ଯୋହନ୍‌‌ 14:30 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³⁰ ନାନ୍ ମିତଡ଼୍ ନାର୍‍ଗେ ଜେଲ୍ ଗଟି ମାନନ୍, ବାତେଙ୍କ୍ ଇତ୍‍କେ ଇ ଜଗତ୍‍ତେ ଅଦିପତି ୱାଦୁତଣ୍ଡ୍ । ନା ପର୍‍ର ଅନାଦ୍‌ ବାତେମିକା ଇଲେ ।

ଯୋହନ୍‌‌ 14:30 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:35

ଦୂତ ଆଦିଙ୍କ୍ କେତ୍‍ତେ, “ପବିତ୍ର ଆତ୍ମା ନି ପରୁ ଡିଗିତେ ନୁ ସତ୍‍ଇଶ୍ୱର୍‍ତେ ଶକ୍ତିତେ ନିକିଂଙ୍କ୍ ମିସିତେ, ନୁ ବେନ ଜନମ୍ ଆଦ୍‍ତଣ୍ଡ୍, ଅଣ୍ଡ୍‌ ପବିତ୍ର ନୁ ଇଶ୍ୱର୍‌ତେ ମାର୍‍ ହିଞ୍ଜ ନାରୁଡ଼୍ ପୁନ୍‍ତଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 22:53

ନାନ୍ ସାର୍‍ରେ ଦିନାମ୍ ମିତଡ଼୍ ମନ୍ଦିର୍ ତାଗ୍ ମାନ୍ଦାନ୍ ୱେଲେ ମିଡ଼୍ ନା ବିରୁଦ୍‍ତେ କାୟ୍ ଆୱିଡ଼୍, ବାତେଙ୍କ୍ ଇତ୍କେ ଇଦ୍ ମିୱାଦ୍ ସମୟ୍ ନୁ ଇକାଡ଼୍ ତେ ଶାସନ୍‍ ।”

ଯୋହନ୍‌‌ 12:31

ଇଞ୍ଜେ ଇ ଜଗତ୍‍ତାଦ୍ ବିଚାର୍ ହେୱୁତେ; ଇଞ୍ଜେ ଇ ଜଗତ୍‍ତଣ୍ଡ୍ ଅଦିପତିଙ୍କ୍ ବାଇଦେ ଏସ୍ ୱେଇତିତ୍ ।

ପ୍ରେରିତ 1:3

ଆସୁଟେ ଅଣ୍ଡ୍‌ ଜିୱୁନ୍‍ ମାତ୍‍ତଣ୍ଡ୍, ଇଦ୍ ପ୍ରମାନ୍ ମାଡ଼ାଙ୍କ୍ ନୁ ଶିଷ୍ୟଡ଼ାଦ୍ ଏର୍କା ଦୁର୍‍ ମାଡ଼ାଙ୍କ୍ ଅଣ୍ଡ୍‌ ତାନାଦ୍ ଡଲ୍‍ତେ ପେର୍‍କେ ଚାଲିଶ୍ ଦିନ୍ ଏୱୁନା ନାର୍ଗେଦାମ୍ ଅଡ଼୍‌‍କିଂଙ୍କ୍ ଦର୍ଶନ୍ ଇସ୍‌ ମାତ୍‍ତଣ୍ଡ୍ । ଅଡ଼୍‌ ଜିସୁଙ୍କ୍ ଉଡ଼ିମାତ୍‍ତଡ଼୍ ନୁ ଜିସୁ ଅଡ଼୍‌‍କିଂଙ୍କ୍ ଇଶ୍ୱର୍‌ତାଦ୍ ରାଜ୍ୟ ବିଷୟ୍‍ତେ କେସ୍‍ମାତ୍‍ତଣ୍ଡ୍ ।

୨ କରନ୍ତିୟ 4:4

ଅଡ଼୍‌ ବିଶ୍ୱାସ୍ ମାଡ଼ଡ଼୍‍, ବାତେଙ୍କ୍‍ଇତ୍କେ ଅଡ଼୍‌ ମନ୍‍ତିଙ୍କ୍‌ ଇଦ୍ ଜଗତ୍‌ ନାରୁଡ଼୍‍କିଂଙ୍କ୍ ଶୟ୍‍ତାନ୍‍ କାନାଲ୍‌ ମାଡ଼ିତ୍‍ତେ । ମେଣ୍ଡେ ଇଶ୍ୱର୍‌ତେ ସାରେ ବିଷୟ କ୍ରିଷ୍ଟନ୍ ମାହିମାନିତ ସୁସମାଚାର୍‌ତେ ୱେସ୍ ଅଡ଼୍‌ ପାକ୍ ୱେସ୍ଆୟ ।

