ଯୋହନ୍‌‌ 17:25 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁵ ହୋ ଦାର୍ମିକ୍ ବାବା ! ଜଗତ୍ ନିକିଂଙ୍କ୍ ପୁନନ୍, ବାତେଙ୍କ୍ ଇତ୍‍କେ ନାନ୍ ନିକିଂଙ୍କ୍ ପୁତ୍‍ତାନ୍; ମେଣ୍ଡେ ନିମ୍‍ ଯେ ନାକିଂଙ୍କ୍ ରହତି, ଆଦ୍ ଇଡ଼୍ ପୁତ୍‍ତଡ଼୍;

ଯୋହନ୍‌‌ 17:25 ပူးပေါင်းရင်းမြစ်များ

ମାତିଉ 11:27

“ମା ବାବାଲ୍ ନାକିଂଙ୍କ୍ ସାରେ ଇସ୍‌ ମିନ୍ଦେଣ୍ଡ୍ । ବାବାଙ୍କ୍ ୱିଡ଼୍‍ସ୍‍କେ ମାର୍‍ରିଙ୍କ୍ ମେଣ୍ଡେ ବେନ ପୁନଣ୍ଡ୍ ମେଣ୍ଡେ ମାର୍‍ରିଙ୍କ୍ ୱିଡ଼୍‍ସ୍‍କେ ବାବାଙ୍କ୍ ମେଣ୍ଡେ ବେନ ପୁନଣ୍ଡ୍ । ମାର୍‍ ବେନ ଗାର୍‍ରେ ବାବାନ୍ ଗଟି କେତିତଣ୍ଡ୍, ମାତର୍ ଅଡ଼୍‌ ବାବାଙ୍କ୍ ପୁନ୍‍ତଡ଼୍ ।”

ମାତିଉ 16:16

ଶିମୋନ୍ ନୁ ପିତର୍ କେତ୍‍ତଡ଼୍, “ନିମ୍‍ କ୍ରିଷ୍ଟ, ଜିୱୁତେ ଇଶ୍ୱର୍ ତେ ମାର୍‍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:22

“ନା ବାବାଲ୍ ଅନାଦ୍‌ ସାରେ ବିଷୟ୍ ନାକିଂଙ୍କ୍ ହିତ୍‍ତଣ୍ଡ୍; ମେଣ୍ଡେ, ମାର୍‍ ବେନ, ଇଦ୍ ବାବାନ୍ ୱିଡ଼୍‍ସି ବେନମେଣ୍ଡେ ପୁନଡ଼୍, ମେଣ୍ଡେ ବାବାଲ୍ ବେନ, ଅନ୍‌‍ମାର୍‍ ୱିଡ଼୍‍ସି ବେନମେଣ୍ଡେ ପୁନଡ଼୍, ଆସୁଟେ ମାର୍‍ ବେନଣ୍ଡ୍ ମୁନ୍‍ନେ ଅଂକିଙ୍କ୍‌ ତଅତାନ୍ ମାଇଦିଙ୍କ୍ ଇଚ୍ଛାମାଡ଼ିତଣ୍ଡ୍, ଅଣ୍ଡ୍‌ ଅଂକିଙ୍କ୍‌ ପୁନ୍‍‍ତଣ୍ଡ୍ ।”

ଯୋହନ୍‌‌ 1:18

ବେନ ବେସୁଙ୍କ୍‍ ଇଶ୍ୱରତିଙ୍କ୍ ଉଡ଼ଣ୍ଡ୍, ଅନ୍‌ ଡ଼େକାନାଗ୍ ମାନ୍ଦାନ୍ ୱେରଣ୍ଡେ ମାର୍‍ ଅଂକିଙ୍କ୍‌ କେସ୍ ମାଡ଼ିମିନ୍ଦେଣ୍ଡ୍ ।

