ଏଫିସିୟ 4:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ଅଦିନ୍‌ମାୟ୍‍ଦିଙ୍କ୍ ମାମ୍‍ମେ ସାର୍ରେତମ୍ ମା ବିଶ୍ୱାସ୍‍ତେ ନୁ ଇଶ୍ୱର୍‌ତେ ମାର୍‍ ବୁଦ୍‍ତେ ଅଣ୍ଡୟ୍‌‍ ଆଦ୍‍ତମ୍, କ୍ରିଷ୍ଟନ୍ ଇସାବ୍‍ତେ ମାମ୍‍ମେ ସାରେ ବୟସ୍କା ଆଦ୍‍ତମ୍ ।

ଏଫିସିୟ 4:13 ပူးပေါင်းရင်းမြစ်များ

ମାତିଉ 11:27

“ମା ବାବାଲ୍ ନାକିଂଙ୍କ୍ ସାରେ ଇସ୍‌ ମିନ୍ଦେଣ୍ଡ୍ । ବାବାଙ୍କ୍ ୱିଡ଼୍‍ସ୍‍କେ ମାର୍‍ରିଙ୍କ୍ ମେଣ୍ଡେ ବେନ ପୁନଣ୍ଡ୍ ମେଣ୍ଡେ ମାର୍‍ରିଙ୍କ୍ ୱିଡ଼୍‍ସ୍‍କେ ବାବାଙ୍କ୍ ମେଣ୍ଡେ ବେନ ପୁନଣ୍ଡ୍ । ମାର୍‍ ବେନ ଗାର୍‍ରେ ବାବାନ୍ ଗଟି କେତିତଣ୍ଡ୍, ମାତର୍ ଅଡ଼୍‌ ବାବାଙ୍କ୍ ପୁନ୍‍ତଡ଼୍ ।”

ଯୋହନ୍‌‌ 1:16

ତ ଅଣ୍ଡ୍‌ ସାରେତାଗାଙ୍କ୍ ମାମ୍‍ମେ ସାରେତମ୍ ପାଏମ୍ ଆସ୍‍ମିନ୍ଦେମ୍, ଅନୁଗ୍ରହତେ ପର୍‍ ଅନୁଗ୍ରହ ପାଏମ୍ ଆସ୍‍ମିନ୍ଦେମ୍ ।

ଯୋହନ୍‌‌ 16:3

ନାରୁଡ଼୍ ଇୱୁସାରେ ମାଡ଼ିତଡ଼୍, ବାତେଙ୍କ୍ ଇତ୍‍କେ ଅଡ଼୍‌ ବାବାଙ୍କ୍ ନୁ ନାକିଂଙ୍କ୍ ପୁନଡ଼୍ ।

ଯୋହନ୍‌‌ 17:21

ବେଲା ଅଡ଼୍‌ ସାରେତଡ଼୍ ଅଣ୍ଡୟାଗେ ଆଦ୍‍ତଡ଼୍; ହଁ ବାବା ନିମ୍‍ ବେଲା ନାୟାଗେ ମିନ୍ଦେନି ନୁ ନାନ୍ ନିୟାଗ୍ ମିନ୍ଦେନ୍, ଅଡ଼୍‌ ମିକା ଆଲେକେ ମାୟାଗ୍‌ ମାନିଡ଼୍, ବେଦ୍‍ଲେକାମ୍ ନିମ୍‍ ନାକିଂଙ୍କ୍ ରହତ୍‍ତି ଇଞ୍ଜ ଜଗତ୍ ବିଶ୍ୱାସ୍ ମାଡ଼ିତ୍ ।

ଯୋହନ୍‌‌ 17:3

ନିମ୍‍ ୱେର୍‍ନି ସତ୍ ଇଶ୍ୱର୍, ନିକିଂଙ୍କ୍ ନୁ ନିମ୍‍ ରଅତେନଣ୍ଡ୍ ଜିସୁ କ୍ରିଷ୍ଟଙ୍କ୍ ପୁନ୍ଦାନାଦ୍ ଆଦୁତ୍‍ତେ ସାରେଦିନାତ୍ ଜିୱୁଣ୍ଡ୍ ।

ଯୋହନ୍‌‌ 6:69

ମେଣ୍ଡେ ନିମ୍‍ ଯେ ଇଶ୍ୱର୍‌ତେ ଆଦ୍ ପବିତ୍ର ନାରୁନି, ହିଦ୍ ମାମ୍‍ମେ ବିଶ୍ୱାସ୍ ମାଡ଼ିମିନ୍ଦେମ୍ ନୁ ପୁଞ୍ଜ୍‍ମିନ୍ଦେମ୍ ।”

