ଯୋହନ୍‌‌ 17:23 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²³ ନାନ୍ ଅଡ଼ାଗ୍ ନୁ ନିମ୍‍ ନାୟାଗ୍ ବେଦ୍‍ଲେକାମ୍ ଅଡ଼୍‌ ପବିତ୍ର ଆସ୍ ଅଣ୍ଡୟାଗେ ଆଦ୍‍ତଡ଼୍, ଆଲେକେ ଜଗତ୍ ପୁନ୍‍ତେ ଯେ ନିମ୍‍ ନାକିଂଙ୍କ୍ ରଅତିନ୍, ମେଣ୍ଡେ ନାକିଂଙ୍କ୍ ବେନ୍ ଲେକାତ୍ ପ୍ରେମ ମାଡ଼୍‍ତି, ଅଡ଼୍‌‍କିଂଙ୍କ୍ ମିକା ଆଦେ ଲେକାତ୍ ପ୍ରେମ ମାଡ଼୍‍ତିନ୍ ।”

ଯୋହନ୍‌‌ 17:23 ပူးပေါင်းရင်းမြစ်များ

ଯୋହନ୍‌‌ 10:38

ବାତେଙ୍କ୍ ଇତ୍‍କେ ଯଦି ନାନ୍ ମାଡ଼ିତାନ୍, ଆଲାଇତ୍‍କେ ଆଗେଙ୍କ୍ ମିଡ଼୍ ନାକିଂଙ୍କ୍ ବିଶ୍ୱାସ୍ ମାଡ଼୍‍ମାଟ୍, ଆଗେକ୍ ବାବାଲ୍ ଯେ ନାୟାଗେ ମିନ୍ଦେଣ୍ଡ୍ ନୁ ନାନ୍ ବାବାନାଗ୍ ମିନ୍ଦେନ୍, ଇଦ୍ ବେଲାକି ମିଡ଼୍ ପୁତ୍‍ତିଡ଼୍ ନୁ ପୁନୁଟ୍, ଆଦିନ୍ ମାଇଦିଙ୍କ୍ କାମ୍‍ସାରେ ବିଶ୍ୱାସ୍ ମାଡ଼ାଟ୍ ।”

ଯୋହନ୍‌‌ 13:35

ଯଦି ମିୱାଦ୍ ମିଇ ମିଇ ଲୋପେ ପ୍ରେମ ମାତ୍‍କେ, ଆଲେକେ ମିଡ଼୍ ଯେ ନା ଶିଷ୍ୟ, ଇଦ୍ ସାରେତଡ଼୍ ଇଦିନ୍ ତଡ଼୍ ଗ୍ୟାତ ଆଦ୍‍ତିଡ଼୍ ।

ଯୋହନ୍‌‌ 14:10

ନାନ୍ ଯେ ବାବାନାଗେ ମିନ୍ଦେନ୍ ନୁ ବାବାଲ୍ ନାୟାଗ୍ ମିନ୍ଦେନ୍, ଇ ଗଟ୍ ବାତେଏ ବିଶ୍ୱାସ୍ ମାଡ଼୍‍ୱିନ୍ ? ନାନ୍ ମିକିଂଙ୍କ୍ ବେନ୍ ସାରେ ବାକ୍ୟ କେତ୍‍ତାନ୍, ଆଦ୍‍ ସାରେ ନା ନିଜେତ୍ ତାଗାଙ୍କ୍ କେଲନ୍, ବାତେଙ୍କ୍ ଇତ୍‍କେ ବାବାନାଗେ ମାଞ୍ଜ୍ ନିଜେତ୍ ପାଡ଼୍‍ୟି ମାଡ଼ୁତଣ୍ଡ୍ ।

