ଯୋହନ୍‌‌ 15:15 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁵ ନାନ୍ ମିକିଂଙ୍କ୍ ଚାକର୍ ଇଞ୍ଜ ମେଣ୍ଡେ କେଲନ୍, ବାତେଙ୍କ୍ ଇତ୍‍କେ ମାଲିକ୍ ବାତେଏ ମାଡ଼ିତନ୍, ଚାକର୍ ଆଦ୍ ପୁନଣ୍ଡ୍, ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ସାଙ୍ଗ ଇଞ୍ଜ କେସ୍‍ମିନ୍ଦେନ୍, ବାତେଙ୍କ୍ ଇତ୍‍କେ ନାନ୍ ନା ବାବାନ୍ କନ୍‍ସ୍ ବାତେଏ କେଞ୍ଜିମିନ୍ଦେନ୍, ଆୱ୍‍ଚାରେ ମିକିଂଙ୍କ୍ କେତ୍‍ତାନ୍ ।

ଯୋହନ୍‌‌ 15:15 ပူးပေါင်းရင်းမြစ်များ

ମାତିଉ 13:11

ଜିସୁ ଉତ୍ତର୍ ଇତ୍‍ତନ୍, “ସ୍ୱର୍ଗରାଜ୍ୟତେ ରହସ୍ୟ ବୁଜେମ୍ ଆତ୍‍ତାଙ୍କ୍ ମିଡ଼୍ ବୁଦ୍‍ତେ ଦର୍‍ସ୍‍କି ମିନ୍ଦେଡ଼ି, ଅଡ଼୍‌ ଦର୍‍ସ୍କ୍‍କଡ଼୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:23

ମେଣ୍ଡେ, ଜିସୁ ତାମ୍ ଶିଷ୍ୟଡ଼ା ମୁନ୍‍ମାଡ଼ି ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼୍ ଇୱେ ସାରେ ବିଷୟ ଉଡ଼୍‍ତାଙ୍କ୍ ମିଡ଼୍ ଦନ୍ୟ ।”

ଯୋହନ୍‌‌ 12:26

ବେନ ନା ଦାସ ଆତ୍‍ଦାଙ୍କ୍ ଇଚ୍ଛା ମାଡ଼ିତନ୍, ଆଲେକେ ଅଣ୍ଡ୍‌ ନା ପେର୍‍କେ ୱାଡ଼ିଣ୍ଡ୍; ମେଣ୍ଡେ, ନାନ୍ ବେଗା ମାନ୍‍ତାନ୍, ଆଗେ ଅଣ୍ଡ୍‌ ଆନ୍‌‍ତେ ମାନ୍‍ତନ୍; ବେନ ନା ସେବା ମାଡ଼ିତନ୍, ଆଲେକେ ବାବାଲ୍ ଅଂକିଙ୍କ୍‌ ସମ୍ମାନ୍ ହିଦ୍‍ତଣ୍ଡ୍ ।

ଯୋହନ୍‌‌ 13:16

ନାନ୍ ସତ୍ କେତୁତାନ୍, ବେନବା ଦାସ ଅନ୍‌ ମାଲିକ୍ ତାଗାଙ୍କ୍ ବେଡ଼୍‍ୟନ୍ ଆୟନ୍; ପ୍ରେରିତନଡ଼୍ ତାନ୍ ପ୍ରେରନାକର୍ତା ନାଗାଙ୍କ୍ ବେନ ବେଡ଼୍‍ୟନ୍ ଆୟ୍‍ୟ ।