ପ୍ରେରିତ 4:32

ବିଶ୍ୱାସୀଡ଼୍ ୱେରଡ଼୍ ମାନ୍‍ ନୁ ୱେରଡ୍‌ ହୃଦୟ ତେ ମାତ୍‌ତଡ଼୍ । ବେନଡ଼୍ ତାମ୍ ସମ୍ପତିତିଙ୍କ୍ ନିଜେତ୍ ସମ୍ପତି ଇଞ୍ଜ ଦାବୀ ମାଡ଼ଡ଼୍‍, ସାରେତଡ଼୍‍ୱାଦ୍ ସମ୍ପତିତିଙ୍କ୍ ଅଡ଼୍‌ ସାମାନ୍ ତୁହୁସ୍‍ତଡ଼୍ ।

୧ କରନ୍ତିୟ 1:10

ହୋ ଦାଦାଲଡ଼ି ନୁ ଏଲାସ୍କ୍ ପ୍ରବୁ ଜିସୁ କ୍ରିଷ୍ଟନ୍‌ ଅଦିକାର୍‌‌ଦେ ସେଙ୍ଗେ ନାନ୍‌ ମିକିଙ୍କ୍‌ ଅନୁରଦ୍‌‍ ମାଡ଼ମିନ୍ଦେଣ୍ଡ୍, ଆଲ୍‍ସାନ୍ ମାଡ଼ାନ୍‍ୱେଲେ ୱେରଡ଼୍ ଆଇମୁଟ୍‌ । ଆଲାଇତ୍‌କେ ମିଇ ଲୋପେ ବାତାବା ୱେକ୍‍ୱେକ୍‍ ଆୟ୍‍ୟ ।

୧ କରନ୍ତିୟ 14:20

ଦାଦାଲଡ଼ି ନୁ ଏଲାସ୍କ୍, ଚିନ୍ତେତାଗ୍ ପିଲାନ୍ ଲେକାମ୍ ଆୟ୍‍ମାଟ୍ । କାରାପ୍ ବିଷୟ୍ ସେଙ୍ଗେ ପିଲାନ୍ ଲେକାମ୍ ଆୟ୍‍ମୁଟ୍; ଇତ୍‍କେ ବୁଦ୍ ବିଚାର୍‍ତାଗ୍ ମିଡ଼୍ ସାରେ ବୟସ୍‍ତଡ଼୍ ଆଦାନାଦ୍ ସାୟେ ।

୧ କରନ୍ତିୟ 2:6

ଇତ୍‍କେ ବାଡ଼େ ମାମ୍‍ମେ ବେଡ଼ିୟଡ଼୍ ନାରୁଡ଼୍‌ ନାଡ଼୍‌ମେ ବୁଦ୍‍ତାଦ୍‌ ଗଟ୍‌ କେତୁତମ୍, ବାତେଙ୍କ୍ ଇତ୍‍କେ ଆଦ୍‌ ଇଦ୍‌ ଜୁଗ୍‌ତାଦ୍‌ ବୁଦ୍ ଇଲ୍ଲା ବା ଇଦ୍‌ ଜୁଗ୍‌ତାଦ୍‌ ନଷ୍ଟାମ୍‌ ଆଦାନ୍ ନେତାନଡ଼ାଦ୍‌ ବୁଦ୍‍ ଇଲ୍ଲା,

୨ କରନ୍ତିୟ 4:6

ବାତେଙ୍କ୍ ଇତ୍‍କେ ବେନ୍ ଇଶ୍ୱର୍‌ କେସ୍‍ମାତ୍‍ତନ୍, “ଇକାଡ଼୍ ତାଗ୍ ୱେସ୍ ସାରେପାକ୍ ଆୟି,” ଆଦ୍ ଇଶ୍ୱର୍ ଜିସୁନ୍‌ ମକତାଗ୍ ସାରେପାକ୍ ଐଶ୍ୱରିକ୍ ମାହିମା ଉଡ଼ାନ୍ ସେଙ୍ଗେ ମା ହୃଦୟତିଙ୍ଗ୍ ୱେସ୍ ମାଡ଼୍‍ତଣ୍ଡ୍ ।

ଗାଲାତୀୟ 4:19

ଆ ନା ପିଲାନଡ଼ି, ମିକିଂଙ୍କ୍ କ୍ରିଷ୍ଟଟନ୍ ଲେକେମ୍ ମାଡ଼ି ତିଆର୍ ମାଡ଼ାନ୍ ସେଙ୍ଗେ ନାନ୍ ମେଣ୍ଡନ୍‍ଦାମ୍ ଜନମ୍ ମାଡ଼ାନ୍ ନପ୍ ପୁନ୍ଦ୍‍ତାନ୍ ।

