କଲସୀୟ 3:11 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹¹ ପେର୍କେ, ଇହୁଦିଡ଼୍, ଅଣଇହୁଦୀଡ଼୍, ସୁନ୍ନତ ନୁ ଅସୁନ୍ନତ, ନିଷ୍ଠୁର୍, ବୟଙ୍କକାର୍, କ୍ରିତଦାସ ବା ସ୍ୱାଦିନ୍ ନାରୁଣ୍ଡ୍ ଲପେ ମେଣ୍ଡେ ବାତ୍‍ବା ୱେରେ ଇଲେ । ଇତ୍‍କେ କ୍ରିଷ୍ଟ ସାରେତଡ଼ାଗେ ମିନ୍ଦେନ୍ ନୁ ଅଣ୍ଡ୍‌ ଆଦୁତନ୍ ସାର୍ରେ ।

କଲସୀୟ 3:11 ပူးပေါင်းရင်းမြစ်များ

ଯୋହନ୍‌‌ 14:23

ଜିସୁ ଅଂକିଙ୍କ୍‌ ଉତ୍ତର୍ କେତ୍‍ତଣ୍ଡ୍‌, ଯଦି ବେନ ନାକିଂଙ୍କ୍ ପ୍ରେମ ମାଡ଼୍‍କେ ଆଲେକେ ଅଣ୍ଡ୍‌ ନା ବାକ୍ୟ ପାଲନ୍ ମାଡ଼ିତନ୍, ମେଣ୍ଡେ ନା ବାବାଲ୍ ଅଂକିଙ୍କ୍‌ ପ୍ରେମ ମାଡ଼ିତନ୍, ମେଣ୍ଡେ ମାମ୍‍ମେ ଅନ୍‌ ପାକେ ୱାସ୍ ଅନ୍‌ ତଡ଼୍ ମାନ୍‍ତମ୍ ।

ଯୋହନ୍‌‌ 15:5

“ନାନ୍ ଅଙ୍ଗୁର୍‌ ଟଣ୍ଡ୍ ମିଡ଼୍ ଆଦୁତିଡ଼୍ କମ୍‍ମା; ବେନ ନାୟାଗ୍ ମାନ୍‍ତଣ୍ଡ୍ ନୁ ନାନ୍ ବେନନାଗ୍‍ ମାନ୍‍ତାନ୍, ଅଣ୍ଡ୍‌ ଗାଟି କାୟା ଆଦିତଣ୍ଡ୍; ବାତେଙ୍କ୍ ଇତ୍‍କେ ନାନ୍ ଇଲ୍‍ଉକ୍ ମିଡ଼୍ ବାଆତେ ମିକା ମାଡ଼୍ ପାର୍‍ୱିଡ଼୍ ।

ଯୋହନ୍‌‌ 17:23

ନାନ୍ ଅଡ଼ାଗ୍ ନୁ ନିମ୍‍ ନାୟାଗ୍ ବେଦ୍‍ଲେକାମ୍ ଅଡ଼୍‌ ପବିତ୍ର ଆସ୍ ଅଣ୍ଡୟାଗେ ଆଦ୍‍ତଡ଼୍, ଆଲେକେ ଜଗତ୍ ପୁନ୍‍ତେ ଯେ ନିମ୍‍ ନାକିଂଙ୍କ୍ ରଅତିନ୍, ମେଣ୍ଡେ ନାକିଂଙ୍କ୍ ବେନ୍ ଲେକାତ୍ ପ୍ରେମ ମାଡ଼୍‍ତି, ଅଡ଼୍‌‍କିଂଙ୍କ୍ ମିକା ଆଦେ ଲେକାତ୍ ପ୍ରେମ ମାଡ଼୍‍ତିନ୍ ।”

