ଯୋହନ୍‌‌ 17:24 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁴ “ହଁ ବାବା ! ନିମ୍‍ ନାକିଂଙ୍କ୍ ବେନଡ଼କ୍ ହିତ୍‍ତିନ୍, ନାନ୍ ବେଗେ ମାନ୍‍ତାନ୍, ଅଡ଼୍‌ ଆନ୍‌‍ତେ ଆଦେପୁଟୁଙ୍କ୍ ଆଗେ ନା ତଡ଼୍ ମାନ୍‍ତଡ଼୍ ନୁ ଜଗତ୍ ତିଆର୍ ଆଦାନ୍ ମୁନେଙ୍କ୍ ନିମ୍‍ ନାକିଂଙ୍କ୍ ପ୍ରେମ ମାଡ଼ି ବେନ୍ ଗୌରବ୍ ହିତ୍‍ତିନ୍, ନାୱାଦ୍ ଆଦ୍ ଗୌରବ୍ ଅଡ଼୍‌ ବେଲା ଉଡ଼ିତଡ଼୍, ଇଦ୍ ନାୱାଦ୍ ଇଚ୍ଛା ।

ଯୋହନ୍‌‌ 17:24 ပူးပေါင်းရင်းမြစ်များ

ମାତିଉ 25:21

ମାଲିକ୍ ସାର୍‍ଦେ ଆଶେ କେତ୍‍ତଣ୍ଡ୍, ଟିକ୍ ମାଡ଼୍‍ତିନ୍, ନିମ୍‍ ଲେକେତ୍‍ ନୁ ବିଶ୍ୱାସ୍ତ ଦାସନି । ନିମ୍‍ ବିଶ୍ୱାସ୍ତେ ଲେକାମ୍ ସୁଦୁର୍ ଦନ୍‍ତିଙ୍କ୍ କାର୍‍ବାର୍‍ ମାଡ଼ି ମାନ୍ଦାନ୍ ମାଇଦିଙ୍କ୍ ନି କାୟିଦେ ନାର୍‍ଗେ ଦନ୍ ୱିଡ଼୍‍ସିଦ୍‍ତାନ୍‍ । ୱାଡ଼ା, ନା ତଡ଼୍ ୱେଡ଼୍‍କା ମାଡ଼ା ।

ମାତିଉ 25:23

ମାଲିକ୍ କେତ୍‍ତଣ୍ଡ୍, “ଲେକେତ୍‌ ମାଡ଼୍‍ତି । ନିମ୍‍ଆନ୍ତେ ଲେକେତ୍‍ ଚାକର୍ ତନି । ସୁଦୁର୍ ଦନ୍‍ତାଗେ ବିଶ୍ୱାସ୍ ତତ୍‍ତିନ୍‍ । ନାର୍‍ଗେ ଦନ୍ ନାନ୍ ନି ମାଇଦିଙ୍କ୍ ଗୁଡ଼୍‍ପି ମାଡ଼ିଦ୍‍ତାନ୍‍ । ୱାଡ଼ା ନା ସାର୍‍ଦେ ତାଗ୍ ବାଗି ଆୟ୍‍ମ୍‍ ।”

ମାତିଉ 25:34

ତାନ୍‍ପେର୍କେ ଅନ୍‌ ତିନ୍ଦେପାକ୍ ମାନ୍ଦାନ୍ ନାରୁଡ଼୍‍କିଂଙ୍କ୍ ରାଜାଲ୍ କେତିତଣ୍ଡ୍, ୱାଡ଼ାଟ୍, ମିକିଂଙ୍କ୍ ନା ବାବାଲ୍ ଆର୍ଶିବାଦ୍ ମାଡ଼ିମିନ୍ଦେଣ୍ଡ୍ । ତିଆର୍‍ତେ ମୁନେଙ୍କ୍ ବେନ୍ ରାଜ୍ୟ ମିଇ ମାଇଦିଙ୍କ୍ ତିଆର୍ ଆସ୍‍ମିନ୍ଦେ, ୱାଡ଼ାଟ୍, ଆଗେ ନେଙ୍ଗାଟ୍‍ ।

ମାତିଉ 26:29

ନାନ୍‍ନେ କେସ୍ ନେହ୍‍ତୁତାନ୍‍, ନା ବାବାନ୍ ରାଜ୍ୟତାଗେ ମିଇ ତ ପୁନାଦ୍ ଦ୍ରାକ୍ଷାରସ୍ ଉନ୍‍ନା ଯାକ ନାନ୍ ମେଣ୍ଡେ ବେସୁଙ୍କ୍‍ ଅଙ୍ଗୁର୍‌ରସ୍ ଉନ୍‍ନନ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:37

