ପ୍ରେରିତ 11:18 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁸ ଅଡ଼୍‌ ଇଦ୍ କେଞ୍ଜ୍‍ତେ ପେର୍‍କେ ମେଣ୍ଡେ ସମାଲୋଚନା ମାଡ଼କଟ୍ ଇଶ୍ୱର୍‌ତିଙ୍କ୍ ଗୌରବ୍‍ ମାଡ଼ି କେତ୍‍ତଡ଼୍, “ଆଲେକେ ଇଶ୍ୱର୍ ଅଣଇହୁଦୀଡ଼୍‍କ୍ ମିକା ଅନୁତାପ୍ ମାଡ଼ାନଙ୍କ୍ ନୁ ଜିୱୁଣ୍ଡ୍ ବାଦ୍‍କାନ୍ ସେଙ୍ଗେ ସୁଯୋଗ୍ ହିତ୍‍ତଣ୍ଡ୍ ।”

ପ୍ରେରିତ 11:18 ပူးပေါင်းရင်းမြစ်များ

ମାତିଉ 9:8

ନାରୁଡ଼୍ ଆଦ୍ ଉଡ଼ି ବାକ୍‍ୱା ଆଦ୍‍ତଡ଼୍ । ବାତେଙ୍କ୍ ଇତ୍‍କେ ନାରୁନ୍‍ପିଲେତିଙ୍କ୍ ହିଦ୍‍ଲେକାମ୍ ଅଦିକାର୍‌ ହିତ୍‍ତାଙ୍କ୍ ଅଡ଼୍‌ ଇଶ୍ୱର୍‌ତିଙ୍କ୍ ଦନ୍ୟବାଦ୍ ହିତ୍‍ତଡ଼୍ ।

ପ୍ରେରିତ 11:1

ଅଣଇହୁଦୀଡ଼୍ ଗାଲା ଇଶ୍ୱର୍‌ତେ ଗଟ୍ ଗ୍ରହନ୍ ମାଡ଼୍‍ତଡ଼୍ ଇଞ୍ଜ ପ୍ରେରିତ ଶିଷ୍ୟଡ଼୍ ନୁ ଯିହୁଦା ଦେଶ୍‍ତଡ଼୍ ବାଗାତ୍ ବିଶ୍ୱାସୀଡ଼୍ ଦାଦାଲ କେଞ୍ଜ୍‍ତଡ଼୍ ।

ପ୍ରେରିତ 14:27

ଅଡ଼୍‌ ଅନ୍‌ଥିୟୋକ୍‌ତାଗ୍ ଏୱୁସ୍ ମଣ୍ଡଲିତେ ନାରୁଡ଼୍‍କ୍ ଅଣ୍ଡୟାଗେ ମାଡ଼୍‍ତଡ଼୍ । ଇଶ୍ୱର୍ ସେଙ୍ଗେ ଅଡ଼୍‌ ବାତ୍ ମାଡ଼ିମାତ୍‍ତଡ଼୍ ନୁ ଅଣଇହୁଦୀଡ଼୍ ବିଶ୍ୱାସ୍ ସେଙ୍ଗେ ବେଲା ହାର୍ ତଅସ୍‍ମାତ୍‍ତଡ଼୍‍, ଆୱ୍‍ଚାରେ ଅଡ଼୍‌‍କିଂଙ୍କ୍ କେତ୍‍ତଡ଼୍ ।

ପ୍ରେରିତ 15:3

ମଣ୍ଡଲି ଅଡ଼୍‌‍କିଂଙ୍କ୍ ଆଦାନାଦ୍ ସୁବିଦା ମାଡ଼ି ରହତ୍‍ତେ ନୁ ଅଡ଼୍‌ ଫିନିସିଆ ନୁ ଶମିରୋ ଇସ୍‌ ଆଦାନ୍ ୱେଲେ ଅଣଇହୁଦୀଡ଼୍ ବେଲା ମନ୍ ପରିବର୍ତ୍ତନ୍ ମାଡ଼ି ଇଶ୍ୱର୍‌ତେ ପାକେ ଆଦ୍‍ତଡ଼୍, ଆଦ୍ ବିଷୟ୍ କେତ୍‍ତଡ଼୍; ଇଦ୍ ଗଟ୍ କେଞ୍ଜି ବିଶ୍ୱାସୀଡ଼୍ ଦାଦାଲଡ଼୍‍ ଗାଟି ୱେଡ଼୍‍କେ ଆତ୍‍ତଡ଼୍ ।

ପ୍ରେରିତ 20:21

ଇହୁଦୀ ନୁ ଅଣଇହୁଦୀଡ଼୍ ସାରେତଡ଼୍‌କିଂଙ୍କ୍ ନାନ୍ ଗାଟି ସତର୍କ ଗଟ୍ କେତ୍‍ତାନ୍, ଅଡ଼୍‌ ଅନୁତାପ୍‍ ମାଡ଼ି ପାପାମ୍‍ତାଗାଙ୍କ୍ ମାଲ୍‍ସ୍‍ମିକା ଇଶ୍ୱର୍‌ତେ ପାକେ ମନ୍ ମାଡ଼ିତଡ଼୍ ନୁ ପ୍ରବୁ ଜିସୁନାଗ୍ ବିଶ୍ୱାସ୍ ମାଡ଼ିତଡ଼୍ ।

ପ୍ରେରିତ 21:20

ଅନ୍‌ ଗଟ୍ କେଞ୍ଜ୍‍ତେ ପେର୍‍କେ ଅଡ଼୍‌ ସାରେତଡ଼୍ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼୍‍ତଡ଼୍ । ତାନ୍ ପେର୍‍କେ ଅଡ଼୍‌ କେତ୍‍ତଡ଼୍, “ହଁ ଦାଦା ପାଉଲ୍, ନିମ୍‍ ଉଡ଼ୁତିନ୍, ବେଲା ଇଞ୍ଜେ ହଜାର୍‌ ହଜାର୍‌ ଇହୁଦୀ ଦାଦାଲଡ଼୍‍ ପ୍ରବୁ ଜିସୁନାଗ୍ ବିଶ୍ୱାସ୍‍ ମାଡ଼ୁତଡ଼୍ ନୁ ମୋଶାନ୍‌‌ ନିୟମ୍‍ ମିକା ପାଲନ୍ ମାଡ଼ୁତଡ଼୍ ।

ପ୍ରେରିତ 3:19

ହେର୍କା ମାଡ଼ି ଇଶ୍ୱର୍‌ତେ ଗାର୍‍ରେ ମାଲ୍‍ସ୍ ୱାଡ଼ାଟ୍ । ଆସୁଟେ ଅଣ୍ଡ୍‌ ମିୟାଦ୍ ପାପ୍ କ୍ଷମା ମାଡ଼ିତନ୍ ।

ପ୍ରେରିତ 3:26

ଆଦିଙ୍କ୍ ଇଶ୍ୱର୍ ପ୍ରତମେ ମିଇ ସେଙ୍ଗେ ତାନ୍ ଦାସଡ଼୍‍କ୍‍ ଡଲ୍‍ତାଗାଙ୍କ୍‍ ତେଏସ୍‍ ରହତଣ୍ଡ୍, ବେଲାକି ଅଣ୍ଡ୍‌ ମିୟାଦ୍ ସାରେ ନାରୁଙ୍କ୍ ନିଜେତ୍ ନିଜେତ୍ କାରାପ୍ ହାର୍‍ତାଗାଙ୍କ୍ ମାଲ୍‍ପି ଆର୍ଶିବାଦ୍‍ ମାଡ଼ିତନ୍ ।”

ପ୍ରେରିତ 5:31

ଇସ୍ରାଏଲ୍‍ତେ ନାରୁଡ଼୍‍କିଂଙ୍କ୍ ଅନୁତାପ୍ ମାଡ଼ି ପାପ୍ କେମା ଇଦାନ୍ ସୁଯୋଗ୍ ଇଦାଙ୍କ୍ ଇଶ୍ୱର୍ ଅଂକିଙ୍କ୍‌ ତିନ୍ଦେପାକେତ୍‍ ନେତା ନୁ ତ୍ରାଣକର୍ତ୍ତାଲ୍ ଲେକାମ୍ ତେଇସ୍‍ ମିନ୍ଦେଣ୍ଡ୍ ।

ରୋମୀୟ 9:30

ଆଦିଙ୍କ୍ ଅଣଇହୁଦୀଡ଼୍ ବିଷୟ୍‍ତେ ଇଦ୍ କେତ୍‍ତେ ପାର୍‍ଦ୍‍ତାଡ଼୍, ଅଡ଼୍‌ ଦାର୍ମାମ୍ ଆଦାନଙ୍କ୍ ଆଲ୍‍ସି ମାଡ଼୍‍ୱେମାତ୍‍ତଡ଼୍, ଇତ୍‍କେ ଅଡ଼ାଦ୍‌ ବିଶ୍ୱାସ୍‍ତେ ମାୟ୍‍ଦିଂଙ୍କ୍ ଦାର୍ମାମ୍ ଆତ୍‍ତଡ଼୍ ।

୨ କରନ୍ତିୟ 3:18

ମାନାଡ଼୍ ସାରେତଡ଼୍ ମକମ୍‍ତେ ଦାର୍ପୁନ୍‍ତାଗ୍ ଉଡ଼ାନ୍ ଲେକାମ୍ ପ୍ରବୁନ୍ ଗୌରବ୍ ତଅନ୍‌ଦୁତ୍ ନୁ ପ୍ରବୁନାଗାଙ୍କ୍ ପେୟ୍‍ତାଦ୍ ଆଦ୍ ମାଇମାତେ ତଡ଼୍ ମାନାଡ଼୍ କାମ୍‍କେ ଲେକାମ୍ ଅନ୍‌ ରକମ୍‌ ବାଦ୍‍ଲେମ୍ ଆଦୁତ୍‍ତେ ।

୨ କରନ୍ତିୟ 7:10

ବାତେଙ୍କ୍ ଇତ୍‍କେ ଇଦ୍‍ଲେକାତ୍ ଦୁଃକାମ୍ ଇଶ୍ୱର୍‌ତଡ଼୍ ବ୍ୟବହାର୍‌ ଆସ୍ ଅଦିନ୍‌ତଡ଼୍ ହୃଦୟ୍ ବାଦ୍‍ଲେମ୍ ଆତ୍‍କେ ପରିତ୍ରାଣ ଦର୍‍କିତ୍ । ଇଗେ ଅନୁତାପ୍ ଆଦାନାଦ୍ ବାତ୍ ଇଲ୍‍ଲେ । ବାତେଙ୍କ୍ ଇତ୍‍କେ ମାତର୍ ଜଗତ୍‍ତାଦ୍ ଦୁଃକାମ୍ ଡଲ୍‍ନାଦ୍ ଗଟେମ୍‍ମାଡ଼ିତ୍ ।

ଗାଲାତୀୟ 1:24

ଆଦିନ୍ ମାୟ୍‍ଦିଙ୍କ୍ ଅଡ଼୍‌ ନା ସେଙ୍ଗେ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ିମାତ୍‍ତଡ଼୍ ।