ଏଫିସିୟ 4:24 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁴ ଇଶ୍ୱର୍‌ତେ ଲେକାମ୍ ତିୟାର୍‍ ଆତ୍‍ତେ ପୁନାଦ୍ ନିଜାମ୍‍ ସତ୍‍ ଆତ୍ମା ପୟ୍‍ମୁଟ୍ । ଆଦ୍ ମିୟାଦ୍‍ ପବିତ୍ର ନୁ ସାୟେତାଦ୍ ଜିୱୁଣ୍ଡ୍‍ ତଅନ୍‌ଦି ।

ଏଫିସିୟ 4:24 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:75

ବେଲା କି ମାନାଡ଼୍ ମାୟାଦ୍‌ ସାରେଜିୱୁଣ୍ଡ୍ ଅନ୍‌ ମୁନ୍‍ନେ ପବିତ୍ର ନୁ ଦାର୍ମିକ୍ ଆଦ୍ ପାର୍‍ଦ୍‍ତା ।

ଯୋହନ୍‌‌ 17:17

ସତ୍ ତଡ଼୍ ଅଡ଼୍‌‍କିଂଙ୍କ୍ ପବିତ୍ର ମାଡ଼େ; ନିୱାଦ୍ ବାକ୍ୟ ଆ ସତ୍ ।

ରୋମୀୟ 12:2

ଇଦ୍ ଜଗତ୍‍ତାଦ୍ ନିତିନିୟମ୍‍ ଇସାପ୍‍ତେ ବ୍ୟବହାର୍‌ ମାଡ଼୍‍ମାଟ୍ । ଇଶ୍ୱର୍ ମିୟାଦ୍ ମନବାବନାତିଙ୍କ୍ ପୁରାପୁରି ବଦ୍‍ଲା ମାଡ଼ିଣ୍ଡ୍ ନୁ ମିୟାଦ୍ ଜିୱୁଣ୍ଡ୍ ସାରେ ଲେକେତ୍‍ ଆୟି । ଆଲାଇତ୍‍କେ, ଇଶ୍ୱର୍‌ତାଦ୍ ଇଚ୍ଛା ବାଆତେ, ଅନ୍‌ କଣ୍ଡେତାଗ୍ ବେନ୍‍ସାର୍ରେ ବିଷୟ୍ ନିଜାମ୍, ସାୟେ ନୁ ପୁରା ଟିକ୍, ଇଦ୍ ମିଡ଼୍ ପୁନ୍ଦାନଙ୍କ୍ ପାର୍‍ଦ୍‍ତିଡ଼୍‍ ।

ରୋମୀୟ 13:12

ନାର୍‍କେ ତେରିୱାଦୁତ୍, ଦିନାମ୍ ଆସଡ଼୍‍ୱାଦୁତ୍ । ୱାଡ଼ାଟ୍, ନାର୍କେତାଦ୍ ପାଡ଼୍‍ୟି ସାର୍‍ରେ ୱିଡ଼୍‍ସିକାଡ଼୍ ନୁ ୱେସିନାଗ୍ ସାୟେତ୍‍ ପାଡ଼୍‍ୟି ମାଡ଼ାନ୍‍ ସେଙ୍ଗେ ତିଆର୍‍ ଆଦ୍‍ତାଡ଼୍‍ ।

ରୋମୀୟ 13:14

କିନ୍ତୁ ପ୍ରବୁ ଜିସୁ କ୍ରିଷ୍ଟଙ୍କ୍‍ ଚରିତ୍ର ଲେକାମ୍‌ ବ୍ୟବହାର୍‌ ମାଡ଼ାଟ୍‍, ପାପ ନୁ ମେନ୍ଦୁଲ୍‍ତେ କାରାପ୍‍ ଇଚ୍ଛାତିଙ୍କ୍‍ ପୁରା ମାଡ଼ାନ୍‍ ସେଙ୍ଗେ ମନ୍‍ତାଗ୍‍ ତାଡ଼୍‍ମାଟ୍‍ ।

