ଏବ୍ରୀ 8:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ଅଣ୍ଡ୍‌ ବେଦ୍ ବେଡ଼୍‍ୟେ ପବିତ୍ର ପଡ଼୍‍ୟେତାଗ୍ ମାଡ଼୍‍ତେ ନିଜାତାଦ୍‍ ତମ୍ବୁତ୍‌ ମଦଲ୍‌ ବେଡ଼୍‍ୟେ ପୁଜାରି ଲେକେମ୍‍ ପାଡ଼୍‍ୟି ମାଡ଼ିତଣ୍ଡ୍, ଆଦ୍‍ ନାରୁଡ଼୍‍ ତିଆର ମାଡ଼୍‍ତାଦ୍‌ ଆୟ, ଆଦିଙ୍କ୍‍ ଇଶ୍ୱର ତିଆର୍‍ ମାଡ଼୍‍ତଣ୍ଡ୍ ।

ଏବ୍ରୀ 8:2 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 24:44

ମେଣ୍ଡେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମୋଶାନ୍‌ ନିୟମ୍‍ତାଗ୍ ନୁ ବାବବାଦିଡ଼ାଦ୍ ନୁ ଗୀତସହିଂତା ଦର୍ମଶାସ୍ତ୍ରତାଗ୍ ନା ବିଷୟତେ ବାତ୍ ବାତ୍ ଲେକା ମିନ୍ଦେ, ଆୱ୍ ସାରେ ଆଦାନ୍ ମିନ୍ଦେ, ନାନ୍ ମିଇତଡ଼୍ ମାନ୍ଦାନ୍ ୱେଲେ ମିକିଂଙ୍କ୍ ଇଉସାରେ ଗଟି କେସ୍‍ମାତ୍‍‍ତାନ୍ ।”

ରୋମୀୟ 15:8

ବାତେଙ୍କ୍‍ଇତ୍‍କେ କ୍ରିଷ୍ଟନ୍ ସେବାତାଦ୍ ଜିୱୁଣ୍ଡ୍ ଇହୁଦୀଡ଼୍ ସେଙ୍ଗେ ତିୟାର୍ ଆସ୍‍ମାତ୍‍ତେ । ଅଡ଼୍‌‍କିଂଙ୍କ୍ ଅଣ୍ଡ୍‌ ତଅତାଙ୍କ୍ ଆଲ୍‍ସମାତ୍‍ତଣ୍ଡ୍ ଜେ ଇଶ୍ୱର୍ ବିଶ୍ୱାସ୍‍ତଣ୍ଡ୍‍, ଇହୁଦୀ ଗୋଷ୍ଠୀତ୍‍ ଆନିଦାଦିଡ଼୍‍କିଙ୍କ୍ ଇସ୍‍ମାନ୍ଦାନ୍ ସତ୍‍ ପ୍ରତିଜ୍ଞା ସାର୍‍ରେ ଅଣ୍ଡ୍‌ ପାଲନ୍ ମାଡ଼ିତନ୍ ।

୨ କରନ୍ତିୟ 5:1

ମାନାଡ଼୍ ପୁତ୍‍ତାଡ଼୍ ଯେ, ବେନ୍ ପାର୍ତିବ୍ ମେନ୍ଦୁଲ୍ ଲେକାମ୍ ତମ୍ୱୁତେ ମାନାଡ଼୍ ଇଞ୍ଜେ ମିନ୍ଦେ, ଆଦ୍ ଦ୍ୱଂସ ଆତ୍‍କେ, ମାନ୍‍ ଇଶ୍ୱର୍‌ ସ୍ୱର୍ଗତାଗ୍ ୱେରଡ଼୍ ସାରେଦିନାତ୍ ଡ଼ାଦ୍ ଲନ୍‌ ନେହେଚିସ୍ ମିନ୍ଦେନ୍ ।

