ଯୋହନ୍‌‌ 13:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ମିଇ ଗୁରୁ ନୁ ପ୍ରବୁ ଆସ୍ ନାନ୍ ଯଦି ମିୟାୱୁ ଡେକା ନର୍‍ତାନ୍, ଆଲେକେ ମିଡ଼୍ ଆନ୍‌‍ତେ ନିଜେ ନିଜେ ଡେକା ନର୍‍ଦାନାଦ୍ ସାୟେ ।

ଯୋହନ୍‌‌ 13:14 ပူးပေါင်းရင်းမြစ်များ

ଯୋହନ୍‌‌ 11:2

ବେନ୍ ନାଟାଡ଼୍ ପ୍ରର୍‍ବୁଙ୍କ୍ ସାଏତ୍ ଗାବ୍‍ତାଦ୍ ନିୟ୍‍ ଲେକେତ୍‍ ମାଡ଼ି ତାନ୍ କେଲ୍‍କିନେ ଅନ୍‌ ଡେକାଙ୍କ୍ ଉଞ୍ଜ୍‍ପିତେ, ଇଦ୍ ଆ ମରୀୟମ୍; ତାମ୍ ଦାଦାଲ୍ ଲାଜାର୍ ରୋଗ୍‍ତେ ମାତ୍‍ତଣ୍ଡ୍ ।

ପ୍ରେରିତ 20:35

‘ପାଏମ୍ ଆଦ୍‍ଦାନ୍ ନାଗାଙ୍କ୍ ଦାନ ମାଡ଼ାନାଗ୍ ଅଦିକ୍‌ ୱେଡ଼୍‍କେ ମାନ୍‍ତେ,’ ନିଜେ ପ୍ରବୁ ଜିସୁନାଦ୍ ଇଦ୍ ବାକ୍ୟତିଙ୍କ୍ ହେର୍କା ମାଡ଼ି ଇଦ୍ ରକମ୍ କଷ୍ଟ ପାଡ଼୍‍ୟି ମାଡ଼ି ମାନାଡ଼୍ ଗରିବ୍ ନାରୁଡ଼୍‍କିଂଙ୍କ୍ ସାହାଯ୍ୟ ମାଡ଼ିକାଡ଼୍, ଇଦ୍ ବିଷୟ୍‍ତେ ନାନ୍ ସାରେଦାମ୍ ମିକିଂଙ୍କ୍ ଆଦର୍ଶ ତଅତ୍‍ତାନ୍ ।”

ରୋମୀୟ 12:10

କ୍ରିଷ୍ଟ ବିଶ୍ୱାସୀ ତାମୁଣ୍ଡ୍ ଇନା ନିଜର୍‍ନିଜର୍‍ ଲୋପେ ପ୍ରେମ ମାଡ଼ାଟ୍ ନୁ ନିଜର୍‍ନିଜର୍‍ ଲୋପେ ସମ୍ମାନ୍ ଇଦାନଙ୍କ୍ ଇଚ୍ଛା ମାଡ଼ାଟ୍ ।

ରୋମୀୟ 12:16

ସାର୍ରେତଡ଼୍‍କିଙ୍କ୍‍ ସାମାନ୍ ଲେକାମ୍‍ ଉଡ଼ାଟ୍ । ଆଂକାର୍ ୱିଡ଼୍‍ସି ନମ୍ର ତଡ଼୍ ପାଡ଼୍‍ୟି ମାଡ଼ାଟ୍ । ନିଜେ ଜ୍ଞାନି ଇଞ୍ଜ ଆଲ୍‍ସ୍‍ମାଟ୍ ।

୧ କରନ୍ତିୟ 12:3

ଆଦିନ୍ ସେଙ୍ଗେ ମିଡ଼୍ ପୁନ୍ଦାନାଦ୍ ଦର୍‍କାର୍ ଜେ, ଇଶ୍ୱର୍‌ତେ ଆତ୍ମାତଡ଼୍ ଚାଲେମ୍ ଆସ୍ ବେନ କେତାନଙ୍କ୍ ପାର୍‍ୱଣ୍ଡ୍, “ଜିସୁ ଅବିଶାପ୍‌” ମେଣ୍ଡେ ପବିତ୍ର ଆତ୍ମାତଡ଼୍ ଚାଲେମ୍ ଆୟକ୍, ବେନ ଜିସୁଙ୍କ୍ ପ୍ରବୁ ଇଞ୍ଜ ସ୍ୱୀକାର୍ ମାଡ଼ାନଙ୍କ୍ ପାର୍‍ୱଣ୍ଡ୍ ।

