ପ୍ରେରିତ 10:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ଇଞ୍ଜେ ଶିମୋନ୍ ପିତର୍ ପେଦେର୍‍ତଣ୍ଡ୍ ୱେରଣ୍ଡ୍ ନାରୁଙ୍କ୍ କାର୍‍ଙ୍ଗି ତାତାନ୍ ମାଇଦିଙ୍କ୍ ଯୋପାତାଗ୍ ନାରୁଡ଼୍‍କ୍ ରହମୁଟ୍ ।

ପ୍ରେରିତ 10:5 ပူးပေါင်းရင်းမြစ်များ

ମାର୍କ 3:16

ଅଡ଼୍‌‍ ବାରଜାନ୍‍ତିଙ୍କ୍ ହେଞ୍ଚ୍‍ତନ୍ ଶିମୋନ୍ ଜିସୁ ଅଂକିଙ୍କ୍‌ ପିତର୍ ଇଞ୍ଜ ପେଦେର୍ ଇତ୍‍ତନ୍;

ଯୋହନ୍‌‌ 1:42

ଆନ୍‌ଦ୍ରିୟ ଅଂକିଙ୍କ୍‌ ଜିସୁନ୍ ଗାର୍‍ରେ ତାତ୍‍ତଣ୍ଡ୍ । ଜିସୁ ଅଂକିଙ୍କ୍‌ ଅଣ୍ଡୟ୍‌‍ ଦୃଷ୍ଟିତେ ଉଡ଼ି କେତ୍‍ତଣ୍ଡ୍, “ନିମ୍‍ ଶିମୋନ୍, ଯୋହନ୍‌‌ତେ ମାର୍‍ । ନିମ୍‍ କେଫା ପେଦେର୍ ତେ କ୍ୟାତ୍‌ ଆଦ୍‍ତିନ୍‌ ।”

ପ୍ରେରିତ 10:18

ଅଡ଼୍‌ କାର୍ଙ୍ଗି ପାଚ୍ରାମାଡ଼୍‍ତଡ଼୍, ଶିମୋନ୍ ପିତର୍ ପେଦେର୍‍ତେ ଇଗେ ୱେରଣ୍ଡ୍ କୁଟ୍‍ମାମ୍‍ ନାରୁଡ଼୍ ମିନ୍ଦେଣ୍ଡ୍ କି ?

ପ୍ରେରିତ 10:32

ଶିମୋନ୍ ପିତର୍ ପେଦେର୍‍ତଣ୍ଡ୍ ୱେରଣ୍ଡ୍ ନାରୁଙ୍କ୍ ତାତାନ୍ ସେଙ୍ଗେ ଯୋପାତାଗ୍ ନାରୁଡ଼୍‍କ୍ ରହମୁଟ୍ । ଅଣ୍ଡ୍‌ ଗଦାଡ଼୍‍ତେ ବକେତ୍ ମାନ୍ଦାନ୍ ତଲ୍‍କା ବେପାରିନ୍ ଲନ୍‍ କୁଟ୍‍ମାମ୍‍ ଆସ୍ ମିନ୍ଦେଣ୍ଡ୍ ।’

ପ୍ରେରିତ 15:7

ନାର୍ଗେଜେଲ୍ ଆଲୋଚାନା ମାଡ଼୍‍ତେ ପେର୍‍କେ ପିତର୍ ନିଶ୍‍ମିକା କେତ୍‍ତଣ୍ଡ୍, “ଦାଦାଲଡ଼୍‍ ନୁ ଏଲାସ୍କ୍‍କି, ମିଡ଼୍ ପୁଞ୍ଜ୍‍ମାନୁଟ୍ ଯେ ନାର୍‍ଗେ ଦିନା ମୁନେଙ୍କ୍ ଇଶ୍ୱର୍ ଅଣଇହୁଦୀଡ଼୍ ଗାର୍‍ରେ ସୁସମାଚାର୍ ପ୍ରଚାର୍ ମାଡ଼ି ଆଦିନାଗ୍ ଅଡ଼୍‌‍କିଂଙ୍କ୍ ବିଶ୍ୱାସ୍ ମାଡ଼ାନଙ୍କ୍ ମିଇ ଲୋପେଙ୍କ୍ ନାକିଂଙ୍କ୍ ଏଞ୍ଚିମାତ୍‍ତଣ୍ଡ୍ ।

