ ସେଙ୍ଗେ ସମ୍ଭବ୍ ଆତ୍‍ତେ ବେନ ନାକିଙ୍କ୍ ପ୍ରେମ ମାଡ଼ି ତାନ୍ ଜିୱୁଣ୍ଡ୍ ଇତ୍‌ତଣ୍ଡ୍‌ ।

ଏଫିସିୟ 1:6

ଇଶ୍ୱର୍‌ତେ ପ୍ରେମତାଦ୍ ଅନୁଗ୍ରହ ସେଙ୍ଗେ ନୁ ତାନ୍ ପ୍ରିୟ ମାର୍‍ଦିଙ୍କ୍ ବିନା ମୁଲ୍ୟବାନ୍‍ ଦାନ ଲେକାମ୍ ପାଏମ୍ ଆସ୍‍ମାନ୍ଦାନ୍ ମାୟ୍‍ଦିଙ୍କ୍‍, ମାମ୍‍ମେ ଇଶ୍ୱର୍‌ତିଙ୍କ୍‍ ଦନ୍ୟବାଦ୍ ମାଡ଼ୁତମ୍ ।

ଏଫିସିୟ 3:17

ନାନ୍ ପ୍ରାର୍ତନା ମାଡ଼ିତାନ୍ ବେଦ୍‍ପୁଟୁଙ୍କ୍ ମିଇ ବିଶ୍ୱାସ୍‍ତେ ଶକ୍ତିତେ କ୍ରିଷ୍ଟ ମିଇ ହୃଦୟ୍‍ତାଗ୍ ମାନ୍‍ତଣ୍ଡ୍ । ନାନ୍ ପ୍ରାର୍ତନା ମାଡ଼ିତାନ୍, ବେଦ୍‍ପୁଟୁଙ୍କ୍ ମିୟାଦ୍ ପାଣ୍ଡେସନ୍‌ ପ୍ରେମତେ ତିୟାର୍ ନୁ ଡୁଟାଙ୍ଗ୍ ଆଦ୍‍ତେ ।

ଏଫିସିୟ 5:30

ବାତେଙ୍କ୍‍ଇତ୍‍କେ ମାନାଡ଼୍ ଅନ୍‌ ମେନ୍ଦୁଲ୍‍ତେ ଡେକା କାୟ୍‍କ୍ ।

ଏଫିସିୟ 5:32

ଶାସ୍ତ୍ରତାଗ୍ ଇଦ୍ ବିଷୟ୍‍ତେ ପେସ୍ପିମିନ୍ଦେ, ଇଦ୍ କ୍ରିଷ୍ଟ ନୁ ମଣ୍ଡଲି ସେଙ୍ଗେ ସାୟେ ଇଞ୍ଜ ନାନ୍ ବୁଜେମ୍‌ ଆଦୁତାନ୍ ।

କଲସୀୟ 1:27

ତାନ୍ ନାରୁଡ଼୍‍କିଙ୍କ୍ ଆଦ୍ ମିଞ୍ଜ୍‍ତେ ଗଟ୍ କେଞ୍ଜ୍‍ପାନଙ୍କ୍ ଇଶ୍ୱର୍‌ତେ ଇଚ୍ଛା ମାତ୍‍ତେ । ଅନାଦ୍‌ ଇଦ୍ ନାର୍ଗେ ମୁଲ୍ୟ ନୁ ଗୌରବ୍ ଲେକେତ୍ ଗଟ୍ ସାରେ ନାରୁଡ଼୍ ଜାତିତେ ସେଙ୍ଗେ ଦର୍‍କାର୍ । ଇଦ୍ ଗଟ୍ ଅଦୁତ୍, କ୍ରିଷ୍ଟ ମୀଇ ଲୋପେ ମିକା ମିନ୍ଦେନ୍ । ଇଦିନ୍ ଅର୍ତ, ମିଡ଼୍ ଇଶ୍ୱର୍‌ତେ ଗୌରବ୍‍ତଡ଼ି ।

