ଏଫିସିୟ 3:21 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²¹ ମଣ୍ଡଲି ତଡ଼୍‍ ନୁ କ୍ରିଷ୍ଟ ଜିସୁନ୍‍ ତଡ଼୍‍ ଯୁଗ୍ ଯୁଗ୍‍ତେ ସାରେଦିନାତ୍ କାଲାମ୍‍ ଯାକ ଆଦ୍ ଇଶ୍ୱର୍‌ତେ ଗୌରବ୍ ଆୟି । ଆମେନ୍‍ ।

ଏଫିସିୟ 3:21 ပူးပေါင်းရင်းမြစ်များ

ମାତିଉ 6:13

ମାକିଂଙ୍କ୍ ତିପାଲ୍ ପରିକ୍ଷାତେ ମୁନ୍‍ନେ ଆଦାନଙ୍କ୍ ହିମା, ମାତର୍ କାରାପ୍ ତାଗାଙ୍କ୍ ମାକିଂଙ୍କ୍ ରକ୍ଷା ମାଡ଼େ । ବାତେଙ୍କ୍ ଇତ୍‍କେ ରାଜ୍ୟ, ପରାକ୍ରମ୍, ଗୌରବ୍ ଯୁଗ୍‍ଯୁଗ୍ ନିୟାଦ୍, ଆମେନ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 2:14

“ସ୍ୱର୍ଗତାଗ୍ ଇଶ୍ୱର୍‌ତେ ମହିମା, ମେଣ୍ଡେ ପୃତିବିତାଗ୍ ଅନ୍‌ ଶାନ୍ତି ନାରୁଡ଼୍ ତେ ସେଙ୍ଗେ ଶାନ୍ତି ଆୟି ।”

ରୋମୀୟ 11:36

ସାର୍‍ରେ ବିଷୟ୍ ଇଶ୍ୱର୍ ତିୟାର୍ ମାଡ଼୍‍ତଣ୍ଡ୍; ସାର୍‍ରେ ବିଷୟ୍‍ ଅନ୍‌ ସେଙ୍ଗେ ନୁ ଅନ୍‌‍ ଗୌରବ୍‍ ସେଙ୍ଗେ ଆସ୍‍ ମିନ୍ଦେ । ଯୁଗ୍‍ଯୁଗ୍ ଇଶ୍ୱର୍ ମହିମା ଆୟିଣ୍ଡ୍ । ଆମେନ୍‍ ।

ରୋମୀୟ 16:27

ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ସାର୍‍ରେ ପୁତ୍‍ତେନଣ୍ଡ୍ ୱେରଣ୍ଡେ ଇଶ୍ୱର୍ ଯୁଗ୍‍ଯୁଗ୍ ଗୌରବ୍ ଆୟିଣ୍ଡ୍ । ଆମେନ୍‍ ।

ଗାଲାତୀୟ 1:5

ଯୁଗ୍‍ଯୁଗ୍ ଇଶ୍ୱର୍ ଗୌରବ୍ ପାଏମ୍ ଆୟିଣ୍ଡ୍ । ଆମେନ୍‍ ।

ଏଫିସିୟ 1:6

ଇଶ୍ୱର୍‌ତେ ପ୍ରେମତାଦ୍ ଅନୁଗ୍ରହ ସେଙ୍ଗେ ନୁ ତାନ୍ ପ୍ରିୟ ମାର୍‍ଦିଙ୍କ୍ ବିନା ମୁଲ୍ୟବାନ୍‍ ଦାନ ଲେକାମ୍ ପାଏମ୍ ଆସ୍‍ମାନ୍ଦାନ୍ ମାୟ୍‍ଦିଙ୍କ୍‍, ମାମ୍‍ମେ ଇଶ୍ୱର୍‌ତିଙ୍କ୍‍ ଦନ୍ୟବାଦ୍ ମାଡ଼ୁତମ୍ ।

ଏଫିସିୟ 2:7

ଜିସୁ କ୍ରିଷ୍ଟନାଗେ ଇସ୍‍ମାନ୍ଦାନ୍ ପ୍ରେମତେ ଅନାଦ୍‌ ଅନୁଗ୍ରହତେ ଶାନ୍ତି ମହତ୍ୱ ଯୁଗ୍‍ଯୁଗ୍ ସାରେଦିନା ମାଡ଼ାନ୍ ସେଙ୍ଗେ ଇଶ୍ୱର୍ ଇଦ୍‍ ମାଡ଼୍‍ତଣ୍ଡ୍ ।

ଏଫିସିୟ 4:1

ପ୍ରବୁନ୍ ସେବା ମାଡ଼ାନ୍ ମାୟ୍‍ଦିଙ୍କ୍ ବନ୍ଦି ଆସ୍‍ମାନ୍ଦାନ୍ ନାନ୍‍ନେ ପାଉଲ ମିକିଂଙ୍କ୍ ଅନୁରୋଦ୍ ମାଡ଼ୁତାନ୍, ବେଦ୍‍ପୁଟୁଙ୍କ୍ ବାଦ୍‍କାନ୍ ମାୟ୍‍ଦିଙ୍କ୍ ଇଶ୍ୱର୍ କାର୍‍ଙ୍ଗି ମିନ୍ଦେଣ୍ଡ୍ ଆଦେ ଲେକାମ୍ ବ୍ୟବହାର୍‌ ମାଡ଼ାଟ୍ ।

