ପ୍ରେରିତ 14:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ତାନ୍‍ପେର୍କେ ବେସ୍‍କ୍‍ତୁଡ଼୍‍ ଅଣଇହୁଦୀ ନୁ ଇହୁଦୀ ନାରୁଡ଼୍ ତାମ୍ ନେତାଲଡ଼୍ ତଡ଼୍ କାଇଲି ପ୍ରେରିତ ଶିଷ୍ୟଡ଼୍‍କିଂଙ୍କ୍ କାରାପ୍ ବ୍ୟବହାର୍ ମାଡ଼ାନ୍ ସେଙ୍ଗେ ନୁ ଅଡ଼୍‌‍କିଂଙ୍କ୍ କାଲ୍‍କିନ୍ ତଡ଼୍ ରେହେସ୍ ଆୱ୍‍କାଂଙ୍କ୍ ଟିକ୍‍ ମାଡ଼୍‍ତଡ଼୍ ।

ପ୍ରେରିତ 14:5 ပူးပေါင်းရင်းမြစ်များ

ମାତିଉ 5:44

ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ କେତୁତାନ୍ ଶତ୍ରୁଡ଼୍‍କ୍ ପ୍ରେମ ମାଡ଼ାଟ୍ । ବେନଡ଼୍ ମିକିଂଙ୍କ୍ ତାଡ଼ନା ମାଡ଼ିତଡ଼୍ ଅଡ଼ାଦ୍‌ ଲେକେତ୍‍ ସେଙ୍ଗେ ପ୍ରାର୍ତନା ମାଡ଼ାଟ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 6:28

ବେନଡ଼୍ ମିକିଂଙ୍କ୍ ଅବିଶାପ୍‌ ହିଦ୍‍ତଡ଼୍, ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ାଟ୍; ବେନଡ଼୍ ମିକିଂଙ୍କ୍ ଅପ୍‍ମାନ୍ ମାଡ଼ିତଡ଼୍, ଅଡ଼୍‌‍ ସେଙ୍ଗେ ପ୍ରାର୍ତନା ମାଡ଼ାଟ୍ ।

ପ୍ରେରିତ 13:45

ନାରୁଡ଼୍ ଗହଲିତିଙ୍କ୍ ଉଡ଼ି ଇହୁଦୀଡ଼୍ ଇର୍ଷା ମାଡ଼୍‍ତଡ଼୍ ନୁ ପାଉଲ୍‍ତେ ଗଟ୍‍ତିଙ୍କ୍ ଅତ୍ୟାଚାର୍ ମାଡ଼ି ଅଡ଼୍‌‍କିଂଙ୍କ୍ ଅପମାନିତ ମାଡ଼୍‍ତଡ଼୍ ।

ପ୍ରେରିତ 13:50

ଇତ୍‍କେ ଇହୁଦୀଡ଼୍ ନଗର୍‍ତେ ଉପାସନା ମାଡ଼ାନ୍‍ ନେତାଲଡ଼୍‍କ୍ ନୁ ନାଟାକିଂଙ୍କ୍‍ ପୁସ୍‍କାମାଡ଼ି ପାଉଲ୍ ନୁ ବର୍ଣ୍ଣବାନ୍ ପର୍‍ର ତାଡ଼ନା ମାଡ଼୍‍ତଡ଼୍ ନୁ ଆଦ୍ ପଡ଼ିୟେତାଗାଙ୍କ୍ ଅଡ଼୍‌‍କିଂଙ୍କ୍ ପେସ୍‍ସ୍ପିତ୍‍ତଡ଼୍ ।

ପ୍ରେରିତ 14:19

ପିସିଦିଆତେ ଅନ୍‌ଥିୟୋକ୍‍ ନୁ ଇକନିୟାତାଗାଙ୍କ୍ ବେସ୍‍କ୍‍ତୁଡ଼୍‍ ଇହୁଦୀ ୱାସ୍‍ମାତ୍‍ତଡ଼୍, ଅଡ଼୍‌ ନାରୁଡ଼୍‍କିଂଙ୍କ୍ ଉସ୍କା ମାଡ଼ି ପାଉଲ୍‍ତିଙ୍କ୍ କାଲ୍‍କିନ୍ ତଡ଼୍ ରେହେତ୍‍ତଡ଼୍ ନୁ ଅଂକିଙ୍କ୍‌ ଡଲ୍‍ତଣ୍ଡ୍ ଇଞ୍ଜ ହାଲ୍‍ସି ଟାୱୁନ୍‍ତେ ବାୟିଦେ ଇଡ଼୍‍ସି ଆତ୍‍ତଡ଼୍ ।

