ଏଫିସିୟ 2:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ମିୟାଦ୍ କେଞ୍ଜ୍‍ୱାଦ୍ ନୁ ପାପ୍ ସେଙ୍ଗେ ମୁନେଙ୍କ୍ ଦିନାମ୍‍ତେ ଡଲାନାଦ୍ ମାତ୍‍ତେ ।

ଏଫିସିୟ 2:1 ပူးပေါင်းရင်းမြစ်များ

ମାତିଉ 8:22

ଜିସୁ ଅଂକିଙ୍କ୍‌ କେତ୍‍ତନ୍ ନା ପେର୍କେପେର୍କେ ୱାଡ଼େ, ଡଲ୍‍ତେନଡ଼୍‍କିଂଙ୍କ୍ ସମାଦି ହିଦାଙ୍କ୍ ଡୋଲ୍‍ତଡ଼୍‍କ୍ ୱିଡ଼୍‍ସିମୁଟ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 15:24

ବାତେଙ୍କ୍ ଇତ୍କେ ନା ହି ମାର୍‍ ଡଲି ମାତ୍‍ତଣ୍ଡ୍, ମେଣ୍ଡନ୍‍ଦାମ୍ ଗେଲ୍‍ସ୍‍ତଣ୍ଡ୍; ମାଇମାତ୍‍ତଣ୍ଡ୍, ମେଣ୍ଡେ ଦରକ୍‍ତଣ୍ଡ୍ । ଆସୁଟେ ଅଡ଼୍‌‍ ଗାଟି ସାର୍‍ଦ୍‍ ମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 15:32

ବାତେଙ୍କ୍ ଇତ୍କେ ହିଣ୍ଡ୍ ଯେ, ନି ତାମୁଣ୍ଡ୍‌ ଡଲି ମାତ୍‍ତଣ୍ଡ୍, ମେଣ୍ଡନ୍‍ଦାମ୍ ଗେଲ୍‍ସ୍‍ତଣ୍ଡ୍; ମାଇମାତ୍‍ତଣ୍ଡ୍, ମେଣ୍ଡେ ଦରକ୍‍ତଣ୍ଡ୍, ଆଦିନ୍ ମାଇଦିଙ୍କ୍ ମାନାଡ଼୍ ଗାଟିସାର୍ଦା ମାଡ଼ାନ୍ ମାତ୍‍ତା ।”

ଯୋହନ୍‌‌ 10:10

ଡଙ୍ଗାଲ୍ ୱାଦ୍‍ତଣ୍ଡ୍ ଡଙ୍ଗାଙ୍କ୍, ଆୱୁକାନଙ୍କ୍‌ ନୁ ଦଂସ ମାଡ଼ାଙ୍କ୍, ନାନ୍ ୱାତ୍‍ତାନ୍ ମିକିଂଙ୍କ୍ ଜିୱୁଣ୍ଡ୍ ହିଦାନ୍ ସେଙ୍ଗେ, ମିଡ଼୍ ବେଲାକି ଜିୱୁଣ୍ଡ୍‍ତେ ଗାଟି ତିପାଲ୍‍ମାଡ଼େ ପାର୍‍ତିଡ଼୍ ।”

ଯୋହନ୍‌‌ 14:6

ଜିସୁ ଅଂକିଙ୍କ୍‌ କେତ୍‍ତଣ୍ଡ୍‌, ନାନ୍ ଆର୍, ସତ୍ ନୁ ଜିୱୁନ୍; ନାଆଲାନ୍ ଅନ୍‌‍ୱେ ବେନବା ବାବାନ୍ ଗାର୍‍ରେ ଆଦ୍‍ପାର୍‍ୱଡ଼୍ ।