ଯୋହନ୍‌‌ 14:23

ଜିସୁ ଅଂକିଙ୍କ୍‌ ଉତ୍ତର୍ କେତ୍‍ତଣ୍ଡ୍‌, ଯଦି ବେନ ନାକିଂଙ୍କ୍ ପ୍ରେମ ମାଡ଼୍‍କେ ଆଲେକେ ଅଣ୍ଡ୍‌ ନା ବାକ୍ୟ ପାଲନ୍ ମାଡ଼ିତନ୍, ମେଣ୍ଡେ ନା ବାବାଲ୍ ଅଂକିଙ୍କ୍‌ ପ୍ରେମ ମାଡ଼ିତନ୍, ମେଣ୍ଡେ ମାମ୍‍ମେ ଅନ୍‌ ପାକେ ୱାସ୍ ଅନ୍‌ ତଡ଼୍ ମାନ୍‍ତମ୍ ।

ଯୋହନ୍‌‌ 15:9

ବାବାଲ୍ ବେଲା ନାକିଂଙ୍କ୍ ପ୍ରେମ ମାଡ଼୍‍ତଣ୍ଡ୍, ନାନ୍ ମିକା ଆଲେକେ ମିକିଂଙ୍କ୍ ପ୍ରେମ ମାଡ଼୍‍ତାନ୍; ନା ପ୍ରେମାତାଗ୍ ତିଆର୍ ଆସ୍ ମାନୁଟ୍ ।

ଯୋହନ୍‌‌ 16:27

ବାବାଲ୍ ନିଜେ ମିକିଂଙ୍କ୍ ପ୍ରେମ ମାଡ଼ିତନ୍, ବାତେଙ୍କ୍ ଇତ୍‍କେ ମିଡ଼୍ ନାକିଂଙ୍କ୍ ପ୍ରେମ ମାଡ଼୍‍ତିଡ଼୍ ନୁ ନାନ୍ ଯେ ଇଶ୍ୱର୍‌ତାଗାଙ୍କ୍ ୱାସ୍‍ମିନ୍ଦେନ୍, ଆଦ୍ ମିଡ଼୍ ବିଶ୍ୱାସ୍ ମାଡ଼୍‍ତିଡ଼୍ ।

ଯୋହନ୍‌‌ 17:11

ନାନ୍ ମେଣ୍ଡେ ଇଦ୍ ଜଗତ୍‍ତାଗ୍ ମାନନ୍, ବାତେଙ୍କ୍ ଇତ୍‍କେ ଇଡ଼୍ ଇଦ୍ ଜଗତ୍‍ତାଗ୍ ମାନ୍‍ତଡ଼୍; ମେଣ୍ଡେ ନାନ୍ ନି ଗାର୍‍ରେ ଆଦୁତାନ୍ । ପବିତ୍ର ବାବା, ନିମ୍‍ ନାକିଂଙ୍କ୍ ହିତ୍‍ତେ ପେଦେର୍‍ତେ ଶକ୍ତି ତଡ଼୍ ଅଡ଼୍‌‍କିଂଙ୍କ୍ ରକ୍ଷା ମାଡ଼ା ବେନ୍ ପେଦେର୍ ନାକିଂଙ୍କ୍ ହିତ୍‍ତି, ବେଦ୍‍ରକମ୍‍ ମାନାଡ଼୍ ଅଣ୍ଡୟାଗେ ଆଦ୍‍ତାଡ଼୍, ଅଡ଼୍‌ ଆଦେରକମ୍ ଅଣ୍ଡୟାଗେ ଆଦ୍‍ତଡ଼୍ ।”

ଯୋହନ୍‌‌ 17:21

ବେଲା ଅଡ଼୍‌ ସାରେତଡ଼୍ ଅଣ୍ଡୟାଗେ ଆଦ୍‍ତଡ଼୍; ହଁ ବାବା ନିମ୍‍ ବେଲା ନାୟାଗେ ମିନ୍ଦେନି ନୁ ନାନ୍ ନିୟାଗ୍ ମିନ୍ଦେନ୍, ଅଡ଼୍‌ ମିକା ଆଲେକେ ମାୟାଗ୍‌ ମାନିଡ଼୍, ବେଦ୍‍ଲେକାମ୍ ନିମ୍‍ ନାକିଂଙ୍କ୍ ରହତ୍‍ତି ଇଞ୍ଜ ଜଗତ୍ ବିଶ୍ୱାସ୍ ମାଡ଼ିତ୍ ।