ଯୋହନ୍‌‌ 10:15

ଆଦ୍‍ଲେକାମ୍ ନାନ୍ ନା ନିଜେତ୍ ମେଣ୍ଢାଙ୍କ୍ ପୁତ୍‍ତାନ୍, ମେଣ୍ଡେ ନାୟାୱୁ ନିଜେତ୍ ମେଣ୍ଢା ନାକିଂଙ୍କ୍ ପୁତ୍‍ତା, ମେଣ୍ଡେ ମେଣ୍ଢାନ୍ ମାଇଦିଙ୍କ୍ ନାନ୍ ନାୟାଦ୍ ଜିୱୁଣ୍ଡ୍ ଇଦ୍‍ତାନ୍ ।

ଯୋହନ୍‌‌ 15:21

ବାତେଙ୍କ୍ ଇତ୍‍କେ ଅଡ଼୍‌ ନାକିଂଙ୍କ୍ ରଅତେନଙ୍କ୍ ପୁନ୍‍ୱା ମାଇଦିଙ୍କ୍ ନାୱାଦ୍ ପେଦେର୍ ସେଙ୍ଗେ ମିକିଂଙ୍କ୍ ଇଦ୍‍ସାରେ ମାଡ଼ିତଡ଼୍ ।

ଯୋହନ୍‌‌ 16:27

ବାବାଲ୍ ନିଜେ ମିକିଂଙ୍କ୍ ପ୍ରେମ ମାଡ଼ିତନ୍, ବାତେଙ୍କ୍ ଇତ୍‍କେ ମିଡ଼୍ ନାକିଂଙ୍କ୍ ପ୍ରେମ ମାଡ଼୍‍ତିଡ଼୍ ନୁ ନାନ୍ ଯେ ଇଶ୍ୱର୍‌ତାଗାଙ୍କ୍ ୱାସ୍‍ମିନ୍ଦେନ୍, ଆଦ୍ ମିଡ଼୍ ବିଶ୍ୱାସ୍ ମାଡ଼୍‍ତିଡ଼୍ ।

ଯୋହନ୍‌‌ 16:3

ନାରୁଡ଼୍ ଇୱୁସାରେ ମାଡ଼ିତଡ଼୍, ବାତେଙ୍କ୍ ଇତ୍‍କେ ଅଡ଼୍‌ ବାବାଙ୍କ୍ ନୁ ନାକିଂଙ୍କ୍ ପୁନଡ଼୍ ।

ଯୋହନ୍‌‌ 16:30

ଇଞ୍ଜେ ନିମ୍‍ ଯେ ସାରେ ବିଷୟ୍ ପୁତ୍‍ତିନ୍, ମେଣ୍ଡେ ନିମ୍‍ ବେନଙ୍କ୍ ପ୍ରଶ୍ନ ମାଡ଼ାଙ୍କ୍ ଦର୍‍କାର୍ ଇଲେ, ଆଦ୍ ଇଞ୍ଜେ ମାମ୍‍ମେ ପୁତ୍‍ତମ୍; ଇଶ୍ୱର୍‌ତାଗାଙ୍କ୍ ୱାତ୍‍ତିନ୍ ଇଞ୍ଜ ମାମ୍‍ମେ ଇଦ୍ ମାମ୍‍ମେ ବିଶ୍ୱାସ୍ ମାଡ଼ୁତମ୍ ।”

ଯୋହନ୍‌‌ 17:11

ନାନ୍ ମେଣ୍ଡେ ଇଦ୍ ଜଗତ୍‍ତାଗ୍ ମାନନ୍, ବାତେଙ୍କ୍ ଇତ୍‍କେ ଇଡ଼୍ ଇଦ୍ ଜଗତ୍‍ତାଗ୍ ମାନ୍‍ତଡ଼୍; ମେଣ୍ଡେ ନାନ୍ ନି ଗାର୍‍ରେ ଆଦୁତାନ୍ । ପବିତ୍ର ବାବା, ନିମ୍‍ ନାକିଂଙ୍କ୍ ହିତ୍‍ତେ ପେଦେର୍‍ତେ ଶକ୍ତି ତଡ଼୍ ଅଡ଼୍‌‍କିଂଙ୍କ୍ ରକ୍ଷା ମାଡ଼ା ବେନ୍ ପେଦେର୍ ନାକିଂଙ୍କ୍ ହିତ୍‍ତି, ବେଦ୍‍ରକମ୍‍ ମାନାଡ଼୍ ଅଣ୍ଡୟାଗେ ଆଦ୍‍ତାଡ଼୍, ଅଡ଼୍‌ ଆଦେରକମ୍ ଅଣ୍ଡୟାଗେ ଆଦ୍‍ତଡ଼୍ ।”

