ପ୍ରେରିତ 14:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ମିକା ପ୍ରେରିତ ଶିଷ୍ୟଡ଼୍ ପ୍ରବୁନ୍ ବିଷୟ୍ ସାହାସ୍‍ତଡ଼୍ ପ୍ରଚାର୍ ମାଡ଼ି ନାର୍‍ଗେ ଦିନା ଆଗେ ମାତ୍‍ତଡ଼୍ । ଆଦ୍‍ବୁତ୍‌ ପାଡ଼୍‍ୟି ନୁ ଆଶର୍ଯ୍ୟ ପାଡ଼୍‍ୟି ମାଡ଼ାନ୍ ତଡ଼୍ ପାଉଲ୍‍ ନୁ ବର୍ଣ୍ଣବା ପ୍ରମାଣ୍ ମାଡ଼୍‍ତଡ଼୍ ଯେ, ଇଶ୍ୱର୍‌ତେ ଅନୁଗ୍ରହ ବିଷୟ୍‍ତେ ପ୍ରଚାର୍ ମାଡ଼୍‍ତେ ଗଟ୍ ନିଜାମ୍ ।

ପ୍ରେରିତ 14:3 ပူးပေါင်းရင်းမြစ်များ

ମାର୍କ 16:20

ଶିଷ୍ୟଡ଼୍ ଆଞ୍ଜ୍‍ ସାର୍ର ଏକାମ୍‍ ପ୍ରଚାର୍ ମାଡ଼୍‍ତଡ଼୍‍ । ଅଡ଼୍‌ କେତାନାଦ୍‍ ସତ୍‍ ପ୍ରମାଣ ମାଡ଼ାନଙ୍କ୍‍ ପ୍ରବୁ ଅଡ଼୍‌ ତଡ଼୍ ମାଞ୍ଜ୍‍ ବାକ୍‌ୱା ପାଡ଼୍‍ୟି ମାଡ଼ାନଙ୍କ୍‍ ଅଡ଼୍‌‍କିଂଙ୍କ୍‌ ଶକ୍ତି ଇତ୍‌ତନ୍‌ ।

ଯୋହନ୍‌‌ 4:48

ଆସୁଟେ ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ଚିହ୍ନେ ନୁ ଆଶର୍ଯ୍ୟ ପାଡ଼୍‍ୟି ହୁଡ଼କଟମାତ୍କେ ମିଡ଼୍ ବେସୁଟ୍‌ ବା ବିଶ୍ୱାସ୍ ମାଡ଼୍‍ୱିଡ଼୍ ।”

ପ୍ରେରିତ 13:46

ଇତ୍‍କେ ପାଉଲ୍‍ ନୁ ବର୍ଣ୍ଣବା ସାହାସ୍ ତଡ଼୍ କେତ୍‍ତଡ଼୍, ମିଇ ବକେତ୍ ମୁନେନ୍ ଇଶ୍ୱର୍‌ତେ ଗଟ୍ ପ୍ରଚାର୍ ଆଦାନ୍ ମାତ୍‍ତେ । ବାତେଙ୍କ୍ଇତ୍‍କେ ମିଡ଼୍ ଅନନ୍ତ ଜିୱୁଣ୍ଡ୍ ପାଏମ୍ ଆଦାନଙ୍କ୍ ନିଜେତିଙ୍କ୍ ଅଯୋଗ୍ୟ ବିଚାର୍‍ ଇଦିଙ୍କ୍ ମନା ମାଡ଼୍‍ତାଙ୍କ୍, ମାମ୍‍ମେ ମିକିଂଙ୍କ୍ ୱିଡ଼୍‍ସି ଅଣଇହୁଦୀଡ଼୍ ବକେତ୍ ଆଦ୍‍ତାଡ଼୍ ।

ପ୍ରେରିତ 2:22

“ହୋ ଇସ୍ରାଏଲୀୟ ନାରୁଡ଼ି, ଇୱୁ ସାରେ ଗଟି କେଞ୍ଜାଟ୍, ନାଜରିତିୟ ଜିସୁ ନାର୍‍ଗେ ଶକ୍ତିତ୍‍ ପାଡ଼୍‍ୟି, ଆଶର୍ଯ୍ୟ ପାଡ଼୍‍ୟି ନୁ ଚିଏନ୍ନେ ତଡ଼୍ ମିଇ ଗାର୍‍ରେ ଇଶ୍ୱର୍ ରଅତେ ନାରୁଣ୍ଡ୍‍ ଇଞ୍ଜ ପ୍ରମାନିତ୍ ଆତ୍‍ତଣ୍ଡ୍, ଅନ୍‌ ତଡ଼୍ ଇଶ୍ୱର୍ ଜେ ମିଇ ଲୋପେ ଇୱୁସାରେ ପାଡ଼୍‍ୟି ମାଡ଼ିମିନ୍ଦେଣ୍ଡ୍, ଇଦ୍ ମିଡ଼୍ ନିଜେ ନିଜେ ପୁତ୍‍ତିଡ଼୍ ।

ପ୍ରେରିତ 20:24

ଇତ୍‍କେ ନା ସେଙ୍ଗେ ନାନ୍ ନାୟାଦ୍ ଜିୱୁଣ୍ଡ୍‍ତିଙ୍କ୍ ସୁଦୁର୍ ହେର୍କା ମାଡ଼ିତାନ୍ । ଇଶ୍ୱର୍‌ତେ ଅନୁଗ୍ରହ ବିଷୟ୍ ପ୍ରବୁ ଜିସୁ ବେନ୍ କବର୍ ସୁସମାଚାର୍ କେତ୍‍ତାନଙ୍କ୍ ନାକିଂଙ୍କ୍ ହିତ୍‍ତଣ୍ଡ୍, ଆଦ୍ ପୁରନ୍ ମାଡ଼ି ନାୟାଦ୍ ପ୍ରଚାର୍ ପାଡ଼୍‍ୟି ସାରେ ମାଡ଼ିତାନ୍; ଇସରେ ନାୟାଦ୍ ଇଚ୍ଛା ।”

