ପ୍ରେରିତ 17:23 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²³ ନାନ୍ ମିୟାଦ୍ ନଗର୍‍ତାଗ୍ ଉଡାନ୍‍ୱେଲେ ମିୱାଦ୍ ପୂଜା ମାଡ଼ାନ୍ ଜାଗେତିଙ୍କ୍ ଉଡ଼୍‍ତାନ୍ । ଅଣ୍ଡୟ୍‌ ଜଜ୍ଞବେଦିତ୍ ପର୍‍ର ‘ଅଣ୍ଡୟ୍‌ ପୁନ୍‍ୱାଦ୍ ଇଶ୍ୱର୍‌ତେ ଉଦ୍ଦେଶ୍ୟତେ,’ ଲେକିମାନ୍ଦାନାଦ୍ ଗାଲା ଉଡ଼୍‍ତାନ୍ । ମିଡ଼୍ ପୁନ୍‍ୱେକନ୍‍ସ୍ ବେନଙ୍କ୍ ପୂଜା ମାଡ଼ୁତିଡ଼୍, ଇଞ୍ଜେ ଅନାଦ୍‌ ଗଟ୍ ମିକିଂଙ୍କ୍‍ କେତୁତାନ୍ ।

ପ୍ରେରିତ 17:23 ပူးပေါင်းရင်းမြစ်များ

ମାତିଉ 15:9

ନାକିଂଙ୍କ୍ ଅଡ଼୍‌ ଆରାଦାନା ମାଡ଼ାଙ୍କ୍ ଦର୍‍କାର୍ ଇଲେ, ବାତେଙ୍କ୍ ଇତ୍‍କେ ଅଡ଼୍‌ ମାନେଇ ମାଡ଼୍‍ତାଦ୍ ନିୟମ୍‍ତିଙ୍କ୍ ନାୟାଦ୍ ଗଟ୍ ଇଞ୍ଜ କେତୁତଡ଼୍ ।”

ଯୋହନ୍‌‌ 17:25

ହୋ ଦାର୍ମିକ୍ ବାବା ! ଜଗତ୍ ନିକିଂଙ୍କ୍ ପୁନନ୍, ବାତେଙ୍କ୍ ଇତ୍‍କେ ନାନ୍ ନିକିଂଙ୍କ୍ ପୁତ୍‍ତାନ୍; ମେଣ୍ଡେ ନିମ୍‍ ଯେ ନାକିଂଙ୍କ୍ ରହତି, ଆଦ୍ ଇଡ଼୍ ପୁତ୍‍ତଡ଼୍;

ଯୋହନ୍‌‌ 17:3

ନିମ୍‍ ୱେର୍‍ନି ସତ୍ ଇଶ୍ୱର୍, ନିକିଂଙ୍କ୍ ନୁ ନିମ୍‍ ରଅତେନଣ୍ଡ୍ ଜିସୁ କ୍ରିଷ୍ଟଙ୍କ୍ ପୁନ୍ଦାନାଦ୍ ଆଦୁତ୍‍ତେ ସାରେଦିନାତ୍ ଜିୱୁଣ୍ଡ୍ ।

ଯୋହନ୍‌‌ 4:22

ମିଡ଼୍ ଶମିରନିୟଡ଼ି ପ୍ରକୃତ୍‍ତେ ବେନଙ୍କ୍ ପୁନ୍‍ୱିଡ଼୍, ଅନାଦ୍‌ ଉପବାସ୍ ମାଡ଼ିତିଡ଼୍, ବାତେଙ୍କ୍ ଇତ୍‍କେ ମାମ୍‍ମେ ଯିହୂଦୀମ୍ ବେନଙ୍କ୍ ପୁତ୍‍ତମ୍, ଅଂକିଙ୍କ୍‌ ଉପବାସ୍ ମାଡ଼ିତମ୍, ବାତେଙ୍କ୍ ଇତ୍‍କେ ପରିତ୍ରାଣ୍ ଯିହୂଦିଡ଼ାଗାଙ୍କ୍ ୱାଦ୍‍ତେ ।

