ପ୍ରେରିତ 12:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ପିତର୍ ଜଇଲ୍‍ତାଗ୍ ମାନ୍ଦାନ୍ ୱେଲେ ମଣ୍ଡଲିତ୍ ନାରୁଡ଼୍ ଅଣ୍ଡୟ୍‌ ମନ୍‍ତେ ଅନ୍‌ ସେଙ୍ଗେ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ମାତ୍‍ତଡ଼୍ ।

ପ୍ରେରିତ 12:5 ပူးပေါင်းရင်းမြစ်များ

ମାତିଉ 18:19

“ମାତର୍ ଆସ୍‍ର ଆୟ୍‍ୟ, ପୃତିବିତାଗାଙ୍କ୍ ବେସୁଙ୍କ୍‍ ମିୟାଗାଙ୍କ୍ ଇର୍‍ୱୁଡ଼୍ ଯେ ବାତେଆଇ ବିଷୟ୍‍ତେ ୱେରଡ଼୍ ମାନ୍‍ ଆସ୍ ଆଦିନ୍ ସେଙ୍ଗେ ପ୍ରାର୍ତନା ମାଡ଼ିତିଡ଼୍, ନା ସ୍ୱର୍ଗତେ ବାବାଲ୍ ନିୟାଦ୍ ଆଦେ ଇଚ୍ଛା ସାରେ ସତ୍ ମାଡ଼ିତନ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:1

ହତାସ୍ ଆୟ୍‍ୟକଟ ସାରେଦାମ୍ ପ୍ରାର୍ତନା ମାଡ଼ାନାଦ୍ ସାୟେ, ଇ ବିଷୟତେ ଜିସୁ ଅଡ଼୍‌‍କିଂଙ୍କ୍ ଇଦ୍ ଗଟ୍ କେତ୍‍ତଣ୍ଡ୍,

ପ୍ରେରିତ 12:12

ନିଜେତ୍ ପରିସ୍ଥିତି ବିଷୟ୍‍ତେ ହେର୍କେମାଡ଼ି ଅଣ୍ଡ୍‌ ଯୋହନ୍‌ ନୁ ମାର୍କନ୍ ୟାୟ୍‍ ମରୀୟମ୍‍ତେ ଲନ୍‍ ଆତ୍‍ତଣ୍ଡ୍ । ଆଗେ ନାର୍‍ଗେ ନାରୁଡ଼୍ ଅଣ୍ଡୟାଗେ ଗୁଡ଼ି ପ୍ରାର୍ତନା ମାଡ଼ମାତ୍‍ତଡ଼୍ ।

ପ୍ରେରିତ 12:4

ପିତର୍ ବନ୍ଦି ଆସ୍ ଜଇଲ୍‍ତାଗ୍ ଆତ୍‍ତଣ୍ଡ୍ ନୁ ନାଲୁ ଜାନ୍‍ତିଙ୍କ୍ ଆସ୍ ତିଆର୍ ଆତ୍‍ତେ ନାଲୁ ମାନ୍ଦେ ସୈନିକ୍ ଅଂକିଙ୍କ୍‌ କେପିମାତ୍‍ତଡ଼୍ । ନିସ୍ତାର୍ ପାଣ୍ଡୁମ୍‍ତେ ପେର୍‍କେ ସାରେତଡ଼୍ ମୁନ୍‍ନେ ଅନାଦ୍‌ ବିଚାର୍ ମାଡ଼ାନଙ୍କ୍ ହେରଦନ୍ ଇଚ୍ଛା ମାତ୍‍ତେ ।

ପ୍ରେରିତ 12:6

ହେରଦ୍ ବେନ୍ ଦିନ୍ ପିତର୍‍ତିଙ୍କ୍ ବିଚାର୍ ମାଡ଼ାନଙ୍କ୍ ବାୟିଦେ ତାତାନଙ୍କ୍ ହାଲ୍‍ସି ମାତ୍‍ତଣ୍ଡ୍, ତାନ୍ ମୁନେତ୍ ନାର୍‍କେତ୍ ପିତର୍ ରେଣ୍ଡ୍ ଇକ୍‍ଲେମ୍‍ତେ ତଅସ୍ ଇର୍‍ୱୁଡ଼୍ ସୈନିକିନ୍ ନାଡ଼୍‍ମେ ପାଟିମାତ୍‍ତଣ୍ଡ୍ । ନାର୍‍ଗେ କେପାନଡ଼୍ ମାର୍‍ତାଗ୍ ମାଞ୍ଜ୍ ଜଇଲ୍‍ତିଙ୍କ୍ କେପି ମାତ୍‍ତଡ଼୍ ।

୧ କରନ୍ତିୟ 12:26

ମେନ୍ଦୁଲ୍‍ତେ ଅଣ୍ଡୟ୍‌ ଦୁଡ଼େତାଗ୍ କଷ୍ଟ ଆତ୍‍କେ, ମେଣ୍ଡେ ସାର୍‍ରେ ଦୁଡ଼ା ଆଦ୍ କଷ୍ଟ ପାଏମ୍ ଆଦ୍‍ତେ । ୱେରଡ଼୍ ଦୁଡ଼ା ଗୌରବ୍‍ ଆତ୍‍କେ, ମେଣ୍ଡେ ସାର୍‍ରେ ଦୁଡ଼ା ଆଦ୍ ୱେଡ଼୍‍କେତାଗ୍ ପାଲ୍‍କ୍ ଆଦ୍‍ତା ।

୨ କରନ୍ତିୟ 1:11

ମିଡ଼୍ ପ୍ରାର୍ତନା ତଡ଼୍ ମାକିଂଙ୍କ୍ ସାହାଯ୍ୟ ମାଡ଼ାଟ୍ । ଆଲାକେ, ମା ସେଙ୍ଗେ ମାଡ଼ମାନ୍ଦାନ୍ ନାର୍‍ଗେ ପ୍ରାର୍ତନାତାଦ୍‍ ଉତ୍ତର୍ ଦର୍‍କିତ୍ ନୁ ଇଶ୍ୱର୍ ମାକିଂଙ୍କ୍ ଆର୍ଶିବାଦ୍ ମାଡ଼ିତନ୍ । ମା ସେଙ୍ଗେ ନାର୍‍ଗେ ନାରୁଡ଼୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦ୍‍ତଡ଼୍ ।

୧ ଥେସଲନିୟ 5:17

ବେସୁଙ୍କ୍‍ ବା ପ୍ରାର୍ତନା ମାଡ଼ାନାଦ୍ ୱିଡ଼୍‍ସ୍‍ମାଟ୍ ।

ଏବ୍ରୀ 13:3

କାରାଗାର୍‍ତାଗେ ମାନ୍ଦାନ୍ ନାରୁଡ଼୍‍ ତଡ଼୍ ମିଡ଼୍ ନିଜେ କାରାଗାରତାଗ୍‍ କଷ୍ଟ ମାଡ଼ମାନ୍ଦାନ୍ ଲେକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ । ଦୁଃକାମ୍ କଷ୍ଟ ଆସମାନ୍ଦାନ୍ ନାରୁଡ଼୍‍ତଡ଼୍ ସାରେଦୁଃକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ ।

ଯାକୁବ 5:16

ଆଦିଙ୍କ୍ ନିଜେତ୍ ନିଜେତ୍ ଲୋପେ ପାପ୍ ସ୍ୱୀକାର୍ ମାଡ଼ାଟ୍, ମେଣ୍ଡେ ସାୟେ ଆଦାନ୍ ସେଙ୍ଗେ ନିଜେତ୍ ନିଜେତ୍ ଲୋପେ ପ୍ରାର୍ତନା ମାଡ଼ାଟ୍ । ଦାର୍ମାମ୍ ନାରୁଣ୍ଡ୍‍ତେ ପ୍ରାର୍ତନା ନାର୍‍ଗେ ପାଡ଼୍‍ୟି ମାଡ଼ାନଙ୍କ୍ ପାର୍‍ଦ୍‍ତେ ।