ପ୍ରେରିତ 2:32 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³² ଇଶ୍ୱର୍ ଜିସୁଙ୍କ୍ ଡଲ୍‌ତାଗାଙ୍କ୍ ପୁନରୁତ୍‍ତାନ୍ ମାଡ଼୍‍ତଣ୍ଡ୍ ନୁ ମାନାଡ଼୍ ସାରେତଡ଼୍ ଇଦିନାଦ୍ ସାକ୍ଷି ଆତ୍‍ତାଡ଼୍‍ ।

ପ୍ରେରିତ 2:32 ပူးပေါင်းရင်းမြစ်များ

ଯୋହନ୍‌‌ 15:27

ମେଣ୍ଡେ ମିଡ଼୍ ମିକା ସାକ୍ଷି, ବାତେଙ୍କ୍ ଇତ୍‍କେ ମିଡ଼୍ ଆରାମ୍ କନ୍‍ସ୍ ନା ତଡ଼୍ ମିନ୍ଦେଡ଼ି ।”

ପ୍ରେରିତ 1:22

ଜିସୁ ଯୋହନ୍‌ ତାଗାଙ୍କ୍ ଏର୍‍ଦିକ୍ୟା ଗ୍ରହନ୍‍ ମାଡ଼୍‍ତେ ସମୟ୍‍ତାଗାଙ୍କ୍ ସ୍ୱର୍ଗତାଗ୍ ପୁନରୁତାନ୍ ଆଦାନ୍ ଯାକ ସାରେଦାମ୍ ପ୍ରବୁ ଜିସୁ ମା ତଡ଼୍ ଆଦାୱାଦା ମାଡ଼ାନ୍ ୱେଲେ, ବେନ୍ ନାରୁଡ଼୍ ମାନ୍‍ ଦଲ୍‍ତାଗ୍ ମାତ୍‍ତଡ଼୍, ଅଡ଼୍‌ ଲୋପେଙ୍କ୍ ଅର୍‍ତୁଙ୍କ୍ ସାକ୍ଷି ମାଡ଼ାଙ୍କ୍ ଆଦ୍‍ତେ ।”

ପ୍ରେରିତ 1:8

ବାତେଙ୍କ୍ ଇତ୍‍କେ ମିଇ ପର୍‍ର ପବିତ୍ର ଆତ୍ମା ଡିଗ୍‍କେ, ମିଡ଼୍ ଶକ୍ତିଶାଲୀ ଆଦ୍‍ତିଡ଼୍ ନୁ ଜିସୁ, ପୁରା ଯିରୁଶାଲେମ୍‍ ଯିହୁଦା ନୁ ଶମିରୋମ୍ ନୁ ପୃତିବିତାଗ୍ ଶେଷସୀମା ଏୱୁନା ନା ସେଙ୍ଗେ ମିଡ଼୍ ସାକ୍ଷି ଆଦ୍‍ତିଡ଼୍ ।”

ପ୍ରେରିତ 13:30

ଇତ୍‍କେ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ତେଏତଣ୍ଡ୍,

ପ୍ରେରିତ 13:33

ଅଡ଼ାଦ୍‌ ବଂଶ ମାନ୍‍ ସେଙ୍ଗେ ଜିସୁଙ୍କ୍ ପୁନର୍ଜିବିତ୍‍ ମାଡ଼ାନ୍ ତଡ଼୍ ଅଣ୍ଡ୍‌ ଆଦ୍ ସାରେ ମାଡ଼୍‍ତଣ୍ଡ୍ । ଗୀତସଂହିତାତେ ଦ୍ୱିତିୟ ଗୀତତାଗ୍ ଇଦ୍ ଗଟ୍‍ତିଙ୍କ୍ ଉଡ଼ି ଲେକାମିନ୍ଦେ; ‘ନିମ୍‍ ନା ମାର୍‍, ନେଣ୍ଡ୍ ନାନ୍ ନି ବାବାଲ୍ ଆତ୍‍ତାନ୍,’

