ଏଫିସିୟ 1:20 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁰ ଇଞ୍ଜେ, ମାନାଗେ ଇସ୍ ମାନ୍ଦାନ୍ ଆଦ୍‍ ଶକ୍ତି ତଡ଼୍ କେ ଇଶ୍ୱର୍ କ୍ରିଷ୍ଟଙ୍କ୍ ଡଲ୍‍ତାଗାଙ୍କ୍ ତେସ୍ ମିକା ଅଂକିଙ୍କ୍‌ ସ୍ୱର୍ଗିୟ ନାରୁଡ଼୍‍ତେ ନିଜର୍‍ ତିନ୍ଦେପାକେ କୁସ୍‍ପି ମିନ୍ଦେନ୍ ।

ଏଫିସିୟ 1:20 ပူးပေါင်းရင်းမြစ်များ

ମାତିଉ 26:64

ଜିସୁ ଉତ୍ତର୍ ଇତ୍‍ତଣ୍ଡ୍, “ନିମ୍‍ ଟିକ୍ କେତୁତିନ୍ । ବାତେଙ୍କ୍ ଇତ୍‍କେ ନାନ୍‍ନେ ମିଇ ସାର୍‍ତଡ଼୍‍କ୍‍ କେତୁତାନ୍, ସିଟ୍‍ପାଟ୍ ନାରୁନ୍‍ପିଲେ ସାରେତିଙ୍ଗ୍ ଶକ୍ତିନଡ଼୍ ତିନ୍ଦେପାକ୍ କୁଦାଙ୍କ୍ ଆଦୁତନ୍, ମେଣ୍ଡେ ଅଂକିଙ୍କ୍‌ ସର୍ଗତାଗେ ମାବ୍‍ମୟଲ୍‍ତେ ତ ଡିଗି ୱାଦାନାଦ୍ ମିଡ଼୍ ଉଡ଼ିତିଡ଼୍ ।”

ମାତିଉ 28:18

ଜିସୁ ଅଡ଼୍‌ ଗାର୍‍ରେ ୱାସ୍ କେତ୍‍ତଣ୍ଡ୍, “ସ୍ୱର୍ଗ ନୁ ପୃତିବି ସାରେ ଅଦିକାର୍‌ ନାକିଂଙ୍କ୍ ଇସ୍‌‍ମିନ୍ଦେନ୍ ।

ମାର୍କ 14:62

ଜିସୁ ଉତ୍ତର ଇତଣ୍ଡ୍, “ହଁ ନାନେ ଅଣ୍ତେ । ନିମେ ନାରୁଡ଼ୁ ପିଲେତିଙ୍କ୍‍ ସର୍ବ ଶକ୍ତିମାନ୍‍ତେ ତିନ୍ଦେ ପାକେ କୁଦି ମାନ୍ଦ୍‍ନାଦ୍‍ ଉଡ଼ିତିଡ଼୍ ନୁ ଅଣ୍ଡ୍‌ ସ୍ୱର୍ଗତେ ମୟଲତାଗାଙ୍କ୍‍ ୱାଦାନାଦ୍‍ ଉଡ଼ିତିଡ଼୍ ।”

ମାର୍କ 16:19

ଅଡ଼୍‌‍କିଂଙ୍କ୍‌ ଇ ସାରେ ଗଟି କେସ୍ ତେରି ପ୍ରବୁ ଜିସୁ ସ୍ୱର୍ଗ ଇଶ୍ୱରତେ ତିନ୍ଦେ କାଇଦେ ପାକେ କୁଦ୍‍ତଣ୍ଡ୍ ।

ଯୋହନ୍‌‌ 10:18

ବେନ ନାଗେ ଆଦ୍ ଆୟନ୍, ମାତର୍ ନାନ୍ ନିଜେତ୍ ଇଚ୍ଛାତେ ଆଦ୍ ଦାନ ୱାଟିତାନ୍ । ଆଦ୍ ୱାଟାନଙ୍କ୍ ନାୟାଦ୍ ଅଦିକାର୍‌ ମିନ୍ଦେ ନୁ ନା ବାବାନାଗାଙ୍କ୍ ଇଦ୍ ଗଟ୍ ଇସ୍‍ମିନ୍ଦେନ୍ ।”

ଯୋହନ୍‌‌ 10:30

ବାବାଲ୍ ନୁ ନାନ୍ ୱେରଣ୍ଡ୍‌ ।”