ପ୍ରବୁ ୱାସ୍ ବେନ୍ ଚାକରିଡ଼୍ ତିଆର୍‍ତେ ମାନ୍‍ତଡ଼୍ ଅଡ଼୍‌‍କିଂଙ୍କ୍ ଉଡ଼ିତଣ୍ଡ୍, ଅଡ଼୍‌‍ ଦନ୍ୟ; ନାନେ ମିକିଂଙ୍କ୍ ସତ୍ କେତୁତାନ୍, ମାଲିକ୍ ଆନ୍‌‍ତେ ଅଡ଼୍‌‍ ସେବା ମାଡ଼ାନ୍ ମାଇଦିଙ୍କ୍ ନିଜେ ତିଆର୍ ଆଦ୍‍ତନ୍ । ଅନ୍‌ ଅଡ଼୍‌‍କିଂଙ୍କ୍ କୁଦାନ୍ ମାଇଦିଙ୍କ୍ କେତିତଣ୍ଡ୍, ନୁ ନିଜେ ଅଣ୍ଡ୍‌ ତିନ୍ଦାଙ୍କ୍ ଇଦ୍‍ତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 23:43

ଆଗାଙ୍କ୍ ଜିସୁ ଅଙ୍କ୍‌ କେତ୍ତଣ୍ଡ୍, ନାନ୍ ମିକିଂଙ୍କ୍ ସତ୍ କେତୁତାନ୍, “ନେଣ୍ଡ୍ ନିମେ ନାତଡ଼୍ ସ୍ୱର୍ଗ ଦେଶ୍‍ତାଗ୍ ଆଦ୍‍ତିଡ଼୍ ।”

ଯୋହନ୍‌‌ 1:14

ମେଣ୍ଡେ, ଆଦ୍ ବାକ୍ୟ ମେନ୍ଦୁଲ୍ ପଇତେ, ମେଣ୍ଡେ ଅନୁଗ୍ରହ ନୁ ସତ୍‍ତେ ନିଣ୍ଡି ମାନ୍‍ ଲୋପେ ବାସେ ମାଡ଼୍‍ତଣ୍ଡ୍, ମେଣ୍ଡେ ବାବାନାଗାଙ୍କ୍ ୱାତ୍ ୱେରଡ଼୍ ଇଞ୍ଜ ମାର୍‍ଦେ ମହିମା ଲେକାମ୍ ମାମ୍‍ମେ ଅନ୍‌ ମହିମାତିଙ୍କ୍ ଉଡ଼୍‍ତମ୍ ।

ଯୋହନ୍‌‌ 12:26

ବେନ ନା ଦାସ ଆତ୍‍ଦାଙ୍କ୍ ଇଚ୍ଛା ମାଡ଼ିତନ୍, ଆଲେକେ ଅଣ୍ଡ୍‌ ନା ପେର୍‍କେ ୱାଡ଼ିଣ୍ଡ୍; ମେଣ୍ଡେ, ନାନ୍ ବେଗା ମାନ୍‍ତାନ୍, ଆଗେ ଅଣ୍ଡ୍‌ ଆନ୍‌‍ତେ ମାନ୍‍ତନ୍; ବେନ ନା ସେବା ମାଡ଼ିତନ୍, ଆଲେକେ ବାବାଲ୍ ଅଂକିଙ୍କ୍‌ ସମ୍ମାନ୍ ହିଦ୍‍ତଣ୍ଡ୍ ।

ଯୋହନ୍‌‌ 14:3

ମେଣ୍ଡେ ନାନ୍ ଆଞ୍ଜ୍ ମିଇ ମାଇଦିଙ୍କ୍ ପଡ଼ିୟେ ମାଡ଼ି ମେଣ୍ଡନ୍ ଦାମ୍ ୱାଦ୍‍ତାନ୍, ମେଣ୍ଡେ ନାନ୍ ବେନ୍ ପଡ଼ିୟେ ତାଗ୍ ମାନ୍‍ତାନ୍, ମିଡ଼୍‍ଆନ୍‌ନ୍ତେ ଆଗେ ମାନ୍‍ତିଡ଼୍, ଆଦିନ୍ ସେଙ୍ଗେ ମିଇ ପାକେ ୱାଦ୍‍ତାନ୍ ।