ପ୍ରେରିତ 17:31

ଅଣ୍ଡ୍‌ ଅଣ୍ଡୟ୍‌ ଦିନ୍ ହେଞ୍ଚ୍‍ତଣ୍ଡ୍ । ଆଦ୍ ଦିନ୍ ଅଣ୍ଡ୍‌ ତାନ୍ ହେଞ୍ଚ୍‍ତେ ନାରୁନ୍ ତଡ଼୍ ସାରେ ଜଗତ୍‍ ତାଦ୍ ନ୍ୟାୟ ବିଚାର୍ ମାଡ଼ିତନ୍ । ଆ ନାରୁଙ୍କ୍ ପୁନର୍ଜିବୀତ୍ ମାଡ଼ାନ୍ ତଡ଼୍ ଅଣ୍ଡ୍‌ ଇଦ୍ ଗଟ୍‍ତାଦ୍ ସତ୍‍ ସାରେତଡ଼୍‌କିଂଙ୍କ୍ କେସ୍‍ମିନ୍ଦେଣ୍ଡ୍ ।

ପ୍ରେରିତ 2:24

ଇତ୍‍କେ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ମୁକ୍ତି ମାଡ଼ି ପୁନର୍‍ଜିବିତ୍‍ ମାଡ଼୍‍ତଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ଜେ ଡଲିମାତ୍‍ତଣ୍ଡ୍ ଆଦ୍ ସମ୍ଭବ୍ ଆୟ୍‍ୟ ।

ପ୍ରେରିତ 3:15

ବେନ ଜିୱୁଣ୍ଡ୍ ହାର୍ ତଅତିତଣ୍ଡ୍, ମିଡ଼୍ ଅଂକିଙ୍କ୍‌ ଆୱ୍‍କ୍‌ତିଡ଼୍‍, ଇତ୍‍କେ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ମେଣ୍ଡେଜିୱେ ମାଡ଼୍‍ତଣ୍ଡ୍ ନୁ ମାମ୍‍ମେ ଅଦୁତମ୍ ଇଦିନାଦ୍ ସାକ୍ଷି ।

ପ୍ରେରିତ 3:26

ଆଦିଙ୍କ୍ ଇଶ୍ୱର୍ ପ୍ରତମେ ମିଇ ସେଙ୍ଗେ ତାନ୍ ଦାସଡ଼୍‍କ୍‍ ଡଲ୍‍ତାଗାଙ୍କ୍‍ ତେଏସ୍‍ ରହତଣ୍ଡ୍, ବେଲାକି ଅଣ୍ଡ୍‌ ମିୟାଦ୍ ସାରେ ନାରୁଙ୍କ୍ ନିଜେତ୍ ନିଜେତ୍ କାରାପ୍ ହାର୍‍ତାଗାଙ୍କ୍ ମାଲ୍‍ପି ଆର୍ଶିବାଦ୍‍ ମାଡ଼ିତନ୍ ।”

ପ୍ରେରିତ 4:10

ଆଦିଙ୍କ୍ ମିଡ଼୍ ନୁ ଇସ୍ରାଏଲ୍‍ତେ ସାରେତଡ଼୍ ପୁନ୍ଦ୍‍ ୱେୟ୍‍ତିତ୍ ଜେ, ମିଇ ମୁନେ ନିସ୍ ମାନ୍ଦାନ୍ ଇ ନାରୁଣ୍ଡ୍ ମାତ୍ରମ୍‍ ନାଜରିତିୟ ଜିସୁ କ୍ରିଷ୍ଟନ୍ ପେଦେର୍‍ତେ ଶକ୍ତିତଡ଼୍ ସାରେ ସୁସ୍ଥ ଆତ୍‍ତଣ୍ଡ୍ । ବେନଙ୍କ୍ ମିଡ଼୍ କ୍ରୁଶତାଗ୍ ଆୱକ୍‍ତିଡ଼୍‍ ମେଣ୍ଡେ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ମେଣ୍ଡନ୍‍ଦାମ୍ ଜିୱୁନ୍ ମାଡ଼୍‍ତଣ୍ଡ୍ ।

ପ୍ରେରିତ 4:33

ବେଡ଼୍‍ୟାଦ୍‍ ଶକ୍ତି ତଡ଼୍ ପ୍ରେରିତ ଶିଷ୍ୟଡ଼୍ ପ୍ରବୁ ଜିସୁନ୍ ପୁନରୁତାନ୍ ବିଷୟ୍‍ତେ ସାକ୍ଷ୍ୟ ହିତ୍‍ତଡ଼୍ ନୁ ଇଶ୍ୱର୍ ଅଡ଼୍‌ ପର୍‍ର ନାର୍‍ଗେ ଅନୁଗ୍ରହ ମାଡ଼୍‍ତଣ୍ଡ୍ ।

ପ୍ରେରିତ 5:30

ବେନ୍ ଜିସୁଙ୍କ୍ ମିଡ଼୍ କ୍ରୁଶତାଗ୍ ୱେଃସ୍ ଆୱ୍‍କି ମାତ୍‍ତିଡ଼୍, ମାନ୍‍ ଆନିଦାଦୀଡ଼୍‍ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ତେଏସ୍‍ ମିନ୍ଦେଣ୍ଡ୍ ।

୧ କରନ୍ତିୟ 15:15

ନାର୍‍ଗେ ମାନାଡ଼୍ ଇଶ୍ୱର୍ ବିଷୟ୍‍ତେ ମିଚ୍ କେତ୍‍ତାନ୍ ଲେକାମ୍ ଆଦ୍‍ତେ, ବାତେଙ୍କ୍‍ଇତ୍‍କେ ମାନାଡ଼୍ କେତୁତାଡ଼୍ ଜେ, ଅଣ୍ଡ୍‌ କ୍ରିଷ୍ଟଙ୍କ୍ ପୁନର୍ଜୀବିତ୍ ମାଡ଼୍‍ତଣ୍ଡ୍ । ଇତ୍‍କେ ଯଦି ନିଜାମ୍ ଡଲ୍‍ତଡ଼ାଦ୍ ପୁନରୁତ୍‍ତାନ୍ ଇଲ୍‍ଲେ, ଆଲେକେ ଇଶ୍ୱର୍ କ୍ରିଷ୍ଟଙ୍କ୍ ପୁନରୁତ୍‍ତିତ୍ ମାଡ଼ଣ୍ଡ୍ ।

୧ କରନ୍ତିୟ 6:14

ଇଶ୍ୱର୍ ପ୍ରବୁଙ୍କ୍ ଡଲ୍‍ତାଗାଙ୍କ୍ ତେଃଏତଣ୍ଡ୍, ମେଣ୍ଡେ ତାନ୍‌ ଲାୱ୍‌ତେ ମାନାକିନ୍‌ ମେଣ୍ଡେ ତେଏତିତଣ୍ଡ୍ ।

୨ କରନ୍ତିୟ 4:14

ମାମ୍‍ମେ ପୁତ୍‍ତମ୍, ଇଶ୍ୱର୍ ପ୍ରବୁ ଜିସୁଙ୍କ୍ ଡଲ୍‍ତାଗାଙ୍କ୍ ତେସ୍‍ମିନ୍ଦେନ୍ । ଆଦ୍ ଇଶ୍ୱର୍, ଜିସୁନ୍ ତଡ଼୍ ମାକିଂଙ୍କ୍ ମିକା ଜିୱୁନ୍ ମାଡ଼ିତନ୍ ନୁ ମିଇ ତଡ଼୍ ମାକିଂଙ୍କ୍ ତାନ୍ ମୁନେ ନିଲ୍‍ପିତନ୍ ।

