ଏଫିସିୟ 4:17 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁷ ଆଦ୍‍ଦିଙ୍କ୍ ପ୍ରବୁନ୍ ପେଦେର୍‍ତେ ନାନ୍ ମିକିଂଙ୍କ୍ ସତର୍କ ମାଡ଼ୁତାନ୍ । ଅଣଯିହୁଦି ନାରୁଡ଼୍ ଲେକାମ୍ ମେଣ୍ଡେ ବାଦ୍‍କ୍‍ମାଟ୍ । ଅଡ଼ାଦ୍‌ ଚିନ୍ତେ ବୁସାତାଗ୍

ଏଫିସିୟ 4:17 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 16:28

ବାତେଙ୍କ୍ ଇତ୍କେ ଆଗେ ନା ଏୟିୱୁଡ଼୍‍ ଦାଦାଲଡ଼୍ ମିନ୍ଦେଡ଼୍; ଅଡ଼୍‌‍ ଆନ୍‌‍ତେ ବେଦ୍‍ପୁଟୁଙ୍କ୍ ହିସତ୍ ତିପାଲ୍ ପଡ଼ିୟେତାଗ୍ ୱାଡ଼୍‍ମାକିଡ଼୍‍; ଆଦିନ୍ ମାଇଦିଙ୍କ୍ ଅଣ୍ଡ୍‌ ଆଞ୍ଜ୍ ଅଡ଼୍‌‍କିଂଙ୍କ୍ ସତର୍କ ମାଡ଼ିତନ୍ ।

ପ୍ରେରିତ 14:15

“ମିଡ଼୍ ବାତେଙ୍କ୍ ଇଦ୍ ମାଡ଼ୁତିଡ଼୍ ? ମାମ୍‍ମେ ମିଇ ଲେକାମ୍ ନାରୁମ୍ । ମିଇ ବକେତ୍ ସୁସମାଚାର୍‍ ପ୍ରଚାର୍ ମାଡ଼ାନଙ୍କ୍ ନୁ ଇୱୁ ଦର୍‍କାର୍ ହିଲ୍‍ୱାଦ୍ ବିଷୟ୍‍ତିଙ୍କ୍ ୱିଡ଼୍‍ସି, ସ୍ୱର୍ଗ, ପୃତିବି ନୁ ତାନ୍ ଲୋପେ ମାନ୍ଦାନ୍ ସାରେ ଜିନିଷ୍‍ତିଙ୍କ୍ ସୃଷ୍ଟିମାଡ଼୍‍ତେ ଜିୱେତଣ୍ଡ୍ ଇଶ୍ୱର୍‌ତେ ପାକେ ମିକିଂଙ୍କ୍ ଆଦାନ୍ ସେଙ୍ଗେ ମାମ୍‍ମେ ଇଗେ ୱାତ୍‍ତମ୍ ।

ପ୍ରେରିତ 18:5

ଶୀଲା ନୁ ତୀମତି ମାସିଦୋନିଆତାଗାଙ୍କ୍ ମାଲ୍‍ସ୍ ୱାତ୍‍ତେ ପେର୍‍କେ ପାଉଲ୍ ଇହୁଦୀଡ଼୍ ଗାର୍‍ରେ ଜିସୁନ୍ ସୁସମାଚାର୍ ପ୍ରଚାର୍ ମାଡ଼୍‍ତଣ୍ଡ୍ ନୁ ଜିସୁଙ୍କ୍ ମସୀହ ଇଞ୍ଜ କେତ୍‍ତାନ୍ ସେଙ୍ଗେ ସାକ୍ଷ୍ୟ ହିତ୍‍ତଣ୍ଡ୍ ।

ପ୍ରେରିତ 2:40

ପିତର୍ ଅଡ଼୍‌‍କିଂଙ୍କ୍ ଅନୁରଦ୍‌‍ ମାଡ଼ାନାଦ୍‍ ନୁ ନାର୍‍ଗେ ଲେକାତ୍ ସାକ୍ଷ୍ୟ ଇସ୍‌ କେତ୍‍ତାନ୍, “ଇ କାରାପ୍ ନାରୁଡ଼୍ ସେଙ୍ଗେ ୱାସମିନ୍ଦେନ୍ ଶାସ୍ତିତାଗାଙ୍କ୍ ନିଜେ ନିଜେତିଙ୍କ୍ ରକ୍ଷା ମାଡ଼ାଟ୍ ।”

