ପ୍ରେରିତ 20:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ଅଣ୍ଡ୍‌ ସାରେ ପଡ଼୍‍ୟେ ଇସ୍‌ ଆତ୍‍ତଣ୍ଡ୍ ନୁ ନାର୍‍ଗେ ଉପଦେଶ୍‍ ଇସ୍‌ ନାରୁଡ଼୍‍କିଂଙ୍କ୍ ୱେଡ଼୍‍କା ମାଡ଼୍‍ତଣ୍ଡ୍ । ପେର୍କେ ଅଣ୍ଡ୍‌‍ ଗ୍ରୀସ୍‍ ଦେଶ୍‍ତାଗ୍‍ ଏୱୁତ୍‍ତଣ୍ଡ୍‍ ।

ପ୍ରେରିତ 20:2 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 3:18

ଅଣ୍ଡ୍‌ ଇଦ୍ ରକମ୍ ଗାଟି କେତାନାଦ୍ ଇସ୍, ମେଣ୍ଡେ ନାର୍ଗେ ଲେକାମ୍ ଉତ୍ସାହ ରକମ୍ ବାକ୍ୟ କେସ୍ ନାରୁଡ଼୍ ତେ ଗାର୍‍ରେ ଗଟ୍ ପ୍ରଚାର୍ ମାଡ଼ ମାତ୍‍ତଣ୍ଡ୍ ନୁ ମାନ୍‍ ପରିବର୍ତ୍ତନ୍ ମାଡ଼ାନ୍ ସେଙ୍ଗେ କେତାନାଦ୍ ହିତ୍‍ତଣ୍ଡ୍;

ପ୍ରେରିତ 14:22

ଅଡ଼୍‌ ବିଶ୍ୱାସୀଡ଼୍‍କ୍ ଶିଷ୍ୟ ନିଜେତ୍ ବିଶ୍ୱାସ୍‍ତାଗ୍ ଲେକେତ୍‌ ମାନ୍ଦାନଙ୍କ୍ ଅନୁରଦ୍‌‍ ମାଡ଼୍‍ତଡ଼୍ । ଅଡ଼୍‌ ଶିକ୍ଷା ଇସ୍‌ କେତ୍‍ତଡ଼୍, “ଇଶ୍ୱର୍‌ତେ ରାଜ୍ୟତାଗ୍ ହସାନ୍ ମାଇଦିଙ୍କ୍ ମାକିଂଙ୍କ୍ ଗାଟି ଦୁଃକକଷ୍ଟ ଇସ୍‌ ଆଦାଙ୍କ୍ ୱେୟ୍‍ତିତ୍ ।”

ପ୍ରେରିତ 15:41

ଅଣ୍ଡ୍‌ ମଣ୍ଡଲିକିଙ୍କ୍ ଡୁଟାଙ୍ଗ୍‍ ମାଡ଼ି ସିରିଆ ନୁ ସିଲିଷୀଆ ନାଡ଼୍‍ମେଙ୍କ୍ ଆତ୍‍ତଣ୍ଡ୍ ।”

ପ୍ରେରିତ 16:12

ଆଗାଙ୍କ୍ ମାମ୍‍ମେ ମାସିଦୋନିଆ ଜିଲ୍ଲାତେ ମୁକ୍ୟ ନଗରୀ ଫିଲିପ୍‍ପୀତାଗ୍ ଆତ୍‍ତମ୍ । ଇଦ୍ ନଗରୀ ଅଣ୍ଡୟ୍‌ ରୋମୀୟ କଲ୍‍ନୀ ମାତ୍‍ତେ । ମାମ୍‍ମେ ନାର୍‍ଗେ ଦିନା ଆଗେ ମାତ୍‍ତମ୍ ।

ପ୍ରେରିତ 17:1

ପାଉଲ୍ ନୁ ଶୀଲା ଆମ୍ପିପଲି ନୁ ଆପଲ୍ଲୋନିଆ ଇସ୍‌ ଥେସଲନିକୀତାଗ୍ ୱାତ୍‍ତଡ଼୍ । ଆଗେ ଅଣ୍ଡୟ୍‌ ଇହୁଦୀ ଉପାସନା ମାତ୍‍ତେ ।

