ଯୋହନ୍‌‌ 14:23 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²³ ଜିସୁ ଅଂକିଙ୍କ୍‌ ଉତ୍ତର୍ କେତ୍‍ତଣ୍ଡ୍‌, ଯଦି ବେନ ନାକିଂଙ୍କ୍ ପ୍ରେମ ମାଡ଼୍‍କେ ଆଲେକେ ଅଣ୍ଡ୍‌ ନା ବାକ୍ୟ ପାଲନ୍ ମାଡ଼ିତନ୍, ମେଣ୍ଡେ ନା ବାବାଲ୍ ଅଂକିଙ୍କ୍‌ ପ୍ରେମ ମାଡ଼ିତନ୍, ମେଣ୍ଡେ ମାମ୍‍ମେ ଅନ୍‌ ପାକେ ୱାସ୍ ଅନ୍‌ ତଡ଼୍ ମାନ୍‍ତମ୍ ।

ଯୋହନ୍‌‌ 14:23 ပူးပေါင်းရင်းမြစ်များ

ଯୋହନ୍‌‌ 10:30

ବାବାଲ୍ ନୁ ନାନ୍ ୱେରଣ୍ଡ୍‌ ।”

ଯୋହନ୍‌‌ 14:15

ଯଦି ମିଡ଼୍ ନାକିଂଙ୍କ୍ ପ୍ରେମ ମାଡ଼ୁତିଡ଼୍, ଆଲେକେ ନାଉ ଗଟ୍ ସାରେ ପାଲନ୍ ମାଡ଼ିତିଡ଼୍ ।

ଯୋହନ୍‌‌ 14:17

ଅଣ୍ଡ୍‌ ସତ୍ୟମୟ ଆତ୍ମାଙ୍କ୍ ହିଦ୍‍ତନ୍ । ଜଗତ୍ ଅଂକିଙ୍କ୍‌ ଗ୍ରହନ୍ ମାଡ଼େ ପାର୍‍ୱ, ବାତ୍‍ତିଙ୍କ୍ ଜଗତ୍ ଅଂକିଙ୍କ୍‌ ଉଡ଼ କି ପୁନ୍‍ନ; ବାତେଙ୍କ୍ ଇତ୍‍କେ ମିଡ଼୍ ଅଂକିଙ୍କ୍‌ ପୁତ୍‍ତିଡ଼୍, ବାତେଙ୍କ୍ ଇତ୍‍କେ ଅଣ୍ଡ୍‌ ମିଇ ତଡ଼୍ ମାନ୍‍ତନ୍, ମେଣ୍ଡେ ଅଣ୍ଡ୍‌ ମିଇ ଜିୱେତାଗ୍ ମାନ୍‍ତନ୍ ।

ଯୋହନ୍‌‌ 14:21

ବେନ ନା ଗଟିସାରେ ଗ୍ରହନ୍ ମାଡ଼ି ପାଲନ୍ ମାଡ଼ିତନ୍, ଅଣ୍ଡ୍‌ ନାକିଂଙ୍କ୍ ପ୍ରେମ ମାଡ଼ିତନ୍, ମେଣ୍ଡେ ବେନ୍ ନାକିଂଙ୍କ୍ ପ୍ରେମ ମାଡ଼ିତନ୍, ନା ବାବାଲ୍ ଅଂକିଙ୍କ୍‌ ପ୍ରେମ ମାଡ଼ିତନ୍, ମେଣ୍ଡେ ନାନେମିକା ଅଂକିଙ୍କ୍‌ ପ୍ରେମ ମାଡ଼ିତାନ୍ ନୁ ଅଂକିଙ୍କ୍‌ ପ୍ରକାଶ୍ ମାଡ଼ିତାନ୍ ।

ଯୋହନ୍‌‌ 14:24

ବେନ ନାକିଂଙ୍କ୍ ପ୍ରେମ ମାଡ଼ନ୍, ଅଣ୍ଡ୍‌ ନା ବାକ୍ୟ ପାଲନ୍ ମାଡ଼ନ୍ । ନାନ୍ ଇସ୍‍ମାନ୍ଦାନ୍ ଶିକ୍ଷା ନାୱାଦ୍ ଆୟ୍‍ୟ ଆଦ୍ ନା ପ୍ରେରଣାକର୍ତ୍ତାନ୍ ଇଶ୍ୱର୍‌ତାଦ୍ ।