ପ୍ରେରିତ 15:17

ଜିସୁନାରୁନ୍ ଜାତି ନା ବକେତ୍ ୱାଦ୍‍ତଡ଼୍‍, ବେନ୍ ଅଣଇହୁଦୀଡ଼୍‍କ୍ ନାନ୍ ନା ନିଜର୍‍ ପ୍ରାର୍ତନାତାଗ୍ କାର୍‍ଙ୍ଗ୍‍ତାନ୍, ଅଡ଼୍‌ ସାରେତଡ଼୍ ନା ପେଦେର୍‍ ନିଜର୍‍ତଡ଼୍‍ ପ୍ରବୁ ଇଞ୍ଜ ସ୍ୱୀକାର୍ ମାଡ଼ିତଡ଼୍ ।

ପ୍ରେରିତ 28:2

ଆଗେତ୍ ଗ୍ରୀକ୍‍ ଗଟ୍‍ ପୁନ୍‍ୱେ ମୁନେତ୍‍ ନାରୁଡ଼୍ ମାକିଂଙ୍କ୍ ଲେକେତ୍ ଉଡ଼୍‍ତଡ଼୍ । ଆସୁଟେ ୱାର୍‍ସାମ୍ ୱାସ୍ ଶାଲ୍ କାଲାମ୍ ଆସ୍‍ସ ମାତ୍‍ତେ । ଆଦିଙ୍କ୍ ଅଡ଼୍‌ କିସ୍ ନିଡ଼୍‍ସ୍‍ପି ମାକିଂଙ୍କ୍ କାର୍‍ଙ୍ଗୁତଡ଼୍ ।

ପ୍ରେରିତ 28:4

ଆଗେତ୍ ମୁନେତ୍‍ ନାରୁଡ଼୍ ପାଉଲ୍‍ତେ କାୟ୍‍ଦାଗ୍ ଉଙ୍ଗମାନ୍ଦାନ୍ ତାଡ଼ାତିଙ୍କ୍ ଉଡ଼ି ତାମ୍‍ତାମ୍ କେତ୍‍ତଡ଼୍, “ଇଣ୍ଡ୍ ନିଜାମ୍ ୱେରଣ୍ଡ୍ ମାନେୟ୍‍କ୍ ହାୱ୍‍କାନଣ୍ଡ୍, ବେଲାଆୟି ଅଣ୍ଡ୍‌ ଗଦାଡ଼୍‍ତାଗ୍ ସିନା ଗେଲ୍ପାନଙ୍କ୍ ପାଏମ୍ ଆତ୍‍ତଣ୍ଡ୍ ଇତ୍‍କେ ବାଗ୍‍ୱାନ୍‍ତାଗାଙ୍କ୍ ଅଣ୍ଡ୍‌ ଜିୱେ ବାଦ୍‍କାନଙ୍କ୍ ପାର୍‍ୱଣ୍ଡ୍ ।”

ରୋମୀୟ 1:14

ଗ୍ରୀକ୍‍ ନାରୁଡ଼୍‍ ଆୟି କି ବର୍ବର୍ ନାରୁଡ଼୍‍ ଆୟି, କାର୍‍ତେନଣ୍ଡ୍ ଆୟି କି କାର୍‍ୱେନଣ୍ଡ୍ ଆୟି, ସାର୍ରେତଡ଼୍ ବକେତ୍ ନାନ୍ ଋଣୀ ।

ରୋମୀୟ 10:12

ବାତ୍‍ବା ବେଦ୍‍ବାବ୍ ଇଲ୍‍ୱେକଟ, ଇଦ୍ ଗଟ୍ ଇହୁଦୀ, ଅଣଇହୁଦୀ ସାର୍ରେତଡ଼୍ ସେଙ୍ଗେ ଦର୍‍କାର୍ । ଇଶ୍ୱର୍ ସାର୍ରେତଡ଼ାଦ୍ ପ୍ରବୁ । ବେନଡ଼୍ ଅନାଗ୍‍ ସାହାଯ୍ୟ ପ୍ରାର୍ତନା ମାଡ଼ିତଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନାର୍‍ଗେ ଆର୍ଶିବାଦ୍ ମାଡ଼ିତଣ୍ଡ୍ ।