ଏଫିସିୟ 1:17

ମେଣ୍ଡେ ଗୌରବ୍‍ତନ୍ ବାବାଲ୍, ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ିତାନ୍, ବେଲା ଅଣ୍ଡ୍‌ ମିକିଂଙ୍କ୍ ପବିତ୍ର ଆତ୍ମା ଇଦ୍‍ତନ୍ । ଆଦ୍ ଆତ୍ମା ମିକିଂଙ୍କ୍ ଜ୍ଞାନ୍‍ବାନ୍ ମାଡ଼ିତେ ନୁ ଇଶ୍ୱର୍‌ତିଙ୍କ୍ ମିଇ ଗାର୍ରେ କେତିତନ୍ । ଆଲାଇତ୍‍କେ, ମିଡ଼୍ ଅଙ୍କ୍‌ ପୁନ୍ଦେ ପାର୍‍ଦ୍‍ତିଡ଼୍ ।

ଏଫିସିୟ 1:23

ମଣ୍ଡଲି କ୍ରିଷ୍ଟନ୍ ମେନ୍ଦୁଲ୍; ମଣ୍ଡଲି ତଡ଼୍ କ୍ରିଷ୍ଟନ୍ କାମ୍‍ତେ ସାରେ ପୁରା ଆଦ୍‍ତେ; ମେଣ୍ଡେ କ୍ରିଷ୍ଟ ସାରେ ବିଷୟ ପୁରା ମାଡ଼ିତନ୍ ।

ଏଫିସିୟ 2:15

ଅଡ଼୍‌ ଇହୁଦିନଡ଼୍ ସାରେ ବିଦିବିଦାନ୍ ସାର୍‌ରେ ବ୍ୟବସ୍ଥାତିଙ୍କ୍‍ ଉଚ୍ଛେଦ ମାଡ଼ି ଇହୁଦିଡ଼୍ ନୁ ଅଣଇହୁଦିଡ଼୍ ଆଗାଙ୍କ୍ ଅଡ଼ାଦ୍‌ ସାହାଯ୍ୟ ମାଡ଼ମାନ୍ଦାନ୍ ୱେରଡ଼୍ ପୁଃନେ ମାନବ୍ ଜାତି ତିଆର୍ ମାଡ଼୍‍ତଣ୍ଡ୍ । ଆଗେ ପୃତିବିତାଗ୍ ଶାନ୍ତି ତିଆର୍ ଆଦ୍‍ତେ ।

ଏଫିସିୟ 4:12

କ୍ରିଷ୍ଟନ୍ ଆଦ୍ ମେନ୍ଦୁଲ୍‍ତିଙ୍କ୍ ତିୟାର୍ ମାଡ଼ାନ୍ ଲେକାମ୍‌ କ୍ରିଷ୍ଟିୟ ସେବା ପାଡ଼୍‍ୟିଦେ ମାୟ୍‍ଦିଙ୍କ୍ ଇଶ୍ୱର୍‌ତେ ନାରୁଡ଼୍‍କିଂଙ୍କ୍ ତିୟାର୍ ମାଡ଼ାନ୍ ମାୟ୍‍ଦିଙ୍କ୍ ଅଣ୍ଡ୍‌ ଇଲା ମାଡ଼ିମିନ୍ଦେଣ୍ଡ୍ ।

ଏଫିସିୟ 4:3

ପବିତ୍ର ଆତ୍ମା ସାହାଯ୍ୟତେ ଶାନ୍ତିତେ ମାନ୍ଦାନ୍ ସେଙ୍ଗେ ମିଇ ଲପେ ବେନ୍ ଏକତା ତିୟାର୍‍ ଆସ୍‍ମିନ୍ଦେ, ଆଦିଙ୍କ୍ ଜିୱୁଣ୍ଡ୍‍ତାଗ୍ ସାୟେ ଅସ୍‍ରେଞ୍ଚାଟ୍‍ ।

ଏଫିସିୟ 4:5

ଅଣ୍ଡୟ୍‌ ପ୍ରବୁ, ଅଣ୍ଡୟ୍‌ ବିଶ୍ୱାସ୍, ଅଣ୍ଡୟ୍‌ ବାପ୍ତିସ୍ମ ।

ଫିଲିପିୟ 3:10

ଇଞ୍ଜେ ନାୟାଦ୍ ଅଣ୍ଡ୍‌‍ଦାମ୍ ଇଚ୍ଛା ନାନ୍ ବେଲାନ୍ କ୍ରିଷ୍ଟଙ୍କ୍ ପୁନ୍ଦ୍‍ତାନ୍ ନୁ ଅନ୍‌ ମେଣ୍ଡେ ୱାଦାନ୍ ଶକ୍ତି ଏର୍କେ ମାଡ଼ିତାନ୍; ତାଙ୍କ୍ ତିପାଲ୍ ବାରେତେ ସାମାନ୍‌ବେଦନା ଏର୍କାମାଡ଼ି ଡଲ୍‍ତାଗେ ମିକା ଅନ୍‌‍ଲେକାମ୍ ଆଦ୍‍ତଣ୍ଡ୍

