କଲସୀୟ 1:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ଇଦିନ୍‍ ମାୟ୍‍ଦିଙ୍କ୍‍ ମୀଇ ବିଷୟତେ କେଞ୍ଜାନ୍ ୱେଲେକନ୍ସ୍ ମାମେ ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ୁତମ୍ । ପବିତ୍ରଆତ୍ମାତଡ଼୍ ଇସ୍‍ମାନ୍ଦାନ୍ ସାରେ ଜ୍ଞାନ୍ ନୁ ପୁନ୍ଦାନ୍ ଶକ୍ତି ତଡ଼୍ ଇଶ୍ୱର୍‌ତେ ଇଚ୍ଛା ପୁରା ମିଡ଼୍‍ ବେଲାନ୍ ପୁନ୍ଦେ ପାର୍‍ଦ୍‍ତିଡ଼୍, ଆଦିନ୍ ମାୟ୍‍ଦିଙ୍କ୍‍ ମିଇ ସେଙ୍ଗେ ମାମେ ପ୍ରାର୍ତନା ମାଡ଼ୁତମ୍ ।

କଲସୀୟ 1:9 ပူးပေါင်းရင်းမြစ်များ

ଯୋହନ୍‌‌ 7:17

ବେନଆଇ ଯଦି ଇଶ୍ୱର୍‌ତେ ଇଚ୍ଛା ସାଦନ୍‍ ମାଡ଼ାଙ୍କ୍ ଇଚ୍ଛାମାଡ଼ୁତନ୍, ଆଲାଇତ୍‍କେ ହି ଶିକ୍ଷା ଇଶ୍ୱରତାଗାଙ୍କ୍ ତିଆର୍, ନା ନାନ୍ ନା ନିଜର୍‍ତାଗାଙ୍କ୍ କେତୁତାନ୍, ଆଦ୍ ଅଣ୍ଡ୍‌ ପୁନ୍‍ତଣ୍ଡ୍ ।

ପ୍ରେରିତ 12:5

ପିତର୍ ଜଇଲ୍‍ତାଗ୍ ମାନ୍ଦାନ୍ ୱେଲେ ମଣ୍ଡଲିତ୍ ନାରୁଡ଼୍ ଅଣ୍ଡୟ୍‌ ମନ୍‍ତେ ଅନ୍‌ ସେଙ୍ଗେ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ମାତ୍‍ତଡ଼୍ ।

ରୋମୀୟ 12:2

ଇଦ୍ ଜଗତ୍‍ତାଦ୍ ନିତିନିୟମ୍‍ ଇସାପ୍‍ତେ ବ୍ୟବହାର୍‌ ମାଡ଼୍‍ମାଟ୍ । ଇଶ୍ୱର୍ ମିୟାଦ୍ ମନବାବନାତିଙ୍କ୍ ପୁରାପୁରି ବଦ୍‍ଲା ମାଡ଼ିଣ୍ଡ୍ ନୁ ମିୟାଦ୍ ଜିୱୁଣ୍ଡ୍ ସାରେ ଲେକେତ୍‍ ଆୟି । ଆଲାଇତ୍‍କେ, ଇଶ୍ୱର୍‌ତାଦ୍ ଇଚ୍ଛା ବାଆତେ, ଅନ୍‌ କଣ୍ଡେତାଗ୍ ବେନ୍‍ସାର୍ରେ ବିଷୟ୍ ନିଜାମ୍, ସାୟେ ନୁ ପୁରା ଟିକ୍, ଇଦ୍ ମିଡ଼୍ ପୁନ୍ଦାନଙ୍କ୍ ପାର୍‍ଦ୍‍ତିଡ଼୍‍ ।

୧ କରନ୍ତିୟ 1:5

ବାତାଙ୍କ୍ଇତ୍‌କେ ଇଶ୍ୱରତେ ସାଙ୍ଗ୍‌ କାଇଲି ମାନ୍ଦାନ୍‌ ମାଇଦିଙ୍କ୍ ମିଡ଼୍ ସାର୍‍ରେ ବିଷୟ୍‍ତେ ବେଲାକି କେତାନ୍‍ ଶକ୍ତି ନୁ ବୁଦ୍‍ତେ ଗାଲା ସାଉକାର୍ ଆସ୍‌ମିନ୍ଦେ ।

