ପ୍ରେରିତ 2:47 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴⁷ ଅନୁଗ୍ରହ ପାଏମ୍‍ଆତ୍‍ତେ ନାରୁଡ଼୍‍ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ି ଲକ୍ ଲକ୍ ରୂଟି ଉହୁସ୍ ତିଞ୍ଜମାତ୍‍ତଡ଼୍ । ଅଡ଼୍‌ ସାରେତଡ଼୍ ବିଶ୍ୱାସୀ ଆଦ୍‍ତଡ଼୍ ନୁ ନିତ୍‍ଦିନ୍ ପରିତ୍ରାଣ୍ ପାଏମ୍‍ଆତ୍‍ତେ ନାରୁଡ଼୍‍କିଂଙ୍କ୍ ପ୍ରବୁ ଅଡ଼ାଦ୍‌ ଦଲ୍‍ତାଗ୍ କାଲ୍‍ପ୍‍ତଣ୍ଡ୍ ।

ପ୍ରେରିତ 2:47 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 19:48

ବାତେଙ୍କ୍ ଇତ୍କେ ମାନେଇ ସାରେତଡ଼୍ ଅଣ୍ଡୟ୍‌‍ମନ୍ ଆସ୍‍ ଜିସୁନ୍ ଶିକ୍ଷା କେଞ୍ଜମାତ୍‍ତଡ଼୍ ଆଦିଙ୍କ୍ ଅଡ଼୍‌‍ ବାତେଏ ମାଡ଼ିତଡ଼୍ ଆଦିନାଦ୍ ଉପାୟ୍ ଦର୍‍ସ୍‍କାଙ୍କ୍ ପାର୍ୱେମାତ୍‍ତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 2:52

ମେଣ୍ଡେ, ଜିସୁ ବୁଦ୍‍ ତେ ନୁ ମେନ୍ଦୁଲ୍ ତେ, ମେଣ୍ଡେ ଇଶ୍ୱର୍‌ ନୁ ନାରୁଡ଼୍ ତେ ଅନୁଗ୍ରହ ତେ ପେର୍‍ସାଙ୍କ୍ ପସ୍‍ପ୍‍ତଣ୍ଡ୍ ।

ପ୍ରେରିତ 11:21

ପ୍ରବୁନ୍‌ ଶକ୍ତି ଅଡ଼୍‌‍ତଡ଼୍ ମାତ୍‍ତେ ନୁ ନାର୍‍ଗେ ନାରୁଡ଼୍ ବିଶ୍ୱାସ୍ ମାଡ଼ି ପ୍ରବୁନାକ୍ ମନ୍ ମାଲ୍‍ପ୍‍ତଡ଼୍ ।

ପ୍ରେରିତ 11:24

ବର୍ଣ୍ଣବା ପବିତ୍ର ଆତ୍ମା ନୁ ବିଶ୍ୱାସ୍‍ତାଗ୍‍ ୱେରଣ୍ଡ୍‍ ସାୟେକାମ୍‍ଦେ ନାରୁଣ୍ଡ୍‍ ମାତ୍‍ତଣ୍ଡ୍ । ଅନାଦ୍‌ ପ୍ରଚାର୍ ତଡ଼୍ ନାର୍‍ଗେ ନାରୁଡ଼୍ ପ୍ରବୁନ୍ ଗାର୍‍ରେ ୱାତ୍‍ତଡ଼୍ ।

ପ୍ରେରିତ 13:48

ଅଣଇହୁଦୀଡ଼୍ ଇଦ୍ କେଞ୍ଜି ୱେଡ଼୍‍କେ ଆତ୍‍ତଡ଼୍ ନୁ ପ୍ରବୁନ୍ ବାକ୍ୟ ସେଙ୍ଗେ ଦନ୍ୟବାଦ୍ ହିତ୍‍ତଡ଼୍ । ବେନଡ଼୍ ଅନନ୍ତ ଜିୱୁଣ୍ଡ୍ ମାଇଦିଙ୍କ୍ ହେଞ୍ଚିମାତ୍‍ତଡ଼୍, ଅଡ଼୍‌ ଆଦ୍ ଗଟ୍‍ତାଗ୍ ବିଶ୍ୱାସ୍ ମାଡ଼୍‍ତଡ଼୍ ।

ପ୍ରେରିତ 14:1

ଇକନିୟାତାଗ୍ ଆଦ୍ ଗଟନା ମେଣ୍ଡେଅଣ୍ଡ୍‌‍ଦାମ୍ କେତ୍‍ତଡ଼୍; ପାଉଲ୍ ନୁ ବର୍ଣ୍ଣବା ପ୍ରାର୍ତନା ଲତ୍‍ତାଗ୍ ଆଞ୍ଜ୍ ଇଦ୍‍ରକମ୍ ପ୍ରଚାର୍ ମାଡ଼୍‍ତଡ଼୍ ଯେ ନାର୍‍ଗେ ଇହୁଦୀ ନୁ ଗ୍ରୀକ୍‍ ଅଣଇହୁଦୀଡ଼୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ତଡ଼୍ ।

ପ୍ରେରିତ 14:21

ପାଉଲ୍ ନୁ ବର୍ଣ୍ଣବା ଦର୍ବୀତାଗ୍ ସୁସମାଚାର୍‍ ପ୍ରଚାର୍ ମାଡ଼ି ନାର୍‍ଗେ ଶିଷ୍ୟଡ଼୍‍କ୍ ଦର୍‍ସ୍କ୍‍ତଡ଼୍ । ତାନ୍‍ପେର୍କେ ଅଡ଼୍‌ ଲୁସ୍ତ୍ରା, ଇକନିୟା ନୁ ପିସିଦିଆତେ ଅନ୍‌ଥିୟୋକ୍‍ତାଗ୍ ମାଲ୍‍ସ୍‍ଆତ୍‍ତଡ଼୍ ।

ପ୍ରେରିତ 16:5

ଆଗାଙ୍କ୍ ମଣ୍ଡଲିକି ବିଶ୍ୱାସ୍‍ତେ‍ ଶକ୍ତ ଆତ୍‍ତା ନୁ ନିତ୍‍ଦିନ୍ ଆୱିନ୍‍ ସଂଖ୍ୟା ନାର୍ଗେ ଆତ୍‍ତା ।

ପ୍ରେରିତ 17:12

ଅଡ଼୍‌ ଲୋପେଙ୍କ୍ ନାର୍‍ଗେ ନାରୁଡ଼୍ ବିଶ୍ୱାସ୍ ମାଡ଼୍‍ତଡ଼୍ । ନାର୍‍ଗେ ଗ୍ରୀକ୍ ନାଟାଙ୍କ୍ ନୁ ଗ୍ରୀକ୍ ନାରୁଡ଼୍ ବିଶ୍ୱାସ୍‍ତଡ଼୍ କାଇଲ୍‍ତଡ଼୍ ।

ପ୍ରେରିତ 2:39

ବାତେଙ୍କ୍ଇତ୍‍କେ ଇଶ୍ୱର୍‌ତେ ପ୍ରତିଜ୍ଞା ମିଇ ସେଙ୍ଗେ, ମିଇ ପିଲାନ୍ ସେଙ୍ଗେ ନୁ ଜେକେ ମାନ୍ଦାନଡ଼୍ ବେନଡ଼୍‍କ୍ ପ୍ରବୁ ଇଶ୍ୱର୍ କାର୍‍ଙ୍ଗ୍‍ତଣ୍ଡ୍, ଅଡ଼୍‌ ସାରେତଡ଼୍ ସେଙ୍ଗେ ମାଡ଼୍‍ତଣ୍ଡ୍ ।”

ପ୍ରେରିତ 2:41

ଅଡ଼୍‌ ଲୋପେଙ୍କ୍ ନାର୍‍ଗେ ନାରୁଡ଼୍ ଅନ୍‌ ଗଟ୍‍ତେ ବିଶ୍ୱାସ୍ ମାଡ଼ି ଏର୍‍ଦିକ୍ଷା ହତ୍‍ତଡ଼୍ । ଆଦ୍‍ନାଣ୍ଡ୍ ମାତର୍ ମୁଣ୍ଡ୍ ହଜାର୍‌ ନାରୁଡ଼୍ ଶିଷ୍ୟଡ଼୍ ଦଲ୍‍ତାଗ୍ କାୟ୍‍ଲ୍‍ତଡ଼୍ ।

ପ୍ରେରିତ 4:21

ଇତ୍‍କେ ମହାସବା ଅଡ଼୍‌‍କିଂଙ୍କ୍ ମେଣ୍ଡେ ଅଦିକ୍‌ ସତର୍କ ମାଡ଼ି ୱିଡ଼୍‍ସିତ୍‍ତେ । ଅଡ଼୍‌‍କିଂଙ୍କ୍ ଦଣ୍ଡ୍ ହିଦାନାଦ୍ ଦର୍‌କାର୍‌ ଆୟ୍‍ୟ ଇଞ୍ଜ ଅଡ଼୍‌ ପୁତ୍‍ତଡ଼୍, ବାତେଙ୍କ୍ଇତ୍‍କେ ବାଆତେ ଗଟେମ୍ ଆତ୍‍ତେ ଆଦିନ୍ ସେଙ୍ଗେ ନାରୁଡ଼୍ ସାରେତଡ଼୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ହିଦାଙ୍କ୍ ପସ୍‍ପ୍‍ତ୍‍ତଡ଼୍ ।

ପ୍ରେରିତ 4:33

ବେଡ଼୍‍ୟାଦ୍‍ ଶକ୍ତି ତଡ଼୍ ପ୍ରେରିତ ଶିଷ୍ୟଡ଼୍ ପ୍ରବୁ ଜିସୁନ୍ ପୁନରୁତାନ୍ ବିଷୟ୍‍ତେ ସାକ୍ଷ୍ୟ ହିତ୍‍ତଡ଼୍ ନୁ ଇଶ୍ୱର୍ ଅଡ଼୍‌ ପର୍‍ର ନାର୍‍ଗେ ଅନୁଗ୍ରହ ମାଡ଼୍‍ତଣ୍ଡ୍ ।

ପ୍ରେରିତ 4:4

ଇତ୍‍କେ ଅଡ଼୍‌‍ୱାଦ୍‍ ଶିକ୍ଷା କେଞ୍ଜିମାନ୍ଦାନ୍‍ ନାର୍‍ଗେ ନାରୁଡ଼୍ ବିଶ୍ୱାସ୍ ମାଡ଼୍‍ତଡ଼୍ ନୁ ଅଡ଼୍‌‍ୱାଦ୍‍ ସଂକ୍ୟା ନାର୍ଗେ ଅସ୍‍ ମାତ୍ରମ୍‍ ପାଞ୍ଚ୍‍ ହଜାର୍‌ ଆତ୍‍ତେ ।

ପ୍ରେରିତ 6:1

ବେସ୍‍କେ ଦିନାମ୍ ପେର୍‍କେ ଶିଷ୍ୟଡ଼ାଦ୍ ସଂକ୍ୟା ନାର୍ଗେ ଆଦାନ୍‍ୱେଲେ ଗ୍ରୀକ୍‍ ଗଟ୍ କେତ୍‍ତାନ୍ ଇହୁଦୀଡ଼୍‍ ନୁ ଏବ୍ରିୟ ନାରୁଡ଼୍ କପାମ୍ ଆଦ୍‍ତଡ଼୍ । ନିତିଦିନେତ୍‍ ପାଡ଼୍‍ୟି ଡାବ୍‍କ୍ ତୁସାନ୍‍ୱେଲେ ତାମ୍ ରାଣ୍ଡିକିଙ୍କ୍ ଗମାଡ଼୍ ମାଡ଼ୁତଡ଼୍ ଇଞ୍ଜ ଗ୍ରୀକ୍‍ ଗଟ୍ କେତ୍‍ତାନ୍ ଇହୁଦୀଡ଼୍‍ ଆପତି ମାଡ଼୍‍ତଡ଼୍ ।

ପ୍ରେରିତ 6:7

ଇଦ୍ ରକମ୍ ଇଶ୍ୱର୍‌ତେ ବାକ୍ୟ ପ୍ରଚାର୍ ଆତ୍‍ତେ । ଯିରୁଶାଲେମ୍‍ତାଗ୍‍ ଶିଷ୍ୟଡ଼ାଦ୍‍ ସଂକ୍ୟା ଅଦିକ୍‌‌ ଆତ୍‍ତେ; ନାର୍‍ଗେ ଜାଜକୀଡ଼୍‍ ମିକା କ୍ରିଷ୍ଟଙ୍କ୍‍ ବିଶ୍ୱାସ୍‍ ଆତ୍‍ତଡ଼୍ ।

ପ୍ରେରିତ 9:31

ଯିହୁଦା, ଗାଲିଲୀ ନୁ ଶମିରୋତାଗ୍ ମାନ୍ଦାନ୍ କ୍ରିଷ୍ଟୀୟ ମଣ୍ଡଲି ଆଦ୍ ସମୟ୍‍ତେ ଶାନ୍ତି ମାତ୍‍ତେ ନୁ ପବିତ୍ର ଆତ୍ମାତ୍‍ ସାର୍‍ଦେତଡ଼୍ ଅଡ଼ାଦ୍‌ ନାରୁଡ଼୍ ସଂଖ୍ୟା ନାର୍ଗେ ଆତ୍‍ତେ ନୁ ଅଡ଼୍‌ ଶକ୍ତିନଡ଼୍ ଆତ୍‍ତଡ଼୍ । କ୍ରିଷ୍ଟ ବିଶ୍ୱାସୀଡ଼୍ ପ୍ରବୁଙ୍କ୍ ୱେର୍‍ସ୍ ମିକା ବାଦ୍‍କ୍‍ତଡ଼୍ ।

ପ୍ରେରିତ 9:35

ଇଦ୍‍ ଉଡ଼ି ଲୁଦା ନୁ ଶମିରୋଣତାଗ୍ ବାସେ ମାଡ଼ାନ୍ ନାରୁଡ଼୍ ସାରେତଡ଼୍ ପ୍ରବୁନାକ୍ ମନ୍ ମାଲ୍‍ପ୍‍ତଡ଼୍ ।

ରୋମୀୟ 14:18

ବେନଆଇ ଇଦ୍‍ରକମ୍ କ୍ରିଷ୍ଟନ୍ ସେବା ମାଡ଼ିତନ୍; ଅଣ୍ଡ୍‌ ଇଶ୍ୱର୍‌ତେ ସାୟେ ମାଡ଼ିତନ୍, ନାରୁଡ଼୍ ଗାଲା ଅଂକିଙ୍କ୍‌ ଆଦର୍ ମାଡ଼ିତଡ଼୍ ।

ରୋମୀୟ 8:30

ବେନଡ଼୍ ଇଦ୍‍ରକମ୍ ଏଞ୍ଚି ୱାସ୍‍ମିନ୍ଦେଡ଼୍, ଅଡ଼୍‌ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆସ୍ ଗୌରବ୍‍ ପାଏମ୍ ଆଦ୍‍ତଡ଼୍ ।

ରୋମୀୟ 9:27

ମେଣ୍ଡେ ଇସ୍ରାୟେଲ୍ ବିଷୟ୍‍ତେ ଯିଶାଇୟ କେତ୍‍ତଣ୍ଡ୍, “ଯଦି ଇସ୍ରାୟେଲୀୟ ନାରୁଡ଼୍ ସମୁଦ୍ରତେ ଉସ୍କ ଇନା ଲେକାନଙ୍କ୍ ଆୟ୍‍ୟଡ଼୍, ଅଡ଼୍‌ ଲୋପେଙ୍କ୍ ଗାଟି ସୁଦୁଟ୍ ନାରୁଡ଼୍ ପରିତ୍ରାଣ୍ ପାଏମ୍ ଆଦ୍‍ତଡ଼୍ ।

୧ କରନ୍ତିୟ 1:18

ପେଦ୍‍ ଆଦାନ୍ ନାରୁଡ଼୍ ମାଇଦିଙ୍କ୍ କ୍ରୁଶତ୍‌ ପର୍‍ର କ୍ରିଷ୍ଟନାଦ୍ ଡଲ୍‍ତାଦ୍ କାବୁର୍ ବେକାର୍‍ । ମାତର୍ ମା ଲେକାମ୍ ଗେଲ୍‍ସି ମାନ୍ଦାନ୍ ନାରୁଡ଼୍ ମାଇଦିଙ୍କ୍ ଇଦ୍‌ ଆଦୁତେ ଇଶ୍ୱର୍‌ତେ ଲାୱୁ ।