ଏବ୍ରୀ 2:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ମେଣ୍ଡେ ଗାଲେୟ୍‌, ଇଶ୍ୱର ଚିଏଃନେ ନୁ ନାର୍ଗେ ବେପଡ଼୍‍ ଆୟ୍‍ୱାଦ୍ ପାଡିୟ୍ ମେଣ୍ଡେ ଆଶର୍ଯ୍ୟ ପାଡ଼୍‍ୟି ନୁ ପବିତ୍ର ଆତ୍ମାନ୍ ୱେରେୱେରେ ଦାନାମ୍ ତଡ଼୍‍ ସାକ୍ଷି ଇସ୍‌ ମିନ୍ଦେ ।

ଏବ୍ରୀ 2:4 ပူးပေါင်းရင်းမြစ်များ

ମାର୍କ 16:20

ଶିଷ୍ୟଡ଼୍ ଆଞ୍ଜ୍‍ ସାର୍ର ଏକାମ୍‍ ପ୍ରଚାର୍ ମାଡ଼୍‍ତଡ଼୍‍ । ଅଡ଼୍‌ କେତାନାଦ୍‍ ସତ୍‍ ପ୍ରମାଣ ମାଡ଼ାନଙ୍କ୍‍ ପ୍ରବୁ ଅଡ଼୍‌ ତଡ଼୍ ମାଞ୍ଜ୍‍ ବାକ୍‌ୱା ପାଡ଼୍‍ୟି ମାଡ଼ାନଙ୍କ୍‍ ଅଡ଼୍‌‍କିଂଙ୍କ୍‌ ଶକ୍ତି ଇତ୍‌ତନ୍‌ ।

ମାର୍କ 6:14

ଇଦ୍‍ ସାରେ ବିଷୟ୍‍ତେ ରାଜାଲ୍ ହେରଦ୍ କେଞ୍ଜ୍‍ତଣ୍ତ୍‌, ବାତେଙ୍କ୍‍ଇତ୍କେ ଜିସୁନାଦ୍ ସୁକାମ୍‍ ଦୁଃକାମ୍ ସାରେପାକ୍ ଆତ୍‍ତେ । ବେସ୍‍ତୁଡ଼୍ କେସମାତ୍‍ତଡ଼୍, “ବାପ୍ତିସ୍ମ ଯୋହନ୍‌ ମେଣ୍ଡେଜିୱେ ଆତ୍‍ତନ୍ । ଆଦିନ୍‌ସେଙ୍ଗେ ଇଦ୍‍ ସାରେ ବାକ୍‌ୱାକାମ୍ ମାଡ଼ାନଙ୍କ୍ ଅଣ୍ଡ୍‌ ଶକ୍ତି ଦର୍‍ସ୍‍ତଣ୍ଡ୍‌ ।”

ଯୋହନ୍‌‌ 15:26

“ବାବା ନାୟାଗ୍‍କଞ୍ଜ୍ ନାନ୍ ମିଇ ଗାର୍‍ରେ ବେନ ସାହାଜ୍ୟ ମାଡ଼ାନଙ୍କ୍ ରଅତିତାନ୍, ବାବା ନାୟାଗ୍‍କଞ୍ଜ୍ ପେଇତାଦ୍ ଆଦ୍ ସତ୍ ଆତ୍ମା ୱାତ୍‍କେ ନା ବିଷୟ୍‍ତେ ସାକ୍ଷି ହିଦ୍‍ତା;

ଯୋହନ୍‌‌ 4:48

ଆସୁଟେ ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ଚିହ୍ନେ ନୁ ଆଶର୍ଯ୍ୟ ପାଡ଼୍‍ୟି ହୁଡ଼କଟମାତ୍କେ ମିଡ଼୍ ବେସୁଟ୍‌ ବା ବିଶ୍ୱାସ୍ ମାଡ଼୍‍ୱିଡ଼୍ ।”

ପ୍ରେରିତ 14:3

ମିକା ପ୍ରେରିତ ଶିଷ୍ୟଡ଼୍ ପ୍ରବୁନ୍ ବିଷୟ୍ ସାହାସ୍‍ତଡ଼୍ ପ୍ରଚାର୍ ମାଡ଼ି ନାର୍‍ଗେ ଦିନା ଆଗେ ମାତ୍‍ତଡ଼୍ । ଆଦ୍‍ବୁତ୍‌ ପାଡ଼୍‍ୟି ନୁ ଆଶର୍ଯ୍ୟ ପାଡ଼୍‍ୟି ମାଡ଼ାନ୍ ତଡ଼୍ ପାଉଲ୍‍ ନୁ ବର୍ଣ୍ଣବା ପ୍ରମାଣ୍ ମାଡ଼୍‍ତଡ଼୍ ଯେ, ଇଶ୍ୱର୍‌ତେ ଅନୁଗ୍ରହ ବିଷୟ୍‍ତେ ପ୍ରଚାର୍ ମାଡ଼୍‍ତେ ଗଟ୍ ନିଜାମ୍ ।

