ପ୍ରେରିତ 26:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ହଁ ରାଜା ଆଗ୍ରିପା, ହଟାତ୍ ଅନ୍‌‍ଦିନେ ପାୟାଲ୍‍ତେ ୱେଲେ ମେନ୍ ରଟିନ୍ ପର୍‍ର ନାନ୍ ପଡ଼୍‍ଦ୍ ୱେସ୍‍ତାଗାଙ୍କ୍ ମେଣ୍ଡେ ଅଦିକ୍‌ ଅଣ୍ଡୟ୍‌ ୱେସ୍ ଉଡ଼୍‍ତାନ୍, ସ୍ୱର୍ଗତାଗାଙ୍କ୍ ଆଦ୍ ୱେସ୍ ୱାସ୍ ନାକିଂଙ୍କ୍ ନୁ ନା ତଡ଼୍ ମାନ୍ଦାନଡ଼୍‍ତେ ତିଡ଼୍‍ୟିପାକ୍ ନିତ୍‍ତେ ।

ପ୍ରେରିତ 26:13 ပူးပေါင်းရင်းမြစ်များ

ମାତିଉ 17:2

ଶିଷ୍ୟଡ଼୍ ଉଡ଼୍‍ନା ଜିସୁନ୍ ମୁନେତ୍ ଲେକାମ୍ ମିଡ଼୍‍ନ୍‍ତଣ୍ଡ୍ । ଅନ୍‌ ମକମ୍ ପଡ଼ଦ୍ ଲେକାମ୍ ୱେସ୍ ଆତ୍‍ତେ ନୁ ଅନ୍‌ ଚକା ୱେସ୍‍ଇନା ସାୟେ ତନ୍ତତେ ।

ପ୍ରକାଶିତ୍‌ ବାକ୍ୟ 21:23

ନାର୍‍ଦିଙ୍କ୍ ୱେସ୍ ମାଡ଼ାନଙ୍କ୍ ପଡ଼୍‍ଦ୍‍ ବା ନେଲ୍‍ଞ୍ଜ୍‍ ଇଲ୍‍ଲେ, ବାତେଙ୍କ୍ଇତ୍କେ ଇଶ୍ୱରତେ ଗୌରବ୍‍ତେ ୱେସ୍‍ ଆଦ୍‍ତେ ମେଣ୍ଡେ ମେଣ୍ଢାମେୟ୍‍ତାନଣ୍ଡ୍ ଆଦୁତଣ୍ଡ୍‍ ଆଦ୍ ନାର୍‍ଦେ କୁପି ।

ପ୍ରକାଶିତ୍‌ ବାକ୍ୟ 1:16

ଅଣ୍ଡ୍‌ ତାନ୍ ତିନ୍ଦେକାଇଦେ ପାକେ ସାତ୍‍ଟାନ୍ ଉକାମ୍‍ ପଇସ୍‍ ମାତ୍‍ତନ୍ ନୁ ୱେରଡ଼୍ ଗାଟି ୱାୟେ ମାନ୍ଦାନ୍ ଚୁର୍‌ ଅନ୍‌ ମକତାଗାଙ୍କ୍ ପେୟ୍‍ତେ । ଅନ୍‌ ମକମ୍, ପାୟାଲ୍‍ତାଦ୍‍ ପଡ଼୍‍ଦ୍ ଲେକାମ୍ ଗାଟିୱେସ୍‍ ମାତ୍‍ତେ ।

ପ୍ରେରିତ 22:6

“ନାନ୍ ଆଞ୍ଜ୍ ବେସୁଟ୍‌ ଦାମାସ୍‍କସ୍‍ତେ ବକେତ୍ ହେୱୁସ ମାତ୍‍ତାନ୍, ଆସୁଟେ ପାୟାଲ୍ ସ୍ୱର୍ଗତାଗାଙ୍କ୍ ଅଣ୍ଡୟ୍‌ ୱେଇସ୍ ହଟାତ୍ ନା ତିଡ଼୍‍ୟିପାକ୍ ନିତ୍‍ତେ ।

ପ୍ରେରିତ 9:3

ଶାଉଲ୍ ଦାମାସ୍‍କସ୍‍ ଟାୱୁନ୍ ଗାର୍‍ରେ ଏୱୁଦାନ୍‍ ୱେଲେ ହଟାତ୍ ସ୍ୱର୍ଗତାଗାଙ୍କ୍ ଅଣ୍ଡୟ୍‌ ୱେସ୍ ଅନ୍‌ ସାରେପାକ୍ ୱେସ୍ ଆତ୍‍ତେ ।

ପ୍ରେରିତ 22:9

ନା ତଡ଼୍ ମାନ୍ଦାନ୍ ନାରୁଡ଼୍ ଆଦ୍ ୱେସ୍ ଉଡ଼୍‍ତଡ଼୍, ଇତ୍‍କେ ନା ତଡ଼୍ ଗଟ୍ ତିର୍‍ୟାନ୍ ନାରୁନ୍ ଗଟ୍ କେଞ୍ଜାଙ୍କ୍ ପାର୍‍ୱଡ଼୍ ।

ପ୍ରେରିତ 26:12

“ଇଦିନ୍ ମାଇଦିଙ୍କ୍ ମୁକ୍ୟ ଯାଜକିଡ଼ାଗାଙ୍କ୍ ଅଦିକାର୍‌‍ ଚିଟି ନୁ ଗଟ୍ ଅସ୍ ନାନ୍ ଦାମାସ୍‍କସ୍‍ତାଗ୍ ଆଞ୍ଜ୍‍ମାତ୍‍ତାନ୍ ।

ପ୍ରେରିତ 26:14

ମାମ୍‍ମେ ସାରେତମ୍ ବୂମ୍‌ତାଗ୍‌ ରାୟ୍‍ତମ୍ ନୁ ହୀବ୍ରୁ ଗଟ୍‍ତେ ନା ସେଙ୍ଗେ ଅଣ୍ଡୟ୍‌ ଗଟ୍ କେଞ୍ଜ୍‍ତାନ୍, ‘ଶାଉଲ୍, ଶାଉଲ୍ ! ନିମ୍‍ ବାତେଙ୍କ୍ ନାକିଂଙ୍କ୍ ତାଡ଼ନା ମାଡ଼ୁତିନ୍ ? ଉଡ଼୍‍ଦାନଣ୍ଡ୍ ମାନେୟ୍‍ତେ କୟେଡୁଡ୍‍ତିଙ୍କ୍ ଲାତ୍ ରେହେତାନ୍ କନ୍ଦ୍ ଲେକାମ୍ ନିମ୍‍ ନିଜେ ଦେବ୍‍ ତିନ୍‍ତି ।’