ରୋମୀୟ 6:4

ଏର୍‍ ମୁଡ଼୍‍ନ୍ଦି ମାନାଡ଼୍ ଅନ୍‌ ଡଲ୍‍ତାଗ୍ ପାଲ୍‍କ୍ ଆସ୍ ଅନ୍‌ ତଡ଼୍ ସମାଦି ପାଏମ୍ଆତ୍‍ତାଡ଼୍ । ଅଣ୍ଡ୍‌ ବେଲା ବାବାନ୍ ଗୌରବ୍ ଶକ୍ତି ତଡ଼୍ ମେଣ୍ଡଅନ୍‌‍ଦାମ୍ ଜିୱେ ଆତ୍‍ତଣ୍ଡ୍, ମାନାଡ଼୍ ଗାଲା ଅନ୍‌ ସେଙ୍ଗେ ପୁନେ ଜିୱୁଣ୍ଡ୍ ବାଦ୍‍କାନଙ୍କ୍ ପାର୍‍ଦ୍‍ତାଡ଼୍ ।

ରୋମୀୟ 7:6

ଇତ୍‍କେ ଆଦିଙ୍କ୍ ମାନାଡ଼୍ ବନ୍ଦନ୍ ଆସ୍ ମାତ୍‍ତାଡ଼୍, ଆଦିନ୍ ସେଙ୍ଗେ ଡଲିମାଞ୍ଜ୍ ମାନାଡ଼୍ ଇଞ୍ଜେ ନିୟମ୍‍ତାଗାଙ୍କ୍ ମୁକ୍ତି ଆତ୍‍ତାଡ଼୍; ଆଦିଙ୍କ୍ ମାନାଡ଼୍ ପାଃନ୍ତେ ଲେକ୍‍ତାଦ୍‍ ଇସାବ୍‍ତେ ଦାସନ୍ ପାଡ଼୍‍ୟି ମାଡ଼କଟ୍ ପବିତ୍ର ଆତ୍ମାତାଦ୍ ପୁନାଦ୍ ଇସାବ୍‍ତେ ଦାସନ୍ ପାଡ଼ୟି ମାଡ଼ୁତାଡ଼୍ ।

ରୋମୀୟ 8:29

ବେନଡ଼୍‍କିଂଙ୍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍, ଅଡ଼୍‌‍କିଂଙ୍କ୍ ତାମ୍ ମାର୍‍କିନ୍ ଲେକାମ୍ ଆଦାନଙ୍କ୍ ମୁନେତ୍‍କେ ତିୟାର୍ ମାଡ଼ିମିନ୍ଦେଣ୍ଡ୍ । ଆଲେକେ ଇଶ୍ୱର୍‌ତେ ମାର୍‍କ୍ ଅଡ଼୍‌‍କିଂଙ୍କ୍ ମୁନେଙ୍କ୍‍ ପୁଟ୍‍ତେନଡ଼୍‍ ଆଦ୍‍ତଡ଼୍‍ ।

୧ କରନ୍ତିୟ 15:53

ବାତେଙ୍କ୍ ଇତ୍‍କେ ବାତ୍ ନଷ୍ଟ ଆଦ୍‍ତେ, ଆଦିଙ୍କ୍ ନଷ୍ଟ ଆୟ୍‍ୱାଦ୍ ବଦ୍‍ଲେମ୍ ମାଡ଼ାନଙ୍କ୍ ଆଦ୍‍ତେ; ବେନ୍ ପୃତିବିତାନ୍ ମେନ୍ଦୁଲ୍ ଡଲିଆଦ୍‍ତେ, ଆଦିଙ୍କ୍ ଅମର୍ ଚକାସିଲେ କେର୍‍ସ୍ପାନଙ୍କ୍ ଆଦ୍‍ତେ ।

୨ କରନ୍ତିୟ 3:18

ମାନାଡ଼୍ ସାରେତଡ଼୍ ମକମ୍‍ତେ ଦାର୍ପୁନ୍‍ତାଗ୍ ଉଡ଼ାନ୍ ଲେକାମ୍ ପ୍ରବୁନ୍ ଗୌରବ୍ ତଅନ୍‌ଦୁତ୍ ନୁ ପ୍ରବୁନାଗାଙ୍କ୍ ପେୟ୍‍ତାଦ୍ ଆଦ୍ ମାଇମାତେ ତଡ଼୍ ମାନାଡ଼୍ କାମ୍‍କେ ଲେକାମ୍ ଅନ୍‌ ରକମ୍‌ ବାଦ୍‍ଲେମ୍ ଆଦୁତ୍‍ତେ ।