ପ୍ରେରିତ 4:10

ଆଦିଙ୍କ୍ ମିଡ଼୍ ନୁ ଇସ୍ରାଏଲ୍‍ତେ ସାରେତଡ଼୍ ପୁନ୍ଦ୍‍ ୱେୟ୍‍ତିତ୍ ଜେ, ମିଇ ମୁନେ ନିସ୍ ମାନ୍ଦାନ୍ ଇ ନାରୁଣ୍ଡ୍ ମାତ୍ରମ୍‍ ନାଜରିତିୟ ଜିସୁ କ୍ରିଷ୍ଟନ୍ ପେଦେର୍‍ତେ ଶକ୍ତିତଡ଼୍ ସାରେ ସୁସ୍ଥ ଆତ୍‍ତଣ୍ଡ୍ । ବେନଙ୍କ୍ ମିଡ଼୍ କ୍ରୁଶତାଗ୍ ଆୱକ୍‍ତିଡ଼୍‍ ମେଣ୍ଡେ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ମେଣ୍ଡନ୍‍ଦାମ୍ ଜିୱୁନ୍ ମାଡ଼୍‍ତଣ୍ଡ୍ ।

ପ୍ରେରିତ 5:32

ମାନାଡ଼୍ ଇଦ୍ ସାରେ ବିଷୟ୍‍ତାଦ୍‍ ସାକ୍ଷି, ମେଣ୍ଡେ ବେନ୍ ପବିତ୍ର ଆତ୍ମାଙ୍କ୍ ଇଶ୍ୱର୍ ତାନ୍ ଗଟି ପାଲନ୍ ମାଡ଼ାନଡ଼୍‍କ୍‍ ହିତ୍‍ତଣ୍ଡ୍, ଅଣ୍ଡ୍‌ ମିକା ସାକ୍ଷି ।”

ଏଫିସିୟ 1:5

ଜିସୁ କ୍ରିଷ୍ଟନ୍ ତଡ଼୍‍ ଅଣ୍ଡ୍‌ ମାନାଙ୍କ୍‍ ତାନ୍ ପିଲାନ୍ ଲେକାମ୍ ଗ୍ରହନ୍ ମାଡ଼ାନଙ୍କ୍ ଆଲ୍‍ସି ମାତ୍‍ତଣ୍ଡ୍‍; ଇଦେକେ ମାତ୍‍ତେ ଅନାଦ୍‌ ୱେଡ଼୍‍କ୍‍ ନୁ ଇଚ୍ଛା ।

ଏଫିସିୟ 1:9

ଇଶ୍ୱର୍ ତା‍ନ୍ ବୁଦ୍‍ତେ ନୁ ଜିୱୁନ୍‍ତେ ପୁନ୍ଦାନାଦିନ୍ ତଡ଼୍‍ ବାତ୍‍ ଆଲ୍‍ସି ମାଡ଼ିମାତ୍‍ତନ୍, ଆଦ୍ ପୁରା ମାଡ଼୍‍ତଣ୍ଡ୍, ମେଣ୍ଡେ ଆଦ୍ କ୍ରିଷ୍ଟନ୍‍ ସାହାଯ୍ୟତେ ବେନେ ମିଞ୍ଜ୍‍ତାଦ୍‍ ଆଲ୍‍ସି ମାତ୍‍ତଣ୍ଡ୍‍ ଆଦ୍‍ ମାନ୍‍ ଗାର୍ରେ କେସ୍‍ମିନ୍ଦେନ୍ ।

ଏଫିସିୟ 4:7

କ୍ରିଷ୍ଟ ଇସ୍‍ମାନ୍ଦାନ୍ ପରିମାଣ ଲେକାମ୍ ମାମ୍‍ମେ ସାରେତମ୍ ୱେରୱେର ବିଶେଷ୍‍ ଦାନ ପାଏମ୍ ଆତ୍‍ତମ୍ ।

ଏବ୍ରୀ 6:4

ବେନଡ଼୍‍ ବିଶ୍ୱାସ୍ ୱିଡ଼୍‍ସ୍‍ତଡ଼୍‍ ଅଡ଼୍‌‍ ଏର୍କାମାଡ଼ି ମେଣ୍ଡେ ୱାଦା ପାର୍ଦିତଡ଼୍‍ କି ? ଅଡ଼୍‌‍ ଆସୁଙ୍କ୍ ଇଶ୍ୱରନ୍‌ ୱେସ୍‌ତେ ବାଦ୍‌କ ମାତ୍‍ତଡ଼୍‍, ସ୍ୱର୍ଗତାଦ୍ ଦାନାମ୍‌ ନାକି, ପବିତ୍ର ଆତ୍ମା ଦର୍ସ୍କିମାତ୍‍ତଡ଼୍‍ ।