କଲସୀୟ 4:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ସାରେ ସୁଯୋଗ୍‍ ଲେକେତ୍‍ ବ୍ୟବହାର୍‌ ମାଡ଼ି ଅବିଶ୍ୱାସୀନଡ଼୍‍ ଗାରେ ବୁଦ୍‍ତଡ଼୍‍ ତିର୍‍ୟାଟ୍ ।

କଲସୀୟ 4:5 ပူးပေါင်းရင်းမြစ်များ

ମାତିଉ 10:16

“କେଞ୍ଜାଟ୍, ମେଣ୍ଢାଙ୍କ୍ କୁକାଲ୍‍ ପାୟୁର୍‍ତାଦ୍ ତୁର୍‍ସିତ୍‍ତେ ଲେକାମ୍ ନାନ୍ ମିକିଂଙ୍କ୍ ରତୁତାନ୍ । ଆଦିଙ୍କ୍ ମିଡ଼୍ ତାଡ଼ାମ୍ ଲେକାମ୍ ତିଆର୍‍ତେ ମାନୁଟ୍, ବାତେଙ୍କ୍ ଇତ୍‍କେ ମିଡ଼୍ ବଡେ ବେଲା ବେନଙ୍କ୍ ଇଂସା ମାଡ଼, ମିଡ଼୍ ଆଦ୍‍ଲେକାମ୍ ଆୟ୍‍ମୁଟ୍ ।”

ମାର୍କ 4:11

ଜିସୁ ଉତ୍ତର୍ ଇତ୍‍ତନ୍, “ଇଶ୍ୱର୍‌ତେ ରାଜ୍ୟ ବିଶ୍ୱାସ୍‍ତେ ମିଇପାକେ କେସ୍‍ମିନ୍ଦେନ୍ । ବାତେଙ୍କ୍ ଇତ୍‍କେ ବାଗାତଡ଼୍‍କିଙ୍କ୍ ଇୱୁ ସୁଦୁଟ୍ ୱେଷଡ଼୍‍ତେ ଲେକାମ୍‍ କେତୁତଡ଼୍‍ ।

ରୋମୀୟ 16:19

ସାୟେତାଦ୍‍ କାବୁର୍ ସେଙ୍ଗେ ମିୟାଦ୍ ବିଶ୍ୱାସ୍ ସାର୍ରେତଡ଼୍ କେଞ୍ଜ୍‍ତଡ଼୍, ଆଦିନ୍ ସେଙ୍ଗେ ନାନ୍ ସାର୍‍ଦେ ମିନ୍ଦେନ୍ । ନାନ୍ ଚାଏମ୍ ଆଦୁତାନ୍, ମିଡ଼୍ ନିଜାମ୍ ବିଷୟ୍‍ତେ ଜ୍ଞାନି ଆୟ୍‍ମୁଟ୍ ନୁ ମିଚ୍ ବିଷୟ୍‍ତାଗ୍ ମାନ୍‍ମାଟ୍ ।

କଲସୀୟ 3:16

କ୍ରିଷ୍ଟନ୍ ଗଟିନେ ନାର୍ଗେ ତେର୍‍ୱେ ଲେକେତ୍ ଗଟି ମିଇ ହୃଦୟତାଗେ ମାନି । ଜ୍ଞାନ୍‍ତଡ଼୍ ନିଜର୍‍ନିଜର୍‍ ଲୋପେ ଶିକ୍ଷା ନୁ ପରାମର୍ଶ ଇମୁଟ୍ । ପାଟେ, ସ୍ତୁତି ନୁ କୀର୍ତ୍ତନ୍ ମାଡ଼ାଟ୍ । ହୃଦୟତେ ଦୟା ତଡ଼୍ ଇଶ୍ୱର୍‌ତେ ସେଙ୍ଗେ ପାଟେ, ପାରାଟ୍ ।

୧ ଥେସଲନିୟ 4:12

ବେଦ୍‍ଲେକାମ୍ ବାଇଦେତ୍‍ ନାରୁଡ଼୍ ସେଙ୍ଗେ ମିଡ଼୍ ସାୟେ ଆୟ୍‍ମୁଟ୍, ମେଣ୍ଡେ ମିୟାଦ୍ ବାତ୍‍ତେବା ଅବାବ୍ ଆୟ୍‍ୟ ।

୧ ତୀମତି 3:7

ମଣ୍ଡଲିତେ ବାଇଦେତ୍ ନାରିଡ଼୍‍ ମିକା ଅଣ୍ଡ୍‌ ୱେରଣ୍ଡ୍ ସମ୍ମାନ୍‍ତେ ନାରିନ୍ ମାନ୍‍ତନ୍, ଇଲୁକ୍‍ ସହଜତେ ଶୟତାନ୍‍ତେ ଉଡ଼ିୟି ଦାଗ୍ ଆରାସ୍‍ ଅଣ୍ଡ୍‌ ବେଲାନ୍ କି ଅପମାନିତ ଆୟିମା କି ।

ଯାକୁବ 1:5

ଇତ୍‍କେ ମିଇ ଲୋପେଙ୍କ୍ ବେସୁଟ୍‌ ବେନ ବୁଦ୍ ଅବାବ୍ ଆତ୍‍କେ, ଆସୁଟେ ବେନ୍ ଇଶ୍ୱର୍ ଦଷ୍ ପୟକଟ କମ୍‍ଟି ଆୟକଟ୍ କାୟ୍‍ଦେ ସାରେତଡ଼୍‌କିଂଙ୍କ୍ ଇଦ୍‍ତଣ୍ଡ୍, ଅନ୍‌ ମୁନ୍‍ନେ ଅଣ୍ଡ୍‌ ପ୍ରାର୍ତନା ମାଡ଼ିଣ୍ଡ୍, ଆସୁଟେ ଅଂକିଙ୍କ୍‌ ଇଦ୍‍ତଡ଼୍ ।

ଯାକୁବ 3:13

ମିଇ ଲୋପେ ଜ୍ଞାନି ନୁ ବୁଦ୍ଦିମାନ୍ ବେନ ମିନ୍ଦେଣ୍ଡ୍ ? ଅଣ୍ଡ୍‌ ତାନ୍ ବୁଦ୍ଦ୍ ତଡ଼୍ ସାୟେ ବ୍ୟବହାର୍‌ ମାଡ଼ି ନିଜେତ୍ ପାଡ଼୍‍ୟି ମାଡ଼ିଣ୍ଡ୍ ।

ଯାକୁବ 3:17

ଇତ୍‍କେ ପର୍‍ର କନ୍‍ସ୍ ୱାତ୍‍ତେ ବୁଦ୍ଦ୍‌ ପବିତ୍ର, ଶାନ୍ତି, ସାୟେ, ମାଡ଼ାଙ୍କ୍‍ ୱେୟ୍‍ତିତ୍‍, ଦୟା ନୁ ଲେକେତ୍‍ ଆସ୍‍ମାନ୍‍ତେ, ଡାୱୁଟ୍‍ ଇଲ୍‍ଲେ ନୁ ଆଦ୍ ଚଲନା ଇଲ୍‍ଲେ ।

୧ ପିତର୍‍ 3:1

ଆ ମୁତେନଡ଼ି ! ମିଡ଼୍ ମୁଦ୍‍ପାନଡ଼୍ ସନ୍ତୁଷ୍ଟ ଆୟମୁଟ୍ । ଆଲେକେ, ଯଦି ବେନ୍‍ ଆୟି ମୁଦ୍‍ପାଲ୍ ଇଶ୍ୱର୍‌ତେ ବାକ୍ୟତେ ବିଶ୍ୱାସ୍‍ ମାଡ଼୍‍ୱେ ମାତ୍‍କେ, ଆଲେକ୍ ମିୟାଦ୍ ସାୟେତ୍‍ ବ୍ୟବହାର୍‌ ତଡ଼୍‍ ଆଦ୍ ବାକ୍ୟ ସେଙ୍ଗେ ଅନାଦ୍‌ ବିଶ୍ୱାସ୍ ଆଦ୍‍ତେ । ମିଡ଼୍ ସୁଦୁଟ୍ ମିକା କେତାନଙ୍କ୍ ଦର୍କାଡ଼୍ ଆୟ ।