୨ କରନ୍ତିୟ 4:16

ଆଦିନ୍ ସେଙ୍ଗେ ମାମ୍‍ମେ ବେସୁଙ୍କ୍‍ ବା ଦୁଃକାମ୍ ଆୟମ୍ । ମାନ୍‍ ମେନ୍ଦୁଲ୍ ଜାମ୍‍ଜାମ୍ ଲପ୍ ଆଦୁତାଡ଼୍ । ବାତେଙ୍କ୍ ଇତ୍‍କେ ମାୟାଦ୍‌ ଲୋପେତ୍ ଆତ୍ମା ଦିନାଲ୍‍ ଦିନାଲ୍ ଲେକାମ୍ ଆଦୁତ୍‍ତେ ।

୨ କରନ୍ତିୟ 5:17

କ୍ରିଷ୍ଟନ୍‍ ତଡ଼୍ କାଇଲ୍‍କେ, ନାରୁନାଦ୍ ପୁନେ ତିଆର୍ ଆଦ୍‍ତେ । ପାଃନ୍ତେ ବିଷୟସାରେ ମାଇ ଆଦ୍‍ତେ, ପୁନେତାଉ ତିଆର୍ ଆଦ୍‍ତେ ।

ଗାଲାତୀୟ 3:27

ଏର୍‍ଦିକ୍ଷା ତଡ଼୍ ମିଡ଼୍ ସାରେତଡ଼ି କ୍ରିଷ୍ଟନ୍‍ ତଡ଼୍‍ ଅଣ୍ଡୟ୍‌ ଆତ୍‍ତିଡ଼୍ ନୁ ଇଞ୍ଜେ ଜିସୁ କ୍ରିଷ୍ଟଟନ୍ ଜିୱୁଣ୍ଡ୍ ଲେକାମ୍ ଚକା କେର୍‍ଦୁତିଡ଼୍ ।

ଗାଲାତୀୟ 6:15

ବାତେଙ୍କ୍ ଇତ୍କେ ସୁନ୍ନତ କି ଅସୁନ୍ନତ ବାତେ ମିକା ଆୟ, ଆଦିଙ୍କ୍ ପୁଃନାଦ୍ ତିଆର୍‍ ଆତ୍‍କେ ସାୟେ ।

ଏଫିସିୟ 2:10

ମାମ୍‍ମେ ବାତେଏ ଆଦ୍‍ପାର୍‍ୱମ୍, ମାତର୍ ଇଶ୍ୱର୍‍କେ ଆଦ୍‍ ମାଡ଼୍‍ତେ; ବେନ୍ ସାରେ ସାୟେ ପାଡ଼୍‍ୟି ମାମ୍‍ମେ ମାଡ଼ିତମ୍ ଇଞ୍ଜ ଇଶ୍ୱର୍ ମୁନେଙ୍କ୍ ତିଆର୍ କିସ୍ ମାତ୍‍ତନ୍, ମାମ୍‍ମେ କ୍ରିଷ୍ଟ ଜିସୁନ୍ ତଡ଼୍ କାଇଲି ମାନ୍ଦାନ୍ ସେଙ୍ଗେ ମା ଜିୱେତାଗ୍ ଆଦ୍ ସାରେ ଆତ୍‍ତେ ।

ଏଫିସିୟ 2:15

ଅଡ଼୍‌ ଇହୁଦିନଡ଼୍ ସାରେ ବିଦିବିଦାନ୍ ସାର୍‌ରେ ବ୍ୟବସ୍ଥାତିଙ୍କ୍‍ ଉଚ୍ଛେଦ ମାଡ଼ି ଇହୁଦିଡ଼୍ ନୁ ଅଣଇହୁଦିଡ଼୍ ଆଗାଙ୍କ୍ ଅଡ଼ାଦ୍‌ ସାହାଯ୍ୟ ମାଡ଼ମାନ୍ଦାନ୍ ୱେରଡ଼୍ ପୁଃନେ ମାନବ୍ ଜାତି ତିଆର୍ ମାଡ଼୍‍ତଣ୍ଡ୍ । ଆଗେ ପୃତିବିତାଗ୍ ଶାନ୍ତି ତିଆର୍ ଆଦ୍‍ତେ ।