ଯୋହନ୍‌‌ 15:20

‘ଚାକର୍ ତାନ୍ ମାଲିକ୍ ତାଗାଙ୍କ୍ ବାଡ଼୍‍ୟଣ୍ଡ୍ ଆୟ୍‍ୟଣ୍ଡ୍,’ ନାନ୍ ମିକିଂଙ୍କ୍ ଇଦ୍ ବେନ୍ ବାକ୍ୟ କେସ୍‍ମିନ୍ଦେନ୍, ଆଦିଙ୍କ୍ ହେର୍କା ମାଡ଼ାଟ୍ । ଯଦି ଅଡ଼୍‌ ନାକିଂଙ୍କ୍ ତାଡ଼ନା ମାଡ଼ିମିନ୍ଦେଡ଼୍, ଆଲାଇତ୍‍କେ ମିକିଂଙ୍କ୍ ମିକା ତାଡ଼ନା ମାଡ଼ିତଡ଼୍; ଯଦି ଅଡ଼୍‌ ନାୱାଦ୍ ବାକ୍ୟ ପାଲନ୍ ମାଡ଼ିମିନ୍ଦେଡ଼୍, ଆଲାଇତ୍‍କେ ମିୱାଦ୍ ବାକ୍ୟ ମିକା ପାଲନ୍ ମାଡ଼ିତଡ଼୍ ।

ଯୋହନ୍‌‌ 16:12

“ନାୱାଦ୍ ମିକିଂଙ୍କ୍ ମେଣ୍ଡେ ଗାଟି ଗଟି କେତ୍‍ତାନ୍ ମିନ୍ଦେ, ମାତର୍ ମିଡ଼୍ ଇଞ୍ଜେ ଆୱ୍‍ଚାରେ ସୟ୍ୟ ମାଡ଼ାଙ୍କ୍ ପାର୍‍ୱିଡ଼୍ ।

ଯୋହନ୍‌‌ 17:26

ମେଣ୍ଡେ, ନିମ୍‍ ନାକିଂଙ୍କ୍ ବେଦ୍‍ଲେକାମ୍ ପ୍ରେମ ମାଡ଼୍‍ତିନ୍, ଆଦ୍ ବେଲା ଅଡ଼ାଗ୍ ମାନ୍‍ତା ନୁ ନାନ୍ ଅଡ଼ାଗ୍ ମାନ୍‍ତାନ୍, ଇଦିନ୍ ସେଙ୍ଗେ ନାନ୍ ଅଡ଼୍‌‍କିଂଙ୍କ୍ ନି ପେଦେର୍ କେତ୍‍ତାନ୍ ନୁ କେତିତାନ୍ ।”

ଯୋହନ୍‌‌ 20:17

ଜିସୁ ଆଦିଙ୍କ୍ କେତ୍‍ତଣ୍ଡ୍, “ନାକିଂଙ୍କ୍ ପଇସ୍ ନେହେମା, ବାତେଙ୍କ୍ ଇତ୍‍କେ ନାନ୍ ଇଞ୍ଜେକ୍ ଅନ୍‌‍ପାକେ ବାବାନାଗ୍ ଆନନେ; ନା ତାମୁଣ୍ଡ୍‌କିଡ଼୍ କେଲ୍‍ଲା, ନାନ୍ ନା ବାବାଲ୍ ନୁ ଅଡ଼୍‌ ବାବାଲ୍, ନା ଇଶ୍ୱର୍ ନୁ ଅଡ଼୍‌ ଇଶ୍ୱର୍‌ତେ ଗାର୍‍ରେ ଆଦୁତାନ୍ ।”

ଯୋହନ୍‌‌ 4:19

ନାଟାଡ଼୍ ଅଂକିଙ୍କ୍‌ କେତ୍‍ତେ, “ଗୁରୁ, ନିମ୍‍ ଯେ ୱେରେତନି ବାବବାଦୀ, ଇଦ୍ ନାନ୍ ଉଡ଼ୁତାନ୍ ।

ଯୋହନ୍‌‌ 8:26

ମିଇ ବିଷୟ କେତାଙ୍କ୍ ନୁ ବିଚାର୍ ମାଡ଼ାଙ୍କ୍ ନାୱାଦ୍ ନାର୍‍ଗେ ଗଟି ମିନ୍ତେ; ବାତେଙ୍କ୍ ଇତ୍‍କେ, ନା ୱାଦାନ୍ କର୍ତ୍ତାଲ୍ ସତ୍, ମେଣ୍ଡେ ନାନ୍ ଅନାଗାଙ୍କ୍ ବାତେଏ କେଞ୍ଜ୍‍ତାନ୍, ଆଦ୍‍ ସାରେ ଜଗତ୍‍ତାଗ୍ କେସମିନ୍ଦେନ୍ ।”

