ଏଫିସିୟ 3:19 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁹ ହଁ ମିଡ଼୍ ଅନ୍‌ ପ୍ରେମତେ ଅର୍ତ ପୁନ୍ଦେପାର୍‍ଦ୍‍ତିଡ଼୍, ବେଲାମେଣ୍ଡେ ଇଦିଙ୍କ୍ ବେସୁଟ୍‍ବା ସାରେ ପୁନ୍ଦାନଙ୍କ୍ ଆୟ୍‍ୟ । ଇଦ୍ ପୁଟୁଙ୍କ୍ ମିଡ଼୍ ଇଶ୍ୱର୍‌ତେ ଇଚ୍ଛା ସାରେ ପୁନ୍ଦେପାର୍‍ଦ୍‍ତିଡ଼୍ ।

ଏଫିସିୟ 3:19 ပူးပေါင်းရင်းမြစ်များ

ମାତିଉ 5:6

ଇଶ୍ୱର୍‌ତେ ଇଚ୍ଛା ଲେକାମ୍ ପାଡ଼୍‍ୟି ମାଡ଼ାନଙ୍କ୍ ବେନଡ଼ାଦ୍ ଇଚ୍ଛା, ଅଡ଼୍‌ ଦନ୍ୟ, ବାତେଙ୍କ୍ ଇତ୍‍କେ ଇଶ୍ୱର୍ ଅଡ଼୍‌‍କିଂଙ୍କ୍ ଶାନ୍ତି ମାଡ଼ିତନ୍ ।

ଯୋହନ୍‌‌ 1:16

ତ ଅଣ୍ଡ୍‌ ସାରେତାଗାଙ୍କ୍ ମାମ୍‍ମେ ସାରେତମ୍ ପାଏମ୍ ଆସ୍‍ମିନ୍ଦେମ୍, ଅନୁଗ୍ରହତେ ପର୍‍ ଅନୁଗ୍ରହ ପାଏମ୍ ଆସ୍‍ମିନ୍ଦେମ୍ ।

ଯୋହନ୍‌‌ 17:3

ନିମ୍‍ ୱେର୍‍ନି ସତ୍ ଇଶ୍ୱର୍, ନିକିଂଙ୍କ୍ ନୁ ନିମ୍‍ ରଅତେନଣ୍ଡ୍ ଜିସୁ କ୍ରିଷ୍ଟଙ୍କ୍ ପୁନ୍ଦାନାଦ୍ ଆଦୁତ୍‍ତେ ସାରେଦିନାତ୍ ଜିୱୁଣ୍ଡ୍ ।

ରୋମୀୟ 8:35

ଆଲେକେ ବେନ ମାନାଙ୍କ୍‍ କ୍ରିଷ୍ଟନ୍ ପ୍ରେମତାଗାଙ୍କ୍ ୱେର୍ରେ ମାଡ଼େପାର୍‍ଦ୍‍ତଣ୍ଡ୍ ? ଦୁଃକାମ୍, ତିପାଲ୍, ନପ୍, ଗରିବ୍, କାର୍‍ୱ୍, ବିପଦ୍ ବା ଡଲ୍‍ନାଦ୍ ଆଶେ, ବାଆତେବା ଆଦ୍ ମାଡ଼ାନଙ୍କ୍ ପାର୍‍ୱ ।

ରୋମୀୟ 8:39

ପରତାଦ୍ ଆୟି ବା ମଦଲ୍‍ତାଦ୍ ଆୟି ବାତ୍ ବିଷୟ୍, ସାର୍‍ରେ ସୃଷ୍ଟିତାଗ୍ ଇଦ୍‍ରକମ୍ ବାତ୍ ବିଷୟ୍ ଇଲ୍‍ଲେ, ବାତ୍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ତଅନ୍‌ଦ୍‍ତାଦ୍ ଇଶ୍ୱର୍‌ତେ ଆଦ୍ ପ୍ରେମ୍‍ତାଗାଙ୍କ୍ ମାନାଙ୍କ୍‍ ୱେରେ ମାଡ଼ାନଙ୍କ୍‍ ପାର୍‍ଦ୍‍ତେ ।