ପ୍ରେରିତ 14:2

ଇତ୍‍କେ ବେନ୍‍ ଇହୁଦୀ ଅବିଶ୍ୱାସୀଡ଼୍ ଦାଦାଲଡ଼୍‍ ନୁ ଅଣଇହୁଦୀଡ଼୍‍କ୍ କାରାପ୍ ଗଟ୍ କେସ୍ ଅଡ଼୍‌‍କିଂଙ୍କ୍ ବିଶ୍ୱାସୀଡ଼୍‍ ବିରୁଦ୍‍ତେ କେତ୍‍ତଡ଼୍ ।

ପ୍ରେରିତ 14:4

ନଗର୍‍ତେ ନାରୁଡ଼୍ ରେଣ୍ଡ୍ ମାନ୍ଦେ ଆତ୍‍ତଡ଼୍ । ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍ ଇହୁଦୀ ନାରୁଡ଼୍‍କ୍ ନୁ ମେଣ୍ଡେ ବେସ୍‍କ୍‍ତୁଡ଼୍‍ ପ୍ରେରିତ ଶିଷ୍ୟଡ଼୍‍କ୍ ସପଟ୍ ମାଡ଼୍‍ତଡ଼୍ ।

ପ୍ରେରିତ 17:5

ଇତ୍‍କେ ଇହୁଦୀଡ଼୍ ଇର୍ଷା ମାଡ଼୍‍ତଡ଼୍ ନୁ ବେସ୍‍କ୍‍ତୁଡ଼୍‍ କାରାପ୍ ନାରୁଡ଼୍‍କିଂଙ୍କ୍ ଅଣ୍ଡୟାଗେ ମାଡ଼ି ସାରେ ଟାୱୁନ୍‍ତାଗ୍ ଗୋଲ୍‍କ୍ ମାଡ଼୍‍ତଡ଼୍ । ଅଡ଼୍‌ ପାଉଲ୍ ନୁ ଶୀଲାଙ୍କ୍ ମେହେକି ନାରୁଡ଼୍ ମୁନ୍‍ନେ ତାତାନ୍ ମାଇଦିଙ୍କ୍ ଯେସନ୍ ପେଦେର୍‍ତଣ୍ଡ୍ ୱେରଣ୍ଡ୍ ନାରୁନ୍ ଲନ୍‍ ତିଙ୍କ୍ ଆଞ୍ଜ୍ ଚିଟିରମନ୍‍ ମାଡ଼୍‍ତଡ଼୍ ।

୨ କରନ୍ତିୟ 11:26

ନାର୍‍ଗେ ଦାମ୍ ଆଦାନ୍ ୱେଲେ ସମୁଦ୍ର ନାଡ଼୍‍ମେ, ଦସ୍ୟୁନଡ଼୍ କାଇଦେ, ସ୍ୱଜାତି ଇହୁଦି ନୁ ବିଜାତିନଡ଼୍ କାଇଦେ, ନାର୍‍ଦାଗ୍ ନୁ ପ୍ରାନ୍ତର୍‍ତାଗ୍, ସମୁଦ୍ରତାଗ୍‍, ପଟ୍‍କାର୍ ବନ୍ଦୁନଡ଼୍‍ ତ ବିପଦ୍‍ତାଗ୍‍ ମୁନେ ଆତ୍‍ତାନ୍ ।

