ଯୋହନ୍‌‌ 16:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ନାରୁଡ଼୍ ଇୱୁସାରେ ମାଡ଼ିତଡ଼୍, ବାତେଙ୍କ୍ ଇତ୍‍କେ ଅଡ଼୍‌ ବାବାଙ୍କ୍ ନୁ ନାକିଂଙ୍କ୍ ପୁନଡ଼୍ ।

ଯୋହନ୍‌‌ 16:3 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:22

“ନା ବାବାଲ୍ ଅନାଦ୍‌ ସାରେ ବିଷୟ୍ ନାକିଂଙ୍କ୍ ହିତ୍‍ତଣ୍ଡ୍; ମେଣ୍ଡେ, ମାର୍‍ ବେନ, ଇଦ୍ ବାବାନ୍ ୱିଡ଼୍‍ସି ବେନମେଣ୍ଡେ ପୁନଡ଼୍, ମେଣ୍ଡେ ବାବାଲ୍ ବେନ, ଅନ୍‌‍ମାର୍‍ ୱିଡ଼୍‍ସି ବେନମେଣ୍ଡେ ପୁନଡ଼୍, ଆସୁଟେ ମାର୍‍ ବେନଣ୍ଡ୍ ମୁନ୍‍ନେ ଅଂକିଙ୍କ୍‌ ତଅତାନ୍ ମାଇଦିଙ୍କ୍ ଇଚ୍ଛାମାଡ଼ିତଣ୍ଡ୍, ଅଣ୍ଡ୍‌ ଅଂକିଙ୍କ୍‌ ପୁନ୍‍‍ତଣ୍ଡ୍ ।”

ଯୋହନ୍‌‌ 15:21

ବାତେଙ୍କ୍ ଇତ୍‍କେ ଅଡ଼୍‌ ନାକିଂଙ୍କ୍ ରଅତେନଙ୍କ୍ ପୁନ୍‍ୱା ମାଇଦିଙ୍କ୍ ନାୱାଦ୍ ପେଦେର୍ ସେଙ୍ଗେ ମିକିଂଙ୍କ୍ ଇଦ୍‍ସାରେ ମାଡ଼ିତଡ଼୍ ।

ଯୋହନ୍‌‌ 15:23

ବେନ ନାକିଂଙ୍କ୍ ପାସ୍‍କିତନ୍, ଅଣ୍ଡ୍‌ ନା ବାବାଙ୍କ୍ ମିକା ପାସ୍‍କିତନ୍ ।

ଯୋହନ୍‌‌ 17:25

ହୋ ଦାର୍ମିକ୍ ବାବା ! ଜଗତ୍ ନିକିଂଙ୍କ୍ ପୁନନ୍, ବାତେଙ୍କ୍ ଇତ୍‍କେ ନାନ୍ ନିକିଂଙ୍କ୍ ପୁତ୍‍ତାନ୍; ମେଣ୍ଡେ ନିମ୍‍ ଯେ ନାକିଂଙ୍କ୍ ରହତି, ଆଦ୍ ଇଡ଼୍ ପୁତ୍‍ତଡ଼୍;

ଯୋହନ୍‌‌ 17:3

ନିମ୍‍ ୱେର୍‍ନି ସତ୍ ଇଶ୍ୱର୍, ନିକିଂଙ୍କ୍ ନୁ ନିମ୍‍ ରଅତେନଣ୍ଡ୍ ଜିସୁ କ୍ରିଷ୍ଟଙ୍କ୍ ପୁନ୍ଦାନାଦ୍ ଆଦୁତ୍‍ତେ ସାରେଦିନାତ୍ ଜିୱୁଣ୍ଡ୍ ।

ଯୋହନ୍‌‌ 8:19

ଆଗାଙ୍କ୍ ଅଡ଼୍‌ କେତାଙ୍କ୍ ପସ୍‍ପ୍‍ତ୍‍ତଡ଼୍, “ମିଇ ବାବାଲ୍ ବେକେ ?” ଜିସୁ ଉତ୍ତର୍ ଇତ୍‍ତନ୍, “ମିଡ଼୍ ନାକିଂଙ୍କ୍ ପୁନ୍‍ୱିଡ଼୍ ବା ନା ବାବାଙ୍କ୍ ମିକା ପୁନ୍‍ୱିଡ଼୍ ଯଦି ନାକିଂଙ୍କ୍ ପୁନେଡ଼ି, ଆଲେକେ ନା ବାବାଙ୍କ୍ ଆନ୍‌‍ତେ ପୁନେଡ଼ି ।”

ଯୋହନ୍‌‌ 8:55

ମିଡ଼୍ ଅଂକିଙ୍କ୍‌ ବେସୁଙ୍କ୍‍ ପୁନ୍‍ୱିଡ଼୍, ବାତେଙ୍କ୍ ଇତ୍‍କେ ନାନ୍ ଅଂକିଙ୍କ୍‌ ପୁତ୍‍ତାନ୍ । ନାନ୍ ଅଂକିଙ୍କ୍‌ ପୁନନ୍ ଇଞ୍ଜ ଯଦି କେତିତାନ୍, ଆଲେକେ ନାନ୍ ମିକା ମିଇ ଲେକାମ୍ ମିତ୍ୟାବାଦି ଆଦ୍‍ତନ୍, ନାନ୍ ଅଂକିଙ୍କ୍‌ ପୁତ୍‍ତାନ୍ ନୁ ଅନାଦ୍‌ ବାକ୍ୟ ପାଲନ୍ ମାଡ଼ୁତାନ୍ ।