୨ କରନ୍ତିୟ 5:14

କ୍ରିଷ୍ଟନ୍ ପ୍ରେମ ତଡ଼୍ ମାମ୍‍ମେ ମିନ୍ଦେମ୍ । ମାମ୍‍ମେ ବୁଜେମ୍ ଆତ୍‍ତମ୍ ଯେ, ୱେରଣ୍ଡ୍ ସାରେତଡ଼୍ ସେଙ୍ଗେ ଡଲିମାନ୍‍ନାଙ୍କ୍ ସାରେତଡ଼୍ ଅନାଦ୍‌ ଡଲ୍‍ତାଗ୍ କାଇଲ୍‍ତଡ଼୍ ।

ଗାଲାତୀୟ 2:20

ଆଦିଙ୍କ୍ ଇଞ୍ଜେ ନାନ୍ ନିଜାମ୍ ଜିୱେ ଇଲେନ୍, ନାୟାଗ୍ କ୍ରିଷ୍ଟ କେ ଜିୱୁଣ୍ଡ୍ । ନାନ୍ ଇଞ୍ଜେ ବେନ୍ ଜିୱୁଣ୍ଡ୍ ବାଦ୍‍କୁତାନ୍, ଆଦ୍ ଇଶ୍ୱର୍‌ତେ ମାର୍‍ଦିଙ୍କ୍ ନାୟାଦ୍ ବିଶ୍ୱାସ୍ ମାନ୍ଦାନ୍ ସେଙ୍ଗେ ସମ୍ଭବ୍ ଆତ୍‍ତେ ବେନ ନାକିଙ୍କ୍ ପ୍ରେମ ମାଡ଼ି ତାନ୍ ଜିୱୁଣ୍ଡ୍ ଇତ୍‌ତଣ୍ଡ୍‌ ।

ଏଫିସିୟ 1:23

ମଣ୍ଡଲି କ୍ରିଷ୍ଟନ୍ ମେନ୍ଦୁଲ୍; ମଣ୍ଡଲି ତଡ଼୍ କ୍ରିଷ୍ଟନ୍ କାମ୍‍ତେ ସାରେ ପୁରା ଆଦ୍‍ତେ; ମେଣ୍ଡେ କ୍ରିଷ୍ଟ ସାରେ ବିଷୟ ପୁରା ମାଡ଼ିତନ୍ ।

ଏଫିସିୟ 3:18

ଆଲାଇତ୍‍କେ, କ୍ରିଷ୍ଟନ୍ ପ୍ରେମ ଯେ ବେସର୍ ଲାଆଟି ନୁ ଗାଲ୍, ବେସର୍ ଡେଙ୍ଗ୍‍ ନୁ କୁଇଙ୍ଗ୍, ମିଡ଼୍ ଇଶ୍ୱର୍‌ତେ ୱେରେୱେରେ ନାରୁଡ଼୍ ତଡ଼୍ ଇଦ୍ ବୁଜେମ୍‍ ଆଦାନ୍‍ ମାୟ୍‍ଦିଙ୍କ୍ ପାର୍‍ଦ୍‍ତିନ୍ ।

ଏଫିସିୟ 5:2

କ୍ରିଷ୍ଟ ବେଲା ମାନାଙ୍କ୍‍ ପ୍ରେମ ମାଡ଼୍‍ତଣ୍ଡ୍ ନୁ ଇଶ୍ୱର୍‌ତେ ସାୟେତ୍ ସେଙ୍ଗେ ନିଜେତ୍ ଜିୱୁଣ୍ଡ୍‍ତିଙ୍କ୍ ମାନ୍‍ ମାୟ୍‍ଦିଙ୍କ୍ ସାୟେ ଗାବ୍‍ତାୱୁ ପୁଜାସାମାନ୍ ନୁ ବଲି ଉତ୍ସର୍ଗ ମାଡ଼୍‍ତଣ୍ଡ୍, ମିଇ ଜିୱୁଣ୍ଡ୍ ମିକା ଆଦେଲେକାମ୍ ଚାଲେମ୍ ଆୟି ।

