ଏବ୍ରୀ 7:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ଅଣ୍ଡୟ୍‌ ଦଶମାଂଶ ଦାନ ଗ୍ରହନକାରୀ ପୁଜାରିଡ଼୍‍ ଡଲାନ୍‍ ଲେକେତ୍‍ ନାରୁଡ଼୍‍ ଇତ୍‍କେ ମଲ୍‍କିସେଦକ୍‍ ଅଡ଼୍‌ଆଗାଙ୍କ୍‌ ମହାନ୍‍ ବାତେଙ୍କ୍‍ଇତ୍‍କେ ଶାସ୍ତ୍ର ଲେକାମ୍‌ ଅଣ୍ଡ୍‌‍ ଇଞ୍ଜେ ଗାଲା ଜିୱେମିନ୍ଦେଣ୍ଡ୍‍ ବା ଅଣ୍ଡ୍‌‍ ଅମର୍‍ ।

ଏବ୍ରୀ 7:8 ပူးပေါင်းရင်းမြစ်များ

ଯୋହନ୍‌‌ 14:19

ସୁଦୁଟ୍ ମାତର୍ ଦିନାମ୍ ମିନ୍ଦେ, ଜଗତ୍ ନାକିଂଙ୍କ୍ ମେଣ୍ଡେ ଉଡ଼; ମାତର୍ ମିଡ଼୍ ନାକିଂଙ୍କ୍ ଉଡ଼ିତିଡ଼୍, ବାତେଙ୍କ୍ ଇତ୍‍କେ ନାନ୍ ଜିୱେ, ମେଣ୍ଡେ ମିଡ଼୍ ଆନ୍‌‍ତେ ଜିୱେ ମାନ୍ଦ୍‍ତିଡ଼୍ ।

ଯୋହନ୍‌‌ 14:6

ଜିସୁ ଅଂକିଙ୍କ୍‌ କେତ୍‍ତଣ୍ଡ୍‌, ନାନ୍ ଆର୍, ସତ୍ ନୁ ଜିୱୁନ୍; ନାଆଲାନ୍ ଅନ୍‌‍ୱେ ବେନବା ବାବାନ୍ ଗାର୍‍ରେ ଆଦ୍‍ପାର୍‍ୱଡ଼୍ ।

ଏବ୍ରୀ 3:16

ଇଶ୍ୱରନ୍‌ ଗଟ୍‍ କେଞ୍ଜି ଗାଲେୟ୍‌ ବେନଡ଼୍‍ କି ଅନ୍‌ ପର୍ର ବିରୁଦ୍‍ ମାଡ଼୍‍ତଡ଼୍‍, ଅଡ଼୍‌‍ ବେନଡ଼୍‍ ? ବେନ୍‍ ନାରୁଡ୍‌କିଙ୍କ୍‍ ମଶାଲ୍ ମିସର୍ ଦେଶ୍‌ନୁଞ୍ଚ୍‌ କାର୍‍ଙ୍ଗି ତାସ୍‌ମାତ୍‍ତଣ୍ଡ୍, ଅଡ଼୍‌‍ ଆୟଡ଼୍‍ କି ।

ଏବ୍ରୀ 5:6

“ନିମେ ପୁଜାରି ପଦ୍‍ତାଗ୍‌ ମଲ୍‌କିସେଦକ ଲେକେନ୍ ଉତ୍ତରାଦିକାରୀ ସାରେଦିନାତ୍‍ ପୁଜାରି ଆଦ୍‍ତିନ୍‌, ଇଞ୍ଜ ପରମେଶ୍ୱର କେତ୍‍ତଣ୍ଡ୍ ।”

ଏବ୍ରୀ 6:20

ମାନ୍‍ ପ୍ରତିନିଦି ଲେକାମ୍‍ ଜିସୁ ମୁନେନ୍‍ ଆଗେ ଆତ୍‍ତଣ୍ଡ୍‍ । ଅଣ୍ଡ୍‌‍ ମଲ୍‌କିସେଦକନ୍‍ ଉତ୍ତରାଦିକାରୀ ଲେକାମ୍‍ ସାରେଦିନାତ୍‍ ସେଙ୍ଗେ ବେଡ଼୍‍ୟେ ପୁଜାରି ଆତ୍‍ତଣ୍ଡ୍ ।

ଏବ୍ରୀ 7:23

ପଅନ୍‌ତେ ଶୈଲିତେ ୱେରେ ପୁଜାରିଡ଼୍‍ ଡଲାନ୍‍ ଇନା ଆସ୍‍ମାନ୍ଦାନ୍‍ ମାଇଦିଙ୍କ୍‍ ୱେରେ ନାରୁଡ଼୍‍ ପୁଜାରି ନିଯୁକ୍ତ ଆଦ୍‍ତଡ଼୍‍; ଆଦିଙ୍କ୍‍ ଅଡ଼୍‌‍ ନାର୍ଗେ ଆତ୍‍ତଡ଼୍‍ ।

ଏବ୍ରୀ 7:7

ଆର୍ଶିବାଦ୍‌ ମାଡ଼ାନ୍‍ ନାରୁଣ୍ଡ୍‌ ଆର୍ଶିବାଦ୍‌ ପାଏମ୍‍ଆଦାନ୍‍ ନାରୁଣ୍ଡ୍‌କଞ୍ଚ୍‍ ବେଡ଼ିୟଣ୍ଡ୍ ଇଗେ ହେର୍କେ ଇଲ୍‍ଲେ ।

ଏବ୍ରୀ 7:9

ଆଦିଙ୍କ୍‍ ଅବ୍ରାହାମ୍‌ ମଲିକିସେଦକଙ୍କ୍‍ ଦଶମାଂଶ ଦାନ ଇଦାନାସୁଟ୍, ବେନ୍‍ ଲେବିୟ ବଂଶତଡ଼୍‍ ପୁଜାରିଡ଼୍‍ ଇଞ୍ଜେ ଦଶମାଂଶ ଦାନ ଗ୍ରହନ୍‍ ମାଡ଼ୁତଡ଼୍‍, ଆ ଲେବୀ ବା ମଲକିସେଦକଙ୍କ୍ ଆଦ୍‍ ଦାନ୍ ଇସ୍‌ମାତ୍‍ତଣ୍ଡ୍‍ ଇଞ୍ଜ କେତାପାର୍ଦିତାଡ଼୍‍ ।

ଏବ୍ରୀ 9:27

ସାର୍ରେତଡ୍‌ ଅରଟ୍‌ଦାମ୍‍ ଡଲିତଡ଼୍‍ ମେଣ୍ଡେ ତାନ୍‍ ପେର୍କେ ଇଶ୍ୱରନ୍‌ ବିଚାରତା ମୁନେ ଆଦାଙ୍କ୍‍ ଆଦ୍‍ତେ ।

ପ୍ରକାଶିତ୍‌ ବାକ୍ୟ 1:18

ନାନେ ଜିୱୁଣ୍ଡ୍‍ ମାନ୍ଦାନଣ୍ଡ୍‍; ଡଲିମାତ୍‍ତାନ୍, ଇତ୍‍କେ ନାନେ ଇଞ୍ଜେ ଜିୱେ ମିନ୍ଦେନ୍‍, ଅନନ୍ତ କାଲ ଜିୱେ ମାନ୍‍ତାନ୍ । ଡଲାନାଦ୍ ନୁ ନର୍କତାଦ୍‍ କୁଚ୍‍କାଇ ନା କାୟ୍‍ଦାଗ୍‍ ମିନ୍ଦେ ।