ଯୋହନ୍‌‌ 5:21

ବାବାଲ୍ ବେଦ୍‍ପୁଟୁଙ୍କ୍ ଡଲି ମାନ୍ଦାନଡ଼୍‍କିଙ୍କ୍ ତେୟ୍‍ସ୍‍ମେଣ୍ଡେ ଜିୱୁ ମାଡ଼ିତନ୍, ଆଦେ ରକମ୍ ମାର୍‍ଆନ୍‌ତେ ବେନ୍ ବେନଙ୍କ୍ ଇଚ୍ଛା ମାଡ଼ିତନ୍, ଅଡ଼୍‌‍କିଂଙ୍କ୍ ଜିୱୁ ମାଡ଼ିତନ୍ ।

ଯୋହନ୍‌‌ 5:25

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ହିସତ୍ ଦିନାମ୍ ୱାସମିନ୍ଦେ, ମେଣ୍ଡେ ଇଞ୍ଜେକ୍ ମିକା ହେୱ୍‍ସ୍‍ ମିନ୍ଦେ, ବେନ୍ ଦିନାମ୍ ତେ ଡଲ୍‍ତେନଡ଼୍ ଇଶ୍ୱର୍‌ତେ ମାର୍‍ଦେ ଲେଙ୍ଗ୍ କେଞ୍ଜିତଡ଼୍ ନୁ ବେନଡ଼୍ କେଞ୍ଜିତଡ଼୍, ଅଡ଼୍‌ ଜିୱୁନ୍‍ ଆଦ୍‍ତଡ଼୍ ।

ରୋମୀୟ 8:2

ଇତ୍‍କେ ଜିୱୁଣ୍ଡ୍‍ତାଦ୍ ଆତ୍ମାତେ ନିୟମ୍ କ୍ରିଷ୍ଟ ଜିସୁନ୍ ପେଦେର୍‍ତେ ମିକିଂଙ୍କ୍ ପାପ୍‌ ନୁ ଡଲ୍‍ନାଦ୍ ନିୟମ୍‍ତାଗାଙ୍କ୍ ମୁକ୍ତି ମାଡ଼୍‍ତେ ।

୧ କରନ୍ତିୟ 15:45

ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ, “ମୁନେନ୍ ଆଦମ୍ ଅଣ୍ଡୟ୍‌ ଜିୱେ ପଶୁ ଲେକାମ୍ ତିଆର୍ ଆସ୍ ମାତ୍‍ତଣ୍ଡ୍ ।” ପେର୍କେତ୍‌ ଆଦମ୍ ମାତ୍‍ତଣ୍ଡ୍, ଜିୱେମାନ୍ଦାନ୍‌ ଆତ୍ମା ଆତ୍‌ତନ୍‌।

୨ କରନ୍ତିୟ 5:14

କ୍ରିଷ୍ଟନ୍ ପ୍ରେମ ତଡ଼୍ ମାମ୍‍ମେ ମିନ୍ଦେମ୍ । ମାମ୍‍ମେ ବୁଜେମ୍ ଆତ୍‍ତମ୍ ଯେ, ୱେରଣ୍ଡ୍ ସାରେତଡ଼୍ ସେଙ୍ଗେ ଡଲିମାନ୍‍ନାଙ୍କ୍ ସାରେତଡ଼୍ ଅନାଦ୍‌ ଡଲ୍‍ତାଗ୍ କାଇଲ୍‍ତଡ଼୍ ।

ଏଫିସିୟ 4:18

ନୁ ଅଡ଼ାଦ୍‌ ମନ୍ ଇକାଡ଼୍ । ଇଶ୍ୱର୍ ଇତ୍‍ତେ ଜିୱୁଣ୍ଡ୍‍ତେ ଅଡ଼ାଦ୍‌ ବାତ୍‍ବା ପାଲ୍‍କ୍ ଇଲ୍‍ଲେ । ବାତେଙ୍କ୍‍ଇତ୍‍କେ ଅଡ଼୍‌ ସାରେ ମୁର୍କ ନୁ ଜିଦି ନାରୁଡ଼୍‍ ।