ଏଫିସିୟ 5:25

ମୁଦ୍‍ପାଲଡ଼ି, କ୍ରିଷ୍ଟ ବେଲା ମଣ୍ଡଲିତିଙ୍କ୍ ପ୍ରେମ ମାଡ଼ି, ତାନ୍ ଜିୱୁଣ୍ଡ୍ ଇତ୍‍ତନ୍, ମିଡ଼୍ ଟିକ୍ ଆଲେନେ ନିଜର୍‍ନିଜର୍ ମୁତେକିଙ୍କ୍ ପ୍ରେମ ମାଡ଼ାଟ୍ ।

ଫିଲିପିୟ 1:7

ମୀଇଡ଼୍ ସାରେଦାମ୍ ନା ହୃଦୟ୍‍ତାଗ୍ ମିନ୍ଦେଡ଼ି; ଆଦିଙ୍କ୍ ମିୟାଦ୍ ବିଷୟ୍‍ତେ ଇଦ୍‍ଲେକାମ୍ ଏର୍କା ମାଡ଼ାନାଦ୍ ନାକିଙ୍କ୍‍ ଟିକ୍ ଆଦ୍‍ତେ । ନାନ୍‍ନେ ସ୍ୱାଦିନ୍ ମାନ୍ଦାନ୍ ୱେଲେ ନୁ ଇଞ୍ଜେ ଇଦ୍ ବନ୍ଦି ଅବସ୍ଥାତେ ସୁସମାଚାର୍ତେ ପ୍ରତିଷ୍ଠା ନୁ ସୁରକ୍ଷା ସେଙ୍ଗେ ପାଡ଼୍‍ୟି ମାଡ଼ାନଙ୍କ୍ ଇଶ୍ୱର୍ ନାକିଂଙ୍କ୍ ବେନ୍ ସୁଯଗ୍ ଇତ୍‍ତନ୍, ମୀଇଡ଼୍ ସାରେତଡ଼୍ ଇଦ୍‍ନ୍ ଅଂଶି ଆସ୍‍ମିନ୍ଦେ ।

ଫିଲିପିୟ 4:7

ଆଲେକେ ନାରୁନାଦ୍ ଡଲାନାଦ୍ ଅଗମ୍ୟ ଇଶ୍ୱର୍‌ତେ ଶାନ୍ତି କ୍ରିଷ୍ଟ ଜିସୁନାଦ୍ ସାହାଚର୍ଯ୍ୟତେ ମିୟାଦ୍ ହୃଦୟ୍ ନୁ ମାନ୍‍ଦିଙ୍କ୍ ସୁରକ୍ଷା ମାଡ଼ିତେ ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

୧ ପିତର୍‍ 1:8

ଇଞ୍ଜେ ମିଡ଼୍ ଅଙ୍କ୍‌ ଉଡ଼କଟ୍ ମାତ୍‍କେ ମିକା ପ୍ରେମ ମାଡ଼ୁତିଡ଼୍ ନୁ ଅନାଗେ ବିଶ୍ୱାସ୍ ମାଡ଼ୁତିଡ଼୍ ମେଣ୍ଡେ କେତାନଙ୍କ୍ ଆଇୱାଦ୍ ନୁ ଗୌରବ୍‍ ତଡ଼୍‍ ମିଡ଼୍‍ ସାର୍ଦେ ଆସ ମିନ୍ଦେଡ଼ି ।

୨ ପିତର୍‌ 3:18

କିନ୍ତୁ ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଜ୍ଞାନ୍ ନୁ ଅନୁଗ୍ରହତେ ମିଡ଼୍‍ ପେର୍‍ସାଟ୍‍ । ଇଞ୍ଜେ ନୁ ସାରେଦିନା ଅନାଦ୍‌‍ ଗୌରବ୍‍ ଆୟି, ଆମେନ୍‍ ।