ପ୍ରେରିତ 19:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ଇତ୍‍କେ ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍ ଗାଡ଼୍‍ସ୍‍ ମନ୍‍ତଡ଼୍ ମାତ୍‍ତଡ଼୍, ଅଡ଼୍‌ ବିଶ୍ୱାସ୍ ଶିଷ୍ୟ ମାଡ଼ଡ଼୍‍ । ଅଡ଼୍‌ ମାନ୍ଦେତାଗ୍ ସାରେତଡ଼୍ ମୁନ୍‍ନେ ପ୍ରବୁନାଦ୍ ଆର୍‍ ବିଷୟ୍‍ତେ ବିବାଦ୍ ଗଟ୍ କେତ୍‍ତଡ଼୍ । ଆଦିଙ୍କ୍ ପାଉଲ୍ ଅଡ଼୍‌‍କିଂଙ୍କ୍ ୱିଡ଼୍‍ସି ବିଶ୍ୱାସୀଡ଼୍‍କ୍ ଆସ୍ ସାରେଦିନେ ଟିରାନସ୍ ବବନତାଗ୍ ମିଟିଙ୍କ୍ ମାଡ଼୍‍ତଣ୍ଡ୍ ।

ପ୍ରେରିତ 19:9 ပူးပေါင်းရင်းမြစ်များ

ମାତିଉ 15:14

“ଅଡ଼୍‌ ବିଷୟ୍‍ତେ ଦାନ୍ଦେ ଆୟ୍‍ମାଟ୍‍ । ଅଡ଼୍‌ କାନାଙ୍କ୍ ଆର୍ ତତାନଣ୍ଡ୍ । ୱେରଣ୍ଡ୍ କାନାଲ୍ ମେଣ୍ଡେ ୱେରଣ୍ଡ୍ କାନାଙ୍କ୍ ଆର୍ ତତ୍‍କେ ଇର୍‍ୱୁଡ଼୍ ଆସ୍‍ସ ଗୁଇନ୍ଦେତାଗ୍ ରାଲିତଡ଼୍ ।”

ମାତିଉ 16:4

ଇ ଯୁଗ୍‍ତେ ନାରୁଡ଼୍ ବେସର୍ ଦୁଷ୍ଟ ନୁ ଇଶ୍ୱର୍‌ତେ ଅବିଶ୍ୱାସ୍ । ମିଡ଼୍ ୱେରଡ଼୍ ଆଶର୍ଯ୍ୟ କାମ୍ ମାଡ଼ାଙ୍କ୍ କେତୁତିଡ଼୍ ? ବାତେଙ୍କ୍ ଇତ୍‍କେ ଯୁନସ୍‍ତେ ଜିୱୁନ୍‍ତେ ଗଟେମ୍ ଆସ୍‍ମାନ୍ଦାନ୍ ବାକ୍‍ୱାକାମ୍ ୱିଡ଼୍‍ସି ବାତେମିକା ବାକ୍‍ୱାକାମ୍ ମିଡ଼୍ ନାୟାଗେ ଉଡ଼୍‍ୱିଡ଼୍ ।” ଆଦ୍ କେସ୍ ଜିସୁ ଅଡ଼୍‌‍କ୍ ୱିଡ଼୍‍ସି ଆତ୍‍ତନ୍ ।

ମାତିଉ 26:55

ଜିସୁ ତାନ୍‍ପେର୍କେ ଗୁଡ଼୍‍ଡି ମାନ୍ଦାନ୍ ଆଦ୍ ନାରୁଡ଼୍‍କିଂଙ୍କ୍ କେତ୍‍ତଣ୍ଡ୍, ନାନ୍ ବାତେଏ ୱେରଣ୍ଡ୍ ଡଙ୍ଗାଲ୍, ସାକୁ ଟେଙ୍ଗା ପୟ୍‍ସ୍ ନାକିଂଙ୍କ୍ ପୟ୍‍ଦାଙ୍କ୍ ୱାତ୍‍ତିଡ଼୍ ? ସାରେ ଦିନା “ନାନ୍‍ନେ ମନ୍ଦିର୍ ତାଗ୍ କୁଦି ଶିକ୍ଷା ଇସମାତ୍‍ତାନ୍‍, ଆସୁଙ୍କ୍ ତ ନାକିଂଙ୍କ୍ ପୟ୍‍ୱିଡ଼୍‍ !

ଯୋହନ୍‌‌ 12:40

“ଇଶ୍ୱର୍ ଅଡ଼ାୱୁ କଣ୍ଡାଙ୍କ୍ କାନାଲ୍‌ ମାଡ଼ିମିନ୍ଦେଣ୍ଡ୍, ମେଣ୍ଡେ ଅଡ଼ାଦ୍‌ ଜିୱୁନ୍ ଡୁଟ୍‍ଟାଙ୍କ୍ ମାଡ଼ିମିନ୍ଦେଡ଼୍, ବେଦ୍‍ଲେକାମ୍ ଅଡ଼୍‌ କଣ୍ଡାନେ ଉଡ଼େ ପାର୍‍ୱାଦ୍, ମେଣ୍ଡେ ଜିୱେତାଗ୍ ବୁଜେମ୍ ଆଦ୍‍ପାର୍‍ୱଡ଼୍, ମେଣ୍ଡେ ମାଲ୍‍ଦେ ପାର୍‍ୱଡ଼୍, ମାମ୍‍ମେ ଅଡ଼୍‌‍କିଂଙ୍କ୍ ସୁସ୍ଥ ମାଡ଼ମ୍ ।”

ପ୍ରେରିତ 11:26

ଆଗେ ଅଣ୍ଡ୍‌ ଅଂକିଙ୍କ୍‌ ଦର୍‍ସ୍‍କି ଆନ୍ତିୟକିଆତାଗ୍ ତାତ୍‍ତଣ୍ଡ୍ । ମେଣ୍ଡେ ସାରେ ଅଣ୍ଡୟ୍‌‍ ହେଣ୍ଡ୍‍କ୍ ଯାକ ଇଡ଼୍ ଇର୍‍ୱୁଡ଼୍ ଗାର୍‍ରେତ୍ ମଣ୍ଡଲିତାଗ୍ ବିଶ୍ୱାସୀ ଶିଷ୍ୟଡ଼୍‍ ତଡ଼୍ କାଇଲି ନାର୍‍ଗେ ନାରୁଡ଼୍‍କିଂଙ୍କ୍ ଶିକ୍ଷା ହିତ୍‍ତଡ଼୍ । ଆଣ୍ଟିୟୋକ୍‌ତେ ବିଶ୍ୱାସୀଡ଼୍‍କ୍ ନାରୁଡ଼୍ ମୁନ୍‍ନେନ୍ କ୍ରିଷ୍ଟିୟାନ୍ ଇଞ୍ଜ କେତ୍‍ତଡ଼୍ ।

ପ୍ରେରିତ 14:4

ନଗର୍‍ତେ ନାରୁଡ଼୍ ରେଣ୍ଡ୍ ମାନ୍ଦେ ଆତ୍‍ତଡ଼୍ । ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍ ଇହୁଦୀ ନାରୁଡ଼୍‍କ୍ ନୁ ମେଣ୍ଡେ ବେସ୍‍କ୍‍ତୁଡ଼୍‍ ପ୍ରେରିତ ଶିଷ୍ୟଡ଼୍‍କ୍ ସପଟ୍ ମାଡ଼୍‍ତଡ଼୍ ।

ପ୍ରେରିତ 17:4

ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍ ଇଦ୍ ବିଶ୍ୱାସ୍‍ ପାଉଲ୍ ନୁ ଶୀଲା ତଡ଼୍ କାଇଲ୍‍ତଡ଼୍; ଆଦେପୁଟୁଙ୍କ୍ ନାର୍‍ଗେ ବାଡ଼୍‍ୟେ ନାଟାଙ୍କ୍ ନୁ ଇଶ୍ୱର୍‌ତିଙ୍କ୍ ଉପାସନା ମାଡ଼ାନ୍‍ ଗ୍ରୀକ୍‍ନାରୁଡ଼ାଦ୍‍ ଅଣ୍ଡୟ୍‌ ବେଡ଼୍‍ୟାଦ୍‍ ମାନ୍ଦେ ମିକା ଅଡ଼୍‌ ତଡ଼୍ କାଇଲ୍‍ତେ ।

ପ୍ରେରିତ 19:23

ଇଦିନ୍‍ ଲୋପେ ପ୍ରବୁ ତଅସ୍ ମାତ୍‍ତେ ଆର୍‍ ବିଷୟ୍ ଆସ୍ ଏପିସସ୍‍ତାଗ୍ ଗାଟି ଗଲ୍‍କ୍ ଆତ୍‍ତଡ଼୍ ।

ପ୍ରେରିତ 19:30

ପାଉଲ୍ ନିଜେ ନାରୁଡ଼୍‍କିଂଙ୍କ୍ ସାମ୍‍ନା ମାଡ଼ାନଙ୍କ୍ ତିଆର୍ ଆତ୍‍ତଣ୍ଡ୍, ଇତ୍‍କେ ବିଶ୍ୱାସୀଡ଼୍ ଶିଷ୍ୟ ଇଦ୍ ମାଡ଼ାନଙ୍କ୍ ଇୱଡ଼୍ ।

ପ୍ରେରିତ 20:31

ଆସୁଟ୍‍ ସତର୍କ ମାନୁଟ୍, ନାନ୍ ଯେ ନାର୍‍କେ ପାୟାଲ୍ ନିଜର୍‍ କାଣ୍ଡେଡ଼ି ରାପି ମୁଣ୍ଡ୍ ହେଣ୍ଡ୍‍କ୍ ଯାକ ଶିକ୍ଷା ହିତ୍‍ତାନ୍, ଇଦ୍ ହେର୍କା ମାଡ଼ାଟ୍ ।”

ପ୍ରେରିତ 22:4

ନାନ୍ ପ୍ରବୁନ୍‍ ଆର୍‍ ପଇସ୍‌ ଆଞ୍ଜମାନ୍ଦା ନାରୁଡ଼୍‍କିଂଙ୍କ୍ ଅତ୍ୟାଚାର୍ ମାଡ଼ି ଅଡ଼୍‌‍କିଂଙ୍କ୍ ଜିୱୁଣ୍ଡ୍‍ତେ ରେହେସ ମାତ୍‍ତାନ୍ । ନାଟାଙ୍କ୍ ମାନେୟ୍‍କ୍ ସାରେତଡ଼୍‌କିଂଙ୍କ୍ ବନ୍ଦି ମାଡ଼ି ଜଇଲ୍‍ତାଗ୍ ୱାଟ ମାତ୍‍ତାନ୍ ।

ପ୍ରେରିତ 24:21

ଆଗେକ୍‍ବା ନାନ୍ ଅଣ୍ଡୟ୍‌ ଗଟ୍ କେସ୍‍ମାତ୍‍ତାନ୍; ଅଡ଼୍‌ ମୁନ୍‍ନେ ନିଶ୍‍ମାନ୍ଦାନ୍ ୱେଲେ ନାନ୍ ଗାଡ଼୍‍ସ୍‍ଆସ୍ କେସ୍‍ମାତ୍‍ତାନ୍, ‘ଡଲ୍‍ତେନଡ଼୍ ମେଣ୍ଡନ୍‍ନ୍ଦାମ୍ ପୁନରୁତାନ୍ ଆଦ୍‍ତଡ଼୍ ଇଞ୍ଜ ବିଶ୍ୱାସ୍ ମାଡ଼୍‍ତାଙ୍କ୍ ନେଣ୍ଡ୍ ମିଇ ତଡ଼୍ ବିଚାର୍‍ ଆଦୁତାନ୍ ।’”

ପ୍ରେରିତ 28:22

ଆଦ୍ ବାତ୍ଆୟି ମାମ୍‍ମେ ନିୟାଦ୍ ଗଟ୍ କେଞ୍ଜିତମ୍, ବାତେଙ୍କ୍ଇତ୍‍କେ ସାରେତାଗ୍ ନାରୁଡ଼୍ ନି ମାନ୍ଦେ ବିରୁଦ୍ଦ୍‍ତେ ଗଟ୍ କେତୁତଡ଼୍ ।”

ପ୍ରେରିତ 7:51

ସ୍ତିଫାନ୍ ମେଣ୍ଡେ କେତ୍‍ତଣ୍ଡ୍, “ମିଡ଼୍ ବେସର୍ ଜିଦ୍‍ତଡ଼ି ! ମିୱାଦ୍ ହୃଦୟ୍ ବେସର୍ ଅସୁନ୍ନତ, ଇଶ୍ୱର୍‌ତେ ବାକ୍ୟ ସେଙ୍ଗେ ମିଡ଼୍ ବେସର୍ ବାୟିରାଲଡ଼ି ! ମିଡ଼୍ ଟିକ୍ ମିୱଡ଼୍ ଆନିଦାଦିଡ଼୍ ଲେକାମ୍, ମିଡ଼୍ ସାରେଦାମ୍ ପବିତ୍ର ଆତ୍ମାତିଙ୍କ୍ ବିରୋଦ୍ ମାଡ଼ିତିଡ଼୍ ।

ପ୍ରେରିତ 9:2

ଦାମାସ୍‍କସ୍‍ତେ ଉପାସନା ଲଅକିନାଗ୍ ପ୍ରବୁନ୍‍ ଆର୍‍ଦିଙ୍କ୍ ୱାସମାନ୍ଦାନ୍‌ ନାରୁଡ଼୍‌ ବନ୍ଦିମାଡ଼ି ଯିରୁଶାଲେମ୍‍ତାଗ୍ ତାତାନ୍ ମାଇଦିଙ୍କ୍ ବେଡ଼ିୟି ଯାଜକ୍‍କନ୍ସ୍ ଆନୁମତି ଚିଟି ତାଲ୍‍କ୍‍ତଣ୍ଡ୍ ।

ରୋମୀୟ 11:7

ଆଲେକେ ବାତ୍ ଆତ୍‍ତେ ? ଇଶ୍ରାଏଲୀୟଡ଼୍ ବାତ୍ ମେଏଃକମାତ୍‍ତଡ଼୍, ଆଦ୍ ପାଏମ୍ ଆୟ୍‍ୟଡ଼୍ । ଇଶ୍ୱର୍ ଏଞ୍ଚିମାନ୍ଦାନ୍ ଅଣ୍ଡୟ୍‌ ସୁଦୁର୍ ଗୋଷ୍ଠୀ ଆଦ୍ ଦର୍‍କ୍‍ତେ । ମେଣ୍ଡେ ବାଗାତଡ଼୍ ଇଶ୍ୱର୍‌ତେ ଆୱାନ୍‍ତିଙ୍କ୍ ମାନ୍‍ ଇୱଡ଼୍ ।

ରୋମୀୟ 9:18

ଆଦିଙ୍କ୍ ଇଶ୍ୱର୍‌ତେ ଲେକାମ୍ ଅଣ୍ଡ୍‌ ବେନଙ୍କ୍ ଦୟା ମାଡ଼ିତନ୍ ନୁ ବେନଙ୍କ୍ ଡୁଟାଙ୍ଗ୍‍ ଆଦାନଙ୍କ୍ ୱିଡ଼୍‍ସିତଣ୍ଡ୍ ।

୧ କରନ୍ତିୟ 16:9

ଇଗେ ନା ବିରୁଦ୍‍ତେ ନାର୍‍ଗେ ନାରୁଡ଼୍ ମାତ୍‍କେ ଗାଲା, ସାୟେତାୱୁ ପାଡ଼୍‍ୟି ମାଡ଼ାନ୍ ସେଙ୍ଗେ ନାକିଂଙ୍କ୍ ଆସର୍ ଆର୍‍ଙ୍ଗ ମିନ୍ଦେ ।

୧ ତୀମତି 6:5

ଅଡ଼୍‌ ବିଚାର୍ ଲେକାମ୍ ଆସ୍ ଆସାମ୍ ଯୁକ୍ତିତର୍କ ତଡ଼୍ ସତ୍ୟତାଦ୍ ଅପଲାପ ମାଡ଼ିତଡ଼୍ । ଦର୍ମବିଶ୍ୱାସ୍‍ତିଙ୍କ୍ ମାତର୍ ସାଉକାର୍ ଆଦାନ୍ ଅଣ୍ଡୟ୍‌ ଆର୍ର୍ ଇଞ୍ଜ ଅଡ଼୍‌ ହେର୍କା ମାଡ଼ିତଡ଼୍ ।

୨ ତୀମତି 1:15

ମିଡ଼୍ ପୁତ୍‍ତିଡ଼୍ ଫୁଗେଲ୍ ନୁ ହର୍ମଗେନା ତଡ଼୍ ମୁନେ ଏସିଆ ପ୍ରଦେଶ୍‍ତେ ସାରେତଡ଼୍ ନାକିଙ୍କ୍ ୱିଡ଼୍‍ସି ମିନ୍ଦେଡ଼୍‍ ।

୨ ତୀମତି 3:5

ଅଡ଼୍‌ ବକ୍ତନଡ଼୍ ବଣ୍ଡ୍‍କ୍‍ତିଙ୍ଗ୍ ପଇଦ୍‍ତଡ଼୍, କିନ୍ତୁ ଆଗେତ୍‍ ଶକ୍ତିତିଙ୍କ୍ ଅସ୍ୱିକାର୍ ମାଡ଼ିତଡ଼୍; ଇଦ୍‍ଲେକାମ୍ ନାରିଡ଼ାଗାଙ୍କ୍ ଯେକା ମାନୁଟ୍ ।