ଫିଲିପିୟ 1:11

ଇଶ୍ୱର୍‌ତାଦ୍ ଗୌରବ୍ ନୁ ପ୍ରସଂଶା ସେଙ୍ଗେ ମିୟାଦ୍ ଜିୱୁଣ୍ଡ୍ ଜିସୁ କ୍ରିଷ୍ଟ ଇସ୍‍ମାନ୍ଦାନ୍ ସାରେଗୁଣତଡ଼୍ ବର୍ତ୍ତି ଆଦ୍‍ତେ ।

ଫିଲିପିୟ 2:11

ମେଣ୍ଡେ ସାରେ ଜିୱାକ୍ ଜିସୁ କ୍ରିଷ୍ଟକେ ପ୍ରବୁ ଇଞ୍ଜ କେସ୍ ମିକା ବାବାଲ୍ ଇଶ୍ୱର୍‌ତିଙ୍ଗ୍ ଗୌରବ୍ ମାଡ଼ିତିଡ଼୍ ।

ଫିଲିପିୟ 4:20

ଯୁଗ୍‍ଯୁଗ୍ ବାବାଲ୍ ଇଶ୍ୱର୍‌ତେ ଗୌରବ୍ ଆୟି । ଆମେନ୍‍ ।

୨ ତୀମତି 4:18

ପ୍ରବୁ ନାକଂଙ୍କ୍ ସାରେ କାରାପ୍ କାମ୍‍ତାଗାଙ୍କ୍ ରକ୍ଷା ମାଡ଼୍‍ତନ୍ ନୁ ନାକିଂଙ୍କ୍ ରକ୍ଷା ମାଡ଼ି ତାନ୍ ସ୍ୱର୍ଗରାଜ୍ୟତା ଆଦ୍‍ତନ୍; ଯୁଗ୍‍ଯୁଗ୍ ଅନ୍‌ ମହିମା ଆୟି ଆମେନ୍‍ ।

ଏବ୍ରୀ 13:21

ଶାନ୍ତିଦାତାଲ୍ ଇଶ୍ୱର୍ ତାନ୍ ଇଚ୍ଛା ପାଲନ୍ ମାଡ଼ାନ୍ ସେଙ୍ଗେ ମିୟାଦ୍ ଦର୍‍କାର୍‍ ଇସାବ୍‍ ସାର୍ରେ ଲେକେତ୍ ବିଷୟ ଇୱିଣ୍ଡ୍ ନୁ ଜିସୁ କ୍ରିଷ୍ଟନ୍ ତଡ଼୍ ମାନ୍‍ ଜିୱୁଣ୍ଡ୍‍ତାଗ୍ ଅନାଦ୍‌ ସାୟେ ପାଡ଼୍‍ୟି ମାଡ଼ୁତଣ୍ଡ୍ । ଯୁଗ୍‍ଯୁଗ୍ କ୍ରିଷ୍ଟ ମହିମା ଆୟିଣ୍ଡ୍ । ଆମେନ୍‍ ।

୧ ପିତର୍‍ 2:5

ମୀଇଡ଼୍ ଅଣ୍ଡୟ୍‌ ଆଦ୍ୟାତ୍ମିକ୍‍ ମନ୍ଦିର୍ ତିଆର୍‍ ମାଡ଼ାନାଗ୍‍ ଜିୱେମାନ୍ଦାନ୍‍ ବାଡ଼ିୟାଦ୍ କାଲ୍‍ ଲେକାମ୍ ବ୍ୟବହାର୍‌ ଆଦାନ୍‍ ସେଙ୍ଗେ ୱାଡ଼ାଟ୍‍ । ଆଦ୍ ମନ୍ଦିର୍‍ତାଗ୍ ମୀଇଡ଼୍ ଜିସୁ କ୍ରିଷ୍ଟଙ୍କ୍ ତଡ଼୍‍ ଇଶ୍ୱର୍‌ତେ ଗ୍ରହଣଯୋଗ୍ୟ ଆଦ୍ୟାମିକ୍ ବଲି ଉତ୍ସର୍ଗ ମାଡ଼୍‍ନ୍ ସେଙ୍ଗେ ପବିତ୍ର ଜାଜକ୍‍ତେ କାମ୍ ମାଡ଼ିତିଡ଼୍‍ ।

୧ ପିତର୍‍ 5:11

ଅନ୍‌‍ୱାଦ୍ ଶାସନ୍‍ ଯୁଗ୍‍ଯୁଗ୍ ଆୟି । ଆମେନ୍‍ ।

୨ ପିତର୍‌ 3:18

କିନ୍ତୁ ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଜ୍ଞାନ୍ ନୁ ଅନୁଗ୍ରହତେ ମିଡ଼୍‍ ପେର୍‍ସାଟ୍‍ । ଇଞ୍ଜେ ନୁ ସାରେଦିନା ଅନାଦ୍‌‍ ଗୌରବ୍‍ ଆୟି, ଆମେନ୍‍ ।

ଯିହୁଦା 1:25

ମାୱଣ୍ଡ୍ ଅଣ୍ଡେ ୱେରଣ୍ଡେ ତ୍ରାଣକର୍ତ୍ତାଲ୍ ଇଶ୍ୱର୍‌ତେ ଗୌରବ୍, ପରାକ୍ରମ୍ ନୁ ଶାସନ୍‍; ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ମୁନେତ୍ କନ୍‍ସ୍ ନେଣ୍ଡ୍ ଯାକ ନୁ ଯୁଗ୍‍ଯୁଗ୍ ବିରାଜମାନ୍ ଆୟି । ଆମେନ୍‍ ।