ଏଫିସିୟ 1:8

ଆଦ୍ ଅଣ୍ଡ୍‌ ମାନାଙ୍କ୍‍ ନାର୍ଗେ ଇତ୍‌ତଣ୍ଡ୍‌‍ ।

ଏଫିସିୟ 5:10

ପ୍ରବୁ ସନ୍ତୋଷ୍ ଆଦ୍‍ଦାନ୍ ମାୟ୍‍ଦିଙ୍କ୍ ଶିକ୍ଷା ନାଡ଼୍‍ସାଟ୍ ।

ଏଫିସିୟ 5:17

ମୁର୍କ ନାରୁଡ଼୍ ଇନା ଆୟ୍‍ୟକଟ, ଇତ୍‍କେ ପ୍ରବୁନ୍ ଗଟି ବୁଜେମ୍ ଆଦାଙ୍କ୍ ଆଲ୍‍ସି ମାଡ଼ାଟ୍ ।

ଏଫିସିୟ 6:6

ମାଲିକ୍ ମିକିଂଙ୍କ୍ ଉଡ଼ାନ୍ ୱେଲେ ଅନାଗ୍ ସାୟେ ଆଦାନଙ୍କ୍ ଆଦ୍ ମାଡ଼୍‍ୱେକନ୍ସ୍‌, କ୍ରିଷ୍ଟନ୍ କ୍ରିତଦାସ ଲେକାମ୍ ମିୟାଦ୍ ସରଲ୍‌ ହୃଦୟ୍ ଇସ୍ ଇଶ୍ୱର୍‌ତେ ଇଚ୍ଛା ଲେକାମ୍‍ ମାଡ଼ାଟ୍ ।

ଫିଲିପିୟ 1:4

ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ାନ୍ ୱେଲେ ୱେଡ଼୍‍କେତେ ପ୍ରାର୍ତନା ମାଡ଼ାଟ୍;

କଲସୀୟ 1:6

ବେନ୍ ସୁସମାଚାର୍ ପ୍ରଚାର୍‍ତେ ସେଙ୍ଗେ ମିଡ଼୍ ମୁନେ ଇଶ୍ୱର୍‌ତେ ଅନୁଗ୍ରହ ବିଷୟ କେଞ୍ଜ୍‍ତିଡ଼୍ ନୁ ଇଦିନ୍ ସତ୍‍ ଏର୍କା ମାଡ଼୍‍ତିଡ଼୍, ଆଦ୍ ସୁସମାଚାର୍ ଇଞ୍ଜେ ସାରେ ଜଗତ୍‍ତାଗ୍ ଏକାମ୍‍ ଆଦୁତ୍‍ ନୁ ଆର୍ଶିବାଦ୍‌ ତାତୁତେ ।

କଲସୀୟ 3:16

କ୍ରିଷ୍ଟନ୍ ଗଟିନେ ନାର୍ଗେ ତେର୍‍ୱେ ଲେକେତ୍ ଗଟି ମିଇ ହୃଦୟତାଗେ ମାନି । ଜ୍ଞାନ୍‍ତଡ଼୍ ନିଜର୍‍ନିଜର୍‍ ଲୋପେ ଶିକ୍ଷା ନୁ ପରାମର୍ଶ ଇମୁଟ୍ । ପାଟେ, ସ୍ତୁତି ନୁ କୀର୍ତ୍ତନ୍ ମାଡ଼ାଟ୍ । ହୃଦୟତେ ଦୟା ତଡ଼୍ ଇଶ୍ୱର୍‌ତେ ସେଙ୍ଗେ ପାଟେ, ପାରାଟ୍ ।

କଲସୀୟ 4:12

ମୀଇ ମାନ୍ଦେତେ ମେଣ୍ଡେ ଅର୍‍ତୁଣ୍ଡ୍ ସବ୍ୟ ନୁ କ୍ରିଷ୍ଟ ଜିସୁନ୍ ସେବକ ଏପାପ୍ରା ନମସ୍କାର୍ କେଞ୍ଜ୍‍ପୁତନ୍ । ଇଶ୍ୱର୍‌ତେ ଇଚ୍ଛାତେ ସାରେ କେଞ୍ଜି ମୀଇଡ଼୍ ବେଲାନ୍ ବୟସ୍କା ନୁ ଗାଡ଼୍‍ସ୍‍ କ୍ରିଷ୍ଟ ବିଶ୍ୱାସିଡ଼୍‍ ଲେକାମ୍ ଡାଟାମ୍‍ ଲେକାମ୍ ନିତେ ପାର୍‍ଦ୍‍ତେ, ଆଦିନ୍ ସେଙ୍ଗେ ଅଣ୍ଡ୍‌ ସାରେଦାମ୍ ଇଶ୍ୱର୍‌ତେ ଗାରେ କେୟିକେୟି ପ୍ରାର୍ତନା ମାଡ଼ିମିନ୍ଦେଡ଼୍ ।