ଯୋହନ୍‌‌ 17:24

“ହଁ ବାବା ! ନିମ୍‍ ନାକିଂଙ୍କ୍ ବେନଡ଼କ୍ ହିତ୍‍ତିନ୍, ନାନ୍ ବେଗେ ମାନ୍‍ତାନ୍, ଅଡ଼୍‌ ଆନ୍‌‍ତେ ଆଦେପୁଟୁଙ୍କ୍ ଆଗେ ନା ତଡ଼୍ ମାନ୍‍ତଡ଼୍ ନୁ ଜଗତ୍ ତିଆର୍ ଆଦାନ୍ ମୁନେଙ୍କ୍ ନିମ୍‍ ନାକିଂଙ୍କ୍ ପ୍ରେମ ମାଡ଼ି ବେନ୍ ଗୌରବ୍ ହିତ୍‍ତିନ୍, ନାୱାଦ୍ ଆଦ୍ ଗୌରବ୍ ଅଡ଼୍‌ ବେଲା ଉଡ଼ିତଡ଼୍, ଇଦ୍ ନାୱାଦ୍ ଇଚ୍ଛା ।

ଯୋହନ୍‌‌ 17:26

ମେଣ୍ଡେ, ନିମ୍‍ ନାକିଂଙ୍କ୍ ବେଦ୍‍ଲେକାମ୍ ପ୍ରେମ ମାଡ଼୍‍ତିନ୍, ଆଦ୍ ବେଲା ଅଡ଼ାଗ୍ ମାନ୍‍ତା ନୁ ନାନ୍ ଅଡ଼ାଗ୍ ମାନ୍‍ତାନ୍, ଇଦିନ୍ ସେଙ୍ଗେ ନାନ୍ ଅଡ଼୍‌‍କିଂଙ୍କ୍ ନି ପେଦେର୍ କେତ୍‍ତାନ୍ ନୁ କେତିତାନ୍ ।”

ଯୋହନ୍‌‌ 17:3

ନିମ୍‍ ୱେର୍‍ନି ସତ୍ ଇଶ୍ୱର୍, ନିକିଂଙ୍କ୍ ନୁ ନିମ୍‍ ରଅତେନଣ୍ଡ୍ ଜିସୁ କ୍ରିଷ୍ଟଙ୍କ୍ ପୁନ୍ଦାନାଦ୍ ଆଦୁତ୍‍ତେ ସାରେଦିନାତ୍ ଜିୱୁଣ୍ଡ୍ ।

ଯୋହନ୍‌‌ 17:8

ବାତେଙ୍କ୍ ଇତ୍‍କେ ନିମ୍‍ ନାକିଂଙ୍କ୍ ବେନ୍ ସାରେ ବାକ୍ୟ ଦାନ ମାଡ଼୍‍ତି, ନାନ୍ ଅଡ଼୍‌‍କିଂଙ୍କ୍ ଆୱ୍ ସାରେ ଦାନ ମାଡ଼୍‍ତାନ୍, ମେଣ୍ଡେ ଅଡ଼୍‌ ଗ୍ରହନ୍ ମାଡ଼୍‍ତଡ଼୍, ମେଣ୍ଡେ ନାନ୍ ଯେ ନିୟାଗ୍ କନ୍‍ସ୍ ୱାସ୍‍ମିନ୍ଦେନ୍, ଆଦ୍ ସତ୍ ଇଞ୍ଜ ପୁଞ୍ଜ୍ ମିନ୍ଦେଡ଼୍‌ ନୁ ନିମ୍‍ ନାକିଂଙ୍କ୍ ରଅତି ଇଞ୍ଜ ବିଶ୍ୱାସ୍ ମାଡ଼୍‍ତଡ଼୍ ।”