ପ୍ରେରିତ 20:21

ଇହୁଦୀ ନୁ ଅଣଇହୁଦୀଡ଼୍ ସାରେତଡ଼୍‌କିଂଙ୍କ୍ ନାନ୍ ଗାଟି ସତର୍କ ଗଟ୍ କେତ୍‍ତାନ୍, ଅଡ଼୍‌ ଅନୁତାପ୍‍ ମାଡ଼ି ପାପାମ୍‍ତାଗାଙ୍କ୍ ମାଲ୍‍ସ୍‍ମିକା ଇଶ୍ୱର୍‌ତେ ପାକେ ମନ୍ ମାଡ଼ିତଡ଼୍ ନୁ ପ୍ରବୁ ଜିସୁନାଗ୍ ବିଶ୍ୱାସ୍ ମାଡ଼ିତଡ଼୍ ।

ରୋମୀୟ 1:21

ବାତେଙ୍କ୍ଇତ୍‍କେ ଅଡ଼୍‌ ଇଶ୍ୱର୍‌ତିଙ୍କ୍ ପୁଞ୍ଜ୍ ଅଂକିଙ୍କ୍‌ ଇଶ୍ୱର୍ ଇଞ୍ଜ ଗୌରବ୍ ମାଡ଼ଡ଼୍‍ କି ଦନ୍ୟବାଦ୍ ଇୱଡ଼୍, ଅଡ଼୍‌ ତାମ୍‍ତାମ୍ ଯୁକ୍ତିତର୍କ ଆଦ୍‍ତଡ଼୍ ନୁ ଅଡ଼ାଦ୍‌ ବୁଦ୍‍ଇଲ୍‍ୱାଦ୍ ମନ୍ ଇକାଡ଼୍ ଆତ୍‍ତେ;

୧ କରନ୍ତିୟ 1:12

ନାକ୍ ଏର୍କା ମିନ୍ଦା, ମିଡ଼୍ ସାର୍ରେତଡ଼୍‌ ୱେରେୱେରେ ଗଟି କେତୁତିଡ଼୍‌ । ବେନ କେତୁତଣ୍ଡ୍‌, “ନାନ୍ ପାଉଲିନ୍ ପେର୍‍କେ ଆଦ୍‍ତାନ୍, ମେଣ୍ଡ୍‌ ବେନ କେତୁତଣ୍ଡ୍, ନାନ୍ ଆପୋଲ୍ଲୋ ପେର୍‍କେ ଆଦ୍‍ତାନ୍, ବେନ କେତୁତଣ୍ଡ୍ ନାନ୍ ପିତର୍‌ତେ ପେର୍‍କେ ଆଦ୍‍ତାନ୍, ମେଣ୍ଡେ ବେନ କେତୁତଣ୍ଡ୍ ନାନ୍ କ୍ରିଷ୍ଟନ୍ ପେର୍‍କେ ଆତ୍‌ତାନ୍‌ ।”

୧ କରନ୍ତିୟ 15:50

ଆଦିଙ୍କ୍ ଦାଦାଲଡ଼ି ନୁ ଏଲାସ୍କ୍, ନାନ୍ ମିକିଂଙ୍କ୍ କେତାନଙ୍କ୍ ଆଲ୍‍ସୁତାନ୍ ଜେ, ନେତୁର୍ ଆଉଙ୍ଗ୍ ମେନ୍ଦୁଲ୍ ପୟ୍‍ସ୍ ମାନାଡ଼୍ ଇଶ୍ୱର୍‌ତେ ରାଜ୍ୟତ୍ ଅଦିକାରି ଆଦାନଙ୍କ୍ ପାର୍‍ୱାଦ୍, ବାତେଙ୍କ୍ ଇତ୍‍କେ ଦଂସ ଆଦାନ୍ ଜିନିଷ୍ ନଷ୍ଟ ଆୟ୍‍ୱାଦ୍ ଆଦାନଙ୍କ୍ ପାର୍‍ୱ ।

୨ କରନ୍ତିୟ 9:6

ହେର୍କା ନେହେମୁଟ୍, ବେନ ସୁକୁକ୍ ୱିଜ୍ ୱିତିତନ୍, ଅଣ୍ଡ୍‌ ସୁକୁକ୍ ପାଣ୍ଡ୍‍ପ୍ସିତନ୍; ବେନ ନାର୍‍ଗେ ୱିଜ୍ ୱିତିତନ୍, ଅଣ୍ଡ୍‌ ନାର୍‍ଗେ ପାଣ୍ଡ୍‍ପ୍ସିତନ୍‍ ।