ପ୍ରେରିତ 17:10

ନାର୍କା ଆତ୍‍ତାଙ୍କ୍ ବିଶ୍ୱାସୀଡ଼୍ ପାଉଲ୍ ନୁ ଶୀଲାଙ୍କ୍ ବେରିଆତାଗ୍ ରହସିତ୍‍ତଡ଼୍ । ଅଡ଼୍‌ ଆଗେ ହେୱୁସ୍ ଇହୁଦୀଡ଼୍‍ ପ୍ରାର୍ତନାତାଗ୍ ଆତ୍‍ତଡ଼୍ ।

ପ୍ରେରିତ 2:40

ପିତର୍ ଅଡ଼୍‌‍କିଂଙ୍କ୍ ଅନୁରଦ୍‌‍ ମାଡ଼ାନାଦ୍‍ ନୁ ନାର୍‍ଗେ ଲେକାତ୍ ସାକ୍ଷ୍ୟ ଇସ୍‌ କେତ୍‍ତାନ୍, “ଇ କାରାପ୍ ନାରୁଡ଼୍ ସେଙ୍ଗେ ୱାସମିନ୍ଦେନ୍ ଶାସ୍ତିତାଗାଙ୍କ୍ ନିଜେ ନିଜେତିଙ୍କ୍ ରକ୍ଷା ମାଡ଼ାଟ୍ ।”

ପ୍ରେରିତ 20:1

ଗଲ୍‍କ୍ ତେର୍‍ତେ ପେର୍‍କେ ପାଉଲ୍ ବିଶ୍ୱାସୀଡ଼୍‍ ଶିଷ୍ୟ ଅଣ୍ଡୟାଗେ ମାଡ଼ି ୱେଡ଼୍‍କାତାୱ୍ ଗଟି କେତ୍‍ତଣ୍ଡ୍ । ଅଡ଼୍‌ଆଗାଙ୍କ୍‌ ବିଦାୟ୍ ଅସ୍ ଅଣ୍ଡ୍‌ ମାସିଦୋନିଆତାଗ୍ ଆତ୍‍ତଣ୍ଡ୍ ।

ପ୍ରେରିତ 20:11

ତାନ୍‍ପେର୍କେ ଅଣ୍ଡ୍‌ ପର୍‍ର ମାଲ୍‍ସ୍ ଆଞ୍ଜ୍ ରୂଟି ଉହୁସ୍ ତିତ୍‍ତଣ୍ଡ୍ ନୁ ପଡ଼୍‍ଦ୍ ପେୟ୍‍ନା ଯାକ ଅଡ଼୍‌ ତଡ଼୍ ନାର୍‍ଗେ ଗଟି ତିର୍‍ୟି ଆଗାଙ୍କ୍ ଆତ୍‍ତଣ୍ଡ୍ ।

ପ୍ରେରିତ 20:3

ତାନ୍‍ପେର୍କେ ଅଣ୍ଡ୍‌ ଆଗେ ମୁଣ୍ଡ୍ ନେଲ୍‍ଞ୍ଜ୍ ମାତ୍‍ତଣ୍ଡ୍ । ଅଣ୍ଡ୍‌ ସିରିଆତାଗ୍ ଆଦାନଙ୍କ୍ ତିଆର୍ ଆତ୍‍ତେ ୱେଲେ ଇହୁଦୀଡ଼୍ ଅନ୍‌ ପର୍‍ର କପାମ୍ ଆତ୍‍ତଡ଼୍ ଇଞ୍ଜ କେଞ୍ଜି ମାସିଦୋନିଆତାଲା ମାଲ୍‍ସ୍ ଆଦାନଙ୍କ୍ ତିଆର୍ ଆତ୍‍ତଣ୍ଡ୍ ।

୧ କରନ୍ତିୟ 4:19

ଇଶ୍ୱର୍ ଇଚ୍ଛା ମାଡ଼୍‍କେ, ନାନ୍ ସିଟ୍‍ପାଟ୍ ମିଇ ଗାର୍ରେ ଆଦ୍‍ତାନ୍ । ଆସୁଟେ ଇଡ଼୍ ଗର୍ବି ନାରୁଡ଼ାଦ୍ ଗଟି ମାତର୍ କେଞ୍ଜନ୍ ନିଜାମ୍ ଅଡ଼ାଦ୍‌ ବେସର୍ ଶାତ୍‍ୱାମ୍‍ ମିନ୍ଦେ, ଆଦ୍ ନାନ୍ ଉଡ଼ିତାନ୍ ।

କଲସୀୟ 1:28

ଆଦିନ୍ ସେଙ୍ଗେ ମାନାଡ଼୍ ସାରେତଡ଼୍ ପାକେ କ୍ରିଷ୍ଟଙ୍କ୍ ପ୍ରଚାର୍ ମାଡ଼ୁତାଡ଼୍ । ସାରେତଡ଼୍‍କ୍ କ୍ରିଷ୍ଟନ୍‍ତଡ଼୍ କାଲ୍‍ପି ମିକା ଅଣ୍ଡୟ୍‌‍ ଲେକେତ୍ ନାରୁଣ୍ଡ୍ ଲେକାମ୍ ଇଶ୍ୱର୍‌ତେ ମୁନେ ନିଲ୍‍ସ୍ପିତାଡ଼୍, ମାନାଦ୍‍ ସାରେ ବୁଦ୍‍ଜ୍ଞାନ୍ ବ୍ୟବହାର୍‌ ମାଡ଼ି, ସାରେତଡ଼୍‍କ୍ ଚେତନା ନୁ ଶିକ୍ଷା ଇସମିନ୍ଦେମ୍ ।

୧ ଥେସଲନିୟ 2:11

ମିଡ଼୍ ପୁତ୍‍ତିଡ଼୍, ବାବାଲ୍ ବେଲାନ୍ ନିଜେତ୍ ପିଲାନ୍ ସେଙ୍ଗେ ବ୍ୟବହାର୍‌ ମାଡ଼ାନ୍ ମାତ୍‍ତେ, ମାମ୍‍ମେ ମିଇସେଙ୍ଗେ ଟିକ୍ ଆଦେଲେକାମ୍ ବ୍ୟବହାର୍‌ ମାଡ଼ିମାତ୍‍ତମ୍ ।

୧ ଥେସଲନିୟ 2:3

ବାତେବା କାରାପ୍ ବା ପିନ୍ଦ ଲେକାମ୍ ଆସ୍ ମାମ୍‍ମେ ମିଇ ପାକେ ମାୟାଦ୍‌ ମାଟେ କେଲ୍‍ୱେ ମାତ୍‍ତମ୍, ମିକିଂଙ୍କ୍ ଟକାମାଡ଼ାଙ୍କ୍ ବାତେବା କାରାପ୍ ଚିନ୍ତେ ମାଡ଼ମ୍ ।

୧ ଥେସଲନିୟ 4:1

ଆଦେଲେକାମ୍ ଦାଦାନଡ଼ି ନୁ ଏଲାସ୍କ୍‍, ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନ୍ ସେଙ୍ଗେ ବେଦ୍‍ଲେକାମ୍ ବାଦ୍‍କାନଙ୍କ୍ ଆଦ୍‍ତେ, ଆଦ୍ ମାୟାଗାଙ୍କ୍ ଶିକ୍ଷା ମାଡ଼ିମିନ୍ଦେଣ୍ଡ୍ । ଆଦେଲେକାମ୍ ମୀଡ଼୍ ବାଦ୍‍କ ୱାଦୁତିଡ଼୍, ବାତେଙ୍କ୍ ଇତ୍‍କେ ହିଗାଙ୍କ୍ ବାତେଏ ଅଦିକ୍‌ ମାଡ଼ାନଙ୍କ୍ ମିକିଂଙ୍କ୍ ମାମ୍‍ମେ ହିଞ୍ଜେ ପ୍ରବୁ ଜିସୁନ୍ ପେଦେର୍‍ତେ ବିନତି ବା ସାରେଦା ମାଡ଼ୁତମ୍ ।