ଯୋହନ୍‌‌ 17:18

ନିମ୍‍ ନାକିଂଙ୍କ୍ ବେଲା ଜଗତ୍‍ତାଗ୍ ରହତ୍‍ତିନ୍, ନାନ୍ ମିକା ଅଡ଼୍‌‍କିଂଙ୍କ୍ ଆଦେପୁଟୁଙ୍କ୍ ଜଗତ୍‍ତାଗ୍ ରହତ୍‍ତାନ୍ ।

ଯୋହନ୍‌‌ 17:21

ବେଲା ଅଡ଼୍‌ ସାରେତଡ଼୍ ଅଣ୍ଡୟାଗେ ଆଦ୍‍ତଡ଼୍; ହଁ ବାବା ନିମ୍‍ ବେଲା ନାୟାଗେ ମିନ୍ଦେନି ନୁ ନାନ୍ ନିୟାଗ୍ ମିନ୍ଦେନ୍, ଅଡ଼୍‌ ମିକା ଆଲେକେ ମାୟାଗ୍‌ ମାନିଡ଼୍, ବେଦ୍‍ଲେକାମ୍ ନିମ୍‍ ନାକିଂଙ୍କ୍ ରହତ୍‍ତି ଇଞ୍ଜ ଜଗତ୍ ବିଶ୍ୱାସ୍ ମାଡ଼ିତ୍ ।

ଯୋହନ୍‌‌ 17:23

ନାନ୍ ଅଡ଼ାଗ୍ ନୁ ନିମ୍‍ ନାୟାଗ୍ ବେଦ୍‍ଲେକାମ୍ ଅଡ଼୍‌ ପବିତ୍ର ଆସ୍ ଅଣ୍ଡୟାଗେ ଆଦ୍‍ତଡ଼୍, ଆଲେକେ ଜଗତ୍ ପୁନ୍‍ତେ ଯେ ନିମ୍‍ ନାକିଂଙ୍କ୍ ରଅତିନ୍, ମେଣ୍ଡେ ନାକିଂଙ୍କ୍ ବେନ୍ ଲେକାତ୍ ପ୍ରେମ ମାଡ଼୍‍ତି, ଅଡ଼୍‌‍କିଂଙ୍କ୍ ମିକା ଆଦେ ଲେକାତ୍ ପ୍ରେମ ମାଡ଼୍‍ତିନ୍ ।”

ଯୋହନ୍‌‌ 17:3

ନିମ୍‍ ୱେର୍‍ନି ସତ୍ ଇଶ୍ୱର୍, ନିକିଂଙ୍କ୍ ନୁ ନିମ୍‍ ରଅତେନଣ୍ଡ୍ ଜିସୁ କ୍ରିଷ୍ଟଙ୍କ୍ ପୁନ୍ଦାନାଦ୍ ଆଦୁତ୍‍ତେ ସାରେଦିନାତ୍ ଜିୱୁଣ୍ଡ୍ ।

ଯୋହନ୍‌‌ 17:8

ବାତେଙ୍କ୍ ଇତ୍‍କେ ନିମ୍‍ ନାକିଂଙ୍କ୍ ବେନ୍ ସାରେ ବାକ୍ୟ ଦାନ ମାଡ଼୍‍ତି, ନାନ୍ ଅଡ଼୍‌‍କିଂଙ୍କ୍ ଆୱ୍ ସାରେ ଦାନ ମାଡ଼୍‍ତାନ୍, ମେଣ୍ଡେ ଅଡ଼୍‌ ଗ୍ରହନ୍ ମାଡ଼୍‍ତଡ଼୍, ମେଣ୍ଡେ ନାନ୍ ଯେ ନିୟାଗ୍ କନ୍‍ସ୍ ୱାସ୍‍ମିନ୍ଦେନ୍, ଆଦ୍ ସତ୍ ଇଞ୍ଜ ପୁଞ୍ଜ୍ ମିନ୍ଦେଡ଼୍‌ ନୁ ନିମ୍‍ ନାକିଂଙ୍କ୍ ରଅତି ଇଞ୍ଜ ବିଶ୍ୱାସ୍ ମାଡ଼୍‍ତଡ଼୍ ।”