୨ କରନ୍ତିୟ 5:21

ବାତେଙ୍କ୍ ଇତ୍‍କେ ବେନନାଗେ ପାପ୍‌ ଇସୁର୍‍ ମିକା ଇଲ୍‍ୱେ ମାତ୍‍କେ, ଅଂକିଙ୍କ୍‌ ଅଣ୍ଡ୍‌ ମାନ୍‍ ସେଙ୍ଗେ ପାପ୍‌ ବଲି ଲେକାମ୍ ମାଡ଼୍‍ତଣ୍ଡ୍, ବେଲାନ୍ ମାନାଡ଼୍ ଅନ୍‌‍ତଡ଼୍ ଇଶ୍ୱର୍‌ତେ ଦାର୍ମାମ୍ ଲେକାମ୍ ଆଦିକାଡ଼୍‍ ।

ଏଫିସିୟ 2:2

ଆଦ୍ ସମୟ୍‍ତେ ମିଡ଼୍, ବେନ୍ ଆତ୍ମା ଇଞ୍ଜେ ମିକା ବୁଦ୍‍ଇଲ୍‍ୱେ ପିଲାନାଗ୍ ପାଡ଼୍‍ୟି ମାଡ଼୍‍ତଣ୍ଡ୍, ଆଦିନ୍ ଇଚ୍ଛାଲେକାମ୍ ମିଡ଼୍‍ଆନ୍‌ନ୍ତେ ମୁନେଙ୍କ୍‍କଞ୍ଜ୍ ପାଲନ୍ ମାଡ଼ଡ଼୍‍ ଅପରାଦ୍‌ତେ ନୁ ପାପତେ ଡଲିମାତ୍‍ତିଡ଼୍ ।

ଏଫିସିୟ 6:12

ବାତେଙ୍କ୍‍ଇତ୍‍କେ ମାନାଡ଼୍ ସ୍ୱର୍ଗତେ ନାରୁଡ଼୍ ବିରୁଦ୍‍ତେ ଯୁଦ୍‌ ମାଡ଼୍‍ୱାଡ଼୍; ମାନାଡ଼୍ ଶୂନ୍ୟତେ ଶୟ୍‍ତାନ୍‍ ଶକ୍ତି ନୁ ଇଦ୍ ଯୁଗ୍‍ତେ ଶାସନ୍‍ମାଡ଼ାନଡ଼୍, ରାଜାଲଡ଼୍‍ ନୁ ସାର୍‍ରେ ବିଶ୍ୱଶକ୍ତି ବିରୁଦ୍‍ତେ ଯୁଦ୍‌ ମାଡ଼ୁତମ୍ ।

କଲସୀୟ 1:13

ଅଣ୍ଡ୍‌ ଇକାଡ଼୍‍ ଶକ୍ତିତାଗାଙ୍କ୍ ମାନାଙ୍କ୍ ରକ୍ଷା ମାଡ଼୍‍ତନ୍ ନୁ ବିପଦ୍ ଇଲ୍‍ୱେ ଜାଗେତାଗ୍ ମାନାଙ୍କ୍ ତାନ୍ ପ୍ରିୟ ପ୍ରେମ ମାରିନ୍ ରାଜ୍ୟତାଗେ ତାତ୍‍ତନ୍ ।

ଏବ୍ରୀ 4:15

ବେନ ମାନାଦ୍‌ ଦୋଷ୍‌ତିଙ୍କ୍‍ ଉଡ଼ାନଙ୍କ୍‍ ପାର୍ୱଣ୍ଡ୍, ଇଦ୍‌ଲେକାମ୍‌ ବେଡ଼୍‍ୟେ ପୁଜାରି ଅଣ୍ଡ୍‌‌ ଆୟଣ୍ଡ୍‌ । ଅଣ୍ଡ୍‌‌ ତ ମାନ୍‍ ବେଡ଼୍‍ୟେ ପୁଜାରି, ମାନ୍‍ ଲେକାମ୍ ସାର୍ରେ ପରିକ୍ୟା ଆସ୍‌ମାତ୍‌କେ ମିକା ଅଣ୍ଡ୍‌‌ ପାପାମ୍‍ କିୱେ ମାତ୍‌ତଣ୍ଡ୍‌;

