ଯୋହନ୍‌‌ 14:24 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁴ ବେନ ନାକିଂଙ୍କ୍ ପ୍ରେମ ମାଡ଼ନ୍, ଅଣ୍ଡ୍‌ ନା ବାକ୍ୟ ପାଲନ୍ ମାଡ଼ନ୍ । ନାନ୍ ଇସ୍‍ମାନ୍ଦାନ୍ ଶିକ୍ଷା ନାୱାଦ୍ ଆୟ୍‍ୟ ଆଦ୍ ନା ପ୍ରେରଣାକର୍ତ୍ତାନ୍ ଇଶ୍ୱର୍‌ତାଦ୍ ।

ଯୋହନ୍‌‌ 14:24 ပူးပေါင်းရင်းမြစ်များ

ମାତିଉ 19:21

ଜିସୁଅଙ୍କ୍‌ ଉତ୍ତର୍ କେତ୍‍ତାନ୍, “ଯଦି ନିମ୍‍ ସାରେଦିନାତ୍ ଜିୱୁନ୍ ଦର୍‍କାନଙ୍କ୍ ଇଚ୍ଛା, ଅନ୍‌ ମିୟାଦ୍ ସାରେ ସମ୍ପତି ୱାମିମିକା ଡାବ୍‍କ୍ ଗରିବ୍‍ ନାରୁଡ଼୍‍କ୍ ଦାନ ମାଡ଼େ । ଆଲା ମାଡ଼୍‍କେ ନିମ୍‍ ସ୍ୱର୍ଗତାଗ୍ ସମ୍ପତି ଦର୍‍କିତ୍ ହାଉସାରେ ମାଡ଼ିମେଣ୍ଡେ ନା ପେର୍କେ ପେର୍କେ ୱାଡ଼ା ।”

ଯୋହନ୍‌‌ 14:10

ନାନ୍ ଯେ ବାବାନାଗେ ମିନ୍ଦେନ୍ ନୁ ବାବାଲ୍ ନାୟାଗ୍ ମିନ୍ଦେନ୍, ଇ ଗଟ୍ ବାତେଏ ବିଶ୍ୱାସ୍ ମାଡ଼୍‍ୱିନ୍ ? ନାନ୍ ମିକିଂଙ୍କ୍ ବେନ୍ ସାରେ ବାକ୍ୟ କେତ୍‍ତାନ୍, ଆଦ୍‍ ସାରେ ନା ନିଜେତ୍ ତାଗାଙ୍କ୍ କେଲନ୍, ବାତେଙ୍କ୍ ଇତ୍‍କେ ବାବାନାଗେ ମାଞ୍ଜ୍ ନିଜେତ୍ ପାଡ଼୍‍ୟି ମାଡ଼ୁତଣ୍ଡ୍ ।

ଯୋହନ୍‌‌ 14:15

ଯଦି ମିଡ଼୍ ନାକିଂଙ୍କ୍ ପ୍ରେମ ମାଡ଼ୁତିଡ଼୍, ଆଲେକେ ନାଉ ଗଟ୍ ସାରେ ପାଲନ୍ ମାଡ଼ିତିଡ଼୍ ।

ଯୋହନ୍‌‌ 14:25

“ନାନ୍ ମିଇ ପାକେ ମାନ୍ଦାନ୍‍ୱେଲେ ଇଦ୍ ସାରେ ଗଟ୍ କେସ୍‍ସିତ୍‍ତାନ୍ ।

ଯୋହନ୍‌‌ 3:11

ନାନ୍ ନିକିଂଙ୍କ୍ ସତ୍ କେତୁତାନ୍, ମାନାଡ଼୍ ବାତେଏ ପୁତ୍‍ତାଡ଼୍‍, ଆଦ୍ କେତିତାଡ଼୍‍, ମେଣ୍ଡେ ବାତେଏ ଉଡ଼ିମାନ୍ତ୍‍ତାଡ଼୍‍, ଆଦିନ୍ ବିଷୟ୍‍ତେ ସାକ୍ଷ୍ୟ ହିଦ୍‍ତାଡ଼୍‍, ମେଣ୍ଡେ ମିଡ଼୍ ମାୱାଦ୍ ସାକ୍ଷ୍ୟ ଗ୍ରହନ୍ ମାଡ଼୍‍ୱିଡ଼୍ ।