ଯୋହନ୍‌‌ 3:17

ଇଶ୍ୱର୍ ତାନ୍ ମାର୍‍ଦିଙ୍କ୍ ଜଗତ୍‍ତାଗ୍ ବିଚାର୍ ମାଡ଼ାନ୍ ମାଇଦିଙ୍କ୍ ରୱଣ୍ଡ୍, ବାତେଙ୍କ୍ ଇତ୍କେ ଜଗତ୍ ବେଦ୍‍ପୁଟୁଙ୍କ୍ ଅନ୍‌‍ତଡ଼୍ ପରିତ୍ରାଣ୍ ଦର୍‍କିତ୍‍ତେ, ଆଦିନ୍ ମାଇଦିଙ୍କ୍ ଅଂକିଙ୍କ୍‌ ରହ୍‍ତଣ୍ଡ୍ ।

ଯୋହନ୍‌‌ 6:19

ଶିଷ୍ୟଡ଼୍ ଇଲ୍‍କେତାଗ୍ ଏଇଙ୍ଗ୍ ବା ଆରୁ କିଲମିଟର୍ ଜେକେ ଓଡା ଆତ୍‍ତେୱେୟ୍, ଜିସୁ ଏର୍‍ଦା ପର୍‍ର ତାକି ଓଡେତ୍ ଗାର୍‍ରେ ୱାସମାନ୍ଦାନାଦ୍‍ ଉଡ଼ି ୱେର୍‍ତଡ଼୍‍ ।

ଯୋହନ୍‌‌ 7:29

ବାତେଙ୍କ୍ ଇତ୍‍କେ ନାନ୍ ଅଂକିଙ୍କ୍‌ ପୁତ୍‍ତାନ୍, ବାତେଙ୍କ୍ ଇତ୍‍କେ ନାନ୍ ଅନ୍‌‍ଆଗାଙ୍କ୍ ୱାସ୍‍ମିନ୍ଦେନ୍, ମେଣ୍ଡେ ଅଣ୍ଡ୍‌ ନାକିଂଙ୍କ୍ ରହ୍‍ତଣ୍ଡ୍ ।”

ଯୋହନ୍‌‌ 8:19

ଆଗାଙ୍କ୍ ଅଡ଼୍‌ କେତାଙ୍କ୍ ପସ୍‍ପ୍‍ତ୍‍ତଡ଼୍, “ମିଇ ବାବାଲ୍ ବେକେ ?” ଜିସୁ ଉତ୍ତର୍ ଇତ୍‍ତନ୍, “ମିଡ଼୍ ନାକିଂଙ୍କ୍ ପୁନ୍‍ୱିଡ଼୍ ବା ନା ବାବାଙ୍କ୍ ମିକା ପୁନ୍‍ୱିଡ଼୍ ଯଦି ନାକିଂଙ୍କ୍ ପୁନେଡ଼ି, ଆଲେକେ ନା ବାବାଙ୍କ୍ ଆନ୍‌‍ତେ ପୁନେଡ଼ି ।”

ଯୋହନ୍‌‌ 8:55

ମିଡ଼୍ ଅଂକିଙ୍କ୍‌ ବେସୁଙ୍କ୍‍ ପୁନ୍‍ୱିଡ଼୍, ବାତେଙ୍କ୍ ଇତ୍‍କେ ନାନ୍ ଅଂକିଙ୍କ୍‌ ପୁତ୍‍ତାନ୍ । ନାନ୍ ଅଂକିଙ୍କ୍‌ ପୁନନ୍ ଇଞ୍ଜ ଯଦି କେତିତାନ୍, ଆଲେକେ ନାନ୍ ମିକା ମିଇ ଲେକାମ୍ ମିତ୍ୟାବାଦି ଆଦ୍‍ତନ୍, ନାନ୍ ଅଂକିଙ୍କ୍‌ ପୁତ୍‍ତାନ୍ ନୁ ଅନାଦ୍‌ ବାକ୍ୟ ପାଲନ୍ ମାଡ଼ୁତାନ୍ ।