ପ୍ରେରିତ 20:32

“ଇଞ୍ଜେ ନାନ୍ ମିକିଂଙ୍କ୍ ଇଶ୍ୱର୍‌ତେ କାୟ୍‍ଦେ ପରିଷ୍କାର୍‍ ନୁ ଅନୁଗ୍ରହ ବାକ୍ୟ ଗାର୍‍ରେ ସମର୍‍ପନ୍ ମାଡ଼ୁତାନ୍; ଆଦ୍ ବାକ୍ୟ ମିକିଂଙ୍କ୍ ଡୁଟାଙ୍ଗ୍‍ ମାଡ଼ାନଙ୍କ୍ ନୁ ଇଶ୍ୱର୍‌ତେ ନାରୁଡ଼୍‍କିଂଙ୍କ୍ ଦର୍‍କାର୍ ସାରେ ଆର୍ଶିବାଦ୍ ମିକିଂଙ୍କ୍ ହିଦାନଙ୍କ୍ ପାର୍‍ଦ୍‍ତେ ।

ପ୍ରେରିତ 4:31

ଅଡ଼୍‌ ପ୍ରାର୍ତନା ମାଡ଼ାନ୍ ୱେଲେ ବେନ୍ ପଡ଼୍‍ୟେତାଗ୍ ଅଣ୍ଡୟାଗେ ଆସ୍‍ମାତ୍‍ତଡ଼୍, ଆଦ୍ ପଡ଼୍‍ୟି ଲେଙ୍ଗ୍‍ଦେ ବର୍ତ୍ତି ଆତ୍‍ତେ । ମେଣ୍ଡେ ସାରେତଡ଼୍ ପବିତ୍ର ଆତ୍‍ମା ତଡ଼୍ ପୁରା ଆସ୍ ସାହାସ୍ ତଡ଼୍ ଇଶ୍ୱର୍‌ତେ ବାକ୍ୟ କେତାଙ୍କ୍ ପସ୍‍ସ୍ପ୍‍ତଡ଼୍ ।

ପ୍ରେରିତ 5:32

ମାନାଡ଼୍ ଇଦ୍ ସାରେ ବିଷୟ୍‍ତାଦ୍‍ ସାକ୍ଷି, ମେଣ୍ଡେ ବେନ୍ ପବିତ୍ର ଆତ୍ମାଙ୍କ୍ ଇଶ୍ୱର୍ ତାନ୍ ଗଟି ପାଲନ୍ ମାଡ଼ାନଡ଼୍‍କ୍‍ ହିତ୍‍ତଣ୍ଡ୍, ଅଣ୍ଡ୍‌ ମିକା ସାକ୍ଷି ।”

ରୋମୀୟ 1:16

ବାତେଙ୍କ୍ଇତ୍‍କେ ନାନ୍ ସୁସମାଚାର୍‍ତିଙ୍କ୍ ସିଗ୍ ମାଡ଼ନ୍, ଆଦ୍ ସାର୍‍ରେ ବିଶ୍ୱାସିଡ଼୍‍କିଂଙ୍କ୍ ପରିତ୍ରାଣ୍ ସେଙ୍ଗେ ଶାତ୍‍ୱାମ୍‍, ମୁନେନ୍ ଯିହୁଦୀଡ଼ାଗ୍, ମେଣ୍ଡେ ଗ୍ରୀକ୍‍ ନାରୁଡ଼ାଗ୍ ।

୧ ଥେସଲନିୟ 2:2

ଥେସଲନିତାଗ୍ ମିଇ ପାକେ ୱାଦାନ୍ ମୁନେ ଫିଲିପୀତାଗ୍ ମା ସେଙ୍ଗେ ବେଦ୍‍ଲେକାମ୍ ତିପାଲ୍ ନୁ କାରାପ୍ ପାଡ଼୍‍ୟି ମାଡ଼ମାତ୍‍ତଡ଼୍, ଆଦ୍ ମିଡ଼୍ ପୁତ୍‍ତିଡ଼୍ । ଇଶ୍ୱର୍‌ତାଗାଙ୍କ୍ ଦର୍କିମାନ୍ଦାନ୍ ସୁସମାଚାର୍ ମିକିଂଙ୍କ୍ କେଞ୍ଜ୍‍ପାଙ୍କ୍ ସେଙ୍ଗେ ଅଣ୍ଡ୍‌ ମାନ୍‍ନାଙ୍କ୍‍ ଶକ୍ତି ଇସ୍‍ମାତ୍‍ତନ୍ ।

ଏବ୍ରୀ 2:4

ମେଣ୍ଡେ ଗାଲେୟ୍‌, ଇଶ୍ୱର ଚିଏଃନେ ନୁ ନାର୍ଗେ ବେପଡ଼୍‍ ଆୟ୍‍ୱାଦ୍ ପାଡିୟ୍ ମେଣ୍ଡେ ଆଶର୍ଯ୍ୟ ପାଡ଼୍‍ୟି ନୁ ପବିତ୍ର ଆତ୍ମାନ୍ ୱେରେୱେରେ ଦାନାମ୍ ତଡ଼୍‍ ସାକ୍ଷି ଇସ୍‌ ମିନ୍ଦେ ।