ଯୋହନ୍‌‌ 3:34

ବାତେଙ୍କ୍ ଇତ୍‍କେ ଇଶ୍ୱର୍ ବେନଙ୍କ୍ ରୟ୍‍ସ୍‍ମିନ୍ଦେଣ୍ଡ୍, ଅଣ୍ଡ୍‌ ଇଶ୍ୱର୍‌ତେ ବାକ୍ୟ କେତିତଣ୍ଡ୍, ଆଦିଙ୍କ୍ ଅଣ୍ଡ୍‌ ପୁରାପୁରି ଲେକାମ୍ ଆତ୍ମାତିଙ୍କ୍ ବେଡ଼୍‍ୟାଦ୍‍ ମାଡ଼ିତନ୍ ।

ଯୋହନ୍‌‌ 5:19

ଜିସୁ ଅଡ଼୍‌‍କିଂଙ୍କ୍ ଉତ୍ତର୍ ହିତ୍‍ତଣ୍ଡ୍, “ସତ୍ ନାନେ ମିକିଂଙ୍କ୍ କେସମିନ୍ଦେନ୍, ମାର୍‍ ନିଜେ ବାତେମିକା ମାଡ଼େ ପାର୍‍ୱଣ୍ଡ୍ । ମାର୍‍ ବାବଙ୍କ୍ ବାତେଏ ମାଡ଼ାନାଦ୍ ଉଡ଼ିତଣ୍ଡ୍, ଅଣ୍ଡ୍‌ ଆନ୍‌‍ତେ ଆଦେ ମାଡ଼ିତନ୍ । ବାତେଙ୍କ୍ ଇତ୍‍କେ ବାବାଲ୍ ବାତେଏ ମାଡ଼ିତନ୍ ମାର୍‍ ଆନ୍‌‍ତେ ଆଦେ ମାଡ଼ିତନ୍ ।

ଯୋହନ୍‌‌ 5:38

ମେଣ୍ଡେ ଅନ୍‌‍ୱାଦ୍ ବାକ୍ୟତିଙ୍କ୍‌ ମିଇ ହୃଦୟ୍‍ତାଗ୍ ପଡ଼ିୟ୍ ହିୱିଡ଼୍‍, ବାତେଙ୍କ୍ ଇତ୍‍କେ ଅଣ୍ଡ୍‌ ବେନଙ୍କ୍ ରହତଣ୍ଡ୍, ଅଂକିଙ୍କ୍‌ ମିଡ଼୍ ବିଶ୍ୱାସ୍ ମାଡ଼୍‍ୱିଡ଼୍ ।

ଯୋହନ୍‌‌ 7:16

ଆସୁଙ୍କ୍ ଜିସୁ ଅଡ଼୍‌‍କିଂଙ୍କ୍ ଉତ୍ତର୍ ହିତ୍‍ତଣ୍ଡ୍, “ନାୟାଦ୍ ଶିକ୍ଷା ନାୟାଦ୍ ନିଜ୍‍ତାଦ୍‍ ଆୟ୍‍ୟ, ବାତେଙ୍କ୍ ଇତ୍‍କେ ନାକିଂଙ୍କ୍ ରହତେନଣ୍ଡ୍ ଇଶ୍ୱର୍‌ତେ କନ୍‍ସ୍ ୱାସ୍‍ମିନ୍ଦେ ।