ଯୋହନ୍‌‌ 15:9

ବାବାଲ୍ ବେଲା ନାକିଂଙ୍କ୍ ପ୍ରେମ ମାଡ଼୍‍ତଣ୍ଡ୍, ନାନ୍ ମିକା ଆଲେକେ ମିକିଂଙ୍କ୍ ପ୍ରେମ ମାଡ଼୍‍ତାନ୍; ନା ପ୍ରେମାତାଗ୍ ତିଆର୍ ଆସ୍ ମାନୁଟ୍ ।

ଯୋହନ୍‌‌ 17:2

ନିମ୍‍ ଅଂକିଙ୍କ୍‌ ସାରେ ନାରୁଡ଼୍ ପର୍‍ର ଅଦିକାର୍‌ ହିତ୍‍ତି, ବେଦ୍‍ରକମ୍‍ ନିମ୍‍ ଅଂକିଙ୍କ୍‌ ବେନ୍ ନାରୁଡ଼୍‍କ୍ ହିତ୍‍ତିନ୍, ଅଡ଼୍‌‍କ୍ ସାରେଦିନାତ୍ ଜିୱୁଣ୍ଡ୍ ହିଦ୍‍ତଣ୍ଡ୍ ।

ଯୋହନ୍‌‌ 17:22

ମେଣ୍ଡେ ନିମ୍‍ ନାକିଂଙ୍କ୍ ବେନ୍ ମହିମା ହିତ୍‍ତିନ୍, ନାନ୍ ଅଡ଼୍‌‍କିଂଙ୍କ୍ ଆଦ୍ ହିତ୍‍ତାନ୍, ବେଲା ମାନାଡ଼୍ ଅଣ୍ଡୟାଗେ ଆଦ୍‍ତାଡ଼୍, ଅଡ଼୍‌ ଆଦେଲେକାମ୍ ଅଣ୍ଡୟାଗେ ଆଦ୍‍ତଡ଼୍ ।

ଯୋହନ୍‌‌ 17:5

ଇଞ୍ଜେ, ହୋ ବାବା, ଜଗତ୍‍ତାଦ୍ ତିଆର୍ ମୁନେଙ୍କ୍ ନି ତଡ଼୍ ନାୱାଦ୍ ବେନ୍ ମହିମା ମାତ୍‍ତା, ଇଞ୍ଜେ ନିମ୍‍ ନାକିଂଙ୍କ୍ ଆଦ୍ ମହିମା ହିମ୍ ।”

ଯୋହନ୍‌‌ 6:37

ବାବାଲ୍ ବେନଡ଼୍‍କିଂଙ୍କ୍ ନାକିଂଙ୍କ୍ ଦାନ ମାଡ଼ିତନ୍, ଅଡ଼୍‌ ନା ଗାର୍‍ରେ ୱାଦ୍‍ତଡ଼୍‍; ମେଣ୍ଡେ, ବେନ ନା ଗାର୍‍ରେ ୱାଦ୍‍ତଣ୍ଡ୍, ଅଂକିଙ୍କ୍‌ ନାନ୍ ବେଦ୍‍ଲେକାମ୍ ବାୟିଦେ ପେସ୍‍ପିୱନ୍‍;

ଯୋହନ୍‌‌ 6:39

ମେଣ୍ଡେ, ନା ପ୍ରେରଣାକର୍ତ୍ତାଲ୍‍ ବେନ୍ ସାର୍‍ତଡ଼୍‍କିଙ୍କ୍ ନାକିଂଙ୍କ୍ ଦାନ ମାଡିସ୍‍ମିନ୍ଦେଣ୍ଡ୍, ଅଡ଼୍‌ ଲୋପେଙ୍କ୍ ବେନଙ୍କ୍ ମେଣ୍ଡେ ବେଦ୍‍ପୁଟୁଙ୍କ୍ ନାନ୍ ହରାମାଡ଼କଟ୍‍ ବେଲାନ୍ ଶେଷ ଦିନ୍‍ତେ ଅଡ଼୍‌‍କିଂଙ୍କ୍ ମେଣ୍ଡେନ୍‍ଦାମ୍ ବାଦ୍‍କିତାନ୍, ଇଦ୍ ଅନାଦ୍‌ ଇଚ୍ଛା ।