କଲସୀୟ 2:10

ଅନ୍‌‍ ତଡ଼୍ କାଇଲି ମାନ୍ଦାନ୍ ମାୟ୍‍ଦିଙ୍କ୍ ମୀଡ଼୍ ଜିୱେତାଦ୍ ପୁରା ଲାବ୍ ମାଡ଼୍‍ତିଡ଼୍‍ । ବାଗାତ୍ ସାରେ ଶକ୍ତି ନୁ ଶାସନ୍‍ ପରୁ କ୍ରିଷ୍ଟନାଦ୍ ଶାସନ୍‍ କେ ସାରେତିଙ୍କ୍ ବାଡ଼୍‍ୟେ ।

କଲସୀୟ 3:11

ପେର୍କେ, ଇହୁଦିଡ଼୍, ଅଣଇହୁଦୀଡ଼୍, ସୁନ୍ନତ ନୁ ଅସୁନ୍ନତ, ନିଷ୍ଠୁର୍, ବୟଙ୍କକାର୍, କ୍ରିତଦାସ ବା ସ୍ୱାଦିନ୍ ନାରୁଣ୍ଡ୍ ଲପେ ମେଣ୍ଡେ ବାତ୍‍ବା ୱେରେ ଇଲେ । ଇତ୍‍କେ କ୍ରିଷ୍ଟ ସାରେତଡ଼ାଗେ ମିନ୍ଦେନ୍ ନୁ ଅଣ୍ଡ୍‌ ଆଦୁତନ୍ ସାର୍ରେ ।

୨ ଥେସଲନିୟ 2:16

ମାନ୍‍ ପ୍ରବୁ ଜିସୁ କ୍ରିଷ୍ଟ ନିଜେ, ମାନ୍‍ ବେନ୍ ବାବାଲ୍ ଇଶ୍ୱର୍ ମାନ୍‍ ପ୍ରେମ ମାଡ଼ି ମାନ୍‍ ଅନୁଗ୍ରହତେ ମାନ୍‍ ସାରେଦିନାତ୍ ସାନ୍ୱନା ନୁ ଲେକେତ୍‍ ଆଶେ ଇସ୍‍ମିନ୍ଦେନ୍ ।

ଏବ୍ରୀ 2:12

ଅଣ୍ଡ୍‌ ଇଶ୍ୱରତିଙ୍କ୍‍ କେତ୍‍ତଣ୍ଡ୍, “ନାନ୍ ନିୟାଦ୍‌ ସାର୍ରେ ପାଡ଼୍‍ୟି ନା ଏଲାଡ଼୍‍ତାମୁଡ଼୍‍କିନ୍‌ କେତିତାନ୍‌ । ନାନ୍‌ ଆଡ୍‌କ୍‍ ଗୁଡ଼ିମାନ୍ଦାନାଗେ ନିୟାଦ୍‍ ପ୍ରସଂଶା ପାଟା ପାରିତାନ୍‌ ।”

୧ ଯୋହନ୍‌‌ 3:24

ବେନ ଆୟି ଇଶ୍ୱର୍‌ତେ ଆଜ୍ଞା ପାଲନ୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‍ ମାନ୍ଦାନାଦ୍‍ ପୁନ୍ଦେପାର୍‍ଦ୍‍ତଣ୍ଡ୍‍, ଅନ୍‌ ହୃଦୟତାଗ୍ ଇଶ୍ୱର୍‍ ମାନ୍‍ତଣ୍ଡ୍‍ । ଇଶ୍ୱର୍ ମାନ୍‍ ହୃଦୟତାଗ୍ ମାନ୍‍ତଣ୍ଡ୍‍, ଇଦ୍ ଗଟ୍ ମାନାଙ୍କ୍ ଇତ୍‍ତେ ଅନାଦ୍‌ ଆତ୍ମା ସାହାଯ୍ୟତେ ମାନାଡ଼୍ ପୁନ୍ଦାନଙ୍କ୍‍ ପାର୍‍ଦୁତାଡ଼୍ ।