ଗାଲାତୀୟ 1:1

ନାନ୍ ପାଉଲ୍ ପ୍ରେରିତ୍‍ ଶିଷ୍ୟ ଆଦାନ୍ ସେଙ୍ଗେ ନାନ୍ ନାରୁଡ଼ାଗାଙ୍କ୍ କି ନାରୁଡ଼୍‍କିନ୍ ଲୋପେଙ୍କ୍ କାର୍ଙ୍ଗାନାଦ୍ କେଞ୍ଜି ୱାଡ଼ନ୍‍, ଇଦ୍ କାର୍ଙ୍ଗାନାଦ୍ ନିଜେ ଇଶ୍ୱର୍‌ତାଗାଙ୍କ୍ ନୁ ଅଣ୍ଡ୍‌ ବେନଙ୍କ୍ ଡଲ୍‍ତାଗାଙ୍କ୍ ତେଏତ୍‍ତଣ୍ଡ୍, ଆ ଜିସୁ କ୍ରିଷ୍ଟ ନାଗାଙ୍କ୍ ପାଏମ୍‍ ଆତ୍‍ତାନ୍‍ ।

ଏଫିସିୟ 1:20

ଇଞ୍ଜେ, ମାନାଗେ ଇସ୍ ମାନ୍ଦାନ୍ ଆଦ୍‍ ଶକ୍ତି ତଡ଼୍ କେ ଇଶ୍ୱର୍ କ୍ରିଷ୍ଟଙ୍କ୍ ଡଲ୍‍ତାଗାଙ୍କ୍ ତେସ୍ ମିକା ଅଂକିଙ୍କ୍‌ ସ୍ୱର୍ଗିୟ ନାରୁଡ଼୍‍ତେ ନିଜର୍‍ ତିନ୍ଦେପାକେ କୁସ୍‍ପି ମିନ୍ଦେନ୍ ।

କଲସୀୟ 2:12

ବାତେଙ୍କ୍ଇତ୍କେ ଏର୍‍ମୁଡ଼୍‍ନ୍ଦ୍‍କେ ମିଡ଼୍ କ୍ରିଷ୍ଟନ୍‍ ତଡ଼୍ ସମାଦି ପାଏମ୍ ଆସ୍‍ମାତ୍‍ତିଡ଼୍ ନୁ ଜିସୁ କ୍ରିଷ୍ଟଙ୍କ୍ ତେଏସ୍ ‍ମାନ୍ଦାନ୍ ଇଶ୍ୱର୍‌ତେ ଶକ୍ତିତାଦ୍‍ ବିଶ୍ୱାସ୍ ମାଡ଼ାନ୍ ତଡ଼୍ କ୍ରିଷ୍ଟନ୍ ତଡ଼୍ ମିଡ଼୍‍ମିକା ତେଏଦ୍‍ତିଡ଼୍ ।

ଏବ୍ରୀ 13:20

ବେନ ନିଜର୍ ଜିୱୁଣ୍ଡ୍ ଇସ୍ ମେଣ୍ଢାକିନ୍ ବାଡ଼୍‍ୟଣ୍ଡ୍ ପଡ଼୍‍ପାନଣ୍ଡ୍ ଆତ୍‍ତଣ୍ଡ୍, ମାନ୍‍ ଅଣ୍ଡ୍‌ ପ୍ରବୁ ଜିସୁଙ୍କ୍ ଇଶ୍ୱର୍ ଡଲ୍‍ତାଗାଙ୍କ୍ ତେଏତଣ୍ଡ୍ । ଆ ଜିସୁନ୍ ଜିୱୁଣ୍ଡ୍ ଇତ୍‍ତେ ନେତୁର୍‍କନ୍ସ୍ ଅଣ୍ଡୟ୍‌ ସାର୍ରେଦିନାତାଦ୍ ଚିଃନେ ଆତ୍‍ତେ ।

୧ ପିତର୍‍ 1:21

ଅନ୍‌ ସେଙ୍ଗେ ମୀଇଡ଼୍ ଇଶ୍ୱର୍‌ତେ ବିଶ୍ୱାସି ଆତ୍‍ତିଡ଼୍ । ଅନ୍‌ ମହିମା ସେଙ୍ଗେ ଡଲ୍‍ତାଗାଙ୍କ୍ ତେସ୍‍ ମିକା ଏଞ୍ଚିମାନ୍ଦାନ୍ ଇଶ୍ୱର୍‌ତେ ପରୁ ମୀୟାଦ୍ ବିଶ୍ୱାସ୍ ନୁ ଆସେ ଡୁଟାଙ୍ଗ୍‍ ଆତ୍‍ତେ ।