ପ୍ରେରିତ 20:27

ବାତେଙ୍କ୍ଇତ୍‍କେ ଇଶ୍ୱର୍‌ତେ ସାରେ ଉଦେଶ୍ୟ ମିଇ ଗାର୍‍ରେ କେତାନଙ୍କ୍ ନାନ୍ ସିଗ୍‍ ମାଡ଼ନ୍ ।

ରୋମୀୟ 7:15

ବାତେଙ୍କ୍ଇତ୍‍କେ ନାନ୍ ବାତ୍ ମାଡ଼ିତାନ୍, ଆଦ୍ ପୁନନ୍; ଆଦିଙ୍କ୍ ନାନ୍ ବାତ୍ ଇଚ୍ଛା ମାଡ଼ିତାନ୍, ଆଦ୍ ମାଡ଼ନ୍, ଇତ୍‍କେ ନାନ୍ ପାସ୍କିତାନ୍, ଆଦିଂକେ ମାଡ଼ିତାନ୍ ।

୧ କରନ୍ତିୟ 2:16

ଦର୍ମଶାସ୍ତ୍ରତାଗ୍ ଲେକା ମିନ୍ଦେ, “ବେନଣ୍ଡ୍ ଇଶ୍ୱର ଆଲ୍‍ସାନାଦ୍‌ ବୁଜେମ୍ ଆଦ୍‍ଦା ପାର୍ଦାତଣ୍ଡ୍ ? ବେନଣ୍ଡ୍ ଅଂକିଙ୍କ୍‌ କେତାପାର୍ଦ୍‍ତଣ୍ଡ୍‌ ?” ଆଦ୍‌ ବେଲାଆୟି, ମାମ୍‍ମେ କ୍ରିଷ୍ଟନ୍‌ ମାନ୍‍ଦିଙ୍କ୍ ଦର୍ସିକି ଆତ୍‍ତମ୍ ।

ଗାଲାତୀୟ 4:6

ମିଡ଼୍ ଇଶ୍ୱର୍‌ତେ ମାର୍‍ମାୟାସ୍କ୍‍ ଇଦ୍ ପ୍ରାମାଣ୍ ମାଡ଼ାନ୍ ସେଙ୍ଗେ, ଇଶ୍ୱର୍ ତାନ୍ ମାରିନ୍‍ ମେଲ୍‍ତେ ଜିୱୁତିଙ୍କ୍ ମାନ୍‍ ଜିୱୁଣ୍ଡ୍ ଲୋପେ ରଅତଣ୍ଡ୍ । ଆଦ୍ ପବିତ୍ର ଜିୱୁ ଗାଟି ଲେଙ୍ଗ୍‍ଦେ କେତୁତ୍, “ବାବା ! ଆ ନା ବାବା !”

ଏଫିସିୟ 1:9

ଇଶ୍ୱର୍ ତା‍ନ୍ ବୁଦ୍‍ତେ ନୁ ଜିୱୁନ୍‍ତେ ପୁନ୍ଦାନାଦିନ୍ ତଡ଼୍‍ ବାତ୍‍ ଆଲ୍‍ସି ମାଡ଼ିମାତ୍‍ତନ୍, ଆଦ୍ ପୁରା ମାଡ଼୍‍ତଣ୍ଡ୍, ମେଣ୍ଡେ ଆଦ୍ କ୍ରିଷ୍ଟନ୍‍ ସାହାଯ୍ୟତେ ବେନେ ମିଞ୍ଜ୍‍ତାଦ୍‍ ଆଲ୍‍ସି ମାତ୍‍ତଣ୍ଡ୍‍ ଆଦ୍‍ ମାନ୍‍ ଗାର୍ରେ କେସ୍‍ମିନ୍ଦେନ୍ ।

