ଏବ୍ରୀ 13:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ କାରାଗାର୍‍ତାଗେ ମାନ୍ଦାନ୍ ନାରୁଡ଼୍‍ ତଡ଼୍ ମିଡ଼୍ ନିଜେ କାରାଗାରତାଗ୍‍ କଷ୍ଟ ମାଡ଼ମାନ୍ଦାନ୍ ଲେକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ । ଦୁଃକାମ୍ କଷ୍ଟ ଆସମାନ୍ଦାନ୍ ନାରୁଡ଼୍‍ତଡ଼୍ ସାରେଦୁଃକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ ।

ଏବ୍ରୀ 13:3 ပူးပေါင်းရင်းမြစ်များ

ମାତିଉ 25:36

ନାନ୍‍ନେ ବାଣ୍ଡା ମାତ୍‍ତାନ୍, ମିଡ଼୍ ନାକିଂଙ୍କ୍ ଚକାସେଡ଼ି କେର୍‍ସ୍ପିତିଡ଼୍ । ନାନ୍‍ନେ ରଗ୍‍ତେ ମାତ୍‍ତାନ୍, ନା ଯତନ୍ ଆତ୍‍ତିଡ଼୍‍ । ନାନ୍‍ନେ ବନ୍ଦିଲତ୍‍ତାଗେ ମାତ୍‍ତାନ୍, ନାକିଂଙ୍କ୍ ଉଡାଙ୍କ୍ ୱାତ୍‍ତିଡ଼୍ ।

ମାତିଉ 25:43

ନାନ୍‍ନେ ପୁନ୍‍ୱେ ମାନ୍ଦାନ୍ ୱେୟ୍ ନାକ୍ ମିଇ ଲୋନ୍‌ କାର୍‍ଙ୍ଗିତିଡ଼୍ ମାଡ଼୍‍ୱିଡ଼୍ । ନାନ୍‍ନେ ବାତ୍‍କେର୍‍ୱେ ୱେୟ୍ ଚକାସେଡ଼ି କେର୍‍ସ୍ପିୱିଡ଼୍‍ । ରଗ୍‍ତେ ନୁ ବନ୍ଦି ଅବସ୍ଥାତେ ମାନ୍ଦାନ୍‍ୱେୟ୍‍ ନାକିଂଙ୍କ୍ ଉଡାଙ୍କ୍ ୱାଡ଼୍‍ୱିଡ଼୍‍ ।

ପ୍ରେରିତ 24:23

ପାଉଲ୍‍ତିଙ୍କ୍ ବନ୍ଦି ମାଡ଼ି ନେହେତାନଙ୍କ୍ ଅଣ୍ଡ୍‌ ସୈନିକିଡ଼୍‍କ୍ ଆଦେଶ୍‍ ହିତ୍‍ତଣ୍ଡ୍, ଇତ୍‍କେ ଅଂକିଙ୍କ୍‌ ନିଜର୍ ବନ୍ଦି ମାଡ଼ି ଅନ୍‌‍ୱାଦ୍ ସାଦନ୍ ଆଦାନ୍ ସେଙ୍ଗେ ତାନ୍ ସାଙ୍ଗଡ଼୍‍କ୍ ଆନୁମତି ହିଦାନଙ୍କ୍ ଅଣ୍ଡ୍‌ ଆଦେଶ୍‍ ହିତ୍‍ତଣ୍ଡ୍ ।

ପ୍ରେରିତ 27:3

ମେଣ୍ଡନ୍ ଦିନ୍ ମାମ୍‍ମେ ସିଦୋନ୍‍ତାଗ୍ ହେୱ୍‍ତମ୍ । ଯୁଲିୟସ୍‍ ପାଉଲ୍‍ତିଙ୍କ୍ ସାୟେ ଉଡ଼ ମାତ୍‍ତଣ୍ଡ୍ । ପାଉଲ୍‍ତେ ସାଙ୍ଗଡ଼ାଗାଙ୍କ୍ ଅଂକିଙ୍କ୍‌ ଦର୍‍କାର୍ ଜିନିଷ୍ ତାତାନ୍ ସେଙ୍ଗେ ଅଡ଼୍‌‍କିଂଙ୍କ୍ କାଇଲାନଙ୍କ୍ ଅଣ୍ଡ୍‌ ପାଉଲ୍‍ତିଙ୍କ୍ ଗଟ୍ ହିତ୍‍ତଣ୍ଡ୍ ।

