ଯୋହନ୍‌‌ 1:18 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁸ ବେନ ବେସୁଙ୍କ୍‍ ଇଶ୍ୱରତିଙ୍କ୍ ଉଡ଼ଣ୍ଡ୍, ଅନ୍‌ ଡ଼େକାନାଗ୍ ମାନ୍ଦାନ୍ ୱେରଣ୍ଡେ ମାର୍‍ ଅଂକିଙ୍କ୍‌ କେସ୍ ମାଡ଼ିମିନ୍ଦେଣ୍ଡ୍ ।

ଯୋହନ୍‌‌ 1:18 ပူးပေါင်းရင်းမြစ်များ

ମାତିଉ 11:27

“ମା ବାବାଲ୍ ନାକିଂଙ୍କ୍ ସାରେ ଇସ୍‌ ମିନ୍ଦେଣ୍ଡ୍ । ବାବାଙ୍କ୍ ୱିଡ଼୍‍ସ୍‍କେ ମାର୍‍ରିଙ୍କ୍ ମେଣ୍ଡେ ବେନ ପୁନଣ୍ଡ୍ ମେଣ୍ଡେ ମାର୍‍ରିଙ୍କ୍ ୱିଡ଼୍‍ସ୍‍କେ ବାବାଙ୍କ୍ ମେଣ୍ଡେ ବେନ ପୁନଣ୍ଡ୍ । ମାର୍‍ ବେନ ଗାର୍‍ରେ ବାବାନ୍ ଗଟି କେତିତଣ୍ଡ୍, ମାତର୍ ଅଡ଼୍‌ ବାବାଙ୍କ୍ ପୁନ୍‍ତଡ଼୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:22

“ନା ବାବାଲ୍ ଅନାଦ୍‌ ସାରେ ବିଷୟ୍ ନାକିଂଙ୍କ୍ ହିତ୍‍ତଣ୍ଡ୍; ମେଣ୍ଡେ, ମାର୍‍ ବେନ, ଇଦ୍ ବାବାନ୍ ୱିଡ଼୍‍ସି ବେନମେଣ୍ଡେ ପୁନଡ଼୍, ମେଣ୍ଡେ ବାବାଲ୍ ବେନ, ଅନ୍‌‍ମାର୍‍ ୱିଡ଼୍‍ସି ବେନମେଣ୍ଡେ ପୁନଡ଼୍, ଆସୁଟେ ମାର୍‍ ବେନଣ୍ଡ୍ ମୁନ୍‍ନେ ଅଂକିଙ୍କ୍‌ ତଅତାନ୍ ମାଇଦିଙ୍କ୍ ଇଚ୍ଛାମାଡ଼ିତଣ୍ଡ୍, ଅଣ୍ଡ୍‌ ଅଂକିଙ୍କ୍‌ ପୁନ୍‍‍ତଣ୍ଡ୍ ।”

ଯୋହନ୍‌‌ 1:14

ମେଣ୍ଡେ, ଆଦ୍ ବାକ୍ୟ ମେନ୍ଦୁଲ୍ ପଇତେ, ମେଣ୍ଡେ ଅନୁଗ୍ରହ ନୁ ସତ୍‍ତେ ନିଣ୍ଡି ମାନ୍‍ ଲୋପେ ବାସେ ମାଡ଼୍‍ତଣ୍ଡ୍, ମେଣ୍ଡେ ବାବାନାଗାଙ୍କ୍ ୱାତ୍ ୱେରଡ଼୍ ଇଞ୍ଜ ମାର୍‍ଦେ ମହିମା ଲେକାମ୍ ମାମ୍‍ମେ ଅନ୍‌ ମହିମାତିଙ୍କ୍ ଉଡ଼୍‍ତମ୍ ।

ଯୋହନ୍‌‌ 12:41

ଜିଶାଇୟ ଇଦ୍‍ସାରେ କେତ୍‍ତାଙ୍କ୍, ବାତେଙ୍କ୍ ଇତ୍‍କେ ଅଣ୍ଡ୍‌ ଜିସୁନାଦ୍ ମହିମା ଉଡ଼୍‍ତନ୍ ନୁ ଅନ୍‌ ବିଷୟ୍‍ତେ ଗଟିକେତ୍‍ତନ୍ ।

ଯୋହନ୍‌‌ 13:23

ଅଡ଼୍‌ ଆଗାଙ୍କ୍‌ ବେନ୍ ଶିଷ୍ୟଙ୍କ୍ ଜିସୁ ଗାଟି ପ୍ରେମ ମାଡ଼ମାତ୍‍ତନ୍, ଅନ୍‌ ଜିସୁନ୍ ଗାର୍‍ରେ କୁଦିମାତ୍‍ତଣ୍ଡ୍ ।

ଯୋହନ୍‌‌ 14:9

ଜିସୁ ଅଂକିଙ୍କ୍‌ କେତ୍‍ତଣ୍ଡ୍, ପିଲିପ୍, ଇସର୍ ଯାକ ନାନ୍ ନି ସାଙ୍ଗେତେ ମିନ୍ଦେନ୍, ମେଣ୍ଡେ ନିମ୍‍ ବାତେଏ ନାକିଂଙ୍କ୍ ପୁନ୍‍ୱିନ୍ ? ବେନ ନାକିଂଙ୍କ୍ ଦର୍ଶନ୍ ମାଡ଼ିମିନ୍ଦେଣ୍ଡ୍, ଅଣ୍ଡ୍‌ ବାବାଙ୍କ୍ ଦର୍ଶନ୍ ମାଡ଼୍‍ତଣ୍ଡ୍; ମାକିଂଙ୍କ୍ ବାବାନ୍ ଦର୍ଶନ୍ ମାଡ଼ିମ୍ ଇଞ୍ଜ ନିମ୍‍ ବେଲା କେତୁତିନ୍ ?