ଯୋହନ୍‌‌ 8:58

ଜିସୁ ଅଡ଼୍‌‍କ୍ କେତ୍‍ତଣ୍ଡ୍, “ସତ୍ ନାନ୍ ମିକିଂଙ୍କ୍ କେତୁତାନ୍, ଅବ୍ରାହାମ୍‌ ତେ ଜନମ୍ ମୁନେଙ୍କ୍ କନ୍‍ସ୍ ନାନ୍ ମିନ୍ଦେନ୍ ।”

୧ କରନ୍ତିୟ 13:12

ଇଞ୍ଜେ ମାମ୍‍ମେ ବାତ୍ ଉଡ଼ୁତମ୍, ଆଦ୍ ଦର୍ପନ୍‍ତାଗ୍ ତନ୍ଦାନ୍ ମକମ୍ ଲେକାମ୍ । ଇତ୍‍କେ ଦିନାମ୍ ୱାଦ୍‍ତେ, ଆସୁଟେ ଆଦ୍ ମାନାଡ଼୍ ମୁନ୍‍ନେ ଉଡ଼ିତାଡ଼୍ । ଇଞ୍ଜେ ନାନ୍ ବାତ୍ ପୁନ୍ଦ୍‍ତାନ୍, ଆୱୁସାର୍ରେ ମାୟା । ଇଶ୍ୱର୍ ନାକିଂଙ୍କ୍ ସାରେ ପୁତ୍‍ତେ ଲେକାମ୍ ଆସୁଟେ ନାୟାଦ୍ ବୁଦ୍‍ତେ ଗାଲା ସାରେ ଆଦ୍‍ତେ ।

୨ କରନ୍ତିୟ 3:18

ମାନାଡ଼୍ ସାରେତଡ଼୍ ମକମ୍‍ତେ ଦାର୍ପୁନ୍‍ତାଗ୍ ଉଡ଼ାନ୍ ଲେକାମ୍ ପ୍ରବୁନ୍ ଗୌରବ୍ ତଅନ୍‌ଦୁତ୍ ନୁ ପ୍ରବୁନାଗାଙ୍କ୍ ପେୟ୍‍ତାଦ୍ ଆଦ୍ ମାଇମାତେ ତଡ଼୍ ମାନାଡ଼୍ କାମ୍‍କେ ଲେକାମ୍ ଅନ୍‌ ରକମ୍‌ ବାଦ୍‍ଲେମ୍ ଆଦୁତ୍‍ତେ ।

୨ କରନ୍ତିୟ 4:6

ବାତେଙ୍କ୍ ଇତ୍‍କେ ବେନ୍ ଇଶ୍ୱର୍‌ କେସ୍‍ମାତ୍‍ତନ୍, “ଇକାଡ଼୍ ତାଗ୍ ୱେସ୍ ସାରେପାକ୍ ଆୟି,” ଆଦ୍ ଇଶ୍ୱର୍ ଜିସୁନ୍‌ ମକତାଗ୍ ସାରେପାକ୍ ଐଶ୍ୱରିକ୍ ମାହିମା ଉଡ଼ାନ୍ ସେଙ୍ଗେ ମା ହୃଦୟତିଙ୍ଗ୍ ୱେସ୍ ମାଡ଼୍‍ତଣ୍ଡ୍ ।

୨ କରନ୍ତିୟ 5:8

ଆଦିଙ୍କ୍ ମାମ୍‍ମେ ସାହାସ୍‍ତଡ଼୍‍, ମେଣ୍ଡେ ଇଦ୍ ମେନ୍ଦୁଲ୍‌ ୱିଡ଼୍‍ସି ମିକା ପ୍ରବୁନ୍ ତଡ଼୍ ମାନ୍ଦାନ୍ ସେଙ୍ଗେ ମାମ୍‍ମେ ଅଦିକ୍‌ ସାର୍‍ଦେ ।

ଫିଲିପିୟ 1:23

ନାନ୍ ରେଣ୍ଡ୍‍ପାକେ ରେଣ୍ଡ୍ ଆକର୍ଷଣତେ ମିନ୍ଦେ । ଇଦ୍ ଜିୱୁନ୍ ୱିଡ଼୍‍ସି କ୍ରିଷ୍ଟନ୍ ତଡ଼୍ ମାନ୍ଦାନଙ୍କ୍ ନାୟାଦ୍ ଗାଟି ଇଚ୍ଛା । ଆଲେକେ ଇଦ୍ ଲେକାମ୍ ।