ରୋମୀୟ 3:22

ମାତର୍‍ ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ାନ୍‍ ତଡ଼୍‍ ମାନାଡ଼୍‍ ଇଶ୍ୱର୍‌ତାଗ୍‍ ଦାର୍ମାମ୍‌‍ ଆତ୍‍ତାଡ଼୍‍, ଇଶ୍ୱର୍‍ ବେନଙ୍କ୍‍ବା ସପଟ୍‍ ମାଡ଼କଟ କ୍ରିଷ୍ଟନାଗ୍‍ ବିଶ୍ୱାସ୍‍ ମାଡ଼ମାନ୍ଦାନ୍‍ ସାରେତଡ଼୍‍କ୍‍ ଇଦ୍‍ ସୁଯୋଗ୍‍ ଇଦ୍‍ତଣ୍ଡ୍‍ ।

ରୋମୀୟ 3:29

ଇଶ୍ୱର୍ କି ମାତର୍‌ ଯିହୁଦିଡ଼୍ ଇଶ୍ୱର୍ ? ଅଣ୍ଡ୍‌ ବାତ୍ ଅଣଯିହୁଦୀଡ଼୍ ଇଶ୍ୱର୍ ଆୟ୍‍ୟଣ୍ଡ୍ ? ହୋ, ଅଣଯିହୁଦୀ ନାରୁଡ଼୍‍ତାଦ୍ ମିକା ଇଶ୍ୱର୍ ।

୧ କରନ୍ତିୟ 12:13

ଆଦେରକମ୍ ଇହୁଦୀ, ଅଣଇହୁଦୀ, କ୍ରୀତଦାସ ନୁ ସ୍ୱାଦିନ୍ ନାରୁଡ଼୍ ସାର୍ରେପେର୍କେ ମାନାଡ଼୍ ସାର୍ରେତଡ଼୍ ଅଣ୍ଡୟ୍‌ ଆତ୍ମାତେ ତଡ଼୍ ଏର୍‍ଦିକ୍ଷାତାଗ୍ ବାପ୍ତିସ୍ମ ଅସ୍ ଆଦ୍ ଅଣ୍ଡୟ୍‌ ମେନ୍ଦୁଲ୍‍ତାଗ୍ କାୟ୍‍ଲ୍‍ତମ୍, ଅଣ୍ଡୟ୍‌ ଆତ୍ମାତିଙ୍କ୍ ଉନ୍ଦୁତାଡ଼୍ ।

୧ କରନ୍ତିୟ 14:11

ଯଦି ନା ତଡ଼୍ ତିର୍‍ୟମାନ୍ଦାନ୍ ନାରୁନାଦ୍ ଗଟି ନାନ୍ ବୁଜେମ୍ ଆଦାନଙ୍କ୍ ପାର୍‍ୱନ୍, ଆଲେକେ ଆଦ୍ ନାରୁଡ଼୍ ନା ବକେତ୍ ପୁନ୍‍ୱେନଣ୍ଡ୍ ଆଦ୍‍ତନ୍, ନାନ୍ ମିକା ଅନ୍‌ ବକେତ୍ ପୁନ୍‍ୱେ ନାରୁଡ଼୍ ଲେକାମ୍ ଆଦ୍‍ତନ୍ ।

୧ କରନ୍ତିୟ 7:19

ସୁନ୍ନତ୍ ଆଦାନାଦ୍ କି ଅସୁନ୍ନତ ଆଦାନାଦ୍ ମୁକ୍ୟ ବିଷୟ୍ ଆୟ୍‍ୟ, ମାତର୍ ମୁକ୍ୟ ବିଷୟ୍ ଆଦୁତ୍‍ତେ ଇଶ୍ୱରନ୍‌ ଗଟ୍ କେଞ୍ଜାନାଦ୍ ।