ଏଫିସିୟ 3:5

ମୁନେଙ୍କ୍ ନାରୁନ୍ ଗଷ୍ଠିତିଙ୍କ୍‍ ଇ ଲୋପେତ୍‌ ବିଷୟ୍‍ତେ ଲେକକଟ ମାତ୍‍ତଣ୍ଡ୍ । ଇତ୍‍କେ ଇଶ୍ୱର୍ ଇଞ୍ଜେ ଅନାଦ୍‌ ପବିତ୍ର ପ୍ରେରିତ ଶିଷ୍ୟ ନୁ ବାବବାଦିଡ଼୍‍ ଆତ୍ମାତେ ଇଦ୍ ତହଃସ୍‍ ମିନ୍ଦେଣ୍ଡ୍ ।

କଲସୀୟ 1:26

ଆଦ୍ ସୁସମାଚାର୍ ୱେରଡ଼୍ ଲେକେତ୍ ବିଷୟ୍ । ଯୁଗ୍‍ଯୁଗ୍ ପଇସ୍ ଇଶ୍ୱର୍ ସାରେତଡ଼ାଗାଙ୍କ୍ ଇଦ୍ ମିଞ୍ଜିସ୍ପି ନେହେସ୍ ମାତ୍‍ତନ୍, ବାତେଙ୍କ୍‍ଇତ୍କେ ଇଞ୍ଜେ ତାନ୍ ନାରୁଡ଼୍ ପାକେ କେସ୍‍ ମିନ୍ଦେନ୍ ।

ଫିଲିମୋନ୍‌ 1:16

ଏର୍କା ମାଡ଼େ, ଅଣ୍ଡ୍‌ ଇଞ୍ଜେ କ୍ରିତଦାସ୍ ଆୟ୍‍ୟଣ୍ଡ୍ । କ୍ରିଷ୍ଟଟନ୍ ବିଶ୍ୱାସି ଲେକାମ୍ ଅଣ୍ଡ୍‌ ଇଞ୍ଜେ ମାନ୍‍ ପ୍ରିୟ ତାମୁଣ୍ଡ୍ । ନା କଣ୍ଡେତାଗ୍ ଅଣ୍ଡ୍‌ ବେସର୍ ଉପ୍‍କାର୍ ! ନିକିଂଙ୍କ୍ ଅର୍‍ତୁଣ୍ଡ୍ ଦାସ ନୁ କ୍ରିଷ୍ଟ ବିଶ୍ୱାସି ତାମୁଣ୍ଡ୍ ଇନା ଅଣ୍ଡ୍‌ ନି ସେଙ୍ଗେ ମେଣ୍ଡେ ବେସର୍ ଉପ୍‍କାର୍ ଆୟ୍‍ୟଣ୍ଡ୍ !

ଯାକୁବ 1:1

ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟନ୍ ଦାସ ଯାକୁବନ୍ ୱେଏକ୍‍ ୱେଏକ୍ ଆତ୍‍ତେ ଇଶ୍ୱର୍‌ତେ ନାରୁଡ଼୍‍କିଙ୍କ୍ ନମସ୍କାର୍ ।

ଯାକୁବ 2:23

ଆଗାଙ୍କ୍ ଶାସ୍ତ୍ରତାଗ୍ ଇଦ୍ ଲେକ୍‍ତେ ବାକ୍ୟ ସାରେ ଆତ୍‍ତେ, ଅବ୍ରାହାମ୍‌ ଇଶ୍ୱର୍‌ତାଗ୍ ବିଶ୍ୱାସ୍ ମାଡ଼୍‍ତଣ୍ଡ୍, ମେଣ୍ଡେ ଆଦ୍ ଅଂକିଙ୍କ୍‌ ଦାର୍ମାମ୍ ମାଡ଼୍‍ତେ, ମେଣ୍ଡେ ଅଣ୍ଡ୍‌ ଇଶ୍ୱର୍‌ତେ ସାଙ୍ଗ ଇଞ୍ଜ ପେଦେର୍ ଆତ୍‍ତେ ।