ଯୋହନ୍‌‌ 17:26

ମେଣ୍ଡେ, ନିମ୍‍ ନାକିଂଙ୍କ୍ ବେଦ୍‍ଲେକାମ୍ ପ୍ରେମ ମାଡ଼୍‍ତିନ୍, ଆଦ୍ ବେଲା ଅଡ଼ାଗ୍ ମାନ୍‍ତା ନୁ ନାନ୍ ଅଡ଼ାଗ୍ ମାନ୍‍ତାନ୍, ଇଦିନ୍ ସେଙ୍ଗେ ନାନ୍ ଅଡ଼୍‌‍କିଂଙ୍କ୍ ନି ପେଦେର୍ କେତ୍‍ତାନ୍ ନୁ କେତିତାନ୍ ।”

ଯୋହନ୍‌‌ 17:6

“ନିମ୍‍ ନାକିଂଙ୍କ୍ ଜଗତ୍‍ତାଗ୍ ବେନ୍ ନାରୁଡ଼୍‍କ୍ ଦାନ ମାଡ଼୍‍ତି, ନାନ୍ ଅଡ଼୍‌ ଗାର୍‍ରେ ନି ପେଦେର୍ ପ୍ରକାଶ୍ ମାଡ଼୍‍ତାନ୍; ଅଡ଼୍‌‍ ନି ମାନେଇ ନୁ ନିମ୍‍ ଅଡ଼୍‌‍କିଂଙ୍କ୍ ନାକିଂଙ୍କ୍ ଦାନ ମାଡ଼୍‍ତି, ମେଣ୍ଡେ ଅଡ଼୍‌ ନିୱାଦ୍ ବାକ୍ୟ ପାଲନ୍ ମାଡ଼୍‍ତଡ଼୍ ।

ଯୋହନ୍‌‌ 3:11

ନାନ୍ ନିକିଂଙ୍କ୍ ସତ୍ କେତୁତାନ୍, ମାନାଡ଼୍ ବାତେଏ ପୁତ୍‍ତାଡ଼୍‍, ଆଦ୍ କେତିତାଡ଼୍‍, ମେଣ୍ଡେ ବାତେଏ ଉଡ଼ିମାନ୍ତ୍‍ତାଡ଼୍‍, ଆଦିନ୍ ବିଷୟ୍‍ତେ ସାକ୍ଷ୍ୟ ହିଦ୍‍ତାଡ଼୍‍, ମେଣ୍ଡେ ମିଡ଼୍ ମାୱାଦ୍ ସାକ୍ଷ୍ୟ ଗ୍ରହନ୍ ମାଡ଼୍‍ୱିଡ଼୍ ।

ଯୋହନ୍‌‌ 6:46

ଇଦିନ୍ ଇତ୍‍କେ ଆୟ୍‍ୟ ଯେ ବେନ ବାବାଙ୍କ୍ ଉଡ଼ିମିନ୍ଦେଣ୍ଡ୍, ବେନ ଇଶ୍ୱର୍‌ତାଗାଙ୍କ୍ ୱାସ୍‍ମିନ୍ଦେଣ୍ଡ୍, ଅଣ୍ଡ୍‌ ମାତର୍ ବାବାଙ୍କ୍ ଉଡ଼ିମିନ୍ଦେଣ୍ଡ୍ ।

୨ କରନ୍ତିୟ 4:4

ଅଡ଼୍‌ ବିଶ୍ୱାସ୍ ମାଡ଼ଡ଼୍‍, ବାତେଙ୍କ୍‍ଇତ୍କେ ଅଡ଼୍‌ ମନ୍‍ତିଙ୍କ୍‌ ଇଦ୍ ଜଗତ୍‌ ନାରୁଡ଼୍‍କିଂଙ୍କ୍ ଶୟ୍‍ତାନ୍‍ କାନାଲ୍‌ ମାଡ଼ିତ୍‍ତେ । ମେଣ୍ଡେ ଇଶ୍ୱର୍‌ତେ ସାରେ ବିଷୟ କ୍ରିଷ୍ଟନ୍ ମାହିମାନିତ ସୁସମାଚାର୍‌ତେ ୱେସ୍ ଅଡ଼୍‌ ପାକ୍ ୱେସ୍ଆୟ ।