ଯୋହନ୍‌‌ 8:54

ଜିସୁ ଉତ୍ତର୍ ହିତ୍‍ତଣ୍ଡ୍, “ନାନ୍ ଯଦି ନିଜ୍‍ତିଙ୍ଗ୍ ଗୌରବ୍‍ ବାନ୍ୱିତ ମାଡ଼ାଙ୍କ୍ ଚେଷ୍ଟା ମାଡ଼େନ୍ ଇଦିନାଦ୍ ବାତେବା ମୁଲ୍ୟ ମାନ୍‍ନ ଆୟେଡ଼୍‍ । ବେନ ନାକିଂଙ୍କ୍ ଗୌରବ୍ ବାନ୍ୱିତ ମାଡ଼ିତନ୍, ଅଣ୍ଡ୍‌ ନା ବାବାଲ୍, ବେନଙ୍କ୍ ମିଡ଼୍ ନିଜେତ୍ ଇଶ୍ୱର୍ ଇଞ୍ଜ କେତୁତିଡ଼୍ ।

ପ୍ରେରିତ 17:30

ନାରୁଡ଼୍ ଇଶ୍ୱର୍‌ତିଙ୍କ୍ ପୁନ୍‍ୱେ ୱେଲେ ଅଣ୍ଡ୍‌ ଦଷ୍ ପୟ୍‍ୱେ ମାତ୍‍ତଣ୍ଡ୍, ଇତ୍‍କେ ଇଞ୍ଜେ ସାରେତଡ଼୍‍ ଅନୁତାପ ମାଡ଼ି ଅଡ଼ାଦ୍‌ ପାପାମ୍‍ ହାର୍‍ତାଗାଙ୍କ୍ ମାଲ୍‍ଦାନ୍ ମାଇଦିଙ୍କ୍ ଗଟ୍ ଇଦୁତଣ୍ଡ୍ ।

ରୋମୀୟ 1:28

ମେଣ୍ଡେ ଅଡ଼୍‌ ଇଶ୍ୱର୍‌ତେ ବିଷୟ୍‍ତାଦ୍ ବୁଦ୍‍ ଗ୍ରହଣ୍‍ ମାଡ଼ାନଙ୍କ୍ ପାର୍‍ୱଡ଼୍, ଆଦେରକମ୍ ଇଶ୍ୱର୍ କାରାପ୍ ପାଡ଼୍‍ୟି ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ କାରାପ୍ ବୁଦ୍‍ ଇତ୍‍ତନ୍ ।

୧ କରନ୍ତିୟ 1:21

ଇଶ୍ୱର୍ ତାନାଦ୍‌ ବେଡ଼ିୟଡ଼୍ ବୁଦ୍‍ତେ ଆଲ୍‌ସି ମାତ୍‌ତଣ୍ଡ୍ ଯେ ନାରୁଡ଼୍ ତାମ୍ ବୁଦ୍ ତଡ଼୍ ଇଶ୍ୱରତିଙ୍କ୍ ପୁନ୍ଦେପାର୍ୱଡ଼୍ । ମେଣ୍ଡେଅଣ୍ଡ୍‌‍ପାକା, ମାମ୍‍ମେ ପ୍ରଚାର୍ ମାଡ଼ାନାଦ୍ ଗଟ୍‍ତାଗ୍ ମାନ୍ଦାନ୍ ପିନ୍ଦ କାବୁର୍‌ତିଙ୍କ୍ ବିଶ୍ୱାସ୍ ମାଡ଼ାନ୍‌ ନାରୁଡ଼୍‌କିଙ୍ଗ୍ ଗେଲ୍‌ସ୍ପାନ୍‌ ମାଇଦିଙ୍କ୍ ଇଶ୍ୱର୍ ଆଲ୍‌ସି ମିନ୍ଦେଣ୍ଡ୍ ।

