ପ୍ରେରିତ 17:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ପାଉଲ୍ ନୁ ଶୀଲା ଆମ୍ପିପଲି ନୁ ଆପଲ୍ଲୋନିଆ ଇସ୍‌ ଥେସଲନିକୀତାଗ୍ ୱାତ୍‍ତଡ଼୍ । ଆଗେ ଅଣ୍ଡୟ୍‌ ଇହୁଦୀ ଉପାସନା ମାତ୍‍ତେ ।

ପ୍ରେରିତ 17:1 ပူးပေါင်းရင်းမြစ်များ

ପ୍ରେରିତ 14:1

ଇକନିୟାତାଗ୍ ଆଦ୍ ଗଟନା ମେଣ୍ଡେଅଣ୍ଡ୍‌‍ଦାମ୍ କେତ୍‍ତଡ଼୍; ପାଉଲ୍ ନୁ ବର୍ଣ୍ଣବା ପ୍ରାର୍ତନା ଲତ୍‍ତାଗ୍ ଆଞ୍ଜ୍ ଇଦ୍‍ରକମ୍ ପ୍ରଚାର୍ ମାଡ଼୍‍ତଡ଼୍ ଯେ ନାର୍‍ଗେ ଇହୁଦୀ ନୁ ଗ୍ରୀକ୍‍ ଅଣଇହୁଦୀଡ଼୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ତଡ଼୍ ।

ପ୍ରେରିତ 15:21

ବାତେଙ୍କ୍ଇତ୍‍କେ ନାର୍‍ଗେ ଦିନାକନ୍ସ୍ ବିଶ୍ରାମ୍‍ଦିନେ ଉପାସନା ଲଅକିନାଗ୍ ମୋଶାନ୍‌‌ ନିୟମ୍ କାର୍‍ତୁତଡ଼୍ ନୁ ସାରେ ଟାୱୁନ୍‍କିନାଗ୍ ଅନାଦ୍‌ ଗଟ୍ ପ୍ରଚାର୍ ଆଦୁତ୍‍ତେ ।

ପ୍ରେରିତ 16:13

ବିଶ୍ରାମ୍‍ଦିନେ ନଗର୍‍ତେ ବାୟିଦେ ମାନ୍ଦାନ୍ ବେଡ଼େମ୍ ହାଞ୍ଚିନାଗ୍ ଆତ୍‍ତମ୍ । ମାମ୍‍ମେ ହାଲ୍‍ସି ମାତ୍‍ତମ୍, ଆଗେ ଇହୁଦୀଡ଼୍ ପ୍ରାର୍ତନା ମାଡ଼ାନ୍ ସେଙ୍ଗେ ଅଣ୍ଡୟ୍‌ ପଡ଼୍‍ୟି ମାନ୍‍ତେ । ମାମ୍‍ମେ ମଦଲ୍ କୁଦ୍‍ତମ୍ ନୁ ଆଗେ ଗୁଡ଼ିମାନ୍ଦାନ୍ ନାଟାକିନ୍ ତଡ଼୍ ଗଟି ତ୍ରିୟ୍‍ତମ୍ ।

ପ୍ରେରିତ 17:10

ନାର୍କା ଆତ୍‍ତାଙ୍କ୍ ବିଶ୍ୱାସୀଡ଼୍ ପାଉଲ୍ ନୁ ଶୀଲାଙ୍କ୍ ବେରିଆତାଗ୍ ରହସିତ୍‍ତଡ଼୍ । ଅଡ଼୍‌ ଆଗେ ହେୱୁସ୍ ଇହୁଦୀଡ଼୍‍ ପ୍ରାର୍ତନାତାଗ୍ ଆତ୍‍ତଡ଼୍ ।

ପ୍ରେରିତ 17:11

ଥେସଲନିକୀତେ ନାରୁଡ଼ାଗାଙ୍କ୍ ଆଗେତ୍ ନାରୁଡ଼୍ ଅଦିକ୍‌ ଦୟାବାନ୍ ମାତ୍‍ତଡ଼୍ । ଅଡ଼୍‌ ଗାଟି ଆଗ୍ରହତଡ଼୍ ଶିଷ୍ୟଡ଼ାଦ୍ ଶିକ୍ଷା କେଞ୍ଜ୍‍ତଡ଼୍ ନୁ ପାଉଲ୍‍ତାଦ୍ ପାଚ୍ରାମାଡ଼ି ଗଟ୍‍ତେ ସତ୍ ପୁନ୍ଦାନ୍ ମାଇଦିଙ୍କ୍ ଅଡ଼୍‌ ନିତାଲ୍ ଦର୍ମଶାସ୍ତ୍ର କାର୍‍ତଡ଼୍ ।

ପ୍ରେରିତ 17:13

ଇତ୍‍କେ ବେସୁଟ୍‌ ଥେସଲନିକୀ ଇହୁଦୀଡ଼୍ କେଞ୍ଜ୍‍ତଡ଼୍ ଯେ ବେରିଆତାଗ୍ ମିକା ପାଉଲ୍ ଇଶ୍ୱର୍‌ତେ ଗଟ୍ ପ୍ରଚାର୍ ମାଡ଼ୁତଣ୍ଡ୍, ଅଡ଼୍‌ ଆଗେ ୱାସ୍ ଗଲ୍‍କ୍ ମାଡ଼ାନଙ୍କ୍ ନାରୁଡ଼୍‍କିଂଙ୍କ୍ କେତ୍‍ତଡ଼୍ ।