ଏଫିସିୟ 5:14

ବାତେଙ୍କ୍‍ଇତ୍‍କେ ୱେସ୍ ସାର୍‍ରେ ବିଷୟ୍ ପେସ୍ପିତା । ଆଦିନ୍ ମାୟ୍‍ଦିଙ୍କ୍ ଇଲା ଲେକ୍‍ତାଦ୍ ମିନ୍ଦେ, “ହୋ ଉଞ୍ଜ୍‍ତେନଡ଼ି, ତିଆର୍‍ତେ ଆୟ୍‍ମୁଟ୍ ନୁ ଡଲ୍‍ତେନଡ଼ାଗାଙ୍କ୍ ତେଏଦାଟ୍ ! କ୍ରିଷ୍ଟନ୍ ୱେସ୍‍ତାଗ୍ ପେୟ୍‍ମୁଟ୍ ।”

କଲସୀୟ 2:13

ମିୟାଦ୍ ପାପାମ୍‍ ସେଙ୍ଗେ ନୁ ମିଡ଼୍ ନିୟମ୍ ଇଲ୍‍ୱେ ଅଣଇହୁଦୀ ମାତ୍‍ତାଙ୍କ୍ ଅଣ୍ଡୟ୍‌‍ ଦାମ୍ ମିଡ଼୍ ଆଦ୍ୟାତ୍ମିକ ଲେକାମ୍ ଡଲି ମାତ୍‍ତିଡ଼୍; ଇତ୍କେ ଇଶ୍ୱର୍‍ ଇଞ୍ଜେ କ୍ରିଷ୍ଟନ୍ ତଡ଼୍ ମିକିଙ୍କ୍ ଜିୱେ ମାଡ଼୍‍ତନ୍ । ଇଶ୍ୱର୍ ମାନାଙ୍କ୍ ସାରେ ପାପାମ୍‍ କ୍ଷମା ମାଡ଼୍‍ତନ୍ ।

୧ ତୀମତି 5:6

କିନ୍ତୁ ବେନ୍ ରାଣ୍ଡି ଆସ୍‍ବା ବୋଗବିଲାସ୍‍ତେ ଦିନାତିପାତ ମାଡ଼ିତ୍, ଆଦିଙ୍କ୍ ଜିୱୁନ୍‍ ମାଞ୍ଜ୍‍ବା ଡଲ୍‍ତେ ଇଞ୍ଜ ମନେ ମାଡ଼୍ ୱେୟତିତ୍ ।

୧ ଯୋହନ୍‌‌ 3:14

ଯଦି ମାମ୍‍ କ୍ରିଷ୍ଟିୟାନ୍‍ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ୁତାଡ଼୍‍ ମାମେ ପୁତ୍‍ତମ୍ ଯେ, ଇଞ୍ଜେ ମାନାଡ଼୍ ଡଲାନାଦିଙ୍କ୍ ଅତିକ୍ରମ୍ ମାଡ଼ି ଜିୱେ ପାଏମ୍‍ ଆତ୍‍ତାଡ଼୍ । ବେନ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଞ୍ଜେ ଗାଲା ଡଲାନାଗେ ମିନ୍ଦେଣ୍ଡ୍‍ ।

ପ୍ରକାଶିତ୍‌ ବାକ୍ୟ 3:1

“ସାର୍ଦ୍ଦିତାଗ୍ ମାନ୍ଦାନ୍ ମଣ୍ଡଲିତିତେ ଦୂତନ୍ ପାକେ ଲେକାଟ୍ । ଇଶ୍ୱର୍‌ତେ ସାତ୍‍ଟାନ୍ ଆତ୍ମା ନୁ ସାତ୍‍ଟାନ୍ ଉକାମ୍‍ ପୟ୍‍ସ୍‍ମାନ୍ଦାନ୍ ନାରୁନାଗାଙ୍କ୍ ଇଦ୍ ଗଟ୍ । ନାନେ ମିୟାଦ୍ କାମ୍‍ ମାଡ଼୍‍ତାଦ୍ ପୁତ୍‍ତାନ୍; ମିଡ଼୍ ଡଲିମାତ୍‍କେ ମିକା ଜିୱେମିନ୍ଦେନ୍ ଇଞ୍ଜ କ୍ୟାତି ଲାବ୍ ମାଡ଼୍‍ତିନ୍ ।”