ପ୍ରେରିତ 5:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ମେଣ୍ଡେ ନାର୍‍ଗେ ମାନେୟ୍‍ ନୁ ନାଟା ବିଶ୍ୱାସ୍ ମାଡ଼ି ପ୍ରବୁନ୍ ତଡ଼୍ କାଇଲାନ୍‍ ମାଇଦିଙ୍କ୍ ମାନ୍ଦେତାଗ୍ ୱାତ୍‍ତଡ଼୍ ।

ପ୍ରେରିତ 5:14 ပူးပေါင်းရင်းမြစ်များ

ପ୍ରେରିତ 11:24

ବର୍ଣ୍ଣବା ପବିତ୍ର ଆତ୍ମା ନୁ ବିଶ୍ୱାସ୍‍ତାଗ୍‍ ୱେରଣ୍ଡ୍‍ ସାୟେକାମ୍‍ଦେ ନାରୁଣ୍ଡ୍‍ ମାତ୍‍ତଣ୍ଡ୍ । ଅନାଦ୍‌ ପ୍ରଚାର୍ ତଡ଼୍ ନାର୍‍ଗେ ନାରୁଡ଼୍ ପ୍ରବୁନ୍ ଗାର୍‍ରେ ୱାତ୍‍ତଡ଼୍ ।

ପ୍ରେରିତ 2:41

ଅଡ଼୍‌ ଲୋପେଙ୍କ୍ ନାର୍‍ଗେ ନାରୁଡ଼୍ ଅନ୍‌ ଗଟ୍‍ତେ ବିଶ୍ୱାସ୍ ମାଡ଼ି ଏର୍‍ଦିକ୍ଷା ହତ୍‍ତଡ଼୍ । ଆଦ୍‍ନାଣ୍ଡ୍ ମାତର୍ ମୁଣ୍ଡ୍ ହଜାର୍‌ ନାରୁଡ଼୍ ଶିଷ୍ୟଡ଼୍ ଦଲ୍‍ତାଗ୍ କାୟ୍‍ଲ୍‍ତଡ଼୍ ।

ପ୍ରେରିତ 2:47

ଅନୁଗ୍ରହ ପାଏମ୍‍ଆତ୍‍ତେ ନାରୁଡ଼୍‍ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ି ଲକ୍ ଲକ୍ ରୂଟି ଉହୁସ୍ ତିଞ୍ଜମାତ୍‍ତଡ଼୍ । ଅଡ଼୍‌ ସାରେତଡ଼୍ ବିଶ୍ୱାସୀ ଆଦ୍‍ତଡ଼୍ ନୁ ନିତ୍‍ଦିନ୍ ପରିତ୍ରାଣ୍ ପାଏମ୍‍ଆତ୍‍ତେ ନାରୁଡ଼୍‍କିଂଙ୍କ୍ ପ୍ରବୁ ଅଡ଼ାଦ୍‌ ଦଲ୍‍ତାଗ୍ କାଲ୍‍ପ୍‍ତଣ୍ଡ୍ ।

ପ୍ରେରିତ 22:4

ନାନ୍ ପ୍ରବୁନ୍‍ ଆର୍‍ ପଇସ୍‌ ଆଞ୍ଜମାନ୍ଦା ନାରୁଡ଼୍‍କିଂଙ୍କ୍ ଅତ୍ୟାଚାର୍ ମାଡ଼ି ଅଡ଼୍‌‍କିଂଙ୍କ୍ ଜିୱୁଣ୍ଡ୍‍ତେ ରେହେସ ମାତ୍‍ତାନ୍ । ନାଟାଙ୍କ୍ ମାନେୟ୍‍କ୍ ସାରେତଡ଼୍‌କିଂଙ୍କ୍ ବନ୍ଦି ମାଡ଼ି ଜଇଲ୍‍ତାଗ୍ ୱାଟ ମାତ୍‍ତାନ୍ ।

ପ୍ରେରିତ 4:4

ଇତ୍‍କେ ଅଡ଼୍‌‍ୱାଦ୍‍ ଶିକ୍ଷା କେଞ୍ଜିମାନ୍ଦାନ୍‍ ନାର୍‍ଗେ ନାରୁଡ଼୍ ବିଶ୍ୱାସ୍ ମାଡ଼୍‍ତଡ଼୍ ନୁ ଅଡ଼୍‌‍ୱାଦ୍‍ ସଂକ୍ୟା ନାର୍ଗେ ଅସ୍‍ ମାତ୍ରମ୍‍ ପାଞ୍ଚ୍‍ ହଜାର୍‌ ଆତ୍‍ତେ ।

ପ୍ରେରିତ 6:7

ଇଦ୍ ରକମ୍ ଇଶ୍ୱର୍‌ତେ ବାକ୍ୟ ପ୍ରଚାର୍ ଆତ୍‍ତେ । ଯିରୁଶାଲେମ୍‍ତାଗ୍‍ ଶିଷ୍ୟଡ଼ାଦ୍‍ ସଂକ୍ୟା ଅଦିକ୍‌‌ ଆତ୍‍ତେ; ନାର୍‍ଗେ ଜାଜକୀଡ଼୍‍ ମିକା କ୍ରିଷ୍ଟଙ୍କ୍‍ ବିଶ୍ୱାସ୍‍ ଆତ୍‍ତଡ଼୍ ।

ପ୍ରେରିତ 8:12

ବାତେଙ୍କ୍ ଇତ୍‍କେ ଫିଲିପ୍‍ପ ପେଦେର୍‍ ଇଶ୍ୱର୍‌ତେ ରାଜ୍ୟ ନୁ ଜିସୁ କ୍ରିଷ୍ଟନ୍ ବିଷୟ୍‍ତେ ସୁସମାଚାର୍‍ କେଞ୍ଜି, ଅନ୍‌ ସେଙ୍ଗେ ନାରୁଡ଼ାଦ୍ ବିଶ୍ୱାସ୍ ଜନମ୍ ଆତ୍‍ତେ ନୁ ଆଦ୍ ଜାଗେତ୍‍ ସାରେ ନାଟା ନୁ ମାନେୟ୍‍ ଏର୍‍ଦିକ୍ୟା ଗ୍ରହନ୍ ମାଡ଼୍‍ତଡ଼୍ ।

ପ୍ରେରିତ 8:3

ବାତେଙ୍କ୍ ଇତ୍କେ ଶାଉଲ୍‍ ମଣ୍ଡଲିତିଙ୍କ୍ ଦଂସ ମାଡ଼ାନଙ୍କ୍ ଆଲ୍‍ସି ମାଡ଼୍‍ତଣ୍ଡ୍, ଲକ୍ ଲକ୍ ଆଞ୍ଜ୍ କ୍ରିଷ୍ଟ ବିଶ୍ୱାସୀ ମାନେୟ୍‍ ନାଟାଙ୍କ୍ ସାରେତଡ଼୍‌କିଂଙ୍କ୍ ଲାଗିତାସ୍ ଜଇଲ୍‍ତାଗ୍ ତୁର୍‍ତଡ଼୍ ।

ପ୍ରେରିତ 9:2

ଦାମାସ୍‍କସ୍‍ତେ ଉପାସନା ଲଅକିନାଗ୍ ପ୍ରବୁନ୍‍ ଆର୍‍ଦିଙ୍କ୍ ୱାସମାନ୍ଦାନ୍‌ ନାରୁଡ଼୍‌ ବନ୍ଦିମାଡ଼ି ଯିରୁଶାଲେମ୍‍ତାଗ୍ ତାତାନ୍ ମାଇଦିଙ୍କ୍ ବେଡ଼ିୟି ଯାଜକ୍‍କନ୍ସ୍ ଆନୁମତି ଚିଟି ତାଲ୍‍କ୍‍ତଣ୍ଡ୍ ।

ପ୍ରେରିତ 9:31

ଯିହୁଦା, ଗାଲିଲୀ ନୁ ଶମିରୋତାଗ୍ ମାନ୍ଦାନ୍ କ୍ରିଷ୍ଟୀୟ ମଣ୍ଡଲି ଆଦ୍ ସମୟ୍‍ତେ ଶାନ୍ତି ମାତ୍‍ତେ ନୁ ପବିତ୍ର ଆତ୍ମାତ୍‍ ସାର୍‍ଦେତଡ଼୍ ଅଡ଼ାଦ୍‌ ନାରୁଡ଼୍ ସଂଖ୍ୟା ନାର୍ଗେ ଆତ୍‍ତେ ନୁ ଅଡ଼୍‌ ଶକ୍ତିନଡ଼୍ ଆତ୍‍ତଡ଼୍ । କ୍ରିଷ୍ଟ ବିଶ୍ୱାସୀଡ଼୍ ପ୍ରବୁଙ୍କ୍ ୱେର୍‍ସ୍ ମିକା ବାଦ୍‍କ୍‍ତଡ଼୍ ।

ପ୍ରେରିତ 9:35

ଇଦ୍‍ ଉଡ଼ି ଲୁଦା ନୁ ଶମିରୋଣତାଗ୍ ବାସେ ମାଡ଼ାନ୍ ନାରୁଡ଼୍ ସାରେତଡ଼୍ ପ୍ରବୁନାକ୍ ମନ୍ ମାଲ୍‍ପ୍‍ତଡ଼୍ ।

ପ୍ରେରିତ 9:42

ଇଦ୍ ଗଟ୍ ଯୋପାତେ ସାରେ ପାକ୍ ପୁତ୍‍ତଡ଼୍ ନୁ ନାର୍‍ଗେ ନାରୁଡ଼୍ ପ୍ରବୁଙ୍କ୍ ବିଶ୍ୱାସ୍ ମାଡ଼୍‍ତଡ଼୍ ।

୨ କରନ୍ତିୟ 6:15

କ୍ରିଷ୍ଟ ନୁ ଶୟ୍‍ତାନ୍‍ ବେଲା ୱେରଡ଼୍ ମାନ୍‍ ଆଦ୍‍ତେ ? ବିଶ୍ୱାସୀ ତଡ଼୍ ଅବିଶ୍ୱାସି ବେନ୍ ବିଷୟ୍‍ତେ ୱେରଡ଼୍ ମନ୍ ଆଦ୍‍ଦେ ପାର୍‍ତଡ଼୍ ?

ଗାଲାତୀୟ 3:28

ଆଦିଙ୍କ୍ ଯିହୁଦି ନୁ ଅଣଇହୁଦି, କ୍ରିତଦାସ ନୁ ସ୍ୱାଦିନ୍ ନାରୁଡ଼୍, ମାନେୟ୍ ଆୟି କି ନାଟାଡ଼୍ ଆୟି ତାମ୍ ଲୋପେ ବାତେ ୱେରେ ଇଲ୍‍ଲେ । ମିଡ଼୍ ସାରେତଡ଼ି ଜିସୁ କ୍ରିଷ୍ଟଟନ୍ ତଡ଼୍ କାୟ୍‍ଲି ଅଣ୍ଡୟ୍‌ ଆତ୍‍ତିଡ଼୍ ।