ଯୋହନ୍‌‌ 15:10

ନାନ୍ ବେଲା ନା ବାବାନ୍ ଗଟ୍ ପାଲନ୍ ମାଡ଼ି ଅନାଦ୍‌ ପ୍ରେମାତାଗ୍ ତିଆର୍ ଆତ୍‍ତାନ୍, ଆଦେପୁଟୁଙ୍କ୍ ମିଡ଼୍ ମିକା ନା ଗଟ୍ ପାଲନ୍ ମାଡ଼ିତିଡ଼୍, ନା ପ୍ରେମାତାଗ୍ ତିଆର୍ ଆଦେ ପାର୍‍ଦ୍‍ତିଡ଼୍ ।”

ଯୋହନ୍‌‌ 16:27

ବାବାଲ୍ ନିଜେ ମିକିଂଙ୍କ୍ ପ୍ରେମ ମାଡ଼ିତନ୍, ବାତେଙ୍କ୍ ଇତ୍‍କେ ମିଡ଼୍ ନାକିଂଙ୍କ୍ ପ୍ରେମ ମାଡ଼୍‍ତିଡ଼୍ ନୁ ନାନ୍ ଯେ ଇଶ୍ୱର୍‌ତାଗାଙ୍କ୍ ୱାସ୍‍ମିନ୍ଦେନ୍, ଆଦ୍ ମିଡ଼୍ ବିଶ୍ୱାସ୍ ମାଡ଼୍‍ତିଡ଼୍ ।

ଯୋହନ୍‌‌ 6:56

ବେନ ନା ଆଉଙ୍ଗ୍ ତିନ୍‍ତଣ୍ଡ୍ ନୁ ନା ନେତୁର୍ ଉନ୍‍ତଣ୍ଡ୍, ଅଣ୍ଡ୍‌ ନାୟାଗେ ମାନ୍‍ତଣ୍ଡ୍ ନୁ ନାନ୍ ଅନ୍‌‍ଆଗେ ମାନ୍‍ତାନ୍ ।

ଯୋହନ୍‌‌ 8:51

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ବେନ ନାୱାଦ୍ କେତାନାଦ୍ ପାଲନ୍ ମାଡ଼ିତନ୍, ଅଣ୍ଡ୍‌ ବେସୁଙ୍କ୍‌ବା ଡଲନ୍ ।”

ଯୋହନ୍‌‌ 8:52

ଯିହୁଦୀନଡ଼୍ ଅଂକିଙ୍କ୍‌ କେତ୍‍ତଡ଼୍, “ଇଞ୍ଜେ ମାମ୍‍ମେ ପୁତ୍‍ତମ୍ ଯେ, ନିକିଂଙ୍କ୍ ବୁତ୍‌ପଇସ୍ ମିନ୍ଦେ, ଅବ୍ରାହାମ୍‌ ନୁ ବାବବାଦିଡ଼ି ଡଲିମିନ୍ଦେଡ଼୍, ମେଣ୍ଡେ ନିମ୍‍ କେତୁତିନ୍, ଯଦି ବେନ ନାୱାଦ୍ କେତାନାଦ୍ ପାଲନ୍ ମାଡ଼ିତନ୍, ଆଲାଇତ୍‍କେ ଅନାଗେ ବେସୁଙ୍କ୍‌ବା ଡଲ୍‍ନାଦ୍ ମାନ୍‍ନ ।

୨ କରନ୍ତିୟ 6:16

ଇଶ୍ୱର୍‌ତେ ମନ୍ଦିର୍‍ତାଗ୍ ବେଲାନ୍ ପୁତ୍‌ଲାମ୍‌ ପ୍ରତିଷ୍ଠା ଆଦ୍‍ଦେ ପାର୍ଦେତେ ? ମାନାଡ଼୍ ତ ଜୀୱେମାନ୍ଦାନ୍‌ ଇଶ୍ୱର୍‌ତେ ମନ୍ଦିର୍, ବାତେଙ୍କ୍ ଇତ୍‍କେ ଇଶ୍ୱର୍ ନିଜେ କେତ୍‍ତାନ୍, “ନା ନାରିଡ଼୍‍ତ ନାନ୍ ବାଦ୍‍କିତାନ୍ ନୁ ଅଡ଼୍‌‍ତଡ଼୍ ଉଡିତାନ୍; ନାନ୍ ଅଡ଼୍‌ ଇଶ୍ୱର୍ ଆଦ୍‍ତନ୍ ନୁ ଅଡ଼୍‌ ନା ନିଜେତ୍ ନାରୁଡ଼୍ ଆଦ୍‍ତଡ଼୍ ।”

