କଲସୀୟ 1:18 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁸ ଅଣ୍ଡ୍‌‍ ତାନ୍ ଉପାସନା ମଣ୍ଡଲି ଲେକାମ୍‍ତେ ମେନ୍ଦୁଲ୍‍ତେ ତାଲ୍‍ଲେ ଲେକାମ୍‍; ଆଦ୍ ମେନ୍ଦୁଲ୍‍ତେ ଅଣ୍ଡ୍‌ ଜିୱୁନ୍‍ ଶକ୍ତି, ଡଲ୍‍ତାଗାଙ୍କ୍‍ ତେଏଦ୍‍ତେନଣ୍ଡ୍‍ ଅଣ୍ଡ୍‌‍ ମୁନେନ୍‍ ପୁଟ୍‍ତେ ମାର୍‍ । ଆଦିଙ୍କ୍‍ ସାରେ ବିଷୟତେ ପ୍ରତମ୍‍ତେ ପଡ଼ିୟେ ଦର୍‍କାନ୍ ସେଙ୍ଗେ ଅଣ୍ଡ୍‌ ଯୋଗ୍ୟ ଆତ୍‍ତନ୍ ।

କଲସୀୟ 1:18 ပူးပေါင်းရင်းမြစ်များ

ମାତିଉ 23:8

ବାତେଙ୍କ୍ ଇତ୍‍କେ ମିଡ଼୍ ଗୁରୁ ଇଞ୍ଜ ସମ୍ୱଦିତ ଆୟ୍‍ମାଟ୍‍, ବାତ୍‍ତେଙ୍କ୍ ଇତ୍‍କେ ମିଇ “ଗୁରୁ,” ୱେରଣ୍ଡେ ମେଣ୍ଡେ ମିଡ଼୍ ସାରେ ତାମୁଣ୍ଡ୍‌ ।

ମାତିଉ 28:18

ଜିସୁ ଅଡ଼୍‌ ଗାର୍‍ରେ ୱାସ୍ କେତ୍‍ତଣ୍ଡ୍, “ସ୍ୱର୍ଗ ନୁ ପୃତିବି ସାରେ ଅଦିକାର୍‌ ନାକିଂଙ୍କ୍ ଇସ୍‌‍ମିନ୍ଦେନ୍ ।

ଯୋହନ୍‌‌ 1:1

ମୁନେଙ୍କ୍ ବାକ୍ୟ ମାତ୍‍ତେ, ବାକ୍ୟ ଇଶ୍ୱରତଡ଼୍ ମାତ୍‍ତେ, ବାକ୍ୟ ନୁ ଇଶ୍ୱର୍ ୱେରନ୍ ମାତ୍‍ତଣ୍ଡ୍ ।

ଯୋହନ୍‌‌ 1:16

ତ ଅଣ୍ଡ୍‌ ସାରେତାଗାଙ୍କ୍ ମାମ୍‍ମେ ସାରେତମ୍ ପାଏମ୍ ଆସ୍‍ମିନ୍ଦେମ୍, ଅନୁଗ୍ରହତେ ପର୍‍ ଅନୁଗ୍ରହ ପାଏମ୍ ଆସ୍‍ମିନ୍ଦେମ୍ ।

ଯୋହନ୍‌‌ 1:27

ଅଣ୍ଡ୍‌ ନା ପେର୍‍କେ ୱାସମିନ୍ଦେଣ୍ଡ୍, ଅନ୍‌ ଡେକେତ୍ ବନ୍ଦନ୍ ଲେଏତାଙ୍କ୍ ନାନ୍ ଯୋଗ୍ୟ ଆୟନ୍ ।”

ପ୍ରେରିତ 26:23

ମସୀହ ଦୁଃକାମ୍‍କଷ୍ଟ ମାଡ଼ିତନ୍ ନୁ ଡଲ୍‍ତଡ଼୍ ଲୋପେ ସାରେତିଙ୍କ୍ ମୁନେନ୍ ପୁନରୁତାନ୍ ଆସ୍‍ ଇହୁଦୀ ନୁ ଅଣଇହୁଦୀଡ଼୍ ବକେତ୍ ପରିତ୍ରାଣତେ ୱେସ୍ ତଅତିତଣ୍ଡ୍ ।”