ପ୍ରେରିତ 17:23

ନାନ୍ ମିୟାଦ୍ ନଗର୍‍ତାଗ୍ ଉଡାନ୍‍ୱେଲେ ମିୱାଦ୍ ପୂଜା ମାଡ଼ାନ୍ ଜାଗେତିଙ୍କ୍ ଉଡ଼୍‍ତାନ୍ । ଅଣ୍ଡୟ୍‌ ଜଜ୍ଞବେଦିତ୍ ପର୍‍ର ‘ଅଣ୍ଡୟ୍‌ ପୁନ୍‍ୱାଦ୍ ଇଶ୍ୱର୍‌ତେ ଉଦ୍ଦେଶ୍ୟତେ,’ ଲେକିମାନ୍ଦାନାଦ୍ ଗାଲା ଉଡ଼୍‍ତାନ୍ । ମିଡ଼୍ ପୁନ୍‍ୱେକନ୍‍ସ୍ ବେନଙ୍କ୍ ପୂଜା ମାଡ଼ୁତିଡ଼୍, ଇଞ୍ଜେ ଅନାଦ୍‌ ଗଟ୍ ମିକିଂଙ୍କ୍‍ କେତୁତାନ୍ ।

ପ୍ରେରିତ 26:18

ନିମ୍‍ ଅଡ଼ାଦ୍‌ କଣ୍ଡାଙ୍କ୍ ପରିଷ୍କାର୍‍ ମାଡ଼ିମ୍ । ଅଡ଼୍‌‍କିଂଙ୍କ୍ ଇକାଡ଼୍‌ତାଗାଙ୍କ୍ ୱେସିନାଗ୍ ନୁ ଶୟ୍‍ତାନ୍‍ତାଗାଙ୍କ୍ ଇଶ୍ୱର୍‌ତେ ପାକେ ତାତାନଙ୍କ୍ ଆଦ୍‍ତେ, ବେଲାକି ଅଡ଼୍‌ ନାକିଂଙ୍କ୍ ବିଶ୍ୱାସ୍ ମାଡ଼୍‍କେ ଅଡ଼ାଦ୍‌ ପାପ୍ କ୍ଷମା ଆଦ୍‍ତେ ନୁ ପ୍ରବୁ ହେଞ୍ଚ୍‍ତେ ନାରୁଡ଼୍ ଲୋପେ ଅଡ଼୍‌‍କ୍ ଅଦିକାର୍‌‍ ଦର୍‍କିତ୍ ।’”

ରୋମୀୟ 1:28

ମେଣ୍ଡେ ଅଡ଼୍‌ ଇଶ୍ୱର୍‌ତେ ବିଷୟ୍‍ତାଦ୍ ବୁଦ୍‍ ଗ୍ରହଣ୍‍ ମାଡ଼ାନଙ୍କ୍ ପାର୍‍ୱଡ଼୍, ଆଦେରକମ୍ ଇଶ୍ୱର୍ କାରାପ୍ ପାଡ଼୍‍ୟି ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ କାରାପ୍ ବୁଦ୍‍ ଇତ୍‍ତନ୍ ।

ରୋମୀୟ 3:11

ବେନ ବୁଜେମ୍ ଆଦ୍‍ତନ୍, ଇଦ୍ ରକମ୍ ବେନ ଇଲ୍‍ଲାଣ୍ଡ୍; ବେନ ଇଶ୍ୱର୍‌ତିଙ୍କ୍ ମେଏକିତଣ୍ଡ୍, ଇଦ୍ ରକମ୍ ୱେରଣ୍ଡ୍‍ବା ଇଲ୍‍ଲାଣ୍ଡ୍;