ଗାଲାତୀୟ 3:17

ନାୟାଦ୍ କେତାନ୍ ଅର୍ତ ଆଦୁତ୍, ଇଶ୍ୱର୍ ଅବ୍ରାହାମ୍‍ ତଡ଼୍ ଅଣ୍ଡୟ୍‌ ଚୁକ୍ତି ମାଡ଼ିମାତ୍‍ତଣ୍ଡ୍ ନୁ ଆଦ୍ ରକ୍ଷା ମାଡ଼ାନଙ୍କ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍ । ବେନ୍ ନିୟମ୍ ଚାରିଶହ ତିରିଶ୍ ଏଣ୍ଡ୍ ପେର୍କେ ତିଆର୍ ଆତ୍‍ତେ, ଆଦ୍ ଆ ଚୁକ୍ତିତିଙ୍କ୍ ୱେରେ ମାଡ଼ି ଇଶ୍ୱର୍‌ତେ ପ୍ରତିଜ୍ଞାତିଙ୍କ୍ ବନ୍ଦ୍ ମାଡ଼େ ପାର୍‍ୱ ।

ଗାଲାତୀୟ 5:3

ନାନ୍ ସୁନ୍ନତ ପାଏମ୍ ଆଦାନଡ଼୍ ସାରେ ତଡ଼୍‍କିଙ୍କ୍ ମେଣ୍ଡନ୍‍ଦାମ୍ କେତୁତାନ୍ ଯେ, ମୋଶାନ୍‌‌ ନିୟମ୍ ସାରେ ପାଲନ୍ ମାଡ଼ାନ୍ ସେଙ୍ଗେ ଅଡ଼ାଦ୍‌‍ ଦାୟିତ୍ୱ ।

ଏଫିସିୟ 1:22

ଇଶ୍ୱର୍ ସାରେ ବିଷୟ କ୍ରିଷ୍ଟନ୍ ଡେକେତ୍ ମଦଲ୍ ନେହେତ୍‍ତନ୍ ନୁ ସାରେ ବିଷୟ ପରୁ ଅଂକିଙ୍କ୍‌ ସାରେତିଙ୍କ୍‍ ବେଡ଼୍‍ୟେ ପ୍ରବୁ ଲେକାମ୍ ମଣ୍ଡଲିତାଗ୍ ଇତ୍‍ତନ୍ ।

ଏଫିସିୟ 4:22

ଆଦିଙ୍କ୍ ବେନ୍ ପାଃନ୍ତେ ଜବାବ୍ ଆସ୍ ମିଡ଼୍ ଜିୱୁଣ୍ଡ୍ ବାଦ୍‍କ ମାତ୍‍ତିଡ଼୍, ଆୱୁ ୱିଡ଼୍‍ସାଟ୍, ବାତେଙ୍କ୍ ଇତ୍କେ ଆଦିନ୍ ବୁଚା ଲାଲସା ତଡ଼୍ ମିୟାଦ୍ ଆତ୍ମା ନଷ୍ଟ ଆସମାତ୍‍ତେ ।

କଲସୀୟ 2:18

ବେନଡ଼୍ ବିଶେଷ୍‍ ଦର୍ଶନ୍, ବାୟ୍‍ଦେ ସାୟେତଣ୍ଡ୍‍ ନୁ ଦୂତ ପୂଜା ପରୁ ଗୁରୁତ୍ୱ ଇସ୍ ଗର୍ବ ମାଡ଼ିତଡ଼୍, ଅଡ଼୍‌‍କିଂଙ୍କ୍ ଉଡ଼ି ମିଡ଼୍ ନିଜେତିଙ୍କ୍ ସୁଦୁର୍‍ ଏର୍କା ମାଡ଼୍‍ମାଟ୍ । ଇଦ୍‍ଲେକାମ୍ ନାରୁଡ଼୍ ନିଜେତିଙ୍କ୍‍ ନାରୁଡ଼୍‍ ଚିନ୍ତାତଡ଼୍ ଆଙ୍ଗ୍‍ଡ଼ାତ୍‍ ଗର୍ବତାଗ୍‍ ଗର୍ବୀଆସ୍‍ ମାନ୍‍ତଡ଼୍‍ ।

କଲସୀୟ 2:4

ବେନ ମିକିଙ୍କ୍ ବେଲାନ୍ କି ଗଟିନ୍‍ତଡ଼୍ ବୁଲ୍‍କାମାଡ଼ି ତିପାଲ୍ ମାଡ଼୍‍ମାକିଡ଼୍, ଅଦିନ୍‌ ସେଙ୍ଗେ ନାନେ ଇଦ୍‍ କେସ୍ ନେଃଏତୁତାନ୍ ।