ପ୍ରେରିତ 20:4

ବେରିଆ ନିବାସୀ ପୁରନ୍ ମାର୍‍ ସୋପାତ୍ର, ଥେସଲନିକୀତେ ଆରିଷ୍ଟାରର୍କସ୍ ନୁ ସେକୁନ୍ଦ, ଦର୍ବୀତେ ଗାୟ, ଏସିଆ ଦେଶ୍‍ତେ ତୁକିକ ନୁ ତ୍ରଫିମ୍, ମେଣ୍ଡେ ତୀମତି ଅନ୍‌ ତଡ଼୍ ଆତ୍‍ତଡ଼୍ ।

ପ୍ରେରିତ 27:2

ମାମ୍‍ମେ ରୋମ୍‍ତେ ଆସିଆ ଦେଶ୍‍ତେ ଆଞ୍ଚିନ୍ ଗାଟ୍‍କିନାଗ୍ ଆଦାନ୍ ସେଙ୍ଗେ ତିଆର୍ ଆତ୍‍ତେ ଆଦ୍ରମୁତିୟମ୍‍ତେ ଅଣ୍ଡୟ୍‌ ଏର୍‍ ଜାହାଜ୍‍ତାଗ୍ ଆତ୍‍ତମ୍ । ଆରିଷ୍ଟାର୍କସ୍ ପେଦେର୍‍ତେ ଥେସଲନିକୀ ସହର୍‍ତଣ୍ଡ୍ ୱେରଣ୍ଡ୍ ମାସିଦୋନିଆ ନାରୁଣ୍ଡ୍‍ ମାତଡ଼୍ ମାତ୍‍ତଣ୍ଡ୍ ।

ଫିଲିପିୟ 4:16

ନାନ୍ ଥେସଲନିକୀତାଗ୍ ମାନ୍ଦାନ୍ ୱେଲେ ମିଡ଼୍ ନାର୍‍ଗେଦାମ୍ ନା ଗାର୍ରେ ଦର୍‍କାର୍‍ ଆସ୍‍ମାନ୍ଦାନ୍ ସାହାଯ୍ୟ ରହସ୍‍ ମାତ୍‍ତିନ୍ ।

୧ ଥେସଲନିୟ 1:1

ନାନ୍ ପାଉଲ୍, ସିଲାନ୍ ନୁ ତୀମତିନ୍ ପାକେ ଥେସଲନିକୀ ତାଗ୍ ମାନ୍ଦାନ୍ ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟନ୍ ବିଶ୍ୱାସୀ ମଣ୍ଡଲିତା ଇଦ୍ ଚିଟି । ବାବାଲ୍ ଇଶ୍ୱର୍ ନୁ ପ୍ରବୁ କ୍ରିଷ୍ଟନ୍ ସୁକାମ୍‍ତେ ନୁ ସାୟେ ମିଇ ପର୍‍ର ଆୟି ।

୧ ଥେସଲନିୟ 2:2

ଥେସଲନିତାଗ୍ ମିଇ ପାକେ ୱାଦାନ୍ ମୁନେ ଫିଲିପୀତାଗ୍ ମା ସେଙ୍ଗେ ବେଦ୍‍ଲେକାମ୍ ତିପାଲ୍ ନୁ କାରାପ୍ ପାଡ଼୍‍ୟି ମାଡ଼ମାତ୍‍ତଡ଼୍, ଆଦ୍ ମିଡ଼୍ ପୁତ୍‍ତିଡ଼୍ । ଇଶ୍ୱର୍‌ତାଗାଙ୍କ୍ ଦର୍କିମାନ୍ଦାନ୍ ସୁସମାଚାର୍ ମିକିଂଙ୍କ୍ କେଞ୍ଜ୍‍ପାଙ୍କ୍ ସେଙ୍ଗେ ଅଣ୍ଡ୍‌ ମାନ୍‍ନାଙ୍କ୍‍ ଶକ୍ତି ଇସ୍‍ମାତ୍‍ତନ୍ ।

୨ ଥେସଲନିୟ 1:1

ନାନ୍ ପାଉଲ୍, ସିଲେ ନୁ ତୀମତି ମାନ୍‍ ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟନାଗେ ମାନ୍ଦାନ୍ ଥେସଲନିକୀ ମଣ୍ଡଲି ପାକେ ଚିଟି ଲେକ୍‍ତାନ୍ ।

୨ ତୀମତି 4:10

ଦୀମା ସାଂସାର୍‍ ତିଙ୍କ୍ ପ୍ରେମ ମାଡ଼ି ନାକିଂଙ୍କ୍ ୱିଡ଼୍‍ସିତ୍‍ତେ । ଆଦ୍ ଇଞ୍ଜେ ଥେସଲନିକୀତାଗ୍ ଆତ୍‍ତନ୍ । କ୍ରେସ୍‍କେନ୍‍ସ ଗାଲୀତିଆତାଗ୍ ନୁ ତୀତସ୍ ଡଲମାତିଆତାଗ୍ ଆତ୍‍ତଡ଼୍‍ ।