କଲସୀୟ 2:11

କ୍ରିଷ୍ଟନ୍‍ତଡ଼୍ କାଇଲି ମାନ୍ଦାନ୍ ଜିୱୁଣ୍ଡ୍‍ କେ ମିୟାଦ୍ ସୁନ୍ନତ ଲେକାମ୍ । ଇଦ୍ ସୁନ୍ନତ ନାରୁଡ଼୍ ମାଡ଼୍‍ତାଦ୍ ଆୟ, ଆଦ୍ କ୍ରିଷ୍ଟନ୍ ତଡ଼୍ ମିନ୍ଦେ । ଆଦ୍ ନାରୁଡ଼୍‍କ୍ ପାପାମ୍‍ ମେନ୍ଦୁଲ୍‍ ତାଗାଙ୍କ୍ ମୁକ୍ତି ଇଦ୍‍ତେ ।

ଏବ୍ରୀ 10:11

ଇହୁଦୀ ପୁଜାରିଡ଼୍‍ ସାରେଦାମ୍‌ ତାମାଦ୍ କାମ୍ ମାଡି ଆଦେ ଅରଟ୍‌ ପ୍ରକାର୍‌ ମେଣ୍ଡେ ପୁଜା ଇଦୁତଡ୍‌, କିନ୍ତୁ ଇୱସାର୍ରେ ପୁଜ୍‍କେବାର୍ ବେସୁଙ୍କ୍‍ ବା ପାପ୍‌ ମାୟି ଆନ ।

ଏବ୍ରୀ 10:21

ଇଶ୍ୱରନ୍‌ ଲୋନ୍‌ ଇଞ୍ଜେ ମାନ୍‍ ବାଡ଼ିୟା ପୁଜାରିଡ଼୍ କାଇଦେ ମିନ୍ଦେ ।

ଏବ୍ରୀ 11:10

ବେନ୍ ସାର୍ରେଦିନାମ୍ ମାନ୍ଦାନ୍ ନଗର୍ ଇଶ୍ୱର୍ ଚିନ୍ତେ ମାଡ଼୍‍ତଣ୍ଡ୍ ନୁ ତିୟାର୍ ମାଡ଼୍‍ତଣ୍ଡ୍, ଅବ୍ରାହାମ୍ ଆଦ୍ ନଗର୍‍ତିଙ୍କ୍ କେପି ମାତ୍‍ତଣ୍ଡ୍ ।

ଏବ୍ରୀ 9:1

ମୁନେତ୍ ନିୟମତାଗ୍ ସେୱାକିନାଦ ନୁ ନାରୁଡ୍‌ ମାଡ଼୍‍ତାଦ୍ ଅରଟ୍ ସେୱା ମାଡ଼ାନ୍ ପଡ଼୍‍ୟେ ବିଷୟତେ ମିନ୍ଦେ ।

ପ୍ରକାଶିତ୍‌ ବାକ୍ୟ 21:3

ମେଣ୍ଡେ ସ୍ୱର୍ଗସିଂହାସନ୍‌ ତାଗାଙ୍କ୍ ୱେରଡ଼୍ ଗଟ୍ କେତ୍‍ତଡ଼୍, “ଇଞ୍ଜେ ଇଶ୍ୱର୍‌ତାଗ୍‍ ମାନ୍ଦାନ୍ ନାରୁଡ଼୍ ଲୋପେ; ଅଣ୍ଡ୍‌ ଅଡ଼୍‌‍ ତୋଡ଼୍ ମାନ୍‍ତନ୍ ନୁ ଅଡ଼୍‌‍ ତାନ୍ ନିଜେତେ ନାରୁଡ଼୍ ଆଦ୍‍ତଡ଼୍ । ଇଶ୍ୱର୍ ଅଡ଼୍‌‍ତଡ଼୍ ମାନ୍‍ତନ୍ ନୁ ଅଡ଼୍‌‍ ଇଶ୍ୱର୍‍ ଆଦ୍‍ତନ୍ ।