ପ୍ରେରିତ 16:9

ଆଦେନାଣ୍ଡ୍ ନାର୍‍କେ ପାଉଲ୍ ଅଣ୍ଡୟ୍‌ ଦର୍ଶନ୍ ଉଡ଼୍‍ତଣ୍ଡ୍ ଯେ, ମାସିଦୋନିଆତେ ୱେରଣ୍ଡ୍ ନାରୁଣ୍ଡ୍‍ ଅନୁରଦ୍‌‍ ମାଡ଼ି କେତୁତଣ୍ଡ୍, “ମାସିଦୋନିଆତାଗ୍ ୱାସ୍ ମାକିଂଙ୍କ୍ ସାହାଯ୍ୟ ମାଡ଼େ !”

ପ୍ରେରିତ 9:36

ଯୋପାତାଗ୍ ଟାବିଥା ପେଦେର୍‍ତେ ୱେରଡ଼୍ ବିଶ୍ୱାସୀ ନାଟାଡ଼୍ ବାସେ ମାଡ଼ମାତ୍‍ତେ । ଆଦିନାଦ୍ ଗ୍ରୀକ୍ ପେଦେର୍ ଦର୍କାସ୍ ଇତ୍‍କେ ଇଦ୍‍ ଅର୍ତ “ହରିଣୀ,” ମାତ୍‍ତେ । ଆଦ୍ ତାନାଦ୍ ସାରେ ଦିନାମ୍ ସାୟେକାମ୍ ଦାଗ୍ ନୁ ଗରିବ୍ ନାରୁଡ଼୍‍କ୍ ସେବା ମାଡ଼ାନାଗ୍ ହିସମାତ୍‍ତେ ।

ପ୍ରେରିତ 9:38

ଯୋପ୍‍ପା ଲୁଦାତ୍‍ ବକେତ୍ ମାତ୍‍ତେ । ପିତର୍ ଲୁଦାତାଗ୍ ମିନ୍ଦେଣ୍ଡ୍ ଇଞ୍ଜ କେଞ୍ଜି, ଯୋପାତାଗ୍ ମାନ୍ଦାନ୍ ବିଶ୍ୱାସୀ ଶିଷ୍ୟ ଇର୍‍ୱୁଡ଼୍ ନାରୁଡ଼୍‍କ୍ ରହତଡ଼୍, “ଅନୁରଦ୍‌‍ ମାଡ଼ୁତମ୍‍ ସିଟ୍‍ପାଟ୍ ମା ବକେତ୍ ୱାଡ଼େ ।”

ପ୍ରେରିତ 9:42

ଇଦ୍ ଗଟ୍ ଯୋପାତେ ସାରେ ପାକ୍ ପୁତ୍‍ତଡ଼୍ ନୁ ନାର୍‍ଗେ ନାରୁଡ଼୍ ପ୍ରବୁଙ୍କ୍ ବିଶ୍ୱାସ୍ ମାଡ଼୍‍ତଡ଼୍ ।

ପ୍ରେରିତ 9:43

ପିତର୍ ନାର୍‍ଗେ ଦିନା ଯୋପାତେ ଶିମୋନ୍ ପେଦେର୍‍ତଣ୍ଡ୍ ୱେରଣ୍ଡ୍ ତଲ୍‍କା ବେପାରିନ୍ ଲୋନ୍‌ ମାତ୍‍ତଣ୍ଡ୍ ।