କଲସୀୟ 4:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ମାମେ ବେଲାନ୍ ମିନ୍ଦେମ୍, ସାରେ ବିଷୟ କେସ୍ ମିକିଙ୍କ୍ ସାର୍‍ଦେ ଇଦାନ୍ ସେଙ୍ଗେ ନାନେ ଅଡ଼୍‌‍କିଂଙ୍କ୍ ମୀଇ ଗାରେ ରଅତୁତାନ୍ ।

କଲସୀୟ 4:8 ပူးပေါင်းရင်းမြစ်များ

୧ କରନ୍ତିୟ 4:17

ଇଦିନ୍‌ ମାଇଦିଙ୍କ୍‌ ନାନ୍ ମିଇ ଗାର୍ରେ ତିମତିଙ୍କ୍‌ ରଅତାନ୍, ଅଣ୍ଡ୍‌ ଦେଉଡ଼୍‌ତାଗ୍ ନାୟାଗ୍‌ ପ୍ରେମ୍‌ତେ ନୁ ବିଶ୍ୱାସ୍‌ତେ ମାର୍‍ ! ବେଲାକି ନାନ୍‌ ସାର୍‍ରେ ଗୁଡ଼ିୟ୍‌ ନାଗ୍‌ ଶିକ୍ଷା ଇଦୁତାନ୍‌, ଆଲେକେ, ଅଣ୍ଡ୍‌‌ ନିକିଂଙ୍କ୍ ନାୟାଗ୍‌ କ୍ରିଷ୍ଟିଅନ୍‌‌ ଆଚରନ୍‌ ଆର୍ର୍ ଏଡ଼୍‌କା ମାଡ଼ିତନ୍ ।

୨ କରନ୍ତିୟ 1:4

ମାନ୍‍ ଦୁଃକାମ୍ କଷ୍ଟ ୱେଲେ ଇଶ୍ୱର୍‌ ମାନ୍‍ ବେନ୍ ସାନ୍ୱନା ଇଦ୍‍ତନ୍, ଆଦ୍ ସାନ୍ୱନା ତଡ଼୍ ମାନାଡ଼୍ ଦୁଃକାମ୍ କଷ୍ଟ ମାଡ଼ମାନ୍ତାନ୍ ବାଗାତଡ଼୍‍କ୍ ସାନ୍ୱନା ଇଦ୍‍ଦେ ପାର୍ଦତାଡ଼୍ ।

୨ କରନ୍ତିୟ 12:18

ମିଇ ପାକେ ଆଦାନ୍ ସେଙ୍ଗେ ନାନ୍ ତିତସ୍‍ତିଙ୍କ୍ ଅନୁରଦ୍‌ ମାଡ଼୍‍ତାନ୍ ନୁ ଅନ୍‌ ତଡ଼୍ ବାଗାତଡ଼୍‍କ୍ ରତ୍‍ତାନ୍ । ତିତସ୍ ମିଇୟାଗାଙ୍କ୍ ବାତେଏ ସୁବିଦା ମାଡ଼୍‍ତଣ୍ଡ୍ ଇଞ୍ଜ ବେନ କେତ୍‍ତେ ପାର୍‍ଦ୍‍ତିନ୍ ? ଅଣ୍ଡ୍‌ ନୁ ନାନ୍ ସାମାନ୍‌ କାମ୍‌ ଆସ୍ ମିଇ ତଡ଼୍ ସାୟେ ବ୍ୟବହାର୍ ମାଡ଼ମ୍ ?

୨ କରନ୍ତିୟ 2:7

ଆଦିଙ୍କ୍ ଅଣ୍ଡ୍‌ ବେଲା ପିନା ଦୁଃକାମ୍‍ ଆୟ୍‍ୟଣ୍ଡ୍, ଆଦିନ୍‌ସେଙ୍ଗେ ମିଡ଼୍ ଅଂକିଙ୍କ୍‌ ଇଞ୍ଜେ କ୍ଷମା ମାଡ଼ାଟ୍ ନୁ ସ୍ୱାନ୍ତନା ଇମୁଟ୍ ।

ଏଫିସିୟ 6:22

ମାମ୍ ସାର୍ରେତମ୍ ବେଲା ମିନ୍ଦେମ୍, ଆଦ୍ ବିଷୟ୍‍ତେ କେସ୍ ମିକିଂଙ୍କ୍ ସାର୍‍ଦେ ମାଡ଼ାନ୍ ସେଙ୍ଗେ ନାନ୍ ଅଂକିଙ୍କ୍‌ ମିଇ ଗାର୍‍ରେ ରଅତୁତାନ୍ ।

ଫିଲିପିୟ 2:28

ନାନ୍ ଅଂକିଙ୍କ୍‌ ମୀଇପାକେ ରତ୍‍ତାନ୍ ସେଙ୍ଗେ ତିଆର୍, ବାତେଙ୍କ୍‍ଇତ୍କେ ଅଂକିଙ୍କ୍‌ ଉଡ଼୍‍କେ, ମିଡ଼୍ ମେଣ୍ଡନ୍‍ନ୍ଦାମ୍ ୱେଡ଼୍‍କା ଆଦ୍‍ତିଡ଼୍ ନୁ ନାୟାଦ୍ ଦୁଃକାମ୍ ମିକା କମ୍ ଆଦ୍‍ତେ ।