ରୋମୀୟ 3:26

ମେଣ୍ଡେ ଇଞ୍ଜେତ୍‍ ଯୁଗ୍‍ତାଗ୍ ନିଜେତ୍ ଦାର୍ମାମ୍ ତଅତାନ୍ ମାୟ୍‍ଦିଙ୍କ୍ ଅଣ୍ଡ୍‌ ପାପ୍‍ କ୍ଷମାତାଦ୍‍ ନିୟମ୍‍ ମାଡ଼୍‍ତଣ୍ଡ୍, ବେଲାକି ଅଣ୍ଡ୍‌ ନିଜେ ଦାର୍ମାମ୍ ନୁ ଜିସୁ କ୍ରିଷ୍ଟନାଗ୍ ବିଶ୍ୱାସ୍‍ ମାଡ଼ାନଡ଼୍‍କ୍‍ ଦାର୍ମ୍ ନାରୁଡ଼୍ ଇଞ୍ଜ କେତିତଡ଼୍‍ ।

୧ କରନ୍ତିୟ 1:21

ଇଶ୍ୱର୍ ତାନାଦ୍‌ ବେଡ଼ିୟଡ଼୍ ବୁଦ୍‍ତେ ଆଲ୍‌ସି ମାତ୍‌ତଣ୍ଡ୍ ଯେ ନାରୁଡ଼୍ ତାମ୍ ବୁଦ୍ ତଡ଼୍ ଇଶ୍ୱରତିଙ୍କ୍ ପୁନ୍ଦେପାର୍ୱଡ଼୍ । ମେଣ୍ଡେଅଣ୍ଡ୍‌‍ପାକା, ମାମ୍‍ମେ ପ୍ରଚାର୍ ମାଡ଼ାନାଦ୍ ଗଟ୍‍ତାଗ୍ ମାନ୍ଦାନ୍ ପିନ୍ଦ କାବୁର୍‌ତିଙ୍କ୍ ବିଶ୍ୱାସ୍ ମାଡ଼ାନ୍‌ ନାରୁଡ଼୍‌କିଙ୍ଗ୍ ଗେଲ୍‌ସ୍ପାନ୍‌ ମାଇଦିଙ୍କ୍ ଇଶ୍ୱର୍ ଆଲ୍‌ସି ମିନ୍ଦେଣ୍ଡ୍ ।

୧ କରନ୍ତିୟ 15:34

ଆଦିଙ୍କ୍ ସାୟେତ୍‍ ବୁଦ୍‍ତେ ମାନୁଟ୍, ପାପାମ୍ ମାଡ଼୍‍ମାଟ୍ । ମିକିଂଙ୍କ୍ ସିଗିଙ୍କ୍ ସେଙ୍ଗେ ନାନ୍‍ନେ ଇଦ୍ କେତୁତାନ୍, ମିଇ ଲୋପେଙ୍କ୍ ବେସ୍‍କ୍‍ତୁଡ଼୍‍ ଇଶ୍ୱର୍‌ତିଙ୍କ୍ ପୁନଡ଼୍ !

୨ କରନ୍ତିୟ 4:4

ଅଡ଼୍‌ ବିଶ୍ୱାସ୍ ମାଡ଼ଡ଼୍‍, ବାତେଙ୍କ୍‍ଇତ୍କେ ଅଡ଼୍‌ ମନ୍‍ତିଙ୍କ୍‌ ଇଦ୍ ଜଗତ୍‌ ନାରୁଡ଼୍‍କିଂଙ୍କ୍ ଶୟ୍‍ତାନ୍‍ କାନାଲ୍‌ ମାଡ଼ିତ୍‍ତେ । ମେଣ୍ଡେ ଇଶ୍ୱର୍‌ତେ ସାରେ ବିଷୟ କ୍ରିଷ୍ଟନ୍ ମାହିମାନିତ ସୁସମାଚାର୍‌ତେ ୱେସ୍ ଅଡ଼୍‌ ପାକ୍ ୱେସ୍ଆୟ ।

