୨ ଥେସଲନିୟ 3:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ୱିଡ଼୍‍ସି ପଇସାତେ ବେନନାଗାଙ୍କ୍ କାଦି ତିନ୍‍ୱେ ମାତ୍‍ତମ୍ । ବା ବେନ ପୋର ବଜ୍ ଆୟ୍‍ୱେ ସେଙ୍ଗେ ମାମ୍‍ମେ ନାର୍‍କେତ୍ ପାୟାଲ୍ ତିପାଲ୍ ମାଡ଼ିମାତ୍‍ତମ୍ ।

୨ ଥେସଲନିୟ 3:8 ပူးပေါင်းရင်းမြစ်များ

ମାତିଉ 6:11

ସାରେଦିନା ମାକିଂଙ୍କ୍ ଦର୍‍କାର୍‍ ଆଦାନ୍ କାଦି ହିମ୍ ।

ପ୍ରେରିତ 18:3

ପାଉଲ୍ ଅଂକିଙ୍କ୍‌ ଉଡ଼ାନଙ୍କ୍ ଆଞ୍ଜ୍ ଅଡ଼୍‌ ତଡ଼୍ ବାସେ ମାଡ଼୍‍ତଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ଗାଲା ଅଡ଼୍‌ ଲେକାମ୍ ତମ୍ବୁ ତିଆର୍ ମାଡ଼ି ବାଦ୍‍କମାତ୍‍ତଣ୍ଡ୍‍ ।

ପ୍ରେରିତ 20:34

ମିଡ଼୍ ପୁତ୍‍ତିଡ଼୍, ନାନ୍ ନା ଇୱୁ ରେଣ୍ଡ୍ କାୟ୍‍କିନ୍‍ ତଡ଼୍ ପାଡ଼୍‍ୟି ମାଡ଼ି ନିଜର୍‍ ନୁ ନା ତଡ଼୍ ପାଡ଼୍‍ୟି ମାଡ଼ାନଡ଼ାୱ୍ ସାରେ ଇଚ୍ଛା ସାଦନ୍ ମାଡ଼୍‍ତାନ୍ ।

୧ କରନ୍ତିୟ 4:12

ଗାଟି ପାଡ଼୍‍ୟି ମାଡ଼ି ମାମ୍‍ମେ ୱାସିଆଦୁତମ୍ । ବେନ ମାକିଂଙ୍କ୍ ଅବିଶାପ୍‌ ଇତ୍‍କେ, ମାମ୍‍ମେ ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ିତମ୍ । ନିନ୍ଦ୍ ଆତ୍‍କେବା, ମାମ୍‍ମେ ସହେମ୍ ଆଦ୍‍ତମ୍ ।

୧ କରନ୍ତିୟ 9:4

ତିନ୍ଦାଙ୍କ୍‍ ଉନ୍ଦାଙ୍କ୍ ବାତା ମାୟାଦ୍‌ ଅଦିକାର୍‌‌ ଇଲ୍‌ଲେ ?

୨ କରନ୍ତିୟ 11:27

ଗାଟି ତିପାଲ୍ ଆତ୍‍ତାନ୍ ନୁ ଦୁଃକାମ୍ କଷ୍ଟ ଆତ୍‍ତାନ୍, ଉସ୍କାଡ଼୍‍ତେ ନୁ କାର୍‍ୱିନ୍ ଏର୍‍ ଉନ୍‍ୱେ ନାର୍‍ଗେ ଦିନା କଟେମ୍‍ ଆତ୍‍ତାନ୍, ଲେକେତ୍‍ କାଦି, ଚକା ନୁ ମାନ୍ଦାନ୍ ପଡ଼ିୟେ ଅବାବ୍‍ତେ ନାର୍‍ଗେ କଷ୍ଟ ଆତ୍‍ତାନ୍ ।

୨ କରନ୍ତିୟ 11:9

ମୀଇତଡ଼୍ ମାନ୍ଦାନ୍ ୱେଲେ ନାୟାଦ୍ ସାରେ ଅବାବ୍ ସେଙ୍ଗେ ନାନ୍ ବେନଙ୍କ୍ ବାରଗ୍ରସ୍ତ ମାଡ଼ନ୍ । ବାତେଙ୍କ୍‍ଇତ୍କେ ମାସିଦୋନିଆତାଗାଙ୍କ୍ ୱାସ୍‍ମାନ୍ଦାନ୍ ଦାଦାନଡ଼୍ ନାୟାଦ୍ ସାରେ ଅବାବ୍ ମେଣ୍ଟାଇ ଇସ୍‍ମାତ୍‍ତଡ଼୍ । ଅତିତି ଲେକାମ୍ ବବିଷ୍ୟତ୍‍ତେ ମିକା ନାନ୍ ବେସୁଙ୍କ୍‌ବା ମିକିଂଙ୍କ୍ ବାରଗ୍ରସ୍ତ ମାଡ଼ନ୍ ।

ଏଫିସିୟ 4:28

ଡଙ୍ଗାଲ୍ ମେଣ୍ଡେ ଡଙ୍ଗ୍‍ମାକିଣ୍ଡ୍ । ସାୟେତ୍ ଉପାୟ୍‍ତେ ନିଜେତ୍ ଜିବିକା ଗାଡ଼୍‍ସାନ୍ ସେଙ୍ଗେ ନୁ ଗରିବୀଡ଼୍‍କିଙ୍କ୍ ସାହାଯ୍ୟ ମାଡ଼ାନ୍ ସେଙ୍ଗେ ଅଣ୍ଡ୍‌ ପାଡ଼୍‍ୟି ମାଡ଼ିଣ୍ଡ୍ ।

୧ ଥେସଲନିୟ 2:9

ହୋ ଦାଦାନଡ଼ି ନୁ ଏଲାସ୍କ୍‍, ମିୟାଦ୍ ନିଜାମ୍ ହେର୍କା ମାନ୍‍ତେ; ମାନାଡ଼୍ ବେଲାନ୍ ଗାଟି ତିପାଲ୍‍ତେ ସ୍ୱୀକାର୍ ମାଡ଼ି ପାଡ଼୍‍ୟି ମାଡ଼ମାତ୍‍ତମ୍; ବେଲାନ୍ ମିଇ ପାକେ ଇଶ୍ୱର୍‌ତେ ସୁସମାଚାର୍ ପ୍ରଚାର୍ ମାଡ଼ାନ୍ ୱେଲେ ମିଇ ପର୍‍ର ବୋଜ୍ ଆୟ୍‍ମାକି ହିଞ୍ଜ ମାମ୍‍ମେ ନାର୍‍କେତ୍ ପାୟାଲ୍ ତିପାଲ୍ ମାଡ଼ିମାତ୍‍ତମ୍ ।

୧ ଥେସଲନିୟ 4:11

ମୁନେନ୍ ବେଲା କେସ୍‍ମାତ୍‍ତମ୍, ଶାନ୍ତିତେ ଜିୱୁଣ୍ଡ୍ ବାଦ୍‍କିତାଡ଼୍, ନିଜେତ୍ ପାଡ଼୍‍ୟିତାଗ୍ ମାନ୍‍ ