ଏଫିସିୟ 1:19 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁹ ଅନ୍‌ ନାରୁନ୍ ସେଙ୍ଗେ ଅନାଦ୍‌ ପ୍ରତିଜ୍ଞାତ ମହତ୍ ଆର୍ଶିବାଦ୍‍ତଡ଼୍ ଯେ ବେସର୍ ନାର୍‍ଗେ ନୁ ମା ଲେକାମ୍ ବିଶ୍ୱାସୀନଡ଼୍ ପାକେ ଅନାଦ୍‌ ସକ୍ରିୟ ଶକ୍ତି ଯେ ବେସର୍ ମହାନ୍, ଆଦ୍ ମିଡ଼୍ ପୁନ୍‍ତିଡ଼୍ ।

ଏଫିସିୟ 1:19 ပူးပေါင်းရင်းမြစ်များ

ଯୋହନ୍‌‌ 3:6

ମେନ୍ଦୁଲ୍‍ତାଗାଙ୍କ୍‍ ବାତେଏ ତିଆର୍ ଆତ୍‍ତେ, ଆଦ୍ ମେନ୍ଦୁଲ୍; ମେଣ୍ଡେ ଆତ୍ମାତାଗାଙ୍କ୍‍ ବାତେଏ ଆତ୍‍ତେ, ଆଦ୍ ଆତ୍ମା ।

ପ୍ରେରିତ 26:18

ନିମ୍‍ ଅଡ଼ାଦ୍‌ କଣ୍ଡାଙ୍କ୍ ପରିଷ୍କାର୍‍ ମାଡ଼ିମ୍ । ଅଡ଼୍‌‍କିଂଙ୍କ୍ ଇକାଡ଼୍‌ତାଗାଙ୍କ୍ ୱେସିନାଗ୍ ନୁ ଶୟ୍‍ତାନ୍‍ତାଗାଙ୍କ୍ ଇଶ୍ୱର୍‌ତେ ପାକେ ତାତାନଙ୍କ୍ ଆଦ୍‍ତେ, ବେଲାକି ଅଡ଼୍‌ ନାକିଂଙ୍କ୍ ବିଶ୍ୱାସ୍ ମାଡ଼୍‍କେ ଅଡ଼ାଦ୍‌ ପାପ୍ କ୍ଷମା ଆଦ୍‍ତେ ନୁ ପ୍ରବୁ ହେଞ୍ଚ୍‍ତେ ନାରୁଡ଼୍ ଲୋପେ ଅଡ଼୍‌‍କ୍ ଅଦିକାର୍‌‍ ଦର୍‍କିତ୍ ।’”

ରୋମୀୟ 1:16

ବାତେଙ୍କ୍ଇତ୍‍କେ ନାନ୍ ସୁସମାଚାର୍‍ତିଙ୍କ୍ ସିଗ୍ ମାଡ଼ନ୍, ଆଦ୍ ସାର୍‍ରେ ବିଶ୍ୱାସିଡ଼୍‍କିଂଙ୍କ୍ ପରିତ୍ରାଣ୍ ସେଙ୍ଗେ ଶାତ୍‍ୱାମ୍‍, ମୁନେନ୍ ଯିହୁଦୀଡ଼ାଗ୍, ମେଣ୍ଡେ ଗ୍ରୀକ୍‍ ନାରୁଡ଼ାଗ୍ ।

୨ କରନ୍ତିୟ 4:7

ମାମ୍‍ମେ ମାତର୍ ମାୟାଦ୍‌ ସାଦାରନ୍ ପେଣ୍ଡୁଲ୍ କୁଣ୍ଡେତାଗ୍ ଇଦ୍ ସର୍ଗତେ ସମ୍ପଦ୍ ଦର୍‍କୁତ୍ । ଆଗାଙ୍କ୍ ପ୍ରମାନ୍‍ ଆତ୍‍ତେ ଯେ, ଇଦ୍‍ଲେକାମ୍ ୱେସ୍‍ତେ ଶକ୍ତି ମାୟାଦ୍‌ ଆୟ୍‍ୟ, ମାତର୍ ଇଶ୍ୱର୍‌ତାଦ୍ ।

୨ କରନ୍ତିୟ 5:17

କ୍ରିଷ୍ଟନ୍‍ ତଡ଼୍ କାଇଲ୍‍କେ, ନାରୁନାଦ୍ ପୁନେ ତିଆର୍ ଆଦ୍‍ତେ । ପାଃନ୍ତେ ବିଷୟସାରେ ମାଇ ଆଦ୍‍ତେ, ପୁନେତାଉ ତିଆର୍ ଆଦ୍‍ତେ ।