ପ୍ରେରିତ 10:40

ଇତ୍‍କେ ଇଶ୍ୱର୍ ମୁଣ୍ଡ୍ ଦିନା ଲୋପେ ଅଂକିଙ୍କ୍‌ ଡଲ୍‍ତାଗାଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ମାଡ଼୍‍ତଣ୍ଡ୍ । ଅଣ୍ଡ୍‌ ନାରୁଡ଼୍ ବକେତ୍‍ ପ୍ରକାଶଆସ୍ ତଅନ୍‌ଦ୍‍ତଣ୍ଡ୍ ।

ପ୍ରେରିତ 26:8

ଇଶ୍ୱର୍ ଯେ ଡଲ୍‍ତେନଡ଼୍‍କିଙ୍କ୍ ଡଲ୍‍ତାଗାଙ୍କ୍ ତେଏତିତଣ୍ଡ୍, ଇଦ୍ ବିଶ୍ୱାସ୍ ମାଡ଼ାନାଦ୍ ସମ୍ଭବ୍ ଆୟ୍‍ୟ ଇଞ୍ଜ ମିଡ଼୍ ବାତେଙ୍କ୍ ହାଲ୍‍ସୁତିଡ଼୍ ?”

ପ୍ରେରିତ 4:10

ଆଦିଙ୍କ୍ ମିଡ଼୍ ନୁ ଇସ୍ରାଏଲ୍‍ତେ ସାରେତଡ଼୍ ପୁନ୍ଦ୍‍ ୱେୟ୍‍ତିତ୍ ଜେ, ମିଇ ମୁନେ ନିସ୍ ମାନ୍ଦାନ୍ ଇ ନାରୁଣ୍ଡ୍ ମାତ୍ରମ୍‍ ନାଜରିତିୟ ଜିସୁ କ୍ରିଷ୍ଟନ୍ ପେଦେର୍‍ତେ ଶକ୍ତିତଡ଼୍ ସାରେ ସୁସ୍ଥ ଆତ୍‍ତଣ୍ଡ୍ । ବେନଙ୍କ୍ ମିଡ଼୍ କ୍ରୁଶତାଗ୍ ଆୱକ୍‍ତିଡ଼୍‍ ମେଣ୍ଡେ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ମେଣ୍ଡନ୍‍ଦାମ୍ ଜିୱୁନ୍ ମାଡ଼୍‍ତଣ୍ଡ୍ ।

ପ୍ରେରିତ 5:31

ଇସ୍ରାଏଲ୍‍ତେ ନାରୁଡ଼୍‍କିଂଙ୍କ୍ ଅନୁତାପ୍ ମାଡ଼ି ପାପ୍ କେମା ଇଦାନ୍ ସୁଯୋଗ୍ ଇଦାଙ୍କ୍ ଇଶ୍ୱର୍ ଅଂକିଙ୍କ୍‌ ତିନ୍ଦେପାକେତ୍‍ ନେତା ନୁ ତ୍ରାଣକର୍ତ୍ତାଲ୍ ଲେକାମ୍ ତେଇସ୍‍ ମିନ୍ଦେଣ୍ଡ୍ ।

ରୋମୀୟ 1:4

ଇତ୍‍କେ ଦର୍ମତାଦ୍ ଆତ୍ମା ବିଷୟ୍‍ତେ ଡଲ୍‍ତଡ଼୍ ଲୋପେଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ଆସ୍ ଇଶ୍ୱର୍‌ତେ ମାର୍‌ ଇଞ୍ଜ ଶକ୍ତିତଡ଼୍ ପେଦେର୍‍ ଆତ୍‍ତଣ୍ଡ୍;

ରୋମୀୟ 8:34

ଆଲେକେ ବେନ ଅଡ଼୍‌‍କିଂଙ୍କ୍ ମେଣ୍ଡେ ଦଷି ମାଡ଼େପାର୍‍ଦ୍‍ତଣ୍ଡ୍ ? କ୍ରିଷ୍ଟ ଜିସୁ ଆଦ୍ ବେସୁଟ୍‌ ମାଡ଼ଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ଡଲ୍‍ତାଗାଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ଆସ୍ ଇଶ୍ୱର୍‌ତେ ତିନ୍ଦେପାକ୍ କୁଦିମିନ୍ଦେଣ୍ଡ୍ । ଅଣ୍ଡ୍‌‍ ଆନ୍‌ତେ ମାନ୍‍ ସେଙ୍ଗେ ନାଡ଼୍‍ମେ ପ୍ରାର୍ତନା ମାଡ଼ୁତଣ୍ଡ୍‍ ।

ଏଫିସିୟ 1:3

ଦନ୍ୟ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଇଶ୍ୱର୍ । ବାତେଙ୍କ୍‍ଇତ୍କେ ଅଣ୍ଡ୍‌ ମାନ୍‍ କ୍ରିଷ୍ଟନ୍‍ତଡ଼୍ କାଲ୍‍ପି ସ୍ୱର୍ଗ ନାରିନ୍ ସାରେ ଆତ୍ମିକ୍ ଆର୍ଶିବାଦ୍ ମାଡ଼୍‍ତନ୍ ।

ଫିଲିପିୟ 3:10

ଇଞ୍ଜେ ନାୟାଦ୍ ଅଣ୍ଡ୍‌‍ଦାମ୍ ଇଚ୍ଛା ନାନ୍ ବେଲାନ୍ କ୍ରିଷ୍ଟଙ୍କ୍ ପୁନ୍ଦ୍‍ତାନ୍ ନୁ ଅନ୍‌ ମେଣ୍ଡେ ୱାଦାନ୍ ଶକ୍ତି ଏର୍କେ ମାଡ଼ିତାନ୍; ତାଙ୍କ୍ ତିପାଲ୍ ବାରେତେ ସାମାନ୍‌ବେଦନା ଏର୍କାମାଡ଼ି ଡଲ୍‍ତାଗେ ମିକା ଅନ୍‌‍ଲେକାମ୍ ଆଦ୍‍ତଣ୍ଡ୍

କଲସୀୟ 1:16

ବାତେଙ୍କ୍ଇତ୍କେ ଅନ୍‌‍ତଡ଼୍ ଇଶ୍ୱର୍‍ ସ୍ୱର୍ଗତାଗ୍ ନୁ ପୃତିବିତାଗ୍ ସାରେ ଦୃଶ୍ୟ ନୁ ଆଦୃଶ୍ୟ ଜିନିଷ୍, ତେର୍‍ୱେ ଲେକାତ୍ ନାର୍ଗେଶକ୍ତି, କର୍ତ୍ତାଲଡ଼୍, ଶାସନ୍‍ ମାଡ଼ାନଡ଼୍ ନୁ ସାରେତଡ଼୍ ଅଦିକାରିଡ଼୍‍କ୍ ତିଆର୍ ମାଡ଼୍‍ତନ୍ । ଅନ୍‌‍ ତଡ଼୍ ନୁ ଅନ୍‌ ସେଙ୍ଗେ ଇଶ୍ୱର୍‍ ସାରେ ବିଶ୍ୱତିଙ୍କ୍ ତିଆର୍ ମାଡ଼୍‍ତନ୍ ।

କଲସୀୟ 3:1

ମିଡ଼୍‍ କ୍ରିଷ୍ଟନ୍ ତଡ଼୍ ଡଲ୍‍ତାଗାଙ୍କ୍ ତେଏଦ୍‍ତିଡ଼୍ । ଆଦିଙ୍କ୍ ସ୍ୱର୍ଗତେ ବିଷୟ ସେଙ୍ଗେ ମାନ୍‍ମାଡ଼ାଟ୍, ବାତେଙ୍କ୍ଇତ୍କେ କ୍ରିଷ୍ଟ ସ୍ୱର୍ଗତାଗେ ଇଶ୍ୱର୍‌ତେ ତିନ୍ଦେ ପାକେ କୁଦି ମିନ୍ଦେନ୍ ।

ଏବ୍ରୀ 1:3

ଅନାଗା ଇଶ୍ୱରନ୍‌ ମହିମାତାଦ୍‌ ୱେସ୍‌ ପତିତ୍‌ ନୁ ସ୍ୱର୍ଗତାଦ୍‍ ସମ୍ପତି ସାର୍ରେ ମିନ୍ଦେ । ମେଣ୍ଡେ ଅଣ୍ଡ୍‌ ତାନ୍ ଗଟ୍‌ତଡ଼୍‍ ସାର୍ରେ ଜଗତ୍‍ତିଙ୍କ୍‍ ପଇସ୍‌ ମିନ୍ଦେଣ୍ଡ୍‌ । ଅଣ୍ଡ୍‌‌ ନାରୁଡ଼୍‍ ଜାତ୍‌ତେ ମାଇଦିଙ୍କ୍‌ ପାପ୍ କ୍ଷମା ମାଡ଼ି ସ୍ୱର୍ଗତଣ୍ଡ୍‍ ବାଗ୍‌ୱାନ୍‌ତାଗ୍‌ ଲାୱ୍‌ଦେ ଇଶ୍ୱରନ୍‌ ତିନ୍ଦେ ପାକା କୁଦି ମିନ୍ଦେଣ୍ଡ୍ ।