ଗାଲାତୀୟ 2:20

ଆଦିଙ୍କ୍ ଇଞ୍ଜେ ନାନ୍ ନିଜାମ୍ ଜିୱେ ଇଲେନ୍, ନାୟାଗ୍ କ୍ରିଷ୍ଟ କେ ଜିୱୁଣ୍ଡ୍ । ନାନ୍ ଇଞ୍ଜେ ବେନ୍ ଜିୱୁଣ୍ଡ୍ ବାଦ୍‍କୁତାନ୍, ଆଦ୍ ଇଶ୍ୱର୍‌ତେ ମାର୍‍ଦିଙ୍କ୍ ନାୟାଦ୍ ବିଶ୍ୱାସ୍ ମାନ୍ଦାନ୍ ସେଙ୍ଗେ ସମ୍ଭବ୍ ଆତ୍‍ତେ ବେନ ନାକିଙ୍କ୍ ପ୍ରେମ ମାଡ଼ି ତାନ୍ ଜିୱୁଣ୍ଡ୍ ଇତ୍‌ତଣ୍ଡ୍‌ ।

ଗାଲାତୀୟ 5:6

ଆଦିଙ୍କ୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍ ବାଦ୍‍କେ ସୁନ୍ନତ କି ଅସୁନ୍ନତ ବାତେବା ୱେରେ ମାନ, ଇତ୍‍କେ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ପ୍ରେମତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ ।

ଏଫିସିୟ 1:23

ମଣ୍ଡଲି କ୍ରିଷ୍ଟନ୍ ମେନ୍ଦୁଲ୍; ମଣ୍ଡଲି ତଡ଼୍ କ୍ରିଷ୍ଟନ୍ କାମ୍‍ତେ ସାରେ ପୁରା ଆଦ୍‍ତେ; ମେଣ୍ଡେ କ୍ରିଷ୍ଟ ସାରେ ବିଷୟ ପୁରା ମାଡ଼ିତନ୍ ।

ଏଫିସିୟ 2:14

ବାତେଙ୍କ୍‍ଇତ୍କେ ଇହୁଦି ନୁ ଅଣଇହୁଦିଡ଼୍ ୱେରଡ଼୍ ମାଡ଼ି କ୍ରିଷ୍ଟ ନିଜେ ମାନାଙ୍କ୍‍ ଶାନ୍ତି ଇସ୍‍ମିନ୍ତେନ୍ । ଅଡ଼୍‌‍କିଂଙ୍କ୍ ଡୁଟାଙ୍କ୍ ମାଡ଼ି ନିଜେ ନିଜେ ଶତ୍ରୁଡ଼୍ ଲେକାମ୍ ନେହେସ୍ ମାନ୍ଦାନ୍ ନେଟେତିଙ୍କ୍ ଅଣ୍ଡ୍‌ ତାନ୍ ନିଜେତ୍ ମେନ୍ଦୁଲ୍ ତଡ଼୍ ଉୱୁତନ୍ ।

ଏଫିସିୟ 2:15

ଅଡ଼୍‌ ଇହୁଦିନଡ଼୍ ସାରେ ବିଦିବିଦାନ୍ ସାର୍‌ରେ ବ୍ୟବସ୍ଥାତିଙ୍କ୍‍ ଉଚ୍ଛେଦ ମାଡ଼ି ଇହୁଦିଡ଼୍ ନୁ ଅଣଇହୁଦିଡ଼୍ ଆଗାଙ୍କ୍ ଅଡ଼ାଦ୍‌ ସାହାଯ୍ୟ ମାଡ଼ମାନ୍ଦାନ୍ ୱେରଡ଼୍ ପୁଃନେ ମାନବ୍ ଜାତି ତିଆର୍ ମାଡ଼୍‍ତଣ୍ଡ୍ । ଆଗେ ପୃତିବିତାଗ୍ ଶାନ୍ତି ତିଆର୍ ଆଦ୍‍ତେ ।

ଏଫିସିୟ 3:17

ନାନ୍ ପ୍ରାର୍ତନା ମାଡ଼ିତାନ୍ ବେଦ୍‍ପୁଟୁଙ୍କ୍ ମିଇ ବିଶ୍ୱାସ୍‍ତେ ଶକ୍ତିତେ କ୍ରିଷ୍ଟ ମିଇ ହୃଦୟ୍‍ତାଗ୍ ମାନ୍‍ତଣ୍ଡ୍ । ନାନ୍ ପ୍ରାର୍ତନା ମାଡ଼ିତାନ୍, ବେଦ୍‍ପୁଟୁଙ୍କ୍ ମିୟାଦ୍ ପାଣ୍ଡେସନ୍‌ ପ୍ରେମତେ ତିୟାର୍ ନୁ ଡୁଟାଙ୍ଗ୍ ଆଦ୍‍ତେ ।

