ପ୍ରେରିତ 22:16 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁶ ମେଣ୍ଡେ ବାତେଙ୍କ୍ ଗମାଡ଼୍ ମାଡ଼ୁତିନ୍ ? ତେଏଦା ବାତିସ୍ମ ଗ୍ରହନ୍ ମାଡ଼େ ନୁ ଅଂକିଙ୍କ୍‌ ପ୍ରାର୍ତନା ମାଡ଼୍‍କେ ନିୟାଦ୍ ପେଦେର୍‍ତେ ପାପ୍ ସାରେ ନର୍‍ସ୍ ଆଦ୍‍ତେ ।’”

ପ୍ରେରିତ 22:16 ပူးပေါင်းရင်းမြစ်များ

ଯୋହନ୍‌‌ 13:8

ପିତର୍ ଅଂକିଙ୍କ୍‌ କେତ୍‍ତଣ୍ଡ୍, ନିମ୍‍ ତ ବେସୁଙ୍କ୍‌ବା ନା ଡେକା ନର୍‍ସିୱିନ୍ । ଜିସୁ ଅଂକିଙ୍କ୍‌ ଉତ୍ତର୍ ହିତ୍‍ତନ୍, ଯଦି ନାନ୍ ନିକିଂଙ୍କ୍ ନର୍‍ୱନ୍, ଆଲେକେ ନାତଡ଼୍ ନିୱାଦ୍ ବାତେବା କାଇଲେ ଇଲେ ।

ପ୍ରେରିତ 2:21

ଆସୁଟେ ବେନଆଇ ପ୍ରବୁନ୍ ପେଦେର୍‍ତେ ପ୍ରାର୍ତନା ମାଡ଼ିତନ୍, ଅଣ୍ଡ୍‌ ପରିତ୍ରାଣ୍ ପାଏମ୍‍ ଆଦ୍‍ତଣ୍ଡ୍ ।”

ପ୍ରେରିତ 2:38

ପିତର୍ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼୍ ହେର୍କା ମାଡ଼ି ସାରେତଡ଼ି ପାପ୍‍ତାଗାଙ୍କ୍ ମାଲ୍‍ମୁଟ୍ ନୁ ପାପ୍ କେମା ସେଙ୍ଗେ ଜିସୁ କ୍ରିଷ୍ଟନ୍ ପେଦେର୍‍ତେ ଏର୍‍ଦିକ୍ଷା ଆୟ୍‍ମୁଟ୍; ଆଲେକେ ମିଡ଼୍ ଇଶ୍ୱର୍‌ତେ ଉପହାର୍, ପବିତ୍ର ଆତ୍ମା ପାଏମ୍‍ଆଦ୍‍ତିଡ଼୍‍ ।

ପ୍ରେରିତ 7:59

ଅଡ଼୍‌ ସ୍ତିଫାନ୍‍ତେ ପର୍‍ କାଲ୍‍କ୍ ହେସାନ୍ ୱେଲେ ଅଣ୍ଡ୍‌ ପ୍ରବୁଙ୍କ୍ ପ୍ରାର୍ତନା ମାଡ଼ି କେତ୍‍ତଣ୍ଡ୍, “ପ୍ରବୁ ଜିସୁ, ନାୱାଦ୍ ଆତ୍ମାତିଙ୍କ୍ ଗ୍ରହନ୍ ମାଡ଼େ ।”

ପ୍ରେରିତ 9:14

ମେଣ୍ଡେ ଅଣ୍ଡ୍‌ ମୁକ୍ୟ ଯାଜକ୍‍ତାଗାଙ୍କ୍ ଅଦିକାର୍‌‍ ଚିଟି ଆସ୍, ଦାମାସ୍‍କସ୍‍ ପେଦେର୍‍ତାଗ୍ ନିକିଂଙ୍କ୍ ଉପବାସ୍ ମାଡ଼ାନଡ଼୍‍କିଙ୍କ୍ ପୟ୍‍ସ୍ ଆଦାନ୍ ସେଙ୍ଗେ ୱାତ୍‍ତଣ୍ଡ୍ ।”

ପ୍ରେରିତ 9:18

ଆସୁଟେ ସାଙ୍ଗେ ସାଙ୍ଗେ ଶାଉଲ୍‍ତେ କଣ୍ଡ୍‍ତାଗାଙ୍କ୍ କିକେ ଉୟ୍‍କା ଲେକାମ୍ ବାତ୍ ରାୟ୍‍ତେ ନୁ ଅଣ୍ଡ୍‌ ମେଣ୍ଡନ୍‍ନ୍ଦାମ୍ ଉଡ଼ାନଙ୍କ୍ ପାର୍‍ତ୍‍ତଣ୍ଡ୍ । ଅଣ୍ଡ୍‌ ତେଦି ଏର୍‍ଦିକ୍ଷା ଗ୍ରହନ୍ ମାଡ଼୍‍ତଣ୍ଡ୍,

୧ କରନ୍ତିୟ 1:2

କରନ୍ତି ଟାୱୁନ୍‍କିନ୍ ଇଶ୍ୱରତେ ମଣ୍ଡଲିକିଙ୍କ୍ ଇଦ୍ ଚିଟି ଲେକୁତଡ଼୍, ବେନ୍‌ମାନେ ଇଶ୍ୱରନ୍ ପବିତ୍ର ନାରୁନ୍ ଆଦାନ୍ ମାଇଦିଙ୍କ୍‌ ଏଞ୍ଚ୍‌ତଡ଼୍‌ ମେଣ୍ଡେ ଜିସୁ କ୍ରିଷ୍ଟନ୍‌ ସାଙ୍ଗ୍‌ କାଇଲ୍‍ତା ସେଙ୍ଗେ ଇଶ୍ୱର୍‌ନଡ଼୍‌ ଆସ୍‌ ମିନ୍ଦେଡ଼୍‌ ନୁ ସାର୍ରେତାଗ୍ ମାନ୍‍ ଜିସୁ କ୍ରିଷ୍ଟନାଦ୍ ପୁଜା କିସମିନ୍ଦେଡ଼୍ ।

୧ କରନ୍ତିୟ 12:13

ଆଦେରକମ୍ ଇହୁଦୀ, ଅଣଇହୁଦୀ, କ୍ରୀତଦାସ ନୁ ସ୍ୱାଦିନ୍ ନାରୁଡ଼୍ ସାର୍ରେପେର୍କେ ମାନାଡ଼୍ ସାର୍ରେତଡ଼୍ ଅଣ୍ଡୟ୍‌ ଆତ୍ମାତେ ତଡ଼୍ ଏର୍‍ଦିକ୍ଷାତାଗ୍ ବାପ୍ତିସ୍ମ ଅସ୍ ଆଦ୍ ଅଣ୍ଡୟ୍‌ ମେନ୍ଦୁଲ୍‍ତାଗ୍ କାୟ୍‍ଲ୍‍ତମ୍, ଅଣ୍ଡୟ୍‌ ଆତ୍ମାତିଙ୍କ୍ ଉନ୍ଦୁତାଡ଼୍ ।

୧ କରନ୍ତିୟ 6:11

ମେଣ୍ଡେ, ମିଇ ଲୋପେ ବେନବେନ ଇଲା ମାତ୍‌ତିର୍‌ । ବାତେଙ୍କ୍ ଇତ୍‍କେ ଇଞ୍ଜେ ମିଡ଼୍ ପାପାମ୍‍ତାଗାଙ୍କ୍ ଏଡ୍‍ଡି, ଇଶ୍ୱର୍‌ତେ ଗଟ୍‍ତେ ଉତ୍ସର୍ଗ ଆତ୍‌ତିର୍‌ । ମେଣ୍ଡେ ପ୍ରବୁ ଜିସୁ କ୍ରିଷ୍ଟ ନୁ ପବିତ୍ର ଆତ୍ମାତଡ଼୍ ମିଡ଼୍ ଦାର୍ମାମ୍ ଇଞ୍ଜ ଲେକ୍‍ତାଦ୍ ଆସ୍‌ମିନ୍ଦେଡ଼ି ।