୧ ଥେସଲନିୟ 2:14

ହୋ ଦାଦାନଡ଼ି ନୁ ଏଲାସ୍କ୍‍, ମିଡ଼୍ ଯିହୂଦା ଦେଶ୍‍ତାଗ୍ ମାନ୍ଦାନ୍ କ୍ରିଷ୍ଟ ଜିସୁନାଗ୍ ପରମେଶ୍ୱର୍‌ ମଣ୍ଡଲିତେ ନାରୁଡ଼୍ ସେଙ୍ଗେ ବାତ୍ ଗଟେମ୍ ହାସ୍‍ମିନ୍ତେ । ଯିହୂଦା ପରମେଶ୍ୱର୍‍ତେ ନାରୁଡ଼୍ ବାଗାତ୍ ଯିହୁଦିନଡ଼ାଗ୍ ଦୁଃକାମ୍ କଷ୍ଟ ଆସ୍‍ମିନ୍ତେ । ମିଡ଼୍ ନିଜେତ୍ ଦେଶ୍‍ତେ ନାରୁଡ଼ାଗାଙ୍କ୍ ମିକା ଆଦେଲେକାମ୍ ଦୁଃକାମ୍ କଷ୍ଟ ଦର୍‍କିତ୍ ।

୧ ଥେସଲନିୟ 2:16

ଇଦ୍ ରକମ୍ କି ବେନ୍ ସୁସମାଚାର୍ ପ୍ରଚାର୍ ତଡ଼୍ ଅଣଯିହୁଦୀଡ଼ାଦ୍ ପରିତ୍ରାଣ୍ ଆଦ୍‍ପାର୍‍ତେ, ଆଗାଙ୍କ୍ ଅଡ଼୍‌ ମାନ୍‍ ନିବୃତ ମାଡ଼ାନଙ୍କ୍ ଆଲ୍‍ସି ମାଡ଼ୁତଡ଼୍ । ଇଦ୍ ରକମ୍ ଅଡ଼୍‌ ଅନବରତ ମାଡ଼ମାନ୍ଦାନ୍ ପାପ୍‌ ମାତର୍‌ ଚରମ୍ ସୀମାତାଗ୍ ୱାସ୍ ଏୱୁତ୍‍ତେ । ସାରେ ମାଡ଼େଙ୍ଗ୍ ଅଡ଼୍‌ ବିରୁଦ୍‍ତେ ଇଶ୍ୱର୍‌ତେ କପାମ୍ ନାର୍‍ଗେ ଆତ୍‍ତେ ।

୧ ଥେସଲନିୟ 2:2

ଥେସଲନିତାଗ୍ ମିଇ ପାକେ ୱାଦାନ୍ ମୁନେ ଫିଲିପୀତାଗ୍ ମା ସେଙ୍ଗେ ବେଦ୍‍ଲେକାମ୍ ତିପାଲ୍ ନୁ କାରାପ୍ ପାଡ଼୍‍ୟି ମାଡ଼ମାତ୍‍ତଡ଼୍, ଆଦ୍ ମିଡ଼୍ ପୁତ୍‍ତିଡ଼୍ । ଇଶ୍ୱର୍‌ତାଗାଙ୍କ୍ ଦର୍କିମାନ୍ଦାନ୍ ସୁସମାଚାର୍ ମିକିଂଙ୍କ୍ କେଞ୍ଜ୍‍ପାଙ୍କ୍ ସେଙ୍ଗେ ଅଣ୍ଡ୍‌ ମାନ୍‍ନାଙ୍କ୍‍ ଶକ୍ତି ଇସ୍‍ମାତ୍‍ତନ୍ ।

୨ ତୀମତି 3:11

ନାୟାଦ୍ କଷ୍ଟ ନୁ ଦୁଃକାମ୍ ମିଡ଼୍ ଆଦାଙ୍କ୍‌ ଆଦ୍‌ତିଡ଼୍ ଆଣ୍ଟିୟୋକ୍‌, ଇକନିୟା ନୁ ଲୁସ୍ତ୍ରା ତେ ନା ସେଙ୍ଗେ ଆଦେଲେକାମ୍ ତାଡ଼ନା ଗଟେମ୍ ଆସ୍‍ମାତେ; ନାନେ ଆଦ୍ ସହ୍ୟ ମାଡ଼ିମାତ୍‍ତାନ୍, ମେଣ୍ଡେ ପ୍ରବୁ ନାକିଙ୍କ୍ ଆଉସାରେତାଗାଙ୍କ୍ ଉଦାର୍ ମାଡ଼ିମାତ୍‍ତନ୍ ।