ଏଫିସିୟ 3:6

ଆଦ୍ ନିଗୂଡ଼ ତତ୍ତ୍ୱ ଆଦୁତ୍‍ତେ, ସୁସମାଚାର୍‍ତେ ସେଙ୍ଗେ ଯିହୁଦିଡ଼୍ ତଡ଼୍ ଅଣଯିହୁଦୀଡ଼୍ ଆନ୍‌‍ତେ ଇଶ୍ୱର୍‌ତେ ଆର୍ଶିବାଦ୍‍ ପାଏମ୍‍ଆସ୍‍ମିନ୍ଦେଡ଼୍ । ଅଡ଼୍‌ ଆଦ୍ ୱେରଡ଼୍ ମେନ୍ଦୁଲ୍‍ତେ କାଇକ୍‌ ଡ଼େକା ନୁ ଜିସୁ କ୍ରିଷ୍ଟନ୍ ସାହାଯ୍ୟତେ ଇଶ୍ୱର୍ ଇସ୍‍ମାନ୍ଦାନ୍ ପ୍ରତିଜ୍ଞାତେ ପାଏମ୍‍ଆସ୍‍ମାନ୍ଦାନଡ଼୍ ।

ଏଫିସିୟ 6:8

ଏର୍କା ନେଃଏମୁଟ୍, ଅଣ୍ଡ୍‌ କ୍ରୀତଦାସ୍ ଆୟିଣ୍ଡ୍ ବା ସ୍ୱାଦିନ୍ ଆୟିଣ୍ଡ୍ ପ୍ରବୁ ସାର୍‍ରେ ନାରୁଡ଼୍‍କିଂଙ୍କ୍ ଅନାଦ୍‌ ସାୟେତ୍ ପାଡ଼୍‍ୟି ସେଙ୍ଗେ ପୁରଷ୍କାର୍ ଇଦ୍‍ତଣ୍ଡ୍ ।

କଲସୀୟ 2:10

ଅନ୍‌‍ ତଡ଼୍ କାଇଲି ମାନ୍ଦାନ୍ ମାୟ୍‍ଦିଙ୍କ୍ ମୀଡ଼୍ ଜିୱେତାଦ୍ ପୁରା ଲାବ୍ ମାଡ଼୍‍ତିଡ଼୍‍ । ବାଗାତ୍ ସାରେ ଶକ୍ତି ନୁ ଶାସନ୍‍ ପରୁ କ୍ରିଷ୍ଟନାଦ୍ ଶାସନ୍‍ କେ ସାରେତିଙ୍କ୍ ବାଡ଼୍‍ୟେ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।

୨ ଯୋହନ୍‌‌ 1:9

ବେନ ଆୟି କ୍ରିଷ୍ଟନ୍ ଶିକ୍ଷାତେ ଲୋପେ ମାନକଟ୍ ବାୟ୍‍ଦେ ପେଇସ୍ ଆଞ୍ଜ୍‍, ଅଣ୍ଡ୍‌ ଇଶ୍ୱର୍‍ ତାଗାଙ୍କ୍ ୱେରେ ଆତ୍‍ତନ୍ । ବେନ ଆୟି କ୍ରିଷ୍ଟନ୍ ଶିକ୍ଷାତାଗ୍‍ ଡୁଟାଙ୍କ୍ ମାନ୍‍ତଣ୍ଡ୍‍, ଅଣ୍ଡ୍‌ ଇଶ୍ୱର୍ ନୁ ତାନ୍ ମାର୍‍ ଇର୍‍ୱୁଡ଼୍‍ ତଡ଼୍ କାଇଲିମିନ୍ଦେନ୍ ।