ଏଫିସିୟ 2:10

ମାମ୍‍ମେ ବାତେଏ ଆଦ୍‍ପାର୍‍ୱମ୍, ମାତର୍ ଇଶ୍ୱର୍‍କେ ଆଦ୍‍ ମାଡ଼୍‍ତେ; ବେନ୍ ସାରେ ସାୟେ ପାଡ଼୍‍ୟି ମାମ୍‍ମେ ମାଡ଼ିତମ୍ ଇଞ୍ଜ ଇଶ୍ୱର୍ ମୁନେଙ୍କ୍ ତିଆର୍ କିସ୍ ମାତ୍‍ତନ୍, ମାମ୍‍ମେ କ୍ରିଷ୍ଟ ଜିସୁନ୍ ତଡ଼୍ କାଇଲି ମାନ୍ଦାନ୍ ସେଙ୍ଗେ ମା ଜିୱେତାଗ୍ ଆଦ୍ ସାରେ ଆତ୍‍ତେ ।

ଏଫିସିୟ 3:20

ଇଶ୍ୱର୍ ମାନ୍‍ ଲପେ ଅନ୍‌‍ୱାଦ୍ ଚାଲେମ୍‍ ଆସମାନ୍ଦାନ୍ ଶକ୍ତି ତଡ଼୍‍ ମାନାଡ଼୍‍ ତାଲ୍‍କାନାଗାଙ୍କ୍ ନାର୍ଗେ ଇଦ୍‍ପୁଟୁଙ୍ଗ୍ କି ମାନାଦ୍‍ ଆଲ୍‍ସାନ୍ ବିଷୟ୍‍ ଇଦାନ୍ ମାୟ୍‍ଦିଙ୍କ୍ ପାର୍‍ଦ୍‍ତଣ୍ଡ୍‍,

ଏଫିସିୟ 3:7

ଇଶ୍ୱର୍ ଅନାଦ୍‌ ଶକ୍ତି ବ୍ୟବହାର୍‌ ମାଡ଼ି ନାକିଂଙ୍କ୍ ବେନ୍ ବିଶେଷ୍ ଦାନ ଇସ୍‍ମିନ୍ଦେଣ୍ଡ୍, ଆଦିନ୍ ମାୟ୍‍ଦିଙ୍କ୍ ନା ସୁସମାଚାର୍‍ତେ ପାଷ୍ଟରି ଆସ୍‍ମିନ୍ଦେନ୍ ।

ଏଫିସିୟ 6:10

ସାର୍ରେତିଙ୍କ୍ ପେର୍‍କେ, ପ୍ରବୁନ୍ ତଡ଼୍ କାୟ୍‍ଲି ଅନ୍‌ ମହାଶକ୍ତିତାଗ୍ ଶକ୍ତିମାନ୍‍ ଆୟ୍‍ମୁଟ୍ ।

ଫିଲିପିୟ 2:13

ବାତେଙ୍କ୍ ମିୟାଦ୍ ନୁ ଅନ୍‌‍ଲେକାମ୍ ପାଲନ୍ ମାଡ଼ାନ୍ ସେଙ୍ଗେ ତିଆର୍ ନୁ ସମର୍ତନ୍ ମାଡ଼ାନଙ୍କ୍ ସ୍ୱୟଂ ଇଶ୍ୱର୍ ମିୟାଗେ ସାରେଦାମ୍ ପାଡ଼୍‍ୟି ମାଡ଼ୁତଣ୍ଡ୍ ।

ଫିଲିପିୟ 3:21

ବେନ୍ ଶକ୍ତି ଅଣ୍ଡ୍‌ ସାରେ ବିଷୟତିଙ୍କ୍ ନିଜେତ୍ ବଶିବୂତ ମାଡ଼େ ପାର୍‍ତନ୍, ଆଦ୍ ଶକ୍ତି ଗ୍ରହନ୍ ମାଡ଼ି ଅଣ୍ଡ୍‌ ମାନ୍‍ ଦୁର୍ବଲ୍ ନାୟାଦ୍ ମେନ୍ଦୁଲ୍‌ତିଙ୍କ୍ ଅନାଦ୍‌ ଗୌରବ୍‍ମୟ ମେନ୍ଦୁଲ୍ ଲେକାମ୍ ମାଡ଼ିତନ୍ ।

କଲସୀୟ 1:29

ଇଦିଙ୍କ୍ ପୁରା ମାଡ଼ାନ୍‍ ମାୟ୍‍ଦିଙ୍କ୍ ନାୟାଗେ ମାନ୍ଦାନ୍ କ୍ରିଷ୍ଟ ଇତ୍‍ତେ ମହାନ୍ ଶକ୍ତିତିଙ୍କ୍ ବ୍ୟବହାର୍ ମାଡ଼ି ନାନ୍ ଜିୱେ ଅପି ଚେଷ୍ଟା ମାଡ଼ୁତାନ୍‍ ନୁ ପାଡ଼୍‍ୟି ମାଡ଼ୁତାନ୍ ।

କଲସୀୟ 2:12

ବାତେଙ୍କ୍ଇତ୍କେ ଏର୍‍ମୁଡ଼୍‍ନ୍ଦ୍‍କେ ମିଡ଼୍ କ୍ରିଷ୍ଟନ୍‍ ତଡ଼୍ ସମାଦି ପାଏମ୍ ଆସ୍‍ମାତ୍‍ତିଡ଼୍ ନୁ ଜିସୁ କ୍ରିଷ୍ଟଙ୍କ୍ ତେଏସ୍ ‍ମାନ୍ଦାନ୍ ଇଶ୍ୱର୍‌ତେ ଶକ୍ତିତାଦ୍‍ ବିଶ୍ୱାସ୍ ମାଡ଼ାନ୍ ତଡ଼୍ କ୍ରିଷ୍ଟନ୍ ତଡ଼୍ ମିଡ଼୍‍ମିକା ତେଏଦ୍‍ତିଡ଼୍ ।

୧ ଥେସଲନିୟ 1:5

ମାତର୍ ବାକ୍ୟତେ ଆୟ୍‍ୟ, ପବିତ୍ରଆତ୍ମା ଲାୱୁ ତଡ଼୍, ସୁସମାଚାର୍‍ତେ ସତ୍ୟତେ ଲେକେତ୍‍ ମାଡ଼ି ମାମ୍‍ମେ ଆଦ୍ ମିଇ ପାକେ କେତୁତମ୍ । ମିଡ଼୍ ପୁତ୍‍ତିଡ଼୍, ମିଇ ତଡ଼୍ ମାନ୍ଦାନ୍ ୱେଲେ ମାମ୍‍ମେ ବେଦ୍‍ଲେକାମ୍ ଲେକେତ୍‍ ଜିୱୁନ୍‍ତେ ମାଡ଼୍‍ତମ୍; ବେଦ୍‍ଲେକାମ୍ ମିୟାଦ୍ ସାୟେ ମା ଜିୱୁନ୍‍ତେ ଆଶେ ମାତ୍‍ତେ ।

୨ ଥେସଲନିୟ 1:11

ମାନ୍‍ ଇଶ୍ୱର୍ ବେଦ୍‍ଲେକାମ୍ ମିକିଂଙ୍କ୍ ନିଜେ କାର୍‍ଙ୍ଗ୍‍ତଣ୍ଡ୍ ଯୋଗ୍ୟ ହିଞ୍ଜ ଗଣନା ମାଡ଼ିତନ୍, ମେଣ୍ଡେ ସାରେ ସାୟେ ପାଡ଼୍‍ୟି ନୁ ବିଶ୍ୱାସତେ ପାଡ଼୍‍ୟି ଶକ୍ତିତେ ସିଦ୍ଦ ମାଡ଼ିତନ୍, ଆଦିନ୍ ସେଙ୍ଗେ ମାମ୍‍ମେ ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ୁତମ୍ ।

ଯାକୁବ 1:18

ମାନାଡ଼୍ ବେଲା ଅନ୍‌ ନିଜାମ୍‍ ସତ୍‍ ତିୟାର୍ ମାଡ଼୍‍ତେ ଜିୱାକ୍‍ ଲୋପେଙ୍କ୍ ଅଣ୍ଡୟ୍‌ ମୁନେନ୍ ଆଦ୍‍ତେ କାୟେ ରକମ୍ ଆଦ୍‍ତାଡ଼୍, ଆଦିନ୍ ସେଙ୍ଗେ ଅଣ୍ଡ୍‌ ତାନ୍ ଇଚ୍ଛାତେ ନିଜାତେ ଗଟ୍ ତଡ଼୍ ମାନାଙ୍କ୍‍ ସୃଷ୍ଟି ଇତ୍‍ତନ୍ ।

୧ ପିତର୍‍ 4:11

ବେନ ପ୍ରଚାର୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତେ ଗଟି ପ୍ରଚାର୍ ମାଡ଼ିଣ୍ଡ୍ । ବେନ ସେବା ମାଡ଼ିତନ୍, ଇଶ୍ୱର୍ ଅଙ୍କ୍‌ ଇସ୍‍ମାନ୍ଦାନ୍ ଶକ୍ତି ଲେକାମ୍ ଅଣ୍ଡ୍‌ ସେବା ମାଡ଼ିଣ୍ଡ୍ । ଆଲେଇତ୍‍କେ, ଇଶ୍ୱର୍ ସାରେ ବିଷୟତେ ଜିସୁ କ୍ରିଷ୍ଟନ୍ ତଡ଼୍ ଗୌରବ୍ ପାଏମ୍‍ ଆଦ୍‍ତନ୍ । ଯୁଗ୍‍ଯୁଗ୍ ମହିମା ନୁ ପରାକ୍ରମ୍ ଅନାଦ୍‌ । ଆମେନ୍‍ ।