୨ ଥେସଲନିୟ 1:8

ବେନଡ଼୍ ଇଶ୍ୱର୍‌ତିଙ୍ଗ୍ ପୁନଡ଼୍ ନୁ ମାନ୍‍ ପ୍ରବୁ ଜିସୁନ୍ ସୁସମାଚାର୍ ମାନେମ୍‍ ଆୟ୍‍ୟଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ହିଦ୍‍ତନ୍ ।

ଏବ୍ରୀ 8:11

ଆସୁଟ୍‍ ଅଡ଼୍‌‍ ଗାରେତଡ଼୍‍କ୍‍ ଶିକ୍ଷା ଇଦାନଙ୍କ୍ ଦର୍‍କାର୍‍ ଆୟ, ବା ଦେଶ୍‍ତେ ନାରୁଡ଼୍‍କ୍‍ ‘ପ୍ରବୁଙ୍କ୍‍ ପୁନୁଟ୍,’ ଇଦ୍‍ ଗଟ୍‍ କେତାନଙ୍କ୍ ଦର୍‍କାର୍‍ ଆୟ, ବାତେଙ୍କ୍‍ଇତ୍‍କେ ସୁଦୁଲଡ଼୍‍ନୁଞ୍ଚ୍‍ ବେଡ଼ିୟଡ଼୍‍ ଏୱୁନା ସାର୍ରେତଡ୍‌ ନାକିଙ୍କ୍‍ ପୁଞ୍ଜ୍‌ମାନ୍‌ତଡ୍‌ ।

୧ ଯୋହନ୍‌‌ 1:9

ବାତେଙ୍କ୍ଇତ୍କେ ଇଶ୍ୱର୍‌ତେ ଗାରେ ଯଦି ମାନାଦ୍‍ ପାପ୍ ସ୍ୱୀକାର୍ ମାଡ଼ିତାଡ଼୍, ଇଶ୍ୱର୍ ତାନ୍ ଅନ୍‌‍ ଆଦେଶ୍‌ତେ ମାନ୍‍ ପରୁ ନ୍ୟାୟତେ ବ୍ୟବହାର୍‌ ମାଡ଼ିତନ୍ ଅଣ୍ଡ୍‌ ମାନ୍‍ ପାପ କ୍ଷମା ମାଡ଼ି ସାରେ ଅଦର୍ମତେ ମାନାଙ୍କ୍ ପରିଷ୍କାର୍ ମାଡ଼ାନଙ୍କ୍‍ ବିଶ୍ୱସ୍ତ ବା ନ୍ୟାୟବାନ୍‍ ଆଦ୍‍ତଣ୍ଡ୍‍ ।

ପ୍ରକାଶିତ୍‌ ବାକ୍ୟ 13:8

ପୃତିବିତେ ତିୟାର୍ ଆତ୍‍ତେ ମୁନେନ୍‍ ବେନଡ଼୍ ପେଦେର୍‍ତେ ଯୁଦ୍‌ ଆସ୍‍ମାତେ ମେକାଗଲାନଡ଼୍‍ ଜୀୱେ ବଇତାଗ୍ ଲେକା ଆସ୍‍ମାତେ, ଅଡ଼୍‌‍କିଂଙ୍କ୍‍ ୱିଡ଼୍‍ସି ପୃତିବି ତାଗ୍‍ ମେଣ୍ଡ ବେନଡ଼୍‍ ସାର୍‍ତଡ୍ ପଶୁନ୍‍ ପୁଜା ମାଡ଼ିତଡ଼୍ ।

ପ୍ରକାଶିତ୍‌ ବାକ୍ୟ 16:5

ଆସୁଙ୍ଗ୍ ନାନେ କେଞ୍ଜ୍‍ତାନ୍, ଏର୍‍ଦେ ଦାୟିତତେ ମାନ୍ଦାନ୍ ଦୂତ କେତୁତେ, “ନିମେ ପବିତ୍ର, ନିମେ ଇଞ୍ଜେ ନୁ ସାରେଦିନାତ୍‍ତନ୍; ନିମେ ଟିକ୍ ବିଚାର୍ ମାଡ଼୍‍ତିନ୍ ।