ଯୋହନ୍‌‌ 7:28

ଆସୁଟେ ଜିସୁ ମନ୍ଦିର୍‍ତାଗ୍ ଶିକ୍ଷା ହିସ ବେଡ଼୍‍ୟ୍ ଲେଙ୍ଗ୍‍ତେ କେତ୍‍ତଣ୍ଡ୍, “ମିଡ଼୍ ନାକିଂଙ୍କ୍ ନୁ ନାୟାଦ୍ ଉତ୍ପତ୍ତିଙ୍କ୍ ପୁତ୍‍ତିଡ଼୍ କି ? ନାନ୍ ନିଜର୍‍ତାଗାଙ୍କ୍ ୱାଡ଼ନ୍‍, ବାତେଙ୍କ୍ ଇତ୍‍କେ ନା ପ୍ରେରଣାକର୍ତ୍ତାଲ୍‍ ସତ୍, ଅଂକିଙ୍କ୍‌ ମିଡ଼୍ ପୁନ୍‍ୱିଡ଼୍ ।

ଯୋହନ୍‌‌ 8:26

ମିଇ ବିଷୟ କେତାଙ୍କ୍ ନୁ ବିଚାର୍ ମାଡ଼ାଙ୍କ୍ ନାୱାଦ୍ ନାର୍‍ଗେ ଗଟି ମିନ୍ତେ; ବାତେଙ୍କ୍ ଇତ୍‍କେ, ନା ୱାଦାନ୍ କର୍ତ୍ତାଲ୍ ସତ୍, ମେଣ୍ଡେ ନାନ୍ ଅନାଗାଙ୍କ୍ ବାତେଏ କେଞ୍ଜ୍‍ତାନ୍, ଆଦ୍‍ ସାରେ ଜଗତ୍‍ତାଗ୍ କେସମିନ୍ଦେନ୍ ।”

ଯୋହନ୍‌‌ 8:28

ଜିସୁ କେତ୍‍ତଣ୍ଡ୍, “ବେସୁଙ୍କ୍‍ ମିଡ଼୍ ନାରୁନ୍ ପିଲେତିଙ୍କ୍ ପର୍‍ର ତେସ୍‍ମାତ୍‍ତିଡ଼୍, ଆସୁଙ୍କ୍ ନାନ୍ ଯେ ଆଦ୍ ନାରୁନ୍ ନୁ ନାନ୍ ନିଜ୍‍ତାଗାଙ୍କ୍ ବାତେଏ ମାଡ଼୍‍ୱେ ବେଲାନ୍ ବାବାଲ୍ ନାକିଂଙ୍କ୍ ବେଦ୍‍ଲେକାମ୍ ଶିକ୍ଷା ଇତ୍‍ତନ୍, ଆଦେଲେକାମ୍ ଇଦ୍ ସାରେ ଗଟି କେସମିନ୍ଦେନ୍, ଇଦ୍ ମିଡ଼୍ ପୁନ୍‍ତିଡ଼୍ ।

ଯୋହନ୍‌‌ 8:38

ନାନ୍ ବାବାନ୍ ପାକେ ବାତ୍ ବାତ୍ ଉଡ଼ିମିନ୍ଦେନ୍, ଆଦ୍ ସାରେ କେସ ମିନ୍ଦେନ୍; ମିଡ଼୍ ମିକା ମିଇ ବାବାନ୍ ନାଗାଙ୍କ୍ ବାତ୍ ବାତ୍ କେସମିନ୍ଦେନ୍ ଆଦ୍‍ ସାରେ ମାଡ଼ାଟ୍ ।”

ଯୋହନ୍‌‌ 8:42

ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ଇଶ୍ୱର୍ ଯଦି ମିଇ ବାବାଲ୍ ଆୟେଣ୍ଡ୍, ଆଲେକେ ମିଡ଼୍ ନାକିଂଙ୍କ୍ ପ୍ରେମ ମାଡ଼େଡ଼ି; ବାତେଙ୍କ୍ ଇତ୍‍କେ ନାନ୍ ଇଶ୍ୱର୍‌ତାଗାଙ୍କ୍ ୱାସ୍ ଇଞ୍ଜେ ହିଗେ ମିନ୍ଦେନ୍; ନାନ୍ ନିଜେ ତାଗାଙ୍କ୍ ୱାଡ଼ନ୍ ବାତେଙ୍କ୍ ଇତ୍‍କେ ଅଣ୍ଡ୍‌ ନାକିଂଙ୍କ୍ ରହସ୍‍ମିନ୍ଦେନ୍ ।