ଏଫିସିୟ 1:15 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁵ ଇଦ୍ କାରନ ସେଙ୍ଗେ ପ୍ରବୁ ଜିସୁନାଗାଙ୍କ୍ ମିୟାଦ୍ ବିଶ୍ୱାସ୍ ନୁ ଇଶ୍ୱର୍‌ତେ ନାରୁଡ଼୍ ସେଙ୍ଗେ ମିୟାଦ୍ ପ୍ରେମ ମିନ୍ଦେ ଇଞ୍ଜ କେଞ୍ଜ୍‍ତେ ପେର୍କେ,

ଏଫିସିୟ 1:15 ပူးပေါင်းရင်းမြစ်များ

ପ୍ରେରିତ 20:21

ଇହୁଦୀ ନୁ ଅଣଇହୁଦୀଡ଼୍ ସାରେତଡ଼୍‌କିଂଙ୍କ୍ ନାନ୍ ଗାଟି ସତର୍କ ଗଟ୍ କେତ୍‍ତାନ୍, ଅଡ଼୍‌ ଅନୁତାପ୍‍ ମାଡ଼ି ପାପାମ୍‍ତାଗାଙ୍କ୍ ମାଲ୍‍ସ୍‍ମିକା ଇଶ୍ୱର୍‌ତେ ପାକେ ମନ୍ ମାଡ଼ିତଡ଼୍ ନୁ ପ୍ରବୁ ଜିସୁନାଗ୍ ବିଶ୍ୱାସ୍ ମାଡ଼ିତଡ଼୍ ।

ରୋମୀୟ 1:8

ମୁନେନ୍‍, ନାନ୍ ମିଡ଼୍ ସାର୍ରେତଡ଼୍‍ତେ ମାୟ୍‍ଦିଙ୍କ୍ ଜିସୁ କ୍ରିଷ୍ଟନ୍ ତଡ଼୍ ନା ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦୁତାନ୍, ବାତେଙ୍କ୍‍ ଇତ୍କେ ମିୟାଦ୍ ବିଶ୍ୱାସ୍‍ତାଦ୍ ସାୟେତ୍ କାବୁର୍ ଯେ ସାରେ ଜଗତ୍‍ତାଗ୍ କେଞ୍ଜାନଙ୍କ୍ ଆଦୁତ୍‍ତେ ।

ଗାଲାତୀୟ 5:6

ଆଦିଙ୍କ୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍ ବାଦ୍‍କେ ସୁନ୍ନତ କି ଅସୁନ୍ନତ ବାତେବା ୱେରେ ମାନ, ଇତ୍‍କେ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ପ୍ରେମତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ ।

ଏଫିସିୟ 1:1

ଇଶ୍ୱର୍‌ତେ ଇଚ୍ଛା ଲେକାମ୍ କ୍ରିଷ୍ଟ ଜିସୁନ୍ ୱେରଣ୍ଡ୍ ପ୍ରେରିତ୍ ଶିଷ୍ୟ ଲେକାମ୍ ନିଯୁକ୍ତି ଆସ୍‍ମାନ୍ଦାନ୍ ପାଉଲ୍, ଜିସୁ କ୍ରିଷ୍ଟନ୍ ତଡ଼୍ କାଇଲି ମିକା ବିଶ୍ୱାସ୍‍ତେ ବାଦ୍‍କମାନ୍ଦାନ୍ ଏଫିସିତେ ଇଶ୍ୱର୍‌ତେ ନାରୁଡ଼୍ ପାକେ ଲେକିମାନ୍ଦାନ୍ ଇଦ୍ ଚିଟି,

ଏଫିସିୟ 3:18

ଆଲାଇତ୍‍କେ, କ୍ରିଷ୍ଟନ୍ ପ୍ରେମ ଯେ ବେସର୍ ଲାଆଟି ନୁ ଗାଲ୍, ବେସର୍ ଡେଙ୍ଗ୍‍ ନୁ କୁଇଙ୍ଗ୍, ମିଡ଼୍ ଇଶ୍ୱର୍‌ତେ ୱେରେୱେରେ ନାରୁଡ଼୍ ତଡ଼୍ ଇଦ୍ ବୁଜେମ୍‍ ଆଦାନ୍‍ ମାୟ୍‍ଦିଙ୍କ୍ ପାର୍‍ଦ୍‍ତିନ୍ ।