କଲସୀୟ 2:2

ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ ।

୧ ଥେସଲନିୟ 2:11

ମିଡ଼୍ ପୁତ୍‍ତିଡ଼୍, ବାବାଲ୍ ବେଲାନ୍ ନିଜେତ୍ ପିଲାନ୍ ସେଙ୍ଗେ ବ୍ୟବହାର୍‌ ମାଡ଼ାନ୍ ମାତ୍‍ତେ, ମାମ୍‍ମେ ମିଇସେଙ୍ଗେ ଟିକ୍ ଆଦେଲେକାମ୍ ବ୍ୟବହାର୍‌ ମାଡ଼ିମାତ୍‍ତମ୍ ।

୧ ଥେସଲନିୟ 3:2

ବାତେଙ୍କ୍ ଇତ୍‍କେ ନିକିଂଙ୍କ୍ ଡୁଟାଙ୍ଗ୍ ମାଡ଼ାନଙ୍କ୍ ନୁ ନିୟାଦ୍ ବିଶ୍ୱାସ୍ ଡ଼ୁଟାଙ୍କ୍ ମାଡ଼ାନ୍ ସେଙ୍ଗେ ମିଇ ପାକେ ନା ତାମୁଙ୍କ୍ ତୀମତିଙ୍କ୍ ରହତିତାନ୍ । ଅଣ୍ଡ୍‌ ମା ତଡ଼୍ କ୍ରିଷ୍ଟନ୍‍ତଡ଼୍ ଲେକେତ୍‍ କାବୁର୍ ପ୍ରଚାର୍ ମାଡ଼ି ଇଶ୍ୱର୍‌ତେ ସେବା ମାଡ଼ୁତାନ୍ ।

୧ ଥେସଲନିୟ 3:5

ଆଦିଙ୍କ୍ ତୀମତିଙ୍କ୍ ରତ୍‍ତାନ୍ । ନାନ୍ ମେଣ୍ଡେ ସତ୍ ଆସ୍‍ମାନ୍ଦେ ପାର୍ୱନ୍ । ମିଡ଼୍ ନିଜେ ବିଶ୍ୱାସ୍‍ତେ ମିନ୍ଦେଡ଼ି କି ଇଲେ, ପୁନ୍ଦାନ୍ ସେଙ୍ଗେ ନାନ୍ ଅଂକିଙ୍କ୍‌ ରତ୍‍ତାନ୍ । ଶୟ୍‍ତାନ୍‍ ମିକିଂଙ୍କ୍ ପ୍ରଲୋବିତ୍ ମାଡ଼ିମାନ୍ତେ ନୁ ମାନାଦ୍‍ ସାରେ ପାଡ଼୍‍ୟି ଆଙ୍ଗ୍‌ଡ଼ାମ୍ ଆସ୍‍ମାନ୍ତେ ? ଇଲେ ହିଦ୍ ବେସୁଙ୍କ୍‍ ନିଜାମ୍ ଆୟ୍‍ୟ ।

୧ ଥେସଲନିୟ 4:18

ଇୱୁ ସାରେ ଗଟି କେଞ୍ଜ୍‍ସ୍ପି ମିଡ଼୍ ଆନ୍‌‍ତେ ନିଜେ ନିଜେତିଙ୍ଗ୍ ସାର୍‍ଦେ ଆୟ୍‍ମୁଟ୍ ।

୧ ଥେସଲନିୟ 5:11

ଆଦିଙ୍କ୍ ଇଞ୍ଜେ ବେଦ୍‍ଲେକାମ୍ ମାଡ଼ୁତିଡ଼୍, ଟିକ୍ ଆଦେଲେକାମ୍ ନିଜେ ନିଜେ ଲୋପେ ଉତ୍ସାଇତ୍ ମାଡ଼ାଟ୍, ମେଣ୍ଡେ ନାରୁଡ଼୍‍କିଂଙ୍କ୍ ସାହାଯ୍ୟ ମାଡ଼ାଟ୍ ।

୧ ଥେସଲନିୟ 5:14

ଦାଦାନଡ଼ି ନୁ ଏଲାସ୍କ୍, ମିକିଂଙ୍କ୍ ମାୟାଦ୍‌ ଅନୁରଦ୍‌; ଦୁଷ୍ଟନଡ଼କ୍ ସତର୍କ ମାଡ଼ାଟ୍, ୱେର୍‍ତେ ନଡ଼୍‍କ୍ ଉତ୍ସାଇତ୍ ମାଡ଼ାଟ୍, ଦୁର୍ବଲ ନାରୁଡ଼୍‍କ୍ ସାହାଯ୍ୟ ମାଡ଼ାଟ୍ ନୁ ସାରେତଡ଼୍ ସେଙ୍ଗେ ଗାଡ଼୍‍ସ୍ ଆୟ୍‍ମୁଟ୍ ।

୨ ଥେସଲନିୟ 2:17

ଅଣ୍ଡ୍‌ ମାନ୍‍ ସାରେଦିନାମ୍ ସାୟେ ପାଡ଼୍‍ୟି ମାଡ଼ାନ୍ ସେଙ୍ଗେ ନୁ ସତ୍‍ ବାକ୍ୟ କେତାନଙ୍କ୍ ରହତନ୍ ନୁ ଶକ୍ତି ଇୱିଣ୍ଡ୍ ।