କଲସୀୟ 1:12 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹² ବାବାଲ୍ ଇଶ୍ୱର ୱେସିନ୍‍ ରାଜ୍ୟତାଗ୍ ତାନ୍‍ ନାରୁଡ଼୍‍ ସେଙ୍ଗେ ବାତ୍‍ ଲେକେତ୍ ନେଃଏତଣ୍ଡ୍, ଆଦିନ୍ ବାଗିଦାର୍‍ ଆଦାନ୍ ସେଙ୍ଗେ ଅଣ୍ଡ୍‌ ଯେ ମିକିଙ୍କ୍ ଯୋଗ୍ୟ ମାଡ଼୍‍ତନ୍, ଅଦିନ୍‌ ସେଙ୍ଗେ ୱେଡ଼୍‍କେତେ ଅଙ୍କ୍‌ ଦନ୍ୟବାଦ୍ ଇମୁଟ୍ ।

କଲସୀୟ 1:12 ပူးပေါင်းရင်းမြစ်များ

ମାତିଉ 25:34

ତାନ୍‍ପେର୍କେ ଅନ୍‌ ତିନ୍ଦେପାକ୍ ମାନ୍ଦାନ୍ ନାରୁଡ଼୍‍କିଂଙ୍କ୍ ରାଜାଲ୍ କେତିତଣ୍ଡ୍, ୱାଡ଼ାଟ୍, ମିକିଂଙ୍କ୍ ନା ବାବାଲ୍ ଆର୍ଶିବାଦ୍ ମାଡ଼ିମିନ୍ଦେଣ୍ଡ୍ । ତିଆର୍‍ତେ ମୁନେଙ୍କ୍ ବେନ୍ ରାଜ୍ୟ ମିଇ ମାଇଦିଙ୍କ୍ ତିଆର୍ ଆସ୍‍ମିନ୍ଦେ, ୱାଡ଼ାଟ୍, ଆଗେ ନେଙ୍ଗାଟ୍‍ ।

ଯୋହନ୍‌‌ 14:6

ଜିସୁ ଅଂକିଙ୍କ୍‌ କେତ୍‍ତଣ୍ଡ୍‌, ନାନ୍ ଆର୍, ସତ୍ ନୁ ଜିୱୁନ୍; ନାଆଲାନ୍ ଅନ୍‌‍ୱେ ବେନବା ବାବାନ୍ ଗାର୍‍ରେ ଆଦ୍‍ପାର୍‍ୱଡ଼୍ ।

ଯୋହନ୍‌‌ 20:17

ଜିସୁ ଆଦିଙ୍କ୍ କେତ୍‍ତଣ୍ଡ୍, “ନାକିଂଙ୍କ୍ ପଇସ୍ ନେହେମା, ବାତେଙ୍କ୍ ଇତ୍‍କେ ନାନ୍ ଇଞ୍ଜେକ୍ ଅନ୍‌‍ପାକେ ବାବାନାଗ୍ ଆନନେ; ନା ତାମୁଣ୍ଡ୍‌କିଡ଼୍ କେଲ୍‍ଲା, ନାନ୍ ନା ବାବାଲ୍ ନୁ ଅଡ଼୍‌ ବାବାଲ୍, ନା ଇଶ୍ୱର୍ ନୁ ଅଡ଼୍‌ ଇଶ୍ୱର୍‌ତେ ଗାର୍‍ରେ ଆଦୁତାନ୍ ।”

ଯୋହନ୍‌‌ 4:23

ବାତେଙ୍କ୍ ଇତ୍‍କେ ବେନ୍ ସମୟ୍‍ତେ ସତ୍ ଉପବାସ୍ ମାଡ଼ାନଡ଼ି ଆତ୍ମାତେ ନୁ ସତ୍ୟତେ ବାବାନାଦ୍ ଉପବାସ୍ ମାଡ଼ିତଡ଼୍, ଆସତ୍‍ ଦିନାମ୍ ୱାସମିନ୍ଦେ; ମେଣ୍ଡେ ଇଞ୍ଜେକ୍ ମିକା ମିନ୍ଦେ; ବାତେଙ୍କ୍‍ଇତ୍କେ ବାବାଲ୍ ହିସତ୍ ଉପବାସ୍ ଇଚ୍ଛାମାଡ଼ୁତନ୍ ।

ପ୍ରେରିତ 20:32

“ଇଞ୍ଜେ ନାନ୍ ମିକିଂଙ୍କ୍ ଇଶ୍ୱର୍‌ତେ କାୟ୍‍ଦେ ପରିଷ୍କାର୍‍ ନୁ ଅନୁଗ୍ରହ ବାକ୍ୟ ଗାର୍‍ରେ ସମର୍‍ପନ୍ ମାଡ଼ୁତାନ୍; ଆଦ୍ ବାକ୍ୟ ମିକିଂଙ୍କ୍ ଡୁଟାଙ୍ଗ୍‍ ମାଡ଼ାନଙ୍କ୍ ନୁ ଇଶ୍ୱର୍‌ତେ ନାରୁଡ଼୍‍କିଂଙ୍କ୍ ଦର୍‍କାର୍ ସାରେ ଆର୍ଶିବାଦ୍ ମିକିଂଙ୍କ୍ ହିଦାନଙ୍କ୍ ପାର୍‍ଦ୍‍ତେ ।

ପ୍ରେରିତ 26:18

ନିମ୍‍ ଅଡ଼ାଦ୍‌ କଣ୍ଡାଙ୍କ୍ ପରିଷ୍କାର୍‍ ମାଡ଼ିମ୍ । ଅଡ଼୍‌‍କିଂଙ୍କ୍ ଇକାଡ଼୍‌ତାଗାଙ୍କ୍ ୱେସିନାଗ୍ ନୁ ଶୟ୍‍ତାନ୍‍ତାଗାଙ୍କ୍ ଇଶ୍ୱର୍‌ତେ ପାକେ ତାତାନଙ୍କ୍ ଆଦ୍‍ତେ, ବେଲାକି ଅଡ଼୍‌ ନାକିଂଙ୍କ୍ ବିଶ୍ୱାସ୍ ମାଡ଼୍‍କେ ଅଡ଼ାଦ୍‌ ପାପ୍ କ୍ଷମା ଆଦ୍‍ତେ ନୁ ପ୍ରବୁ ହେଞ୍ଚ୍‍ତେ ନାରୁଡ଼୍ ଲୋପେ ଅଡ଼୍‌‍କ୍ ଅଦିକାର୍‌‍ ଦର୍‍କିତ୍ ।’”

ରୋମୀୟ 11:17

ଗୁଡ଼େତାଗ୍ ଉର୍‍ସ୍କି ମାନ୍ଦାନ୍ ୱେରଡ଼୍ ଜୀତ ମାଡ଼େତ୍ ବେସ୍‌କ୍ କମ୍‍ମା ନାଡ଼୍‍କି, ଗୁପେତାଦ୍ ଜୀତ ମାଡ଼େତ୍ କମ୍‍ମା ଆଦ୍ ପଡ଼୍‍ୟେତାଗ୍ କଲମ୍ ମାଡ଼୍‍ତଡ଼୍ । ଅଣଇହୁଦୀଡ଼୍ ଆଦ୍ ଗୁପେତାଦ୍ ଜୀତ ମାଡ଼େ ଲେକାମ୍ । ମିଡ଼୍ ଇଞ୍ଜେ ଇହୁଦୀଡ଼୍ ଶାତ୍‍ୱାମ୍ ଆଦ୍ୟାତ୍ମିକ୍‍ ଜିୱୁଣ୍ଡ୍‍ତାଦ୍ ବାଗିଦାର୍ ଆତ୍‍ତିଡ଼୍ ।

ରୋମୀୟ 15:27

ଇଦ୍ ଅଡ଼ାଦ୍‌ ନିଜର୍‍ ଇଚ୍ଛାତାଦ୍ ନିଷ୍ପତି; ନିଜାମ୍ ଇଲା ମାଡ଼ାନାଦ୍ ଅଡ଼ାଦ୍‌ କାମ୍‌ । ଇହୁଦି ନାରୁଡ଼୍ ନିଜେତ୍ ଆଦ୍ୟାତ୍ମିକ୍ ଆର୍ଶିବାଦ୍‍ତଡ଼୍ ଅଣଇହୁଦୀଡ଼୍‌କିଂଙ୍କ୍ ଅଂଶୀଦାର୍ ମାଡ଼୍‍ତାଙ୍କ୍, ଇହୁଦୀଡ଼୍‍କିଙ୍କ୍ ନିଜେତ୍ ଡାବ୍‍କିନ୍ ଆର୍ଶିବାଦ୍‍ତଡ଼୍ କାଲ୍‌ପି ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାନାଦ୍ ଅଣଇହୁଦିଡ଼ାଦ୍ କାମ୍‌ ।

ରୋମୀୟ 8:17

ବେଲାବା ମାନାଡ଼୍ ଇଶ୍ୱର୍‌ତେ ମାର୍‍କ୍, ଅନ୍‌ ନାରୁଡ଼୍ ସେଙ୍ଗେ ଇଦାନ୍ ଆର୍ଶିବାଦ୍‍ତାଗ୍ ମାନାଡ଼୍ ବାଗିଦାର୍ ଆଦ୍‍ତାଡ଼୍ । ମେଣ୍ଡେ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବାତ୍ ନେଃଏସ୍ ମିନ୍ଦେଣ୍ଡ୍, ଆଗେ ଗାଲା ମାନାଦ୍‍ ବାଗ୍ ମିନ୍ଦେ । ଯଦି ମାନାଡ଼୍ ଜିସୁନାଦ୍ ଦୁଃକାମ୍‍ତାଗ୍ ବାଗିଦାର୍ ଆତ୍‍ତାଡ଼୍, ଆଲେକେ ଅନ୍‌ ଗୌରବ୍‍ତାଗ୍ ଗାଲା ବାଗିଦାର୍ ଆଦ୍‍ତାଡ଼୍ ।

ରୋମୀୟ 9:23

ମେଣ୍ଡେ ଅଣ୍ଡ୍‌ ତାନ୍ ଗୌରବ୍ ତଅତାନ୍ ସେଙ୍ଗେ ମାନାଙ୍କ୍‍ ଗାଟି ଅନୁଗ୍ରହ ତଡ଼୍ ମୁନେନ୍ ଏଞ୍ଚିମାତ୍‍ତଣ୍ଡ୍ ।

୧ କରନ୍ତିୟ 8:6

ମାନାକିନ୍ ଅଣ୍ଡୟ୍‌‌ ଇଶ୍ୱର୍, ଇତ୍‌କେ ବେନ୍‍ ବାବାନାଗାଙ୍କ୍‌ ସାର୍‍ରେ ବିଷୟ୍ ତିୟାର୍ ଆତ୍‌ତା, ମେଣ୍ଡେ ମାନାଲ୍‌ ଅନ୍ ମାଇଦିଙ୍କ୍‌ ମିନ୍ଦେଲ୍‌, ମେଣ୍ଡେ ଅଣ୍ଡୟ୍‌‌ ପ୍ରବୁ, ଇତ୍‌କେ ଜିସୁ କ୍ରିଷ୍ଟ, ଅନାଗ୍‍କଞ୍ଚ୍ ସାର୍‍ରେ ବିଷୟ୍ ତିୟାର୍ ଆତ୍‌ତା, ମେଣ୍ଡେ ଅନାଗ୍‍କଞ୍ଚ୍ ମାନାଲ୍‌ ତିୟାର୍ ଆତ୍‌ତାଡ଼୍‍ ।

୧ କରନ୍ତିୟ 9:23

ନାନ୍ ସୁସମାଚାର୍ ପ୍ରଚାର୍ ମାଡ଼ି, ଇଦିନାଗାଙ୍କ୍ ଆର୍ଶିବାଦ୍ ପାଏମ୍ ଆଦ୍‍ଦାନ୍ ଅଂଶି ଆଦାନ୍‍ ସେଙ୍ଗେ ଇୱୁ ସାର୍‍ରେ ମାଡ଼ିତାନ୍ ।

୨ କରନ୍ତିୟ 11:14

ଇଗେ ବାକ୍‍ୱା ଆଦାନାଦ୍ ବାତେଏ ଆୟ୍‍ୟ, ବାତେଙ୍କ୍ ଇତ୍‍କେ ଶୟ୍‍ତାନ୍‍ ମିକା ୱେସ୍‍ତେ ଜତିର୍ମୟ ସ୍ୱର୍ଗଦୂତନ୍ ଲେକାମ୍ ତନ୍ଦାନ୍ ସେଙ୍ଗେ ସଦ୍ମବେଶ ଲେକାମ୍ ୱାଦ୍‍ତା ।

୨ କରନ୍ତିୟ 5:5

ଇଶ୍ୱର୍‌ ମାକିଂଙ୍କ୍ ଇଦ୍ ପରିବର୍ତ୍ତନ୍ ସେଙ୍ଗେ ତିଆର୍ ମାଡ଼୍‍ତଣ୍ଡ୍ । ମେଣ୍ଡେ ଇଦିନ୍ ସାରେ ଲେକାମ୍ ତାନ୍ ପବିତ୍ର ଆତ୍ମାତିଙ୍କ୍ ଅଣ୍ଡ୍‌ ମାନ୍‍ ଦାନ ମାଡ଼୍‍ତଣ୍ଡ୍ ।

ଏଫିସିୟ 1:11

ସାରେ ବିଷୟ ଇଶ୍ୱର୍‌ତେ ଯୋଜନା ନୁ ନିଷ୍ପତ୍ତି ଲେକାମ୍ ତିଆର୍ ଆଦ୍‍ତେ; ମୁନେକଞ୍ଜ୍ ତିଆର୍ ନିଜେତ୍ ଉଦ୍ଦେଶ୍ୟତେ ସାଦନ୍‍ ସେଙ୍ଗେ, କ୍ରିଷ୍ଟନ୍ ତଡ଼୍ ଅନାଦ୍‌ ନିଜେତ୍ ନାରୁଡ଼୍ ଆଦାନ୍ ସେଙ୍ଗେ ଇଶ୍ୱର୍ ମାନାଙ୍କ୍‍ ହେଞ୍ଚିମିନ୍ଦେନ୍ ।

ଏଫିସିୟ 1:18

ନାନ୍‍ନେ ଦନ୍ୟବାଦ୍ ମାଡ଼ିତାନ୍, ବେଲାନ୍ ଅନାଦ୍‌ ୱେସ୍ ଉଡ଼ାନ୍ ସେଙ୍ଗେ ମିୟାଦ୍‍ ଲୋପେତ୍‍ ଇଚ୍ଛା ଦାନ୍ଦେ ଆଦ୍‍ତେ । ଆଦିଙ୍କ୍‍ ବେନ୍ ଆଶେତ୍ ମାୟ୍‍ଦିଙ୍କ୍‍ ମିଡ଼୍ ଅନ୍‌‍ ତଡ଼୍ କାର୍‍ଙ୍ଗିଆସ୍‍ ୱାତ୍‍ତିଡ଼୍ ।

ଏଫିସିୟ 2:18

କ୍ରିଷ୍ଟନ୍ ତଡ଼୍ କେ ଇହୁଦି ନୁ ଅଣଇହୁଦିଡ଼୍ ସାରେତଡ଼୍ ଅଣ୍ଡୟ୍‌ ଆତ୍ମାତେ ବାବାନ୍ ମୁନେ ୱାଦାନ୍ ସେଙ୍ଗେ ସାହାସ୍‍ ଆତ୍‍ତମ୍ ।

ଏଫିସିୟ 3:6

ଆଦ୍ ନିଗୂଡ଼ ତତ୍ତ୍ୱ ଆଦୁତ୍‍ତେ, ସୁସମାଚାର୍‍ତେ ସେଙ୍ଗେ ଯିହୁଦିଡ଼୍ ତଡ଼୍ ଅଣଯିହୁଦୀଡ଼୍ ଆନ୍‌‍ତେ ଇଶ୍ୱର୍‌ତେ ଆର୍ଶିବାଦ୍‍ ପାଏମ୍‍ଆସ୍‍ମିନ୍ଦେଡ଼୍ । ଅଡ଼୍‌ ଆଦ୍ ୱେରଡ଼୍ ମେନ୍ଦୁଲ୍‍ତେ କାଇକ୍‌ ଡ଼େକା ନୁ ଜିସୁ କ୍ରିଷ୍ଟନ୍ ସାହାଯ୍ୟତେ ଇଶ୍ୱର୍ ଇସ୍‍ମାନ୍ଦାନ୍ ପ୍ରତିଜ୍ଞାତେ ପାଏମ୍‍ଆସ୍‍ମାନ୍ଦାନଡ଼୍ ।

ଏଫିସିୟ 4:6

ସାରେତଡ଼୍ ନାରୁନ୍ ଜାତିତ୍‍ ଇଶ୍ୱର୍ ନୁ ବାବାଲ୍ ୱେରଣ୍ଡେ; ଅଣ୍ଡ୍‌ ସାର୍ରେତଡ଼୍‍ତେ ପ୍ରବୁ, ସାର୍ରେତଡ଼୍ ଲପେ ନୁ ସାର୍ରେତଡ଼୍ ଜିୱୁଣ୍ଡ୍‍ତାଗ୍ ମାନ୍‍ତଣ୍ଡ୍ ।

ଏଫିସିୟ 5:11

ନାରୁଡ଼୍ ଇକାଡ଼୍‌ତାଗେ ବେନ୍ ସାର୍‍ରେ କାରାପ୍ ପାଡ଼୍‍ୟି ମାଡ଼ୁତଡ଼୍, ଅଡ଼୍‌‍ସାଙ୍ଗ୍‍ ତଡ଼୍‍ ଆୟ୍‍ମାଟ୍‍ । ଅଡ଼୍‌ ପାଡ଼୍‍ୟି ସାର୍‍ରେ ପେସ୍‍ପି ତଅସିମୁଟ୍ ।

ଏଫିସିୟ 5:20

ସାର୍ରେୱେଲେ ସାର୍‍ରେ ବିଷୟ୍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍‍ତେ ନୁ ବାବାଲ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।

ଏଫିସିୟ 5:4

ମିୟାଗ୍‍ କାରାପ୍ ଗଟି, କାରାପ୍ ୱେଷଡ଼୍ ନୁ ମିଚ୍ ଗଟି କେତାନାଦ୍ ଟିକ୍ ଆୟ୍‍ୟ । ବାତେଙ୍କ୍‍ଇତ୍‍କେ ମିଡ଼୍‍ ଗଟି ତିର୍‍ୟାନାଗ୍‍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇସମାନୁଟ୍‍ ।

ଏଫିସିୟ 5:8

ମିଡ଼୍ ନିଜେ ଅନ୍‌‍ଦିନେ ଇକାଡ଼୍‌ତାଗ୍ ମାତ୍‍ତିଡ଼୍, ଇତ୍‍କେ ମିଡ଼୍ ଇଞ୍ଜେ ପ୍ରବୁନ୍ ନାରୁଡ଼୍ ଆସ୍‍ମାନାଙ୍କ୍ ମିଡ଼୍ ୱେସ୍‍ତାଗ୍ ମିନ୍ଦେଡ଼ି । ଆଦିଙ୍କ୍ ମିଡ଼୍ ୱେସ୍‍ତେ ପିଲାନ୍ ଲେକାମ୍ ବ୍ୟବହାର୍‌ ମାଡ଼ାଟ୍ ।

କଲସୀୟ 2:2

ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ ।

କଲସୀୟ 3:15

କ୍ରିଷ୍ଟ ଇତ୍‍ତେ ଶାନ୍ତି ମିୟାଦ୍ ଆଲ୍‍ସାନାଦିଙ୍କ୍ ଚାଲା ମାଡ଼ି; ବାତେଙ୍କ୍ଇତ୍କେ ଇଦ୍ ଶାନ୍ତି ସେଙ୍ଗେ ଇଶ୍ୱର୍‍ ମିକିଙ୍କ୍ ଅଣ୍ଡୟ୍‌‍ତାଗ୍ ଅଣ୍ଡୟ୍‌ ମେନ୍ଦୁଲ୍ ଆଦାନ୍ ସେଙ୍ଗେ କାର୍‍ଙ୍ଗିମିନ୍ଦେନ୍ । ସାରେଦାମ୍ ଦୟା ଆୟ୍‍ମୁଟ୍ ।

କଲସୀୟ 3:17

ମିଡ଼୍ ବାକ୍ୟ ବା କାମ୍‍ତାଗ୍ ବାତେ ବା ମାଡ଼୍‍ତିଡ଼୍, ଆଦ୍ ସାରେ ପ୍ରବୁ ଜିସୁନ୍ ପେଦେର୍‍ତେ ମାଡ଼ି ବାବାଲ୍‍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।