୧ ଥେସଲନିୟ 4:17

ତାନ୍ ପେର୍‍କେ ବେନଡ଼୍ ଆଦ୍ ସମୟ୍‍ତେ ଜିୱୁନ୍ ମାନ୍‍ତମ୍, ମାବ୍‍ତାଗ୍ ଅଡ଼୍‌‍ତଡ଼୍ ଉତ୍‍ତାପିତ ଆସ୍ ମୟଲ୍‍ତାଗ୍ ପ୍ରବୁନ୍‍ତଡ଼୍ ସାକ୍ଷାତ୍ ମାଡ଼ିତମ୍ । ତାନ୍ ପେର୍‍କେ ମାମ୍‍ମେ ସାରେଦିନାମ୍ ପ୍ରବୁନ୍‍ତଡ଼୍ ମାନ୍‍ତମ୍ ।

୧ ପିତର୍‍ 1:21

ଅନ୍‌ ସେଙ୍ଗେ ମୀଇଡ଼୍ ଇଶ୍ୱର୍‌ତେ ବିଶ୍ୱାସି ଆତ୍‍ତିଡ଼୍ । ଅନ୍‌ ମହିମା ସେଙ୍ଗେ ଡଲ୍‍ତାଗାଙ୍କ୍ ତେସ୍‍ ମିକା ଏଞ୍ଚିମାନ୍ଦାନ୍ ଇଶ୍ୱର୍‌ତେ ପରୁ ମୀୟାଦ୍ ବିଶ୍ୱାସ୍ ନୁ ଆସେ ଡୁଟାଙ୍ଗ୍‍ ଆତ୍‍ତେ ।

୧ ଯୋହନ୍‌‌ 3:2

ଆ ନା ପ୍ରିୟ ସାଙ୍ଗନଡ଼ି, ଇଞ୍ଜେ ମାନାଡ଼୍ ଇଶ୍ୱର୍‌ତେ ପିଲାନଡ଼୍, ବାତେଙ୍କ୍ଇତ୍କେ ବବିଷ୍ୟତ୍‍ତେ ବାତେ ଆଦ୍‍ତାଡ଼୍, ଇଦ୍‍ ଗଟ୍ ମେଣ୍ଡେ ପ୍ରକାଶ୍ ଆୟକେ । ଇସର୍ ମାତର୍‌ ମାନାଡ଼୍ ପୁତ୍‍ତାଡ଼୍, ବେସୁଙ୍କ୍‍ କ୍ରିଷ୍ଟ ମେଣ୍ଡନ୍‍ଦାମ୍ ୱାଦ୍‍ତନ୍, ମାନାଡ଼୍ ଅନ୍‌‍ୱାଦ୍‍ ନିଜାତାଦ୍‍ ମକମ୍‌ ଉଡ଼ି ଅନ୍‌‍ ଲେକାମ୍ ଆଦ୍‍ତାଡ଼୍ ।

ପ୍ରକାଶିତ୍‌ ବାକ୍ୟ 21:22

ନାନେ ନାର୍‍ଦାଗ୍‍ ବାତ୍‍ ମନ୍ଦିର୍ ବା ଉଡ଼ନ୍‍, କିନ୍ତୁ ସ୍ୱୟଂ ସାରେତିଙ୍କ୍‍ ଶକ୍ତିମାନ୍‍ ଇଶ୍ୱର୍ ନୁ ମେଣ୍ଢା ମେୟ୍‍ତାନଣ୍ଡ୍ ଅଦୁତଣ୍ଡ୍ ଆଦ୍‍ ନାର୍‍ଦେ ମନ୍ଦିର୍‍ ।

ପ୍ରକାଶିତ୍‌ ବାକ୍ୟ 3:21

ନାନେ ବେଲାନ୍ ଜିଡ଼ି ମିକା ନା ବାବାନ୍ ତଡ଼୍ ତାନ୍ ସିଂହାସନ୍‌ତାଗେ କୁଦିମିନ୍ଦେନ୍, ବେନଡ଼୍ ୱେର୍‍ତଡ଼୍, ଅଣ୍ଡ୍‌ ସାରେତଡ଼୍‍କ୍ ନାନେ ଟିକ୍‌ ଆଦେଲେକାମ୍ ନାୟାଦ୍ ସିଂହାସନ୍‌ତାଗ୍ ନା ଗାରେ କୁଦାନଙ୍କ୍ ଅଦିକାର୍‌ ଇଦ୍‍ତାନ୍ ।