୧ ଥେସଲନିୟ 1:3

ମାମ୍‍ମେ ବାବାନ୍ ଇଶ୍ୱର୍‌ତେ ପାକେ ଏର୍କା ମାଡ଼ମାନ୍‍ତମ୍, ବେଲାନ୍ ମିଡ଼୍ ନିଜେତ୍ ବିଶ୍ୱାସ୍‍ତିଙ୍କ୍ ପାଡ଼ିୟିଦାଗ୍ ମାଡ଼ୁତମ୍, ପ୍ରେମତେ ମାଡ଼ି ବେଲାନ୍ ତିପାଲ୍‍ତେ ମାଡ଼ୁତିଡ଼୍ ନୁ ମାମ୍‍ମେ ବେଲାନ୍ ଡ଼ାଟ୍‍ଟୁମ୍ ।

୧ ଥେସଲନିୟ 4:9

ସାର୍‍ରେ କ୍ରିଷ୍ଟ ବିଶ୍ୱାସୀଡ଼୍ ମିୟାଦ୍ ପ୍ରେମ ମାଡ଼ାନ୍ ବିଷୟ୍‍ତେ ମାମ୍‍ମେ ମେଣ୍ଡେ ଅଦିକ୍‌ ଲେକାନଙ୍କ୍ ଦର୍‍କାର୍ ଇଲ୍‍ଲେ । ନିଜେ ନିଜେତ୍ ଲୋପେ ବେଲାନ୍ ପ୍ରେମ ମାଡ଼ାନାଦ୍ ସାୟେ, ଆଦ୍ ନିଜେ ଇଶ୍ୱର୍ ତାଗାଙ୍କ୍ ଶିକ୍ଷା ମାଡ଼ିମିନ୍ଦେମ୍‍ ।

୨ ଥେସଲନିୟ 1:3

ହୋ ଦାଦାନଡ଼ି ନୁ ଏଲାସ୍କ୍‍ ! ମିଇ ସେଙ୍ଗେ ଇଶ୍ୱର୍‌ତିଙ୍କ୍ ସାରେଦାମ୍ ଦନ୍ୟବାଦ୍ ଇଦାନ୍ ମାୟାଦ୍‌ ଲେକାମ୍, ମେଣ୍ଡେ ଆଦ୍ ଲେକାମ୍, ବାତେଙ୍କ୍ ଇତ୍‍କେ ମିୟାଦ୍ ବିଶ୍ୱାସ୍ ଲେକାମ୍ ନାର୍‍ଗେ ଆସମିନ୍ଦେ, ନିଜେ ନିଜେତ୍ ଲୋପେ ମୀଡ଼୍ ସାରେତଡ଼୍ ୱେରନ୍ ୱେର୍‍ର ପ୍ରେମ ଅଦିକ୍‌ ଆସ୍‍ମିନ୍ଦେ ।

୧ ତୀମତି 1:14

ମା ପ୍ରବୁନ୍‍ ନାର୍ଗେ ଅନୁଗ୍ରହ ନୁ ଅନାଗ୍‍ ବିଶ୍ୱାସ୍‍ ମେଣ୍ଡେ ପ୍ରେମତେ ଆସ୍‍ମିନ୍ଦେନ୍‍ ।

୧ ତୀମତି 1:5

ସାୟେତ୍‍ ହୃଦୟ୍‍, ନିର୍ମଲ ବିବେକ୍‍ ନୁ ପ୍ରକୃତ ବିଶ୍ୱାସ୍‍ତେ ବେନ୍‍ ପ୍ରେମ ଡାଟୁମ୍‍ ଆଦ୍‍ତେ, ଆଦିଙ୍କ୍‍ ଜାଗ୍ରତ୍‍ ମାଡ଼ାନ୍‍ ମାଇଦିଙ୍କ୍ ନେଣ୍ଡ୍‍ ନାନ୍‍ ଇଦ୍‍ ଆଦେଶ୍‍ ଇଦୁତାନ୍‍ ।