ଗାଲାତୀୟ 3:27

ଏର୍‍ଦିକ୍ଷା ତଡ଼୍ ମିଡ଼୍ ସାରେତଡ଼ି କ୍ରିଷ୍ଟନ୍‍ ତଡ଼୍‍ ଅଣ୍ଡୟ୍‌ ଆତ୍‍ତିଡ଼୍ ନୁ ଇଞ୍ଜେ ଜିସୁ କ୍ରିଷ୍ଟଟନ୍ ଜିୱୁଣ୍ଡ୍ ଲେକାମ୍ ଚକା କେର୍‍ଦୁତିଡ଼୍ ।

ଏଫିସିୟ 5:26

କ୍ରିଷ୍ଟ ମଣ୍ଡଲିତିଙ୍କ୍ ଏର୍‍ ତଡ଼୍ ପରିଷ୍କାର୍ ମାଡ଼ି ଇଶ୍ୱର୍‌ତେ ଗଟ୍‍ ମାଇଦିଙ୍କ୍‍ ଉତ୍ସର୍ଗ ମାଡ଼୍‍ତଣ୍ଡ୍,

ତୀତସ୍‌ 3:5

ଆସୁଟେ ଅଣ୍ଡ୍‌ ମାମ୍ ମାଡ଼୍‍ତେ ସାୟେତ୍ ପାଡ଼୍‍ୟି ସେଙ୍ଗେ ଆୟ୍‍ୟ, ମାତ୍ର ତାନ୍ ଦୟା ଲେକାମ୍ ମେଣ୍ଡନ୍‍ ଜନମ୍‍ତେ ସେଙ୍ଗେ ବାପ୍ତିସ୍ମ ନୁ ପବିତ୍ର ଆତ୍ମାତେ ନେଲେତାଦ୍ ଜିୱୁଣ୍ଡ୍ ତଡ଼୍ ମାନ୍‍ ମୁକ୍ତି ମାଡ଼ିମିନ୍ଦେଣ୍ଡ୍;

ଏବ୍ରୀ 10:22

ସାର୍ରେତର୍ ୱାରାଟ୍‌, ମାନାଡ଼୍‍ ନେଲା ଜିୱୁତେ ନୁ ନେକା ବିଶ୍ୱାସତେ ଇଶ୍ୱର ଗାରେ ଆଦିକାଡ଼୍‍; ବାତାଙ୍କ୍‌ଇତ୍‌କେ ମାନାଡ଼୍‍ ଇଞ୍ଜେ ମାନ୍ଦାନ୍ କାରାପ୍‍ ଜିୱୁ ନୁଞ୍ଚ୍‍ କ୍ରିଷ୍ଟନ୍‍ ନେତୁର୍‍ ତଡ଼୍‍ ଜାତ୍‌ ଆସ୍ ମିନ୍ଦେଡ଼୍‍ ନୁ ମାନ୍‍ ହୃଦୟ୍‍ ୱେଡ୍‌ତା ଏର୍‌ଦେ ନର୍‌ସ୍‌ ମିନ୍ଦେଡ଼୍‍ ।

୧ ପିତର୍‍ 3:21

ଅଡ଼୍‌ ମିକିଙ୍କ୍ ପରିତ୍ରାଣ ସାଦନ୍ ମାଡ଼ିମାନ୍ଦାନ୍ ବାପ୍ତିସ୍‍ମ ଲେକାମ୍ । ଇଦ୍ ବାପ୍ତିସ୍‍ମ ମୀଇ ମେନ୍ଦୁଲ୍‍ତେ ମୁର୍କ୍‍ତିଙ୍କ୍‍ ଯେକା ମାଡ଼, ଆଦ୍ କ୍ରିଷ୍ଟନ୍ ତେଦାନ୍‍ ଦିନ୍‍ତଡ଼୍ ମିୟାଦ୍ ମନ୍‍ତିଙ୍କ୍ ଲେକେତ୍‍ ମାଡ଼ାନ୍ ସେଙ୍ଗେ ଇଶ୍ୱର୍‌ତେ ପାକେ ଆବେଦନ୍ ।