ପ୍ରେରିତ 3:17

“ଆଦିଙ୍କ୍ ଏୟ୍‍ ଇସ୍ରାଏଲୀୟ ଦାଦାଲଡ଼୍‍ ନୁ ଏଲାସ୍କ୍‍, ମିଡ଼୍ ନୁ ମିଇ ନେତାଲଡ଼୍ ଜିସୁନ୍‍ ସେଙ୍ଗେ ବାଆତେ ମାଡ଼୍‍ତିଡ଼୍, ଆଦ୍ ପୁନ୍‍ୱେକଟ ମାତ୍‍ତିଡ଼୍‍, ଇଦ୍ ନାନ୍ ପୁତ୍‍ତାନ୍ ।

୧ କରନ୍ତିୟ 2:8

ଇ ଜୁଗ୍‌ତଡ଼୍‌ ନେତା ନାରୁଡ଼୍‌ ଲୋପେ ବେନ ଆଦ୍‌ ପୁନଣ୍ଡ୍‌, ବାତେଙ୍କ୍ଇତ୍କେ ଅଡ଼୍‌‌ ଆଦ୍ ପୁଞ୍ଜ୍‌ ମାତ୍‌କେ ଗୌରବମୟ ପ୍ରବୁଙ୍କ୍ କ୍ରୁଶତାଗ୍‌ ରେହ୍‌ୱେ ମାନେଡ଼୍‌;

୨ ଥେସଲନିୟ 1:8

ବେନଡ଼୍ ଇଶ୍ୱର୍‌ତିଙ୍ଗ୍ ପୁନଡ଼୍ ନୁ ମାନ୍‍ ପ୍ରବୁ ଜିସୁନ୍ ସୁସମାଚାର୍ ମାନେମ୍‍ ଆୟ୍‍ୟଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ହିଦ୍‍ତନ୍ ।

୧ ତୀମତି 1:13

ମୁନେନ୍‍ ନାନ୍‍ ଜିସୁ କ୍ରିଷ୍ଟଙ୍କ୍‍ ନିନ୍ଦା ମାଡ଼ମାତ୍‍ତାନ୍‍, ଆଗେକ୍‍ବା ଅଣ୍ଡ୍‌‍ ନାକିଙ୍କ୍‍ ଯୋଗ୍ୟ ମନେ ମାଡ଼ି ନିଯୁକ୍ତ ମାଡ଼୍‍ତଣ୍ଡ୍‍ କିନ୍ତୁ ନାନ୍‍ ବାତ୍‍ ମାଡ଼ୁତାନ୍‍ ଇଞ୍ଜ ପୁନ୍‍ୱାଙ୍କ୍‍ ଇଶ୍ୱର୍ ନାକିଙ୍କ୍‍ ଦୟା ମାଡ଼୍‍ତଣ୍ଡ୍‍‍, ଅବିଶ୍ୱାସୀ ମାନ୍ଦାନ୍‍ ୱେଲେ ନାନ୍‍ ଆଲା ମାଡ଼ମାତ୍‍ତାନ୍‍ ।

୧ ଯୋହନ୍‌‌ 2:23

ମାତର୍‌ ବେନ ମାରିଙ୍କ୍ ଗୃନା ମାଡ଼ିତନ୍, ଅଣ୍ଡ୍‌ ବାବାଙ୍କ୍ ମିକା ଗୃନା ମାଡ଼ିତନ୍; ବେନ ମାରିଙ୍କ୍ ଗ୍ରହନ୍‌ ମାଡ଼ିତନ୍, ଅଣ୍ଡ୍‌ ତାନ୍ ଜିୱେତେ ବାବାନ୍ ସତ୍ତା ମିକା ଏର୍କେ ମାଡ଼ିତନ୍ ।

୧ ଯୋହନ୍‌‌ 3:1

ଇଶ୍ୱର୍‍ ମାନାଙ୍କ୍ ବେସର୍ ପ୍ରେମ ମାଡ଼ୁତନ୍, ସୁଦୁର୍ ଚିନ୍ତା ମାଡ଼ୁଡ଼ାଟ୍ । ମାନ୍‍ ସେଙ୍ଗେ ଅନାଦ୍‌ ପ୍ରେମ ଇସର୍ ନାର୍ଗେ ଯେ, ମାନାଡ଼୍ ଅନ୍‌ ପିଲା ଲେକାମ୍ ଲେକା ଆତ୍‍ତାଡ଼୍ । ନିଜାମ୍ ମାନାଡ଼୍ ଅନ୍‌ ପିଲାନଡ଼୍ ଆଦିନ୍ ସେଙ୍ଗେ ଜଗତ୍ ଇଶ୍ୱର୍‍ ତିଙ୍କ୍ ପୁନ୍‍ୱାଙ୍କ୍, ମାନାଙ୍କ୍ ମିକା ଏଞ୍ଚେପାର୍‍ୱ ।

୧ ଯୋହନ୍‌‌ 4:8

ବେନ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଶ୍ୱର୍‌ତିଙ୍କ୍ ପୁନଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‍ ପ୍ରେମମୟ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।