ଯୋହନ୍‌‌ 3:17

ଇଶ୍ୱର୍ ତାନ୍ ମାର୍‍ଦିଙ୍କ୍ ଜଗତ୍‍ତାଗ୍ ବିଚାର୍ ମାଡ଼ାନ୍ ମାଇଦିଙ୍କ୍ ରୱଣ୍ଡ୍, ବାତେଙ୍କ୍ ଇତ୍କେ ଜଗତ୍ ବେଦ୍‍ପୁଟୁଙ୍କ୍ ଅନ୍‌‍ତଡ଼୍ ପରିତ୍ରାଣ୍ ଦର୍‍କିତ୍‍ତେ, ଆଦିନ୍ ମାଇଦିଙ୍କ୍ ଅଂକିଙ୍କ୍‌ ରହ୍‍ତଣ୍ଡ୍ ।

ଯୋହନ୍‌‌ 6:56

ବେନ ନା ଆଉଙ୍ଗ୍ ତିନ୍‍ତଣ୍ଡ୍ ନୁ ନା ନେତୁର୍ ଉନ୍‍ତଣ୍ଡ୍, ଅଣ୍ଡ୍‌ ନାୟାଗେ ମାନ୍‍ତଣ୍ଡ୍ ନୁ ନାନ୍ ଅନ୍‌‍ଆଗେ ମାନ୍‍ତାନ୍ ।

୧ କରନ୍ତିୟ 1:30

ଇତ୍‍କେ ଇଶ୍ୱର୍ ମିକିଂଙ୍କ୍ କ୍ରିଷ୍ଟ ଜିସୁନ୍‌ ତଡ଼୍ କାଲ୍‌ପି ମିନ୍ଦେଣ୍ଡ୍‌ ନୁ ଆଦ୍ କ୍ରିଷ୍ଟଙ୍କ୍ କେ ମାନ୍‍ ମାଇଦିଙ୍କ୍‌ ବୁଦ୍‍ତେ ଲେକାମ୍ ମାଡ଼ିମିନ୍ଦେଣ୍ଡ୍ । ଅନ୍‌ ତଡ଼୍ ଇଶ୍ୱର୍‌ତେ ତଡ଼୍ ମାୟାଦ୍‌ ସାୟେତ୍ ସମ୍ପର୍କ ତିୟାର୍ ଆତ୍‍ତେ, ମାନାଡ଼୍ ଦାର୍ମାମ୍‌ ନୁ ପବିତ୍ର ଜିୱାତେ ନାରୁଡ଼୍ ଆସ୍ ମୁକ୍ତି ପାଏମ୍ ଆତ୍‍ତାଡ଼୍ ।

୨ କରନ୍ତିୟ 5:21

ବାତେଙ୍କ୍ ଇତ୍‍କେ ବେନନାଗେ ପାପ୍‌ ଇସୁର୍‍ ମିକା ଇଲ୍‍ୱେ ମାତ୍‍କେ, ଅଂକିଙ୍କ୍‌ ଅଣ୍ଡ୍‌ ମାନ୍‍ ସେଙ୍ଗେ ପାପ୍‌ ବଲି ଲେକାମ୍ ମାଡ଼୍‍ତଣ୍ଡ୍, ବେଲାନ୍ ମାନାଡ଼୍ ଅନ୍‌‍ତଡ଼୍ ଇଶ୍ୱର୍‌ତେ ଦାର୍ମାମ୍ ଲେକାମ୍ ଆଦିକାଡ଼୍‍ ।