ରୋମୀୟ 8:29

ବେନଡ଼୍‍କିଂଙ୍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍, ଅଡ଼୍‌‍କିଂଙ୍କ୍ ତାମ୍ ମାର୍‍କିନ୍ ଲେକାମ୍ ଆଦାନଙ୍କ୍ ମୁନେତ୍‍କେ ତିୟାର୍ ମାଡ଼ିମିନ୍ଦେଣ୍ଡ୍ । ଆଲେକେ ଇଶ୍ୱର୍‌ତେ ମାର୍‍କ୍ ଅଡ଼୍‌‍କିଂଙ୍କ୍ ମୁନେଙ୍କ୍‍ ପୁଟ୍‍ତେନଡ଼୍‍ ଆଦ୍‍ତଡ଼୍‍ ।

୧ କରନ୍ତିୟ 11:3

ନାନ୍ ମିକିଂଙ୍କ୍ ବୁଜାମାଡ଼ାନଙ୍କ୍ ଆଲ୍‍ସୁତାନ୍ ଜେ, କ୍ରିଷ୍ଟ ସାର୍‍ରେ ମାନେୟ୍‍ତାଦ୍ ତାଲ୍‍ଲେ ଲେକାମ୍, ମୁଦ୍‍ପାଲ୍ ମୁତ୍‍ତେନ୍ ତାଲ୍‍ଲେ ଲେକାମ୍ ନୁ ଇଶ୍ୱର୍ କ୍ରିଷ୍ଟନ୍ ତାଲ୍‍ଲେ ଲେକାମ୍ ।

୧ କରନ୍ତିୟ 12:27

ମିଡ଼୍ କ୍ରିଷ୍ଟନ୍ ମେନ୍ଦୁଲ୍ । ମିଡ଼୍ ସାର୍ରେତଡ଼୍ ଆଦ୍ ମେନ୍ଦୁଲ୍‍ତେ ଅଣ୍ଡୟ୍‌ ଦୁଡ଼ା ।

୧ କରନ୍ତିୟ 15:25

ଇଶ୍ୱର୍ ସାର୍‍ରେ ଶତ୍ରୁଡ଼୍‍କ୍ ଆରେମ୍ ମାଡ଼ି କ୍ରିଷ୍ଟନ୍ ଡେକେତ୍ ମଦଲ୍ ଆଦ୍‍ମାନ୍ ଯାକ, କ୍ରିଷ୍ଟ ଶାସନ୍‍ ମାଡ଼ିତନ୍ ।

ଏଫିସିୟ 1:10

ଆଦ୍ ଆଲ୍‍ସ୍‍ତାଦ୍‍ ଲେକାମ୍ ସ୍ୱର୍ଗ ନୁ ପୃତିବିତେ ସାରେ ତିଆର୍ ବିଷୟ ଅଣ୍ଡୟ୍‌‍ ଆଦ୍‍ତେ ନୁ କ୍ରିଷ୍ଟ ଆୱୁ ସାରେତଡ଼୍ ତାଲେ ଲେକାମ୍ ମାନ୍‍ତା ଇଦ୍ ଆଲ୍‍ସାନାଦ୍ ଇଶ୍ୱର୍ ଲେକାମ୍ ସମୟ୍‍ତେ ପୁରା ମାଡ଼ିତନ୍ ।

ଏଫିସିୟ 5:23

ମଣ୍ଡଲିତେ ପର୍‍ର କ୍ରିଷ୍ଟନାଦ୍ ଅଦିକାର୍‌ ବେଲା ମିନ୍ଦେ ଆଲେନେ ନାଟାଡ଼୍‍ତେ ପର୍‍ର ମାନେୟ୍‍ତେ ଅଦିକାର୍‌ ମିନ୍ଦେ; ମେଣ୍ଡେ କ୍ରିଷ୍ଟ କେ ତାମ୍ ମେନ୍ଦୁଲ୍ ଇନା ମଣ୍ଡଲିତେ ତ୍ରାଣକର୍ତ୍ତାଲ୍ ।