୧ ପିତର୍‍ 1:11

ଆଦ୍ ଦାନ ମିଡ଼୍ ବେସୁଙ୍କ୍‍ ନୁ ବେଲାନ୍ ପାଏମ୍ ଆଦ୍‍ତିଡ଼୍, ପୁନ୍ଦାନ୍ ସେଙ୍ଗେ ଅଡ଼୍‌ ଚେଷ୍ଟା ମାଡ଼ିମାତ୍ତଡ଼୍ । ଇଦ୍ ସମ୍ପର୍କତେ ପବିତ୍ରଆତ୍ମା ସାହାଯ୍ୟତେ ଅଡ଼୍‌ କ୍ରିଷ୍ଟଙ୍କ୍ ଦୁଃକାମ୍ ନୁ ମେଣ୍ଡନ୍‍ ଲେକେତ୍ ଗୌରବ୍‍ ବିଷୟତେ ସୂଚନା ଇସ୍‍ ମାତ୍‍ତଡ଼୍ ।

୨ ପିତର୍‌ 1:1

ଶିମୋନ୍‍ ପିତର୍‍ତେ ଚିଟି; ଜିସୁ କ୍ରିଷ୍ଟନ୍‍ ୱେରଣ୍ଡ୍‍ ଦାସ ନୁ ପ୍ରେରିତ, ବେନଡ଼୍ ମାନ୍‍ ଇଶ୍ୱର୍‍ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଦାର୍ମାମ୍‌ତେ ସେଙ୍ଗେ ବିଶ୍ୱାସ୍ ଲେକାମ୍ ନାର୍ଗେ ଦାନାମ୍ ଦାନ ପାଏମ୍‍ ଆତ୍‍ତଡ଼୍, ଅଡ଼୍‌ ଗାରେ ଇଦ୍‍ ଚିଟି ଲେକୁତଣ୍ଡ୍‍ ।

ଯିହୁଦା 1:1

ନାନ୍‍ ଯିହୁଦା, ଜିସୁ କ୍ରିଷ୍ଟଟନ୍ ଦାସ ନୁ ଜାକୁବନ୍ ଦାଦାଲ୍, ବେନଡ଼୍‍କିଂଙ୍କ୍ ବାବାଲ୍‍ ଇଶ୍ୱର୍ କାର୍‍ଙ୍ଗ୍‍ତଣ୍ଡ୍ ନୁ ଅନ୍‌ ପ୍ରେମତଡ଼୍ ବାଦ୍‍କୁତଡ଼୍ ମେଣ୍ଡେ ଜିସୁ କ୍ରିଷ୍ଟଟନ୍ ସେଙ୍ଗେ ସାୟେ ମିନ୍ଦେ, ଅଡ଼୍‌ ବକେତ୍ ଚିଟି ଲେକୁତାନ୍ ।

ପ୍ରକାଶିତ୍‌ ବାକ୍ୟ 1:1

ବାତ୍‍ସାରେ ଯାପେ ଗଟେମ୍‍ ଆଦାଙ୍କ୍ ଅଦୁତ୍, ଇଶ୍ୱର୍ ଜିସୁ କ୍ରିଷ୍ଟନ୍ ପାକେ କେସ୍‍ମାନ୍ଦାନ୍ ଅନାଦ୍‌ ୱେରଡ଼୍ ବିବରଣି ଇଦ୍ ବଇତାଗ୍ ଲେକାଆତ୍‍ତେ । ଆଦ୍‍ ସାରେ ବିଷୟ ତାନ୍ ଦାସନଡ଼୍‍କ୍ କେତାନ୍ ସେଙ୍ଗେ କ୍ରିଷ୍ଟ ୱେରଣ୍ଡ୍ ସ୍ୱର୍ଗଦୂତଙ୍କ୍ ରସ୍‍ମିକା ତାନ୍ ଦାସ ଯୋହନ୍‌‌ତିଙ୍କ୍‌ ଆଦ୍ କେତ୍‍ତଡ଼୍‍ ।