୧ ଥେସଲନିୟ 4:6

ବେନ୍ କ୍ରିଷ୍ଟିୟାନ୍ ବିଶ୍ୱାସୀ ଦାଦାନ୍ ସେଙ୍ଗେ କାରାପ୍ କାମ୍ ମାଡ଼୍‍ମାଟ୍, ବା ଅଂକିଙ୍କ୍‌ ପାସ୍କ୍‍ମାଟ୍, ଇଦ୍ ଗଟ୍ ମାମ୍‍ମେ ମୁନେଙ୍କ୍ କେସ୍‍ମିନ୍ତେମ୍ ନୁ ଡୁଟାଙ୍ଗ୍‍ତେ ସାବ୍‍ଦାନ୍ ମାଡ଼ିତ୍‍ତମ୍ ଜେ, ବେନଡ଼୍ ଆଦ୍‍ଲେକାମ୍ ମାଡ଼ିତଡ଼୍, ପ୍ରବୁ ଅଡ଼୍‌‍କିଂଙ୍କ୍ ଦଣ୍ଡ ହିଦ୍‍ତନ୍ ।

୧ ତୀମତି 5:21

ପ୍ରବୁ ଜିସୁ କ୍ରିଷ୍ଟ, ଦୂତ ନୁ ସ୍ୱୟଂ ଇଶ୍ୱର୍‌ତିଙ୍କ୍ ସାକ୍ଷି ୱାଟି, ହିସାରେ ନିର୍ଦ୍ଦେଶ ପାଲନ୍ ମାଡ଼ାଙ୍କ୍ ନାନେ ମିକିଙ୍କ୍ ଏକାନ୍ତ ଅନୁରଦ୍‌ ମାଡ଼ୁତାନ୍ । ବେନନ୍ ବିରୁଦ୍ଦ୍‍ତେ ପକ୍ୟପାତିତା ଲେକାମ୍ ବେନ୍‌ଆଇ କାମ୍ ମାଡ଼୍‍ମାଟ୍ ।

୧ ତୀମତି 6:13

ସାରେ ପଶୁକିନ୍ ଜିୱେ ଦାତାଲ୍ ଇଶ୍ୱର୍‌ତେ ମୁନେ ନୁ ପନ୍ତିଆସ୍ ପିଲାତନ୍ ମୁନେ ଦୃଡ଼ ବିଶ୍ୱାସ୍‍ତେ ପରିଚୟ ଇସ୍‍ମାନ୍ଦାନ୍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍ତେ ମିକିଙ୍କ୍ ଆଦେଶ୍‍ ଇସ୍ କେତୁତାନ୍,

୨ ତୀମତି 4:1

ଇଶ୍ୱର୍‌ତେ ମୁନେ ନୁ ସାରେତଡ଼୍ ଜିୱେ ଡଲ୍‍ତେ ନାରିଡ଼୍ ବିଚାର୍ ମାଡ଼ାନଙ୍କ୍ ନୁ ରାଜ୍‍ ମାଡ଼ାନଙ୍କ୍ ୱାସମାନ୍ଦାନ୍ କ୍ରିଷ୍ଟ ଜିସୁ ୱାଦାନ୍ ଦିନେ, ତାନ୍ ରାଜ୍ୟତିଙ୍କ୍ ଲେକେତ୍‍ ମାଡ଼ନ୍ ସେଙ୍ଗେ ନାନେ ମିକିଙ୍କ୍ ଇଦ୍ ଦୃଡ଼ ଆହ୍ୱାନ୍ ଇଦୁତାନ୍ ।

୧ ପିତର୍‍ 1:18

ମୀଇଡ଼୍ ପୁତ୍‍ତିଡ଼୍ ମୀଇ ମୁନେଙ୍କ୍‍ତେ ନାରୁଡ଼୍‍ଡ଼ାଗାଙ୍କ୍ ସାରେ ପରମ୍ପରା ଆଙ୍ଗ୍‍ଡ଼ାତାଦ୍‍ ଜିୱେତାଗାଙ୍କ୍ ମିକିଙ୍କ୍ ମୁକ୍ତ ମାଡ଼ାନ୍ ସେଙ୍ଗେ ଇଶ୍ୱର୍‌ତିଙ୍କ୍‍ ବେସର୍ ମୁଲ୍ୟ ଇଦାଙ୍କ୍ ଆସ୍‍ମାତ୍‍ତେ । ଆଦ୍ ନଷ୍ଟ ଆଦାନ୍‍ ରୁପା କି ସୁନା ଆୟ,

୨ ପିତର୍‌ 2:18

ଅଡ଼୍‌ ଆଂକାର୍‍ତେ ନିଣ୍ଡ୍‍ତଡ଼୍ କାରାପ୍ ଗଟି କେସମାନ୍‍ନ୍ତଡ଼୍; ଦସଂକାରୀଡ଼ାଗାଙ୍କ୍ ରକ୍ଷା ଆସ୍ ମିରି ୱାସମାନ୍ଦାନ୍ ନାରୁଡ଼୍‍କିଙ୍କ୍ ନିଚ୍‌ ଶାରିରିକ କାମ୍‍ତେ ମାୟା ତଅସ୍ ଉଡ଼୍‍ୟିତାଗ୍ ୱାଟିତଡ଼୍ ।