କଲସୀୟ 1:15

କ୍ରିଷ୍ଟ, ତନ୍ଦ୍‍ଇଲ୍‍ୱେ ଇଶ୍ୱର୍‌ତେ ତନ୍ଦାନ୍ ରୁପ ଲେକାମ୍ । ଅଣ୍ଡ୍‌ ମୁନେଙ୍କ୍ ପୁଟ୍‍ତେ ମାର୍‍ ନୁ ସାରେ ସୃଷ୍ଟିତାଗାଙ୍କ୍ ଅଣ୍ଡ୍‌ ବାଡ଼୍‍ୟଣ୍ଡ୍ ।

୧ ତୀମତି 1:17

ସାରେ ବିଶ୍ୱ ଜଗତ୍‍ତେ ତନ୍ଦ୍‍ୱାଦ୍‍, ୱେରଣ୍ଡେ ଇଶ୍ୱର୍‌, ସାରେଦିନାତ୍‍ ରାଜାଲ୍‍, ଅଣ୍ଡୟ୍‌‍ମାତର୍ ଇଶ୍ୱର ଯୁଗ୍‍ଯୁଗ୍‍ ସମ୍ମାନିତ ନୁ ମହିମାନ୍ନିତ ଆଇଣ୍ଡ୍‍ । ଆମେନ୍‍ ।

୧ ତୀମତି 6:16

ଇଶ୍ୱର୍ ଅମର୍‍, ଅଣ୍ଡ୍‌ ମାତର୍ ମାନାଦ୍‍, ନାରିଡ଼୍‍ତେ ଏୱୁଦାଙ୍କ୍‍ ପାର୍‍ୱେ ୱେସ୍ ରାଜ୍ୟତେ ଅଣ୍ଡ୍‌ ଆଗେ ମାନ୍‍ତନ୍; ବେନ ଅଙ୍କ୍‌ ବେସୁଙ୍କ୍‍ ଉଡ଼ନ୍; ବେନ ବା ବେସୁଙ୍କ୍‍ ୱୁଡ଼େ ପାର୍‍ୱଣ୍ଡ୍ । ଅନ୍‌ ଗୌରବ୍ ନୁ ସ୍ୱର୍ଗ ରାଜ୍ୟ ଯୁଗ୍‍ଯୁଗ୍‍ ମାନି । ଆମେନ୍‍ ।

୧ ଯୋହନ୍‌‌ 4:12

ବେନ ବେସୁଙ୍କ୍‍ ଇଶ୍ୱର୍‌ତିଙ୍କ୍‍ ଉଡ଼ଣ୍ଡ୍, କିନ୍ତୁ ମାନାଡ଼୍ ଯଦି ନିଜେ ନିଜେତିଙ୍ଗ୍ ପ୍ରେମ ମାଡ଼ିତାଡ଼୍, ଇଶ୍ୱର୍ ମାନାଗେ ମାନ୍‍ତଣ୍ଡ୍‍ ନୁ ମାନାଗେ ଅନାଦ୍‌ ପ୍ରେମ ପୁରାପୁରି ଲାବ୍ ମାଡ଼ିତଣ୍ଡ୍‍ ।

୧ ଯୋହନ୍‌‌ 4:20

ଯଦି ବେନ କେତିତନ୍ ଯେ, ଅଣ୍ଡ୍‌ ଇଶ୍ୱର୍‌ତିଙ୍କ୍ ପ୍ରେମ ମାଡ଼ୁତଣ୍ଡ୍‍, ଆଲେକ୍ ଅଣ୍ଡ୍‌ ତାନ୍ ବିଶ୍ୱାସୀ ଏଲାଡ଼୍‍ତାମୁଙ୍କ୍ ଗୃଣା ମାଡ଼ିତଣ୍ଡ୍‍, ଅଣ୍ଡ୍‌ ମିତ୍ୟାବାଦି । ବାତେଙ୍କ୍‍ଇତ୍‍କେ ନିଜାମ୍‍ ଉଡ଼ ମାନ୍ଦାନ୍ ୱେରଣ୍ଡ୍ ତାମୁଙ୍କ୍ ବେନ ଆୟି ସ୍ନେହ ମାଡ଼େ ପାର୍‍ୱନ୍, ଅଣ୍ଡ୍‌ ତନ୍ଦ୍‍ୱେ ଇଶ୍ୱର୍‌ତିଙ୍କ୍ ବେସୁଙ୍କ୍‍ ପ୍ରେମ ମାଡ଼େ ପାର୍‍ୱନ୍ ।

୧ ଯୋହନ୍‌‌ 4:9

ଇଶ୍ୱର୍ ତାନ୍ ୱେରଣ୍ଡେ ଇଞ୍ଜ ମାର୍‍ ଜିସୁଙ୍କ୍ ଜଗତ୍‍ତାଗ୍ ରସ୍‍ମିକା ମାନ୍‍ ସେଙ୍ଗ୍ ଅନାଦ୍‌ ପ୍ରେମ କେସ୍‍ ମିନ୍ତେନ୍, ଆ ଜିସୁନ୍ ତଡ଼୍ ମାନ୍ଡ଼୍ ଅନନ୍ତ ଜିୱେ ପାଏମ୍‍ ଆଦ୍‍ତାଡ଼୍ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।