କଲସୀୟ 4:5

ସାରେ ସୁଯୋଗ୍‍ ଲେକେତ୍‍ ବ୍ୟବହାର୍‌ ମାଡ଼ି ଅବିଶ୍ୱାସୀନଡ଼୍‍ ଗାରେ ବୁଦ୍‍ତଡ଼୍‍ ତିର୍‍ୟାଟ୍ ।

୧ ଥେସଲନିୟ 1:3

ମାମ୍‍ମେ ବାବାନ୍ ଇଶ୍ୱର୍‌ତେ ପାକେ ଏର୍କା ମାଡ଼ମାନ୍‍ତମ୍, ବେଲାନ୍ ମିଡ଼୍ ନିଜେତ୍ ବିଶ୍ୱାସ୍‍ତିଙ୍କ୍ ପାଡ଼ିୟିଦାଗ୍ ମାଡ଼ୁତମ୍, ପ୍ରେମତେ ମାଡ଼ି ବେଲାନ୍ ତିପାଲ୍‍ତେ ମାଡ଼ୁତିଡ଼୍ ନୁ ମାମ୍‍ମେ ବେଲାନ୍ ଡ଼ାଟ୍‍ଟୁମ୍ ।

୧ ଥେସଲନିୟ 5:17

ବେସୁଙ୍କ୍‍ ବା ପ୍ରାର୍ତନା ମାଡ଼ାନାଦ୍ ୱିଡ଼୍‍ସ୍‍ମାଟ୍ ।

୨ ଥେସଲନିୟ 1:11

ମାନ୍‍ ଇଶ୍ୱର୍ ବେଦ୍‍ଲେକାମ୍ ମିକିଂଙ୍କ୍ ନିଜେ କାର୍‍ଙ୍ଗ୍‍ତଣ୍ଡ୍ ଯୋଗ୍ୟ ହିଞ୍ଜ ଗଣନା ମାଡ଼ିତନ୍, ମେଣ୍ଡେ ସାରେ ସାୟେ ପାଡ଼୍‍ୟି ନୁ ବିଶ୍ୱାସତେ ପାଡ଼୍‍ୟି ଶକ୍ତିତେ ସିଦ୍ଦ ମାଡ଼ିତନ୍, ଆଦିନ୍ ସେଙ୍ଗେ ମାମ୍‍ମେ ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ୁତମ୍ ।

ଫିଲିମୋନ୍‌ 1:4

ଦାଦାଲ୍ ଫିଲିମନ୍, ସାରେଦାମ୍ ନାନ୍ ପ୍ରାର୍ତନା ମାଡ଼ାନ୍ ୱେଲେ ନିକିଂଙ୍କ୍ ଏର୍କା ମାଡ଼ି ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦ୍‍ତାନ୍,

ଫିଲିମୋନ୍‌ 1:6

କ୍ରିଷ୍ଟଟନ୍ ତଡ଼୍ କାୟ୍‍ଲି ମାମ୍‍ମେ ଜିୱୁଣ୍ଡ୍‍ତାଗ୍ ବେନ୍ ସାରେ ଆର୍ଶିବାଦ୍‌ ପାଏମ୍ ଆତ୍‍ତମ୍, କ୍ରିଷ୍ଟ ବିଶ୍ୱାସି ଲେକାମ୍ ନିତଡ଼୍ ମାୟାଦ୍‌ କାଇଲାନାଦ୍‍ ଲୋପେତ୍‌ ବିଷୟ ସାୟେ ବୁଜେମ୍ ଆଦାନ୍ ସେଙ୍ଗେ ନିକିଂଙ୍କ୍ ସାହାଯ୍ୟ ମାଡ଼ି, ଇଦ୍ ନାନ୍ ପ୍ରାର୍ତନା ମାଡ଼ୁତାନ୍ ।

ଏବ୍ରୀ 10:36

ମିଡ଼୍ ଆରେମ୍ ଆୟୱା ମାନ୍ଦାନାଦ୍ ଆସ୍‌କେ ପରମେଶ୍ୱର କେତ୍‍ତାଦିଙ୍କ୍‍ ମିଡ଼୍ ମାଡ଼ି, ପରମେଶ୍ୱର ମିକିଙ୍କ୍‌ ପ୍ରତିଜ୍ଞା ମାଡ଼ି ମାତ୍‍ତାଦିନ୍‌ ଦର୍କାକିତିଡ୍ ।