ଏବ୍ରୀ 10:12

କିନ୍ତୁ କ୍ରିଷ୍ଟ ପାପ୍‌ ତେରି ଇଞ୍ଜ ସାର୍ରେଦିନା ମାଇଦିଙ୍କ୍‌ ଆଣ୍ଡୟେ ପୁଜ୍‌ତଣ୍ଡ୍‌ । ଆ ପେର୍କେ ଅଣ୍ଡ୍‌‌ ଆଞ୍ଜମାଞ୍ଜ ଇଶ୍ୱରନ୍‌ ତିନ୍ଦେ ପାକେ କୁଦି ମିନ୍ଦେଣ୍ଡ୍‌ ।

ଏବ୍ରୀ 13:20

ବେନ ନିଜର୍ ଜିୱୁଣ୍ଡ୍ ଇସ୍ ମେଣ୍ଢାକିନ୍ ବାଡ଼୍‍ୟଣ୍ଡ୍ ପଡ଼୍‍ପାନଣ୍ଡ୍ ଆତ୍‍ତଣ୍ଡ୍, ମାନ୍‍ ଅଣ୍ଡ୍‌ ପ୍ରବୁ ଜିସୁଙ୍କ୍ ଇଶ୍ୱର୍ ଡଲ୍‍ତାଗାଙ୍କ୍ ତେଏତଣ୍ଡ୍ । ଆ ଜିସୁନ୍ ଜିୱୁଣ୍ଡ୍ ଇତ୍‍ତେ ନେତୁର୍‍କନ୍ସ୍ ଅଣ୍ଡୟ୍‌ ସାର୍ରେଦିନାତାଦ୍ ଚିଃନେ ଆତ୍‍ତେ ।

ଏବ୍ରୀ 2:9

ମାମ୍ ଉଡୁତମ୍‌, ବେଲାକି ଜିସୁ ସ୍ୱର୍ଗ ଦୂତନୁଞ୍ଚ୍‌ ସୁଦୁଲଣ୍ଡ୍‌ ମାଡ଼ିମାତ୍‌ତଡ଼୍‍, ବେଲାକି ଇଶ୍ୱରନ୍‌ ଅନୁଗ୍ରହନୁଞ୍ଚ୍‌ ସାର୍ରେତଡ୍‌ ମାଇଦିଙ୍କ୍ ଡଲିତଣ୍ଡ୍‌ । ତାନାଦ୍‍ ଆ ଡଲ୍‌ତେ ମାଇଦିଙ୍କ୍ ମାନାଲ୍ ଇଞ୍ଜେ ଅଙ୍କ୍‌‌ ଗୌରବ୍‍ତେ ନୁ ନେକ୍‌କା ସାନ୍‌ମାନ୍‌ତାଦ୍‌ ସହଜ୍‍ କେର୍‍ତାଦ୍‌ ଉଡୁତାଲ୍‌ ।

୧ ପିତର୍‍ 1:3

ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଇଶ୍ୱର୍ତିଙ୍କ୍ ଦନ୍ୟବାଦ୍‍ ଇଦ୍‍ତମ୍, ବାତେଙ୍କ୍ଇତ୍କେ ଅଣ୍ଡ୍‌ ତାନ୍ ନାର୍ଗେ ଦୟାତେ ଜିସୁ କ୍ରିଷ୍ଟଙ୍କ୍ ଡଲ୍‍ତାଗାଙ୍କ୍ ତେସ୍‍ମିକା ମାନାଙ୍କ୍ ପୁନେଃ ଜିୱେ ଇତ୍‍ତନ୍ । ଇଦ୍ ମାନାଦ୍‍ ଜିୱେ ଆସେ ସାରେମାଡ଼୍‍ତନ୍ ।

ପ୍ରକାଶିତ୍‌ ବାକ୍ୟ 1:17

ଅଙ୍କ୍‌ ଉଡ଼୍‍ତେ ସାଙ୍ଗେ ସାଙ୍ଗେ ନାନେ ଚିମ୍‍କାସ୍‍ ଅନ୍‌ ଡ଼େକାନ୍ ମଦଲ୍ ରାଲ୍‍ତାନ୍ । ଅଣ୍ଡ୍‌ ତାନ୍ ଡ଼େବେକାଇ ନା ପରୁ ୱାଟି କେତ୍‍ତନ୍, “ୱେର୍‍ମା, ନାନେ ଆରାମ୍ ନୁ ମାଡ଼େଙ୍ଗ୍‍ ।”