ତୀତସ୍‌ 2:14

ଆଦ୍ କ୍ରିଷ୍ଟ ଜିସୁ ମାନାଡ଼୍ ସାର୍ରେତଡ଼୍‍କିଂଙ୍କ୍ ଆଦାର୍ମିକନ୍‌ସ ମୁକ୍ତି ମାଡ଼ାନଙ୍କ୍ ନୁ ନିଜେତ୍ ନିଜେତ୍ ସାୟେତ୍ ପାଡ଼୍‍ୟିତାଗ୍ ସାର୍‍ଦେ ମାଡ଼ି ନିଜେତ୍ ନାରୁଡ଼୍ ଲେକାମ୍ ସାୟେ ମାଡ଼ାନ୍ ସେଙ୍ଗେ ନିଜେତ୍ ଜିୱୁଣ୍ଡ୍ ଇତ୍‍ତନ୍ ।

ଏବ୍ରୀ 12:23

ଇଶ୍ୱର୍‌ତାଦ୍ ମୁନେନ୍ ପୁଟ୍‍ତେ ପିଲାନ୍ ପେଦେର୍ ସ୍ୱର୍ଗତାଗ୍ ଲେକାଆତ୍‍ତେ, ମିଡ଼୍ ଅଡ଼୍‌‍ୱାଦ୍ ୱେଡ଼୍‍କେ ମାଡ଼ାନାଗ୍ ୱାତ୍‍ତିଡ଼୍ । ସାର୍ରେ ମାନେୟ୍‍ ଜାତିତ୍ ବିଚାର୍ ଇଶ୍ୱର୍‌ତେ ଗାର୍ରେ ନୁ ସାୟେ ଦାର୍ମାମ୍‌ ନାରୁଡ଼ାଦ୍ ଆତ୍ମାକିନ୍ ଗାର୍ରେ ମିଡ଼୍ ୱାତ୍‍ତିଡ଼୍ ।

ଏବ୍ରୀ 3:1

କ୍ରିଷ୍ଟ ବିଶ୍ୱାସି ଏଲାଡ଼୍‍ତାମୁଣ୍ଡ୍‍, ମିକିଂଙ୍କ୍‍ ଗାଲା ଇଶ୍ୱର କାର୍‍ଙ୍ଗ୍‍ତଣ୍ଡ୍, ମିଡ଼୍‍ ଜିସୁନ୍‌ ବିଷୟ୍‌ତେ ଆଲ୍‌ସାଟ୍ ! ଅଙ୍କ୍‌ ମାନ୍‍ ବିଶ୍ୱାସିଡ଼୍‍ ବାଡ଼ିୟା ପୁଜାରି ଆଦାନଙ୍କ୍‌ ଇଶ୍ୱର ପ୍ରେରିତ ମାଡ଼ିମିନ୍ଦେଣ୍ଡ୍‌ ।

ଏବ୍ରୀ 3:14

ଯଦି ମାନାଡ଼୍‍ ମାଡେଙ୍ଗ୍‌ ଆୟ୍‌ନା ସାୟେ ବିଶ୍ୱାସ୍‌ତେ ମାନ୍‌ତାଡ଼୍‍, ଆଲାଇତ୍‌କେ ମାନାଡ଼୍‍ ସାର୍ରେତଡ଼୍‍ କ୍ରିଷ୍ଟନ୍‌ତଡ଼୍‍ ଆଂଶିଦାର୍‍ ଆଦେ ପାର୍‍ଦ୍‍ତାଡ଼୍‍ ।

ଯାକୁବ 3:9

ମାନାଡ଼୍ ୱାଞ୍ଜେର୍‍ ତଡ଼୍ ପ୍ରବୁ ନୁ ବାବାଙ୍କ୍ ଦନ୍ୟବାଦ୍ ମାଡ଼ିତାଡ଼୍, ମେଣ୍ଡେ ଇଶ୍ୱର୍ ଲେକାମ୍ ତିୟାର୍ ଆତ୍‍ତେ ନାରୁଡ଼୍‍କିଂଙ୍କ୍ ଅବିଶାପ୍‌ ଇଦ୍‍ତାଡ଼୍;