ଏବ୍ରୀ 7:26

ଆଦିନ୍ ମାନାଙ୍କ୍ ବାତେ କାୱାଲ୍‌ ଆଦ୍ ସାର୍ରେ ଇଦାନଙ୍କ୍ ବାଡ଼ିୟା ପୁଜାରି ଜିସୁ ଆରଣ୍ଡେ ମିନ୍ଦେଣ୍ଡ୍‌ । ଅଣ୍ଡ୍‌‌ ପବିତ୍ର, ପାପ୍‌ କିୱେନଣ୍ଡ୍‌, ପାପି ନାରୁଡୁଞ୍ଚ୍‌ ୱେରେ ମାନ୍ଦାନଣ୍ଡ୍‌, ପର୍ର ସ୍ୱର୍ଗତାଗ୍‌ ଆତଣ୍ଡ୍‌ ।

୧ ପିତର୍‍ 1:19

କିନ୍ତୁ ଆଦ୍ ନିର୍ଦୋଷ୍‍, କାରାପ୍‍ ଆୟ୍‍ୱାଦ୍‍ ମେଣ୍ଢାପିଲେ ଲେକାମ୍ କ୍ରିଷ୍ଟନ୍ ଆତ୍ମବଲିତେ ଗାଟି ଦାମ୍‍ଦେ ନେତୁର୍ ।

୧ ପିତର୍‍ 2:22

ଅଣ୍ଡ୍‌ ବାତେବା ପାପ୍‍ ମାଡ଼୍‍ୱେ ମାତ୍‍ତନ୍ । ଅନ୍‌ ପାୟୁର୍‍ତାଗାଙ୍କ୍ ମିଚ୍ ଗଟି ପେଇତାନୱୁ ବେନ ବେସୁଙ୍କ୍‍ କେଞ୍ଜ୍‍ୱେ ମାତ୍‍ତନ୍ ।

୧ ଯୋହନ୍‌‌ 4:4

କିନ୍ତୁ ପିଲାନଡ଼ି ! ମିଡ଼୍ ଇଶ୍ୱର୍‌ତେ ପିଲା । ଆ ବୁସା ମାଡ଼ାନ୍‍ ବାବବାଦୀଡ଼୍‍କ୍‍ ମିଡ଼୍ ଆରା ମାଡ଼୍‍ତିଡ଼୍, ବାତେଙ୍କ୍‍ଇତ୍କ ମୀଇ ହୃଦୟତାଗ୍ ବାସେ ମାଡ଼ମାନ୍ଦାନ୍ ଇଶ୍ୱର୍‌ତେ ଆତ୍ମା, ସଂସାର୍‍ତେ ନାରୁଡ଼୍‍ ଆତ୍ମାତାଗାଙ୍କ୍ ଅଦିକ୍‌ ଶକ୍ତିଶାଳି ।

୧ ଯୋହନ୍‌‌ 5:18

ବେନ ଆୟି ଇଶ୍ୱର୍‍ତାଗାଙ୍କ୍‍ ପୁଟ୍‍ତଣ୍ଡ୍‍ ଅଣ୍ଡ୍‌‍ ପାପାମ୍‍ତାଗ୍‍ ମାନଣ୍ଡ୍‍ । ବାତେଙ୍କ୍ଇତ୍କେ ଇଶ୍ୱର୍‌ତେ ମାର୍‍ ଅଙ୍କ୍‌ ରକ୍ଷା ମାଡ଼ିତଣ୍ଡ୍ ଶୟତାନ୍ ଅନାଦ୍‌ କ୍ଷତି ମାଡ଼େ ପାର୍‍ୱ ।

୧ ଯୋହନ୍‌‌ 5:19

ମାନାଡ଼୍ ଇଶ୍ୱର୍‌ତାଗଙ୍କ୍‍ ପୁଟ୍‍ତାଡ଼୍ ନୁ ସାରେ ଜଗତ୍‍ ପାପାମ୍‍ତେ ଅଦିନ୍‌ତାଗ୍ ମିନ୍ଦେ, ଇଦ୍‍ ମାନାଡ଼୍‍ ପୁତ୍‍ତାଡ଼୍ ।

ପ୍ରକାଶିତ୍‌ ବାକ୍ୟ 12:9

ଆଦ୍ ତାଡ଼ାମ୍ ଆଦୁତ୍, ସାରେ ଜଗତ୍‍ତିଙ୍କ୍ ତିପାଲ୍‌ ମାଡ଼ିମାନ୍ଦାନ୍ ଗାଟି ସାତ୍‍ୱାମ୍‍ ମାନ୍ଦାନ୍‍ ପାଃନ୍ତେ ତାଡ଼ାମ୍, ଶୟତାନ୍‍; ତାନ୍ ଦୂତନ୍‍ତଡ଼୍ ସ୍ୱର୍ଗତାଗାଙ୍କ୍ ରାଲି ପୃତିବିତାଗ୍ ୱାସ୍ ରାଲ୍‍ତେ ।