ଫିଲିପିୟ 3:8

ମାତର୍ ଆସର୍ ଆୟ୍‍ୟ; ନାୟାଦ୍ ପ୍ରବୁ ଜିସୁ କ୍ରିଷ୍ଟଙ୍କ୍ ପୁନ୍ଦାନ୍ ସେଙ୍ଗେ ବେନ୍ ସାରେ ଐଶର୍ଯ୍ୟ ଲାବ୍ ମାଡ଼ୁତାନ୍, ଆଦିନ୍ ଲେକାମ୍ ବାଗାତ୍ ସାରେ ବିଷୟତିଙ୍କ୍ ନାନ୍ ଇଞ୍ଜେ ଆସର୍ ମାନେମ୍‍ ଆଦୁତାନ୍ । ଅନ୍‌ ସେଙ୍ଗେ ନାନ୍ ସାରେ ମିକା ୱିଡ଼୍‍ସ୍‍ତାନ୍ । କ୍ରିଷ୍ଟଙ୍କ୍ ଦର୍ସିକି ଆତ୍‍ତାଙ୍କ୍ ।

କଲସୀୟ 1:28

ଆଦିନ୍ ସେଙ୍ଗେ ମାନାଡ଼୍ ସାରେତଡ଼୍ ପାକେ କ୍ରିଷ୍ଟଙ୍କ୍ ପ୍ରଚାର୍ ମାଡ଼ୁତାଡ଼୍ । ସାରେତଡ଼୍‍କ୍ କ୍ରିଷ୍ଟନ୍‍ତଡ଼୍ କାଲ୍‍ପି ମିକା ଅଣ୍ଡୟ୍‌‍ ଲେକେତ୍ ନାରୁଣ୍ଡ୍ ଲେକାମ୍ ଇଶ୍ୱର୍‌ତେ ମୁନେ ନିଲ୍‍ସ୍ପିତାଡ଼୍, ମାନାଦ୍‍ ସାରେ ବୁଦ୍‍ଜ୍ଞାନ୍ ବ୍ୟବହାର୍‌ ମାଡ଼ି, ସାରେତଡ଼୍‍କ୍ ଚେତନା ନୁ ଶିକ୍ଷା ଇସମିନ୍ଦେମ୍ ।

କଲସୀୟ 2:2

ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ ।

ଏବ୍ରୀ 5:14

ମେଣ୍ଡନ୍‍ରକମ୍‍ କଟିନ୍‍ କାଦି ବୟସ୍ତେ ନାରୁଡ଼୍‍ ସେଙ୍ଗେ; ଅଡ଼୍‌‍ ଜିୱୁଣ୍ଡ୍‍ତାଗ୍‍ ଚିନ୍ତେ ମାଡ଼ି ସାୟେ ନୁ କାରାପ୍‍ ପୁନ୍ଦାନଙ୍କ୍‍ ପାର୍‍ଦ୍‍ତଡ଼୍‍ ।

୨ ପିତର୍‌ 1:4

ଇଦ୍‍ଲେକାମ୍ ଅଣ୍ଡ୍‌ ମାନାଙ୍କ୍ ଅନ୍‌ ଇଚ୍ଛାଲେକାମ୍ ଲେକେତ୍ ମହାନ୍‍ ନୁ ମୁଲ୍ୟବାନ୍ ଦାନ ଇତ୍‍ତନ୍ । ଇଦ୍‍ ସାରେ ଦାନ ତଡ଼୍ ମିଡ଼୍ ଇଦ୍ ଜଗତ୍‍ତେ ଦଂଚକାରି କାମ୍‍ତାଗାଙ୍କ୍ ଉଦ୍ଦାର୍ ଆସ୍ ସ୍ୱର୍ଗତାଦ୍‍ ସ୍ୱଭାବ୍‍ତାଗ୍‍ ଅଂଶି ଆଦେ ପାର୍‍ଦ୍‍ତିଡ଼୍ ।

୨ ପିତର୍‌ 3:18

କିନ୍ତୁ ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଜ୍ଞାନ୍ ନୁ ଅନୁଗ୍ରହତେ ମିଡ଼୍‍ ପେର୍‍ସାଟ୍‍ । ଇଞ୍ଜେ ନୁ ସାରେଦିନା ଅନାଦ୍‌‍ ଗୌରବ୍‍ ଆୟି, ଆମେନ୍‍ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।