୧ ପିତର୍‍ 5:1

ନାନେ ୱେରନ୍‍ ବୟସ୍ତେ ନାରୁଣ୍ଡ୍‍ ଇସାବ୍‍ତେ ମିୟାଦ୍ ମଣ୍ଡଲିତେ ବାଡ଼୍‍ୟେ ନେତାଲଡ଼୍‍କ୍ ବିନତି ମାଡ଼ି କେତୁତାନ୍ । କ୍ରିଷ୍ଟନ୍ ଦୁଃକାମ୍ କଷ୍ଟତାଗ୍‍ ନାନେ ୱେରନ୍ ସାକ୍ଷି ନୁ ଅନାଦ୍‌ ଗୌରବ୍ ପ୍ରକାଶ୍ ଆଦାନ୍ ସମୟତେ ନାନେ ଆଗେ ପାଲ୍‍କ୍‍ ଆଦ୍‍ତାନ୍ ।

୧ ଯୋହନ୍‌‌ 1:3

ବାତେ ମାନାଡ଼୍ ନିଜାମ୍‍ତେ ଉଡ଼ୁତାଡ଼୍ ନୁ କେଞ୍ଜୁତାଡ଼୍, ମାତର୍ ଆଦ୍ ଗଟ୍ ମିଇ ଗାରେ କେତୁତମ୍ । ଇଦ୍ କେଞ୍ଜି ବାବାଲ୍ ଇଶ୍ୱର୍ ନୁ ତାନ୍ ମାର୍‍ ଜିସୁ କ୍ରିଷ୍ଟନ୍ ତଡ଼୍ ମାମେ ବେନ୍ ସାରେ ବିଷୟ ମିନ୍ଦେ, ଆଗେ ମିଡ଼୍ ବାଗିଦାର୍‍ ଆଦ୍‍ତିଡ଼୍ ।

ପ୍ରକାଶିତ୍‌ ବାକ୍ୟ 21:23

ନାର୍‍ଦିଙ୍କ୍ ୱେସ୍ ମାଡ଼ାନଙ୍କ୍ ପଡ଼୍‍ଦ୍‍ ବା ନେଲ୍‍ଞ୍ଜ୍‍ ଇଲ୍‍ଲେ, ବାତେଙ୍କ୍ଇତ୍କେ ଇଶ୍ୱରତେ ଗୌରବ୍‍ତେ ୱେସ୍‍ ଆଦ୍‍ତେ ମେଣ୍ଡେ ମେଣ୍ଢାମେୟ୍‍ତାନଣ୍ଡ୍ ଆଦୁତଣ୍ଡ୍‍ ଆଦ୍ ନାର୍‍ଦେ କୁପି ।

ପ୍ରକାଶିତ୍‌ ବାକ୍ୟ 22:14

ବେନଡ଼୍ ନିଜେ ନିଜେତ୍‍ ଚକା ନର୍‍ସ୍ ୱେଡ଼୍‍ସ୍ପିତନ୍, ଅଡ଼୍‌‍ ବାଗ୍ୟବାନ୍ । ଜିୱେ ମାଡ଼େତ୍ କାୟା ତିନ୍ଦାନଙ୍କ୍ ନୁ ଦ୍ୱାର୍ ଇସ୍‍ ନାର୍‍ଦାଗ୍ ମିକା ଆଦାନଙ୍କ୍ ଅଡ଼ାଦ୍‌ ଅଦିକାର୍‌ ମିନ୍ଦେ ।

ପ୍ରକାଶିତ୍‌ ବାକ୍ୟ 22:5

ଆଗେ ମେଣ୍ଡେ ନାର୍କା ଆୟ ନୁ କୁପିୱେସ୍ ବା ପଡଦ୍‍ତେ ଏଦ୍ ଅଡ଼୍‌‍କିଂଙ୍କ୍ ମେଣ୍ଡେ ତାର୍‍ୱ, ବାତ୍‍ତେଙ୍କ୍ଇତ୍କେ ପ୍ରବୁ ଇଶ୍ୱର୍ ଅଡ଼୍‌‍ୱାଦ୍‌ ନାରୁଡ଼୍ ଆଦ୍‍ତଡ଼୍ ନୁ ଅଡ଼୍‌ ସାରେଦିନ୍‍ ରାଜାଲ୍‍ ଲେକେମ୍‍ ରାଜତ୍ୱ ମାଡ଼ିତଡ଼୍ ।