ଏଫିସିୟ 3:17

ନାନ୍ ପ୍ରାର୍ତନା ମାଡ଼ିତାନ୍ ବେଦ୍‍ପୁଟୁଙ୍କ୍ ମିଇ ବିଶ୍ୱାସ୍‍ତେ ଶକ୍ତିତେ କ୍ରିଷ୍ଟ ମିଇ ହୃଦୟ୍‍ତାଗ୍ ମାନ୍‍ତଣ୍ଡ୍ । ନାନ୍ ପ୍ରାର୍ତନା ମାଡ଼ିତାନ୍, ବେଦ୍‍ପୁଟୁଙ୍କ୍ ମିୟାଦ୍ ପାଣ୍ଡେସନ୍‌ ପ୍ରେମତେ ତିୟାର୍ ନୁ ଡୁଟାଙ୍ଗ୍ ଆଦ୍‍ତେ ।

୧ ଯୋହନ୍‌‌ 2:24

ମୁନେଙ୍କ୍‍କଞ୍ଜ୍ ବେନ୍ ଗଟ୍‍ କେଞ୍ଜ ୱାତ୍‍ତିଡ଼୍, ଆଦିନ୍ ସେଙ୍ଗେ ବିଶ୍ୱସ୍ତ ଆସ୍ ମାନୁଟ୍ । ମୁନେଙ୍କ୍ କଞ୍ଜ୍ ବାତେ କେଞ୍ଜ୍‍ତିଡ଼୍, ଅଙ୍କ୍‌ ଯଦି ଲେକେତ୍‍ ନେଏତେ ପାର୍‍ତିଡ଼୍, ଆଲେକେ, ମିଡ଼୍ ବାବାଙ୍କ୍ ଇଶ୍ୱର୍ ନୁ ତାନ୍ ମାରିନ୍‍ ତୋଡ଼୍ ସାରେଦିନାତ୍ ସେଙ୍ଗ୍ କାଇଲି ମାନ୍‍ତିଡ଼୍ ।

୧ ଯୋହନ୍‌‌ 2:5

କିନ୍ତୁ ବେନ ଅନ୍‌‍ ବାକ୍ୟ ପାଳନ୍ ମାଡ଼ିତଣ୍ଡ୍‍ ଇଶ୍ୱର୍‌ତାଗ୍‍ ଅନ୍‌‍ୱାଦ୍‍ ଗଟ୍‍ତେ ପାଲନ୍ ମାଡ଼ିତନ୍; ଇଶ୍ୱର୍‌ତେ ସେଙ୍ଗେ ଅନାଦ୍‌ ପ୍ରେମ ପାଏମ୍ ଆସ୍‍ମାନ୍ତନ୍ । ଜିୱେ ଇଶ୍ୱର୍‌ତେ ସତ୍‍ତା ମାନାଡ଼୍ ଯେ ଏର୍କାମାଡ଼ୁତାଡ଼୍; ଇଦ୍ ନିଜାମ୍‍ତେ ବେଲାନ୍ ପୁନ୍ଦେ ପାର୍‍ତାଡ଼୍ ?

୧ ଯୋହନ୍‌‌ 4:4

କିନ୍ତୁ ପିଲାନଡ଼ି ! ମିଡ଼୍ ଇଶ୍ୱର୍‌ତେ ପିଲା । ଆ ବୁସା ମାଡ଼ାନ୍‍ ବାବବାଦୀଡ଼୍‍କ୍‍ ମିଡ଼୍ ଆରା ମାଡ଼୍‍ତିଡ଼୍, ବାତେଙ୍କ୍‍ଇତ୍କ ମୀଇ ହୃଦୟତାଗ୍ ବାସେ ମାଡ଼ମାନ୍ଦାନ୍ ଇଶ୍ୱର୍‌ତେ ଆତ୍ମା, ସଂସାର୍‍ତେ ନାରୁଡ଼୍‍ ଆତ୍ମାତାଗାଙ୍କ୍ ଅଦିକ୍‌ ଶକ୍ତିଶାଳି ।