ଗାଲାତୀୟ 3:28

ଆଦିଙ୍କ୍ ଯିହୁଦି ନୁ ଅଣଇହୁଦି, କ୍ରିତଦାସ ନୁ ସ୍ୱାଦିନ୍ ନାରୁଡ଼୍, ମାନେୟ୍ ଆୟି କି ନାଟାଡ଼୍ ଆୟି ତାମ୍ ଲୋପେ ବାତେ ୱେରେ ଇଲ୍‍ଲେ । ମିଡ଼୍ ସାରେତଡ଼ି ଜିସୁ କ୍ରିଷ୍ଟଟନ୍ ତଡ଼୍ କାୟ୍‍ଲି ଅଣ୍ଡୟ୍‌ ଆତ୍‍ତିଡ଼୍ ।

ଫିଲିପିୟ 3:15

ମାନାଗେ ବେନଡ଼୍ ଆଦ୍ୟାମିକ ଲେକାମ୍ ପରିପକ୍ୱ, ଅଡ଼ାଦ୍‌ ଇଦ୍‍ଲେକାମ୍ ମାନ୍‍ଏର୍କେ ମାନ୍ଦାନାଦ୍ ଲେକାମ୍ । ଯଦି ମିୟାଗେ ବେନନାଦ୍ ୱେରେ ଏର୍କେ ମାନ୍‍ତେ, ଇଶ୍ୱର୍ ମିକିଂଙ୍କ୍ ସାରେ ଗଟି ସ୍ପଷ୍ଟତେ କେସ୍‌ସିଦ୍‌ତନ୍ ।

କଲସୀୟ 1:28

ଆଦିନ୍ ସେଙ୍ଗେ ମାନାଡ଼୍ ସାରେତଡ଼୍ ପାକେ କ୍ରିଷ୍ଟଙ୍କ୍ ପ୍ରଚାର୍ ମାଡ଼ୁତାଡ଼୍ । ସାରେତଡ଼୍‍କ୍ କ୍ରିଷ୍ଟନ୍‍ତଡ଼୍ କାଲ୍‍ପି ମିକା ଅଣ୍ଡୟ୍‌‍ ଲେକେତ୍ ନାରୁଣ୍ଡ୍ ଲେକାମ୍ ଇଶ୍ୱର୍‌ତେ ମୁନେ ନିଲ୍‍ସ୍ପିତାଡ଼୍, ମାନାଦ୍‍ ସାରେ ବୁଦ୍‍ଜ୍ଞାନ୍ ବ୍ୟବହାର୍‌ ମାଡ଼ି, ସାରେତଡ଼୍‍କ୍ ଚେତନା ନୁ ଶିକ୍ଷା ଇସମିନ୍ଦେମ୍ ।

କଲସୀୟ 2:2

ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ ।

କଲସୀୟ 3:14

ମେଣ୍ଡେ ଇୱୁ ସାରେ ଗୁଣାମ୍‍ ତଡ଼୍ ପ୍ରେମତିଙ୍କ୍ କାଲ୍‍ପାଟ୍ । ପ୍ରେମ ସାରେ ବିଷୟତିଙ୍କ୍ ପୁରା ମାଡ଼ି ଅଣ୍ଡୟ୍‌‍ତାଗ୍ ମାଡ଼ିତ୍ ।

୧ ପିତର୍‍ 5:10

କ୍ରିଷ୍ଟନ୍‍ ତଡ଼୍ କାଇଲି ମିକା ଅନାଦ୍‌ ସାରେଦିନାତାଦ୍ ଗୌରବ୍‍ତେ ବାଗିଦାର୍‍ ଆଦାନଙ୍କ୍, ଦୟାତଣ୍ଡ୍‍ ଇଶ୍ୱର୍ ମିକିଙ୍କ୍ ଆହ୍ୱାନ୍ ମାଡ଼୍‍ତଣ୍ଡ୍‍ । ମିୟାଦ୍ ଇସୁର୍ ଦୁଃକାମ୍ ଆତ୍‍ତେ ପେର୍କେ ଅଣ୍ଡ୍‌ ନିଜେ ମିକିଙ୍କ୍ ସାକ୍‍ସାକା, ଗାଡ଼୍‍ସ୍‍, ଡୁଟାଙ୍ଗ୍‍ ନୁ ମଜ୍‍ବୁତ୍‌ ମାଡ଼ିତନ୍ ।