ରୋମୀୟ 12:15

କୁସି ନାରୁଡ଼୍ ତଡ଼୍ ୱେଡ଼୍‍କ୍‍ ମାଡ଼ାଟ୍, ଦୁଃକାମ୍ ନାରୁଡ଼୍ ତଡ଼୍ ଦୁଃକି ଆୟ୍‍ମୁଟ୍ ।

୧ କରନ୍ତିୟ 12:26

ମେନ୍ଦୁଲ୍‍ତେ ଅଣ୍ଡୟ୍‌ ଦୁଡ଼େତାଗ୍ କଷ୍ଟ ଆତ୍‍କେ, ମେଣ୍ଡେ ସାର୍‍ରେ ଦୁଡ଼ା ଆଦ୍ କଷ୍ଟ ପାଏମ୍ ଆଦ୍‍ତେ । ୱେରଡ଼୍ ଦୁଡ଼ା ଗୌରବ୍‍ ଆତ୍‍କେ, ମେଣ୍ଡେ ସାର୍‍ରେ ଦୁଡ଼ା ଆଦ୍ ୱେଡ଼୍‍କେତାଗ୍ ପାଲ୍‍କ୍ ଆଦ୍‍ତା ।

ଏଫିସିୟ 4:1

ପ୍ରବୁନ୍ ସେବା ମାଡ଼ାନ୍ ମାୟ୍‍ଦିଙ୍କ୍ ବନ୍ଦି ଆସ୍‍ମାନ୍ଦାନ୍ ନାନ୍‍ନେ ପାଉଲ ମିକିଂଙ୍କ୍ ଅନୁରୋଦ୍ ମାଡ଼ୁତାନ୍, ବେଦ୍‍ପୁଟୁଙ୍କ୍ ବାଦ୍‍କାନ୍ ମାୟ୍‍ଦିଙ୍କ୍ ଇଶ୍ୱର୍ କାର୍‍ଙ୍ଗି ମିନ୍ଦେଣ୍ଡ୍ ଆଦେ ଲେକାମ୍ ବ୍ୟବହାର୍‌ ମାଡ଼ାଟ୍ ।

କଲସୀୟ 4:18

ନାନେ ପାଉଲ୍ ନିଜର୍‍ କାୟ୍‍ଦେ ଚିଟି ଲେକି, ନାୟାଦ୍ ନମସ୍କାର୍‍ କେଞ୍ଜ୍‍ପୁତାନ୍ । ନାୟାଦ୍ ବନ୍ଦି ଅବସ୍ଥାତିଙ୍କ୍ ମାର୍‍ଙ୍ଗ୍‍ମାଟ୍ । ଇଶ୍ୱର୍‌ତେ ଅନୁଗ୍ରହ ମୀଇ ସାରେତଡ଼ ପାକେ ମାନ୍‍ନି ।

ଏବ୍ରୀ 10:34

ମିଡ଼୍ ତାନାତାଗ୍ ମାନ୍ଦାନଡ୍‌ ଦୁକାମ୍‌ କଷ୍ଟତେ ତଡ୍‌ କାୟିଲ୍‍ନିଡ଼୍‍ ମେଣ୍ଡେ ବେସୁଙ୍କ୍‍ ମିୟାଦ୍ ସାର୍ରେ ଦାନ୍‌ତିଙ୍କ୍‍ ଆତ୍‍ତଡ୍‌, ଆସୁଟ୍‌ ମିଡ଼୍ ୱେଡ଼୍‍କାତେ ମାଞ୍ଜ ବାତେବା ତିରୟ୍‌ୱିଡ୍, ବାତାଙ୍କ୍‌ଇତ୍‌କେ ମିୟାଦ୍‌ ସାର୍ରେଦିନାତ୍‌ ଦାନ୍‌ ସମ୍ପତି ମିନ୍ଦେ, ଆଦ୍ ମିଡ଼୍ ପୁଞ୍ଜ୍‌ମାତିଡ୍ ।

ଏବ୍ରୀ 11:37

ଅଡ୍‌ କାଲ୍‌କିନେ ଦେବା ତିତର୍‌, କରତ୍‍ତେ ରେଣ୍ଡ୍‌ ଦୁଙ୍କା ଆତର୍ ମେଣ୍ଡେ ବାଡ଼୍‍ୟେ ଚୁର୍‌ତେ ନାର୍‍କିତର୍ । ବେନ ମେଣ୍ଢା ନୁ ମେକାତ୍‍ ତଲ୍‌କା କେରସ୍‍, ବିକାରିଡ୍‌ ଗାଟି ରଗାମ୍‌ ନୁ ଅତ୍ୟାଚାର ଉଡାନଡ୍‌ ଲେକାମ୍‍ ଆସ୍‌ ଉଡ୍‌ତଡ୍‌ ।

୧ ପିତର୍‍ 3:8

ପେର୍କେ, ମିଡ଼୍‍ ସାରେତଡ଼୍‍ ଅଣ୍ଡୟ୍‌‍ ମନ୍‍ ଆସ୍‍ ମାନୁଟ୍ । ନିଜେ ନିଜେତିଙ୍କ୍ ଏଲାଡ଼୍‍ତାମୁଣ୍ଡ୍‍ ଲେକାମ୍ ପ୍ରେମ ମାଡ଼ି ନିଜେ ନିଜେ ଲୋପେ ଦୟା ନୁ ନମ୍ର ଆୟ୍‍ମୁଟ୍ ।