୧ ଯୋହନ୍‌‌ 5:3

ଇଶ୍ୱର୍‌ତେ ସେଙ୍ଗେ ମାନାଦ୍‍ ପ୍ରେମ ମିନ୍ଦେ, ଇଦିନ୍ ଅର୍ତ, ମାନାଡ଼୍ ଅନ୍‌ ଆଜ୍ଞା ପାଲନ୍ ମାଡ଼ିତାଡ଼୍ । ଅନ୍‌ ଆଜ୍ଞା ପାଲନ୍ ମାଡ଼ାନାଦ୍ ଗାଟି କଷ୍ଟ ଇଲେ,

୨ ଯୋହନ୍‌‌ 1:6

ବେନ୍ ପ୍ରେମ ଗଟ୍ ଇଗେ ଲେକ୍‍ତାନ୍, ଆଦିନ୍ ଅର୍ତ ଆତ୍‍ତେ, ଜିୱେତାଗ୍ ଇଶ୍ୱର୍‌ତେ ଗଟ୍ ପାଲନ୍ ମାଡ଼ିକାଡ଼୍ । ଆଦ୍ ଗଟ୍ ବାତେ, ମିଡ଼୍ ମୁନେଙ୍କ୍‍କଞ୍ଜ୍ କେଞ୍ଜ୍‍ତିଡ଼୍, ଆଦ୍ ଆତ୍‍ତେ, ମାମେ ସାରେତମ୍ ନିଜେ ନିଜର୍‍ ଲୋପେ ପ୍ରେମତେ କାଇଲି ମାନ୍ଦାନାଦ୍ ସାୟେ ।

ପ୍ରକାଶିତ୍‌ ବାକ୍ୟ 21:22

ନାନେ ନାର୍‍ଦାଗ୍‍ ବାତ୍‍ ମନ୍ଦିର୍ ବା ଉଡ଼ନ୍‍, କିନ୍ତୁ ସ୍ୱୟଂ ସାରେତିଙ୍କ୍‍ ଶକ୍ତିମାନ୍‍ ଇଶ୍ୱର୍ ନୁ ମେଣ୍ଢା ମେୟ୍‍ତାନଣ୍ଡ୍ ଅଦୁତଣ୍ଡ୍ ଆଦ୍‍ ନାର୍‍ଦେ ମନ୍ଦିର୍‍ ।

ପ୍ରକାଶିତ୍‌ ବାକ୍ୟ 21:3

ମେଣ୍ଡେ ସ୍ୱର୍ଗସିଂହାସନ୍‌ ତାଗାଙ୍କ୍ ୱେରଡ଼୍ ଗଟ୍ କେତ୍‍ତଡ଼୍, “ଇଞ୍ଜେ ଇଶ୍ୱର୍‌ତାଗ୍‍ ମାନ୍ଦାନ୍ ନାରୁଡ଼୍ ଲୋପେ; ଅଣ୍ଡ୍‌ ଅଡ଼୍‌‍ ତୋଡ଼୍ ମାନ୍‍ତନ୍ ନୁ ଅଡ଼୍‌‍ ତାନ୍ ନିଜେତେ ନାରୁଡ଼୍ ଆଦ୍‍ତଡ଼୍ । ଇଶ୍ୱର୍ ଅଡ଼୍‌‍ତଡ଼୍ ମାନ୍‍ତନ୍ ନୁ ଅଡ଼୍‌‍ ଇଶ୍ୱର୍‍ ଆଦ୍‍ତନ୍ ।

ପ୍ରକାଶିତ୍‌ ବାକ୍ୟ 22:3

ଇଶ୍ୱର୍‌ତେ ଅବିଶାପତେ ପାତ୍ର ବାତେବା ବିଷୟ ଆଦ୍ ନଗର୍‍ତାଗେ ଉଡ଼ାନଙ୍କ୍ ଦର୍‍କ । ଇଶ୍ୱର ନୁ ମେଣ୍ଢାଗଲାନ୍‍ ସିଂହାସନ୍ ଆଦ୍ ନାର୍ଦାଗେ ମିକା ମାନ୍ତେ ନୁ ଆଗେ ତାନ୍ ସେବକ୍‍ନଡ଼୍ ତାନ୍ ଆରାଦନା ମାଡ଼ିତଡ଼୍ !