ଯୋହନ୍‌‌ 12:28 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁸ ବାବା, ନିୱାଦ୍ ପେଦେର୍ ମହିମାନିତ ମାଡ଼େ ।” ଆଗାଙ୍କ୍ ମାବ୍ ତାଗାଙ୍କ୍ ଇଦ୍ ବାଣି ଆତ୍‍ତେ, “ମାମ୍‍ମେ ଆଦ୍ ମହିମାନିତ ମାଡ଼ିମିନ୍ଦେମ୍, ମେଣ୍ଡନ୍ ଦାମ୍ ମହିମାନିତ ମାଡ଼ିତମ୍ ।”

ଯୋହନ୍‌‌ 12:28 ပူးပေါင်းရင်းမြစ်များ

ମାତିଉ 11:25

ଆସୁଟେ ଜିସୁ ପ୍ରାର୍ତନା ମାଡ଼ି କେତ୍‍ତଣ୍ଡ୍, “ହଁ ବାବା, ସ୍ୱର୍ଗ ନୁ ପୃତିବିତ୍ ପ୍ରବୁ, ଇଦ୍ ସାରେ ଗଟ୍ ବୁଦ୍ଦିମାନ୍ ନୁ ଶିକିତ୍ ନାରୁଡ଼୍ ମିଞ୍ଜ୍‍ସ୍ପିମାଞ୍ଜ୍ କାର୍‍ୱେ ନାରୁଡ଼ାଗ୍ କେସ୍‍ମାନ୍ଦାନ୍ ମାଇଦିଙ୍କ୍ ନାନ୍ ନିକିଂଙ୍କ୍ ଦନ୍ୟବାଦ୍ ଇଦୁତାନ୍ ।

ମାତିଉ 11:26

ହଁ ବାବା, ନିୟାଦ୍ ଇଚ୍ଛା ଲେକାମ୍ ଇଦ୍ ସାରେ ଗଟେମ୍ ଆଦୁତ୍‍ତେ ।”

ମାତିଉ 17:5

ପିତର୍ ଆଦ୍ କେତ୍‍ତାନ୍ ୱେଲେ ୱେରଡ଼୍ ୱେସ୍‍ତେ ମାବ୍ ଅଡ଼୍‌‍କିଂଙ୍କ୍ ତାଲେତ୍ ପର୍‍ର ୱାତ୍‍ତେ ନୁ ଆଗାଙ୍କ୍ କେଞ୍ଜ୍‍ତଡ଼୍, “ହୋ ନା ପ୍ରିୟ ମାର୍‍, ଇନାଗେ ନାନ୍ ପେର୍କେ ସାର୍‍ଦେ । ଅନ୍‌ ଗଟ୍ ମନ୍ଇସ୍ କେଞ୍ଜାଟ୍ ।”

ମାତିଉ 26:42

ଜିସୁ ମେଣ୍ଡନ୍ ଦାମ୍ ଆଞ୍ଜ୍ ପ୍ରାର୍ତନା ମାଡ଼୍‍ତଣ୍ଡ୍, “ବାବାଲ୍ ! ଯଦି ହି ଦୁଃକାମ୍‍ତେ ପାନପାତ୍ରତିଙ୍କ୍ ନାୟାଗାଙ୍କ୍ ଯେକା ମାଡ଼ାଙ୍କ୍ ଆୟ୍‍ୟ ନୁ ନାକିଂଙ୍କ୍ ଆଦ୍ ଉନ୍ଦ୍‍ୱେୟ୍‍ତିତ୍‍, ନିୟାଦ୍ ଇଚ୍ଛା ସାରେ ସଫଲ ଆୟି ।”

ମାତିଉ 3:17

ତାନ୍ ପେର୍କେ ସ୍ୱର୍ଗକନ୍‍ସ ଇଦ୍ ବାଣି ଆତ୍‍ତେ, “ନିମେ ମା ପ୍ରିୟ ମାର୍‍, ନିୟାଗେ ନାନେ ଗାଟି ସନ୍ତୁଷ୍ଟ ।”

