ପ୍ରେରିତ 26:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² “ରାଜା ଆଗ୍ରୀପା ! ଇହୁଦୀଡ଼୍ ନାକିଂଙ୍କ୍ ବେନ୍ ବିଷୟ୍‍ତେ ଅବିଯୋଗ୍ ମାଡ଼୍‍ତଡ଼୍, ଆଦିନ୍ ବିରୁଦ୍ଦ୍‍ତେ ନି ମୁନ୍‍ନେ ନାନ୍ ଆତ୍ମସମର୍ତନ୍ ମାଡ଼ାନଙ୍କ୍ ସୁଯୋଗ୍ ଦର୍‍କ୍‍ତାଙ୍କ୍ ଅଣ୍ଡ୍‌ ନିଜେତିଙ୍କ୍ ଲେକେତ୍‍ ଇଞ୍ଜ ହେର୍କା ମାଡ଼ୁତଣ୍ଡ୍‌,”

ପ୍ରେରିତ 26:2 ပူးပေါင်းရင်းမြစ်များ

ମାତିଉ 10:19

ମିକିଂଙ୍କ୍ ବିଚାର୍ ମାଡ଼ାନ୍ ୱେଲେ ବାତ୍ କେତିତିଡ଼୍ ନୁ ବେଲାକେତିତିଡ଼୍, ହିଦ୍ ବିଷୟ୍‍ତେ‍ ଚିନ୍ତେ ମାଡ଼୍‍ମାଟ୍ । ଟିକ୍ ସମୟ୍‍ତେ ଆଦ୍ ମିକିଂଙ୍କ୍ କେସ୍‍ସିଦ୍‌ତଡ଼୍‌ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:11

“ଅଡ଼୍‌‍ ବେସୁଙ୍କ୍‍ ମିକିଂଙ୍କ୍ ସମାଜ୍‍ଲନ୍, ରାଜ୍ୟପାଳ, ବିଚାର୍ ମାଡ଼ାନଣ୍ଡ୍ ମୁନ୍‍ନେ ବିଚାର୍ ମାଡ଼ାଙ୍କ୍ ଆଦ୍‍ତଡ଼୍, ଆସୁଙ୍କ୍ ମିଡ଼୍ ବେଲା ଉତ୍ତର୍ ହିଦ୍‍ତିଡ଼୍ ମେଣ୍ଡ୍ ବାତ୍ କେତିତିଡ଼୍ ଆଦ୍ ବିଷୟତେ ସୁଦୁର୍ ମେଣ୍ଡେ ଚିନ୍ତା ମାଡ଼୍‍ମାଟ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 21:12

ବାତେଙ୍କ୍ ଇତ୍କେ ଇଦ୍ ସାରେ ବିଷୟ ଗଟେମ୍ ଆଦାନ୍ ମୁନେଙ୍କ୍ ମିକିଂଙ୍କ୍ ବନ୍ଦୀ ମାଡ଼ିତଡ଼୍ । ସମାଜ୍ ଲୋନ୍‌‍ତାଗ୍ ବିଚାରିତ ଆଦାନ୍ ସେଙ୍ଗେ ମିକିଂଙ୍କ୍ ପୟ୍‍ସ୍‍ ବନ୍ଦି ମାଡ଼ିତଡ଼୍ ନୁ ଜଇଲ୍‌ତାଗ୍‍ ନେହେତିତଡ଼୍ ।

ପ୍ରେରିତ 25:26

ଇତ୍‍କେ ପ୍ରବୁନ୍‍ ବିଷୟ୍‍ତେ ସାୟେ ଲେକାନ୍ ସେଙ୍ଗେ ନାୟାଗ୍ ବାତ୍ ହିଲ୍‍ଲେ । ଆଦିଙ୍କ୍ ଅଂକିଙ୍କ୍‌ ମିଇ ମୁନ୍‍ନେ ନୁ ଇ ରାଜାଲ୍ ଆଗ୍ରୀପା, ମିଇ ମୁନ୍‍ନେ ତାତ୍‍ତଣ୍ଡ୍, ବେଦ୍‍ପୁଟୁଙ୍କ୍ କି ଅନ୍‌ ବିଷୟ୍ ସାୟେ ମାଡ଼ି ପାଚ୍ରାମାଡ଼୍‍ତେ ପେର୍‍କେ ନାନ୍ ବାତ୍‍ଆୟି ଲେକ୍‌ ପାର୍‍ଦ୍‍ତାନ୍ ।

ପ୍ରେରିତ 26:1

ଆଗ୍ରୀପା ପାଉଲ୍‍ତିଙ୍କ୍ କେତ୍‍ତଣ୍ଡ୍, “ନିକିଂଙ୍କ୍ ନି ବିଷୟ୍‍ତେ ବାତ୍ କେତାନଙ୍କ୍ ଆଦେଶ୍‍ ହିତ୍‍ତଡ଼୍ ପାଉଲ୍ କାୟ୍ ହାଆସ୍ ନିଜେ ସମର୍ତନ୍ ମାଡ଼ି କେତ୍‍ତଣ୍ଡ୍ ।”

ପ୍ରେରିତ 26:19

“ହଁ ରାଜା ଆଗ୍ରୀପା, ନାନ୍ ସ୍ୱର୍ଗତାଗାଙ୍କ୍ ବେନ୍ ଦର୍ଶନ୍ ଉଡ଼୍‍ତାନ୍, ଆଦିଙ୍କ୍ ଅପ୍‍ମାନ୍ ମାଡ଼ନ୍ ।

ପ୍ରେରିତ 26:26

ରାଜା ଆଗ୍ରୀପା ! ନିମ୍‍ ଇୱୁସାରେ ବିଷୟ୍ ପୁତ୍‍ତାଙ୍କ୍ ନାନ୍ ନି ମୁନ୍‍ନେ ଇଦ୍ ଗଟ୍ କେତାନଙ୍କ୍ ସାହାସ୍ ମାଡ଼ୁତାନ୍ ! ନାନ୍ ନିଜାମ୍ ପୁତ୍‍ତାନ୍ ଯେ, ଇୱୁସାରେ ବିଷୟ୍ ନିକିଂଙ୍କ୍ ତଅନ୍‌ଦ, ବାତେଙ୍କ୍ଇତ୍‍କେ ପୁନ୍‍ୱାଦ୍ ପଡ଼୍‍ୟେତାଗ୍ ମିଞ୍ଜୀ ଇଦ୍ ବିଷୟ୍ ଗଟେମ୍ ଆୟ୍‍ୟ ।

ପ୍ରେରିତ 26:3

ବାତେଙ୍କ୍ଇତ୍‍କେ ଇହୁଦୀଡ଼୍ ରୀତିନୀତି ନୁ ମତାମତ ବିଷୟ୍ ନିମ୍‍ ସାୟେ ପୁତ୍‍ତିନ୍ । ଅନୁରଦ୍‌‍ ମାଡ଼ୁତାନ୍, ନିମ୍‍ ଗାଡ଼୍‍ସ୍ ଆସ୍ ନା ଗଟି କେଞ୍ଜେ ।

ପ୍ରେରିତ 26:7

ମାନ୍‍ ନାରୁଡ଼୍‍ତେ ବାର ଗୋଷ୍ଠୀତଡ଼୍ ନାର୍‍କେ ପାୟାଲ୍ ପ୍ରବୁଙ୍କ୍ ଉପାସନା ମାଡ଼ି ଆଦ୍ ଅଣ୍ଡୟ୍‌ ବିଷୟ୍ ପାଏମ୍ ଆଦାନ୍ ସେଙ୍ଗେ ଆଶେ ମାଡ଼ିତଡ଼୍ । ହୋ ରାଜା, ନାୟାଦ୍ ଆଦ୍ ଆଶେ ମାଇଦିଙ୍କ୍ ଇହୁଦୀଡ଼୍ ନାକିଂଙ୍କ୍ ଦଷି ମାଡ଼ୁତଡ଼୍ ।