୨ ତୀମତି 4:2

ସମୟ ବା ଅସମୟ ବିଚାର୍ ମାଡ଼କଟ୍, ମିଡ଼୍ ସାରେଦିନା ଆଦ୍ ବାକ୍ୟ ପରୁ ଗଟି ଇସ୍ ବୁଜାମାଡ଼ିତିଡ଼୍; ଦୌର୍ଯ୍ୟତେ ଶିକ୍ଷା ଇସ୍, ବେସୁଙ୍କ୍‍ ବର୍ତ୍ସନା ମାଡ଼ି, ବେସୁଙ୍କ୍‍ ବା ୱେଡ଼୍‍କେ ଇସ୍ ବାଗାତଡ଼୍‍ ମନ୍‍ତାଗ୍ ଅଦିନ୍‌ ସେଙ୍ଗେ ପ୍ରତ୍ୟୟ ଜନମ୍ ମାଡ଼ିତେ ।

ଏବ୍ରୀ 3:13

ଇତ୍‍କେ ବେସୁଙ୍କ୍‌ବା ପାପ୍‌ତେ ଆଶେତ୍ ଟକେମ୍‍ ଆସ୍‍ ମିୟାଗାଙ୍କ୍‌ ବେନନ୍ ମନ୍‌ ଡୁଟାଙ୍ଗ୍‍ ଆୟ୍‍ମାକି, ଆଦିନ୍‌ ମାଇଦିଙ୍କ୍‌ ନେଣ୍ଡ୍ ସମୟ୍‌ ମାଞ୍ଜ୍ ମାଞ୍ଜ୍‌ ୱେରଣ୍ଡ୍‌ ମେଣ୍ଡ୍‌ୱେରଙ୍କ୍ ୱେଡ଼୍‍କେ ମାଡ଼ାଟ୍ । ମେଣ୍ଡେ ଦର୍ମଶାସ୍ତ୍ରତାଗ୍‍ ଲେକ୍‍ତାଦ୍‍, “ନେଣ୍ଡ୍‍” ଲେଙ୍ଗ୍‌ ବେସୁଟ୍‌ ଆନା ମାନ୍‍ ସେଙ୍ଗେ ଦର୍‍କାର୍‍, ଆସୁଟ୍‍ ଆଦ୍‍ ମାଡ଼ମାନୁଟ୍‍,

୨ ପିତର୍‌ 2:12

କିନ୍ତୁ ଇ ବୁସା ମେସ୍ତେରିଡ଼୍‍ ମୁର୍କ ପଶୁ ଲେକାମ୍‍ ସ୍ୱବାବ୍‍ ଲେକାମ୍‌ ସିଟ୍‍ପାଟ୍‍ ନାଡ଼୍‍କାନଙ୍କ୍‍ ପୁଟ୍‍ତା । ବେନ୍‍ ବିଷୟ୍‍ ବୁଜେମ୍‍ ଆୟଡ଼୍‍ ଆଦିଙ୍କ୍‍ ଅଡ଼୍‌‍ ଗଲକ୍‍ ମାଡ଼ିତଡ଼୍‍ କିନ୍ତୁ ଅଡ଼୍‌‍ ବନ୍‍ ପଶୁ ଲେକାମ୍‍ ଦଂସ ଆଦ୍‍ତଡ଼୍‍ ।

୨ ପିତର୍‌ 2:2

ଆଗେକ୍‍ବା ନାର୍ଗେ ଅଡ଼ାଦ୍‌ ଅଦର୍ମ ମାର୍ଗ ଲେକାମ୍‌ ନିଜାମ୍‍ ସତ୍‍ ମାଡ଼ିତଡ଼୍ । ବାଗାତଡ଼୍ ଅଡ଼ାଦ୍‌ କାମ୍‍ମାଡ଼ାନାଦ୍ ଉଡ଼ି ଦର୍ମ ଆର୍‍ଦେ ବିରୁଦ୍ଦତେ ଗଟି କେତିତଡ଼୍ ।

ଯିହୁଦା 1:10

ଇତ୍‍କେ ଇଡ଼୍ ନାରୁଡ଼୍ ବାତ୍ ବୁଜେମ୍ ଆୟଡ଼୍, ପରିଆସ୍ ମାଡ଼ି ଆଦିଙ୍କ୍ ବିରୁଦ୍ ମାଡ଼ିତଡ଼୍ । ମେଣ୍ଡେ ଗୁପେତାଗ୍ ମାନ୍ଦାନ୍ ଜିୱାକିନ୍ ତଡ଼୍ ବାତ୍ ପୁନ୍‍ତଡ଼୍, ଆୱୁ ସାରେକିନ୍ ତଡ଼୍ ଅଡ଼୍‌ ଦଂସ ଆଦ୍‍ତଡ଼୍ ।