ଏଫିସିୟ 6:11

ଇଶ୍ୱର୍ ଇତ୍‍ତାଦ୍ ସାର୍‍ରେ ଆତ୍ମିକ୍‍ ଯୁଦ୍‍ଜଗ୍‍ଡ଼ାମ୍‍ ତଡ଼୍ ତିଆର୍‌ ଆୟ୍‍ମୁଟ୍, ବେଲାକି ଶୟ୍‍ତାନ୍‍ତେ କାରାପ୍ ଚିନ୍ତେତିଙ୍କ୍ ସାମ୍‍ନା ମାଡ଼ାଙ୍କ୍‍ ପାର୍‍ଦ୍‍ତିଡ଼୍ ।

ତୀତସ୍‌ 2:14

ଆଦ୍ କ୍ରିଷ୍ଟ ଜିସୁ ମାନାଡ଼୍ ସାର୍ରେତଡ଼୍‍କିଂଙ୍କ୍ ଆଦାର୍ମିକନ୍‌ସ ମୁକ୍ତି ମାଡ଼ାନଙ୍କ୍ ନୁ ନିଜେତ୍ ନିଜେତ୍ ସାୟେତ୍ ପାଡ଼୍‍ୟିତାଗ୍ ସାର୍‍ଦେ ମାଡ଼ି ନିଜେତ୍ ନାରୁଡ଼୍ ଲେକାମ୍ ସାୟେ ମାଡ଼ାନ୍ ସେଙ୍ଗେ ନିଜେତ୍ ଜିୱୁଣ୍ଡ୍ ଇତ୍‍ତନ୍ ।

ଏବ୍ରୀ 1:8

ଅଣ୍ଡ୍‌‌ ମାରିନ୍‌ ବିଷୟତେ ଅଣ୍ଡ୍‌‌ କେସ୍‌ମାତ୍‌ତଣ୍ଡ୍, “ଆ ଇଶ୍ୱର, ନିୟାଦ୍‍ ରାଜ୍ୟ ସାରେଦିନାମ୍‍ ମାନି ! ନିମା ନ୍ୟାୟତେ ନି ନାରୁଡ଼୍‍କ୍ ଶାସନ୍‍ ମାଡ଼ୁତିନ୍‍ ।

ଏବ୍ରୀ 12:14

ସାର୍ରେତର୍ ସାଙ୍ଗ୍‌ ଶାନ୍ତିତେ ବାଦ୍‌କାନଙ୍କ୍‌ ନୁ ପବିତ୍ର ଜିୱା ବାଦ୍‌କାନଙ୍କ୍‌ ଉଦ୍ୟମ୍‌ ମାଡ଼ାଟ୍, ବାତାଙ୍କ୍‌ଇତ୍‌କେ ଆଦିଙ୍କ୍‌ ୱିଡ୍‌ସିତ୍‌କେ ବେନବା ପ୍ରବୁଙ୍କ୍‍ ଉଡ଼େପାର୍‌ଣ୍ଡ୍‌ ।

୧ ପିତର୍‍ 2:2

କେହେମୁଲ୍‍ ପିଲାନ୍ ଲେକାମ୍ ଆୟମୁଟ୍ । ସାରେଦାମ୍ ସାୟେତାଦ୍ ପାଲ୍‍ ଉନ୍ଦାନ୍ ସେଙ୍ଗେ କାର୍‍ୱିଙ୍କ୍ ଆୟମୁଟ୍ । ଆଲେକେକ୍ ମୀଇଡ଼୍ ପେର୍ସାନ୍ ସେଙ୍ଗେ ପରିତ୍ରାଣ ପାହେମ୍ ଆଦ୍‍ତିଡ଼୍ ।

୨ ପିତର୍‌ 1:4

ଇଦ୍‍ଲେକାମ୍ ଅଣ୍ଡ୍‌ ମାନାଙ୍କ୍ ଅନ୍‌ ଇଚ୍ଛାଲେକାମ୍ ଲେକେତ୍ ମହାନ୍‍ ନୁ ମୁଲ୍ୟବାନ୍ ଦାନ ଇତ୍‍ତନ୍ । ଇଦ୍‍ ସାରେ ଦାନ ତଡ଼୍ ମିଡ଼୍ ଇଦ୍ ଜଗତ୍‍ତେ ଦଂଚକାରି କାମ୍‍ତାଗାଙ୍କ୍ ଉଦ୍ଦାର୍ ଆସ୍ ସ୍ୱର୍ଗତାଦ୍‍ ସ୍ୱଭାବ୍‍ତାଗ୍‍ ଅଂଶି ଆଦେ ପାର୍‍ଦ୍‍ତିଡ଼୍ ।