୧ ଯୋହନ୍‌‌ 1:3

ବାତେ ମାନାଡ଼୍ ନିଜାମ୍‍ତେ ଉଡ଼ୁତାଡ଼୍ ନୁ କେଞ୍ଜୁତାଡ଼୍, ମାତର୍ ଆଦ୍ ଗଟ୍ ମିଇ ଗାରେ କେତୁତମ୍ । ଇଦ୍ କେଞ୍ଜି ବାବାଲ୍ ଇଶ୍ୱର୍ ନୁ ତାନ୍ ମାର୍‍ ଜିସୁ କ୍ରିଷ୍ଟନ୍ ତଡ଼୍ ମାମେ ବେନ୍ ସାରେ ବିଷୟ ମିନ୍ଦେ, ଆଗେ ମିଡ଼୍ ବାଗିଦାର୍‍ ଆଦ୍‍ତିଡ଼୍ ।

୧ ଯୋହନ୍‌‌ 3:1

ଇଶ୍ୱର୍‍ ମାନାଙ୍କ୍ ବେସର୍ ପ୍ରେମ ମାଡ଼ୁତନ୍, ସୁଦୁର୍ ଚିନ୍ତା ମାଡ଼ୁଡ଼ାଟ୍ । ମାନ୍‍ ସେଙ୍ଗେ ଅନାଦ୍‌ ପ୍ରେମ ଇସର୍ ନାର୍ଗେ ଯେ, ମାନାଡ଼୍ ଅନ୍‌ ପିଲା ଲେକାମ୍ ଲେକା ଆତ୍‍ତାଡ଼୍ । ନିଜାମ୍ ମାନାଡ଼୍ ଅନ୍‌ ପିଲାନଡ଼୍ ଆଦିନ୍ ସେଙ୍ଗେ ଜଗତ୍ ଇଶ୍ୱର୍‍ ତିଙ୍କ୍ ପୁନ୍‍ୱାଙ୍କ୍, ମାନାଙ୍କ୍ ମିକା ଏଞ୍ଚେପାର୍‍ୱ ।

୧ ଯୋହନ୍‌‌ 4:19

ଅଣ୍ଡ୍‌‍ ମୁନେନ୍‍ ମାନାଙ୍କ୍‍ ପ୍ରେମ ମାଡ଼୍‍ତାଙ୍କ୍‍ ମାନାଡ଼୍‍ ପ୍ରେମ ମାଡ଼ାନଙ୍କ୍ ନାଡ଼୍‍ସ୍‍ତମ୍ ।

ପ୍ରକାଶିତ୍‌ ବାକ୍ୟ 3:9

କେଞ୍ଜା ! ବେନ୍ ସୁକୁକ୍‍ ମିତ୍ୟାବାଦିଡ଼୍ ନିଜେ ନିଜେତିଙ୍ଗ୍ ଇଉଦି ଇଞ୍ଜ ଦାବି ମାଡ଼ିତଡ଼୍, ଇତ୍କେ ନିଜାମ୍‍ ଇଉଦି ଆୟଡ଼୍‍, ଶୟତାନ୍‍ତିଙ୍କ୍‍ ଉପାସନା ମାଡ଼ାନ୍‍ ଆ ନାରିଡ଼୍‍କ୍ ନାନେ ମିଇ ଡେକେତ୍‍ ମଦଲ୍‍ ମାଡ଼ିତାନ୍ । ନାନେ ନିକିଙ୍କ୍ ପ୍ରେମ ମାଡ଼ୁତାନ୍ ଇଞ୍ଜ ଅଡ଼୍‌ ସାରେତଡ଼୍ ପୁନ୍‍ତଡ଼୍ ।