କଲସୀୟ 1:24

ଇଞ୍ଜେ ମି ସେଙ୍ଗେ ବେନ୍ ଦୁଃକାମ୍ କଷ୍ଟ ସେଙ୍ଗେ ନାନ୍ ୱେଡ଼୍‍କ୍‍ତାନ୍ । ବାତେଙ୍କ୍‍ଇତ୍କେ ନାୟାଦ୍ ମେନ୍ଦୁଲ୍‍ ଦୁଃକାମ୍‍ ତଡ଼୍ ନାନ୍ କ୍ରିଷ୍ଟନ୍ ମେନ୍ଦୁଲ୍ ଲେକାମ୍ ମଣ୍ଡଲି ପାକାଙ୍କ୍ କ୍ରିଷ୍ଟନ୍ ଦୁଃକାମ୍‍ତେ ବାକି ଦୁଃକାମ୍‍ତିଙ୍କ୍ ପୁରା ମାଡ଼ାନ୍‍ ସେଙ୍ଗେ ନାନ୍ ସାହାଯ୍ୟ ମାଡ଼ୁତାନ୍ ।

କଲସୀୟ 2:19

ମେନ୍ଦୁଲ୍‍ତେ ତାଲେ ଇନା କ୍ରିଷ୍ଟନାଗାଙ୍କ୍‍ ଅଡ଼୍‌ ୱେରେ ଆତ୍‍ତଡ଼୍ । ଅନ୍‌‍ ନିୟନ୍ତ୍ରଣତେ କାଇକ୍ ଡ଼େକା କାୟ୍‍ଲି ନୁ ନାରାସ୍ ତଡ଼୍ ତାମ୍‍ତାମ୍ ଲୋପେ କାୟ୍‍ଲି ଲେକେତ୍‍ ଆଦ୍‍ତା ମେଣ୍ଡେ ମେନ୍ଦୁଲ୍ ଇଶ୍ୱର୍‌ତେ ଇଚ୍ଛାତେ ପେର୍‍ସିତ୍ ।

୧ ଯୋହନ୍‌‌ 1:1

ନାର୍ଗେ କାଲାକଞ୍ଜ ବେନ୍‍ ମିନ୍ଦେ, ଆଦ୍ ଜିୱେତେ ବାକ୍ୟ ବିଷୟତେ ମାମେ ଲେକାନଙ୍କ୍ ଅଦୁତମ୍ । ଅନ୍‌ ଗଟି ମାମେ କେଞ୍ଜ୍‍ତମ୍, ଅଙ୍କ୍‌ ମାମେ ଉଡ଼୍‍ତମ୍ ଇଦ୍ ନିଜାମ୍, ନିଜେତ୍ କଣ୍ଡେତେ ଉଡ଼୍‍ତମ୍ ନୁ ଅଙ୍କ୍‌ ଇଟ୍‍ତମ୍ ।

ପ୍ରକାଶିତ୍‌ ବାକ୍ୟ 1:18

ନାନେ ଜିୱୁଣ୍ଡ୍‍ ମାନ୍ଦାନଣ୍ଡ୍‍; ଡଲିମାତ୍‍ତାନ୍, ଇତ୍‍କେ ନାନେ ଇଞ୍ଜେ ଜିୱେ ମିନ୍ଦେନ୍‍, ଅନନ୍ତ କାଲ ଜିୱେ ମାନ୍‍ତାନ୍ । ଡଲାନାଦ୍ ନୁ ନର୍କତାଦ୍‍ କୁଚ୍‍କାଇ ନା କାୟ୍‍ଦାଗ୍‍ ମିନ୍ଦେ ।

ପ୍ରକାଶିତ୍‌ ବାକ୍ୟ 1:5

ଡଲ୍‍ତାଗାଙ୍କ୍ ମେଣ୍ଡେ ପୁନରୁତ୍‍ତିତ୍ ସାରେଦାମ୍ ମୁନେ, ବିଶ୍ୱାସ୍ତେ ସାକ୍ଷଦାତାଲ୍‌ ନୁ ପୃତିବିତେ ରାଜାଦିରାଜା ଜିସୁ କ୍ରିଷ୍ଟଟନ୍ ଅନୁଗ୍ରହ ନୁ ଶାନ୍ତି ମିଇ ପରୁ ଆୟି । ଅଣ୍ଡ୍‌ ମାନାଙ୍କ୍ ପ୍ରେମ ମାଡ଼ୁତନ୍ ନୁ ଅନ୍‌ ଡଲ୍‍ତାଦିନ୍‍ତ ମାନାଙ୍କ୍ ପାପ ତାଗାଙ୍ଗ୍ ପରିତ୍ରାନ୍ ମାଡ଼୍‍ତନ୍ ।