୧ କରନ୍ତିୟ 8:5

ବାତେଙ୍କ୍‍ଇତ୍‍କେ ସ୍ୱର୍ଗ କି ବୁମ୍‌ତାଗା ଆୟି ବେନଡ଼୍‍କ୍‌ ଦେୟାକ୍‌ ଇଞ୍ଜ କେତୁତଡ଼୍‍, ଯଦି ମିନ୍ଦେଡ୍‌ ଆଲାଇତ୍‌କେତ ନାର୍‍ଗେ ଦେୟାକ୍‌ ନୁ ନାର୍‍ଗେ ପ୍ରବୁ ମିନ୍ଦେ,

ଏଫିସିୟ 2:12

ମୁନେ ମିଡ଼୍ କ୍ରିଷ୍ଟନାଗାଙ୍କ୍ ଯେକା ମାତ୍‍ତିଡ଼୍, ମିଡ଼୍ ବିଦେଶି ମାତ୍‍ତିଡ଼୍ ନୁ ଇଶ୍ୱର୍‌ତେ ହେଞ୍ଚ୍‍ତେ ଜାତିତାଗ୍ କାଇଲ୍‍ୱେ ମାତ୍‍ତିଡ଼୍ । ଇଶ୍ୱର୍ ତାନ୍ ନାରୁଡ଼୍ ସେଙ୍ଗେ ମାଡ଼ିମାନ୍ଦାନ୍ ପ୍ରତିଜ୍ଞା ପରୁ ତିଆର୍ ନିୟମ୍‍ତେ ମିୟାଦ୍ ବେନେବା କାଇଲ୍‍ୱେ ମାତ୍‍ତେ । ଆଶେ ଶୁନ୍ୟ ନୁ ଇଶ୍ୱର୍ ବିହିନ ଆସ୍ ମିଡ଼୍ ଜଗତ୍‍ତାଗ୍ ମାଞ୍ଜମାତ୍‍ତିଡ଼୍ ।

୨ ଥେସଲନିୟ 2:4

ଆଦ୍ କାରାପ୍ ଆତ୍ମା ନାରୁଡ଼ାଦ୍ କେତାନାଦ୍ ସାର୍‍ରେ ପୁଜାମାଡ଼ାନ୍ ଦେୟାମ୍ ନୁ ଉପାସ୍ୟ ବସ୍ତୁତାଦ୍ ବିରୁଦ୍‍ ଆଚରନ୍ ମାଡ଼ିତ୍ ନୁ ନିଜେତିଙ୍କ୍ ସାର୍ରେତ୍ ପର୍‍ର ନେଃତାନଙ୍କ୍ ପାର୍‍ଦ୍‍ତେ । ଇଦ୍ ରକମ୍ କି ଅଣ୍ଡ୍‌ ଇଶ୍ୱର୍‌ତେ ମନ୍ଦିର୍‌‍ତାଗ୍ କୁଦି ନିଜେ ଇଶ୍ୱର୍ ଇଞ୍ଜ ଦାବୀ ମାଡ଼ିତ୍ ।

୧ ତୀମତି 1:17

ସାରେ ବିଶ୍ୱ ଜଗତ୍‍ତେ ତନ୍ଦ୍‍ୱାଦ୍‍, ୱେରଣ୍ଡେ ଇଶ୍ୱର୍‌, ସାରେଦିନାତ୍‍ ରାଜାଲ୍‍, ଅଣ୍ଡୟ୍‌‍ମାତର୍ ଇଶ୍ୱର ଯୁଗ୍‍ଯୁଗ୍‍ ସମ୍ମାନିତ ନୁ ମହିମାନ୍ନିତ ଆଇଣ୍ଡ୍‍ । ଆମେନ୍‍ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।