ଏବ୍ରୀ 13:21

ଶାନ୍ତିଦାତାଲ୍ ଇଶ୍ୱର୍ ତାନ୍ ଇଚ୍ଛା ପାଲନ୍ ମାଡ଼ାନ୍ ସେଙ୍ଗେ ମିୟାଦ୍ ଦର୍‍କାର୍‍ ଇସାବ୍‍ ସାର୍ରେ ଲେକେତ୍ ବିଷୟ ଇୱିଣ୍ଡ୍ ନୁ ଜିସୁ କ୍ରିଷ୍ଟନ୍ ତଡ଼୍ ମାନ୍‍ ଜିୱୁଣ୍ଡ୍‍ତାଗ୍ ଅନାଦ୍‌ ସାୟେ ପାଡ଼୍‍ୟି ମାଡ଼ୁତଣ୍ଡ୍ । ଯୁଗ୍‍ଯୁଗ୍ କ୍ରିଷ୍ଟ ମହିମା ଆୟିଣ୍ଡ୍ । ଆମେନ୍‍ ।

ଯାକୁବ 1:5

ଇତ୍‍କେ ମିଇ ଲୋପେଙ୍କ୍ ବେସୁଟ୍‌ ବେନ ବୁଦ୍ ଅବାବ୍ ଆତ୍‍କେ, ଆସୁଟେ ବେନ୍ ଇଶ୍ୱର୍ ଦଷ୍ ପୟକଟ କମ୍‍ଟି ଆୟକଟ୍ କାୟ୍‍ଦେ ସାରେତଡ଼୍‌କିଂଙ୍କ୍ ଇଦ୍‍ତଣ୍ଡ୍, ଅନ୍‌ ମୁନ୍‍ନେ ଅଣ୍ଡ୍‌ ପ୍ରାର୍ତନା ମାଡ଼ିଣ୍ଡ୍, ଆସୁଟେ ଅଂକିଙ୍କ୍‌ ଇଦ୍‍ତଡ଼୍ ।

ଯାକୁବ 3:17

ଇତ୍‍କେ ପର୍‍ର କନ୍‍ସ୍ ୱାତ୍‍ତେ ବୁଦ୍ଦ୍‌ ପବିତ୍ର, ଶାନ୍ତି, ସାୟେ, ମାଡ଼ାଙ୍କ୍‍ ୱେୟ୍‍ତିତ୍‍, ଦୟା ନୁ ଲେକେତ୍‍ ଆସ୍‍ମାନ୍‍ତେ, ଡାୱୁଟ୍‍ ଇଲ୍‍ଲେ ନୁ ଆଦ୍ ଚଲନା ଇଲ୍‍ଲେ ।

୧ ପିତର୍‍ 2:15

ଇଶ୍ୱର୍‍ ଇଚ୍ଛା ମାଡ଼ୁତନ୍, ମିୟାଦ୍‍ ସତ୍‍କାମ୍‍ତେ ତଡ଼୍‍ ବୁସା ଗଟି କେସମାନ୍ଦାନ୍ ବୁଦ୍‍ ଇଲ୍‍ୱେ ନାରୁଡ଼୍‍କ୍ ଉତର୍‍ ଇଦେ ପାର୍‍ୱେ ରକମ୍‍ ମାଡ଼ାଟ୍ ।

୧ ପିତର୍‍ 4:2

ମୀଇଡ଼୍ ଇଞ୍ଜେକଞ୍ଜ୍ ଜିୱୁଣ୍ଡ୍‍ତାଗ୍‍ ମାନ୍ଦାନ୍‍ ବେସ୍‌କ୍ ଦିନା ଲୋପେ ନିଜେତ୍ ମେନ୍ଦୁଲ୍ ଅବିଲାଷତେ ଜିୱୁଣ୍ଡ୍‍ ବାଦ୍‍କ ଆୟକଟ୍ ଇଶ୍ୱର୍‌ତେ ଇଚ୍ଛାଦିନାମ୍ ଆୟ୍‍ମୁଟ୍ ।

୧ ଯୋହନ୍‌‌ 2:17

ନାରୁନ୍ ଜଗତ୍‍ ନୁ ତାନ୍ ବେନ୍ ସାରେ ବିଷୟ୍‍ କାମନା ମାଡ଼ିତଡ଼୍, ଆଦ୍ ସାରେ ବିନଷ୍ଟ ଗଟେମ୍ ଆଦ୍‍ତେ, ବାତେଙ୍କ୍‍ଇତ୍କେ ବେନଆଇ ଇଶ୍ୱର୍‌ତେ ଇଚ୍ଛା ପାଲନ୍ ମାଡ଼ିତନ୍, ଅଣ୍ଡ୍‌ ବେସୁଙ୍କ୍‌ବା ଡଲଣ୍ଡ୍‍ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।