ପ୍ରକାଶିତ୍‌ ବାକ୍ୟ 1:8

ପ୍ରବୁ ସାରେତିଙ୍ଗ୍ ଶକ୍ତିମାନ୍ ଇଶ୍ୱର୍ କେତିତନ୍, “ନାନେ ଆରାମ୍‍ ନୁ ମାଡ଼େଙ୍ଗ୍‍,” ଅଣ୍ଡ୍‌ ମୁନେଙ୍କ୍ ମାତ୍‍ତନ୍, ମେଣ୍ଡେ ଇଞ୍ଜେବା ମିନ୍ଦେନ୍, ମେଣ୍ଡେ ବବିଷ୍ୟତ୍‌ତେ ୱାଦ୍‍ତନ୍ ।

ପ୍ରକାଶିତ୍‌ ବାକ୍ୟ 11:15

ତାନ୍‍ପେର୍କେ ସପ୍ତମ୍ ଦୂତ ତାମାୱୁ ତୁରି ଉଦ୍‍ତା ନୁ ସ୍ୱର୍ଗତାଗ୍ ନାର୍ଗେଲେଙ୍ଗ୍‍ଦେ ଇଦ୍ ବାନି କେଞ୍ଜାଙ୍କ୍‍ ଆତ୍‍ତେ ! “ମା ପ୍ରବୁ ନୁ ତାମ୍‍ ମସୀହ ପୃତିବିତେ ପରୁ ରାଜତ୍ୱ ମାଡ଼ାନ୍ ଅଦିକାର୍‌ ଇଞ୍ଜେ ନିଜେତ୍ କାଇଦାଗ୍ ଆସ୍‍ମିନ୍ଦେନ୍ । ଅଣ୍ଡ୍‌ ଇଞ୍ଜେ ସାରେଦିନା ରାଜତ୍ୱ ମାଡ଼ିତଣ୍ଡ୍ ।”

ପ୍ରକାଶିତ୍‌ ବାକ୍ୟ 21:6

ମେଣ୍ଡେ ମିକା ଅଣ୍ଡ୍‌‍ କେତ୍‍ତନ୍, “କାମ୍‍ ସାରେ ମାଇଆତ୍‍ତେ । ନାନେ ଆରାମ୍‍ ନୁ ମାଡ଼େଙ୍ଗ୍‍, ଆଦି ନୁ ଅନନ୍ତ । ବେନଙ୍କ୍ ଏର୍‍ ଉନ୍ଦେୱାକ୍‍କେ, ଜିୱେତ୍‍ ଲେକେତାଦ୍ ଏର୍ ନିର୍ଜର୍‍ତାଗାଙ୍କ୍ ନାନେ ଅଙ୍କ୍‌ ଆସାମ୍ ଉନ୍ଦାନଙ୍କ୍ ଇଦ୍‍ତାନ୍ ।

ପ୍ରକାଶିତ୍‌ ବାକ୍ୟ 22:13

ନାନେ ଆରାମ୍‌ ନୁ ମାଡ଼େଙ୍ଗ୍‍, ଆରାମ୍ ନୁ ଶେଷ ।”

ପ୍ରକାଶିତ୍‌ ବାକ୍ୟ 3:14

“ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବିଶ୍ୱାସ୍‍ ନୁ ସତ୍ ସାକ୍ଷି ମେଣ୍ଡେ ଇଶ୍ୱର୍‌ତେ ସାରେ ସୃଷ୍ଟିତେ ଆରାମ୍‍ ଅଣ୍ଡ୍‌‍ ‘ଆମେନ୍‍ତେ’ ଇଦ୍ ଗଟ୍,”