୧ କରନ୍ତିୟ 8:13

ମେଣ୍ଡେ ଯଦି କାଦ୍ୟଦ୍ରବ୍ୟ ନା ଦାଦାନ୍‌ କାରାପ୍‌ ମାଡ଼ୁତା, ଆଲେକେ ମା ଦାଦାଲ୍‌ ବେଲା ନା ତଡ଼୍ କାରାପ୍‌ ଆୟ୍‍ୱାକି, ଇଦିନ୍‌ମାଇଦେ ନାନ୍‌ ବେସୁଙ୍କ୍‌ବା ଆୱୁଙ୍ଗ୍‌ ତିନନ୍‌ ।

୨ କରନ୍ତିୟ 10:1

ନାନ୍ ପାଉଲ୍, ମିକିଂଙ୍କ୍ ନାୟାଦ୍ ଇଦ୍ ବ୍ୟାକ୍ତିଗତ ଦନ୍ୟବାଦ୍ ବେନ କେତିତଡ଼୍‍, “ନାନ୍ ମିଇ ପାକେ ମାନ୍ଦାନ୍ ୱେଲେ ଗାଟି ନମ୍ର ନୁ ଶାନ୍ତି, ବାତେଙ୍କ୍ ଇତ୍‍କେ ଯେକା ଆତ୍‍କେ ଅଦିକ୍‌ ସାହାସୀ ।” କ୍ରିଷ୍ଟନ୍ ନମ୍ରତା ନୁ କମଲ ନାନ୍ ମିକିଂଙ୍କ୍ ଦନ୍ୟବାଦ୍ ମାଡ଼ି କେତୁତାନ୍,

୨ କରନ୍ତିୟ 8:9

ମୀଡ଼୍ ପ୍ରବୁ ଜିସୁ କ୍ରିଷ୍ଟନ୍ ଅନୁଗ୍ରହ ବିଷୟ ପୁନୁଟ୍ । ଅଣ୍ଡ୍‌ ସାଉକାର୍ ଆସ୍‍ମିକା ମିଇ ସେଙ୍ଗେ ଗରିବ୍ ଆତ୍‍ତଣ୍ଡ୍, ଅନ୍‌ ଗରିବ୍ ତଡ଼୍ ମିଡ଼୍ ଗାଲା ବେଲା ସାଉକାର୍ ଆଦ୍ ପାର୍‍ଦ୍‍ତିନ୍ ।

ଗାଲାତୀୟ 5:13

ଆ ଦାଦାଲଡ଼ି ନୁ ହେଲାସ୍କ୍‍ ନଡ଼ି, ମିଡ଼୍ ସ୍ୱାଦିନତା ସେଙ୍ଗେ ୱାତ୍‍ତିଡ଼୍; ଆଦିଙ୍କ୍ ମେନ୍ଦୁଲ୍‍ତେ ଆଶେ ପୁରା ମାଡ଼ାନ୍ ସେଙ୍ଗେ ମଜା ମାଡ଼୍‍ମାଟ୍, ମିଡ଼୍ ମି ଲୋପେ ପ୍ରେମତେ ଦାସ ଆୟ୍‍ମୁଟ୍ ।

ଫିଲିପିୟ 2:11

ମେଣ୍ଡେ ସାରେ ଜିୱାକ୍ ଜିସୁ କ୍ରିଷ୍ଟକେ ପ୍ରବୁ ଇଞ୍ଜ କେସ୍ ମିକା ବାବାଲ୍ ଇଶ୍ୱର୍‌ତିଙ୍ଗ୍ ଗୌରବ୍ ମାଡ଼ିତିଡ଼୍ ।

୧ ତୀମତି 5:10

ପିଲାକିଙ୍କ୍ ଲେକେତ୍ ଯତନ୍ ଆୟନା, ଅବଗତକିଡ଼୍ ଆତିତ୍ୟ ମାଡ଼ିକାଡ଼୍ କ୍ରିଷ୍ଟିୟାନ୍ ଦାଦାଲ୍, ହେଲାସ୍‍କିଙ୍କ୍ ସେଙ୍ଗେ ନମ୍ର ଆଚରନ୍ ମାଡ଼ିକାଡ଼୍, ଗରିବ୍‍ ନାରୁଡ଼୍‍କିଙ୍ଗ୍ ସାହାଯ୍ୟ ମାଡ଼ିକାଡ଼୍ ହିସାରେ ସାୟେକମ୍ ସେଙ୍ଗେ ବେନଡ଼୍ ସମାଜ୍‍ତାଗ୍ କାତି ଲାବ୍ ମାଡ଼ିତଡ଼୍ ।

ଏବ୍ରୀ 12:2

ବେନନ୍ ପର୍ର ମାନାଦ୍‌ ଆରାମ୍‍ ନୁଞ୍ଚ୍‍ ତେରାନ୍‍ ବିଶ୍ୱାସ୍ ଆଶା ମାଡ଼ମିନ୍ଦେ, ଆରାମ୍‌ ନୁଞ୍ଚ ମାଡେଙ୍ଗ୍‌ ଆନା ବେନଙ୍କ୍ ମାନାଲ୍‌ ବିଶ୍ୱାସ ୱାଟିତାଲ୍‌ ଆ ଜିସୁନ୍‌ ପର୍ର ମାନ୍‍ କାଣ୍ଡ୍‌କ୍‌ ୱାଟିକାଡ୍, ଅଣ୍ଡ୍‌‌ କ୍ରୁଶତେ ୱେରେତେ ତାନାଦ୍‌ ପାଡିୟନୁଞ୍ଚ୍‌ ୱେର୍‍ୟ କଟେମ୍‌ ମାତ୍‍ତଣ୍ଡ୍‌, ବଂର ୱାଦାନ୍ ଦିନାମ୍‌ ଅଣ୍ଡ୍‌‌ ମାଇଦିଙ୍କ୍‌ ନେହ୍‌ସିସ୍‌ ମାନ୍ଦାନ୍‌ ସୁକାମ୍‌ ମାଇଦିଙ୍କ୍‌, ସିଲ୍‌ୱାତାଦ୍‌ ଡଲାନ୍‌ ସିଗ୍‌ତିଙ୍କ୍‌ ଅଣ୍ଡ୍‌‌ ତୁଛଜ୍ଞାନ ମାଡ଼୍‌ତଣ୍ଡ୍; ଇଞ୍ଜ ଅଣ୍ଡ୍‌‌ ଦେଉଡ୍‌ତ୍‌ ସିଂହାସନତ୍‌ ତିନ୍ଦା ପାକା ମିନ୍ଦେଣ୍ଡ୍‌ ।

୧ ପିତର୍‍ 4:1

କ୍ରିଷ୍ଟ ନିଜେତ୍ ମେନ୍ଦୁଲ୍‍ତେ ମାନ୍ଦାନ୍ ୱେଲେ କଷ୍ଟ ମାଡ଼୍‍ତାଙ୍କ୍, ମିଡ଼୍‍ ମିକା ଅନ୍‌ ଲେକାମ୍ ମନ୍‍ ମାଡ଼ି ନିଶ୍ଚିତ୍‍ ଆୟମୁଟ୍ ଯେ, ବେନ୍ ନାରୁଣ୍ଡ୍ ଜିୱୁନ୍‍ ମେନ୍ଦୁଲ୍‍ତେ ତିପାଲ୍‍ ଆଦ୍‍ତନ୍, ଅଣ୍ଡ୍‌ ମେଣ୍ଡେ ପାପାମ୍‍ତାଗ୍ ମୁଡ଼ୁନ୍ଦି ମାନଣ୍ଡ୍‍ ।

୧ ପିତର୍‍ 5:5

ଆ ଲେୟଡ଼ି, ମିଡ଼୍ ବୟସ୍ତେ ନାରୁଡ଼୍‍କ୍ ମାନେମ୍‍ ଆୟ୍‍ମୁଟ୍ । ମିଡ଼୍‍ ସାରେତଡ଼୍ ନିଜେ ନିଜେ ସେବାମାଡ଼ାନ୍ ସେଙ୍ଗେ ନମ୍ରତାଉ ଚକା କେର୍‍ମୁଟ୍ । ଶାସ୍ତ୍ରତାଗ୍ ଲେକାମିନ୍ଦେ, “ଇଶ୍ୱର୍ ଆଂକାର୍‍ ନାରୁଡ଼୍‍କ୍ ବିରୁଦ୍‍ ମାଡ଼ିତନ୍, ଇତ୍‍କେ ନମ୍ର ନାରୁଡ଼୍‍କ୍‍ ଅନୁଗ୍ରହ ମାଡ଼ିତନ୍ ।”