ଫିଲିମୋନ୍‌ 1:5

ବାତେଙ୍କ୍ ଇତ୍‍କେ ନାନ୍ କେଞ୍ଜ୍‍ତାନ୍, ପ୍ରବୁ ଜିସୁନାଗ୍ ନିୟାଦ୍ ବିଶ୍ୱାସ୍ ନୁ ଇଶ୍ୱର୍ ବକ୍ତି ନାରୁଡ଼୍‍କିଂଙ୍କ୍ ନିୟାଦ୍ ବେସର୍ ପ୍ରେମ ମିନ୍ଦେ !

ଏବ୍ରୀ 6:10

ଇଶ୍ୱର କାରାପ୍ ମାଡ଼ଣ୍ଡ୍‍, ମିୟାଦ୍‌ ପାଡ଼୍‍ୟି, ବିଶେଷ୍‍ ମାଡ଼ି ଆନ୍‌ୱେ ନାରୁଡ୍‌କିଙ୍କ୍‍ ସାହାଯ୍ୟ ମାଡ଼ି ଇଶ୍ୱରନ୍ ପର୍ର ମିଡ଼୍‍ ବେନ୍‍ ପ୍ରେମାମ୍ ତଅସ୍‌ ମିନ୍ଦେଡ଼ି, ଆଦ୍‌ ଅଣ୍ଡ୍‌ ମାର୍ଗଣ୍ଡ୍ ।

୧ ପିତର୍‍ 1:22

ଇଞ୍ଜେ ମିଡ଼୍ ସତ୍‍ତେ ପେର୍କେ ଆନ୍‌‍ନାଙ୍କ୍ ନିଜେ ନିଜେତିଙ୍କ୍ ଶୁଚି ମାଡ଼୍‍ତିଡ଼୍ ନୁ ବିଶ୍ୱାସ୍‍ତେ ଦାଦାନଡ଼କ୍ ପ୍ରେମ ମାଡ଼ାନଙ୍କ୍ ତିଆର୍ତେ ମିନ୍ଦେଡ଼ି । ନିଜେ ନିଜେତିଙ୍କ୍ ହୃଦୟତେ ପ୍ରେମ ମାଡ଼ାଟ୍ ।

୧ ଯୋହନ୍‌‌ 3:17

ଯଦି ୱେରଣ୍ଡ୍ ସାଉକାର୍ ନାରୁଣ୍ଡ୍‍ କ୍ରିଷ୍ଟିୟାନ୍‍ ଏଲାଡ଼୍‍ତାମୁଣ୍ଡ୍‍ତେ ଅବାବ୍‍ ଉଡ଼ି ମିକା ଅନ୍‌ ସେଙ୍ଗେ ଦୟା ମାଡ଼ଣ୍ଡ୍, ଅନ୍‌ ହୃଦୟତାଗ୍ ଇଶ୍ୱର୍‌ତେ ପ୍ରେମ ମିନ୍ତେ ଇଞ୍ଜ ଅଣ୍ଡ୍‌ ବେଲାନ୍ କେତେ ପାର୍‍ତନ୍ ?

୧ ଯୋହନ୍‌‌ 4:21

ଇଦ୍ ଆଦେଶ୍ କ୍ରିଷ୍ଟ ମାକିଙ୍କ୍ ଇତ୍‍ତନ୍, ବେନ ଇଶ୍ୱର୍‌ତିଙ୍ଗ୍ ପ୍ରେମ ମାଡ଼ିତନ୍, ଅଣ୍ଡ୍‌ ନିଜାମ୍ ତାନ୍ ବିଶ୍ୱାସୀ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ିତନ୍ ।