ମାର୍କ 1:11

ମେଣ୍ଡେ ସ୍ୱର୍ଗତାଗାଙ୍କ୍‍ ଇଦ୍ ଗଟ୍‍ ୱାତ୍‍ତେ, “ନିମେ ମା ପ୍ରିୟ ମାର୍‍, ନିୟାଗେ ନାନେ ଗାଟି ସନ୍ତୁଷ୍ଟ ।”

ମାର୍କ 14:36

“ହୋ ନା ବାବାନି ! ନିଗାରେ ସାରେ ସମ୍ୱବ । ଇଦି ଉନ୍ଦାନ୍ ସଲେତ୍‍ ଏର୍‍ ନାୟାଗ୍‍କନ୍‍ ଜେକେ ଆୟମ୍ । ଆଦ୍ ଇଞ୍ଜେବା ନାୟାଦ୍‍ ଇଚ୍ଛା ଆୟ୍‌ୟ ନି ଇଚ୍ଛା ସଫଲ ଆୟି ।”

ମାର୍କ 9:7

ଅଟାତ୍‍ ମୟଲ୍‍ ତାଗାଙ୍କ୍‍ ଅଣ୍ଡୟ୍‌‍ ମାବ୍‍ ତନ୍ଦ୍‍ତେ ନୁ ଆଦିନ୍‌ ନିଡ଼୍‍କେ ଅଡ଼୍‌‍କିଂଙ୍କ୍ ମିସ୍‍ତେ । ମେଣ୍ଡେ ଆ ମାବ୍‍ତେ ଲୋପେଙ୍କ୍ ଅଣ୍ଡୟ୍‌‍ ଗଟ୍‍ କେଞ୍ଜାଙ୍କ୍ ଆତ୍‍ତେ, “ହୋ ନା ପ୍ରିୟ ମାର୍‍, ଇନାଦ୍‍ ଲେଙ୍ଗ୍ ମାନ୍‍ ଇସ୍‍ କେଞ୍ଜାଟ୍‍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 3:22

ମେଣ୍ଡେ ପବିତ୍ର ଆତ୍ମା ଡିଗିୱାସ୍ ଜିସୁନ୍ ପରୁ ପାର୍ୱା ରକମ୍ ମେନ୍ଦୁଲ୍‍ ପୟ୍‍ସ୍‍ କୁଦ୍‍ତେ; ମେଣ୍ଡେ ସ୍ୱର୍ଗତାଗାଙ୍କ୍ ଇଦ୍ ଗଟ୍‍ନା ଆତ୍‍ତେ, “ନିମେ ମା ପ୍ରିୟ ମାର୍‍, ନିୟାଗେ ନାନେ ଗାଟି ସନ୍ତୁଷ୍ଟ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 9:35

ଆସୁଟେ ଆଦ୍ ମାବ୍‍ତାଗାଙ୍କ୍ ଇଦ୍‍ପୁଟୁଙ୍କ୍ ଲେଙ୍ଗ୍ ଆତ୍‍ତେ, “ହୋ ମା ପ୍ରିୟ ମାର୍‍, ଇକିଂଙ୍କ୍ ମାମ୍ ହେଞ୍ଚି ମିନ୍ଦେମ୍, ଇନ୍‍ ବାକ୍ୟତିଙ୍କ୍ କେଞ୍ଜାଟ୍ ।”

ଯୋହନ୍‌‌ 11:4

ଇଦ୍ କବର୍ କେଞ୍ଜି ଜିସୁ କେତ୍‍ତଣ୍ଡ୍, “ଇ ରୋଗ୍‍ତେ ଲାଜାର୍ ଡଲନ୍ । ବାତେଙ୍କ୍ ଇତ୍‍କେ ଇଦିନ୍ ତଡ଼୍ ଇଶ୍ୱର୍ ମହିମାନିତ ଆଦ୍‍ତନ୍ ନୁ ଆଦିନ୍ ତଡ଼୍ ଇଶ୍ୱର୍‌ତେ ମାର୍‍ ମିକା ଗୌରବ୍‍ ପାଏମ୍ ଆଦ୍‍ତନ୍ ।”

ଯୋହନ୍‌‌ 18:11

ଆଗାଙ୍କ୍ ଜିସୁ ପିତର୍‍ତିଙ୍କ୍ କେତ୍‍ତଣ୍ଡ୍, “ଚୁର୍ ଗାର୍‍ରେ ନେହେମ୍; ବାବାଲ୍ ଇଶ୍ୱର୍‍ ନାକିଂଙ୍କ୍ ଇସ୍‍ମାନ୍ଦାନ୍ ଇଦ୍ ଦୁଃକାମ୍ ଆଦାନ୍ କଷ୍ଟତାଗାଙ୍କ୍ ନାନ୍‍ନେ ତିନନ୍‍ କି ?”

ଯୋହନ୍‌‌ 9:3

ଜିସୁ ଉତ୍ତର୍ ହିତ୍‍ତଣ୍ଡ୍, “ଅନ୍‌‍ୱାଦ୍ ବା ଅନ୍‌ ୟାୟ୍‍ ବାବାଲ୍ ପାପ୍ ମାଡ଼ଡ଼୍‍, ବାତେଙ୍କ୍ ଇତ୍‍କେ ଇଶ୍ୱର୍‌ତେ ଶକ୍ତିତାଦ୍‍ ପାଡ଼୍‍ୟି ବେଲାନ୍ ଇନାଗେ ତିଆର୍ ଆଦ୍‍ତେ, ଆଦିନ୍ ସେଙ୍ଗେ ଇଦ୍ ଗଟେମ୍ ଆଦ୍‍ତେ ।

ଏଫିସିୟ 2:7

ଜିସୁ କ୍ରିଷ୍ଟନାଗେ ଇସ୍‍ମାନ୍ଦାନ୍ ପ୍ରେମତେ ଅନାଦ୍‌ ଅନୁଗ୍ରହତେ ଶାନ୍ତି ମହତ୍ୱ ଯୁଗ୍‍ଯୁଗ୍ ସାରେଦିନା ମାଡ଼ାନ୍ ସେଙ୍ଗେ ଇଶ୍ୱର୍ ଇଦ୍‍ ମାଡ଼୍‍ତଣ୍ଡ୍ ।

ଏଫିସିୟ 3:10

ବେଦ୍‍ପୁଟୁଙ୍କ୍ ଇଞ୍ଜେତ୍ ସମୟ୍‍ତେ କ୍ରିଷ୍ଟିୟ ମଣ୍ଡଲିତେ ପାଡ଼୍‍ୟିଦେ ସ୍ୱର୍ଗତେ ଅଦିପତି ନୁ ଶକ୍ତିନଡ଼୍ ଇଶ୍ୱର୍‌ତେ ନାର୍‍ଗେ ବୁଦ୍‍ତେ ବିଷୟ୍‍ତେ ପୁରାପୁରି ବୁଜେମ୍ ଆଦ୍‍ପାର୍‍ଦ୍‍ତଡ଼୍ ।

ଏଫିସିୟ 3:21

ମଣ୍ଡଲି ତଡ଼୍‍ ନୁ କ୍ରିଷ୍ଟ ଜିସୁନ୍‍ ତଡ଼୍‍ ଯୁଗ୍ ଯୁଗ୍‍ତେ ସାରେଦିନାତ୍ କାଲାମ୍‍ ଯାକ ଆଦ୍ ଇଶ୍ୱର୍‌ତେ ଗୌରବ୍ ଆୟି । ଆମେନ୍‍ ।

୨ ପିତର୍‌ 1:17

ବାବାଲ୍ ଇଶ୍ୱର୍‍ ତଡ଼୍‍ ଅଣ୍ଡ୍‌ ସମ୍ମାନିତ ନୁ ଗୌରବାନ୍ୱିତ ଆଦାନ୍ ୱେଲେ ମାମେ ଆଗେ ମାତ୍‍ତମ୍ । ମହାମହିମାତାଗାଙ୍କ୍ ଅନ୍‌ ବିଷୟ୍‍ତେ କେସ୍‍ ମାନ୍ଦାନ୍ ଇଦ୍ ଗଟ୍‍ ମାମେ କେଞ୍ଜ୍‍ତମ୍, “ଇଣ୍ଡ୍‍ ମାନ୍‍ ପ୍ରିୟ ମାର୍‍, ଇଣ୍ଡ୍‍ ସେଙ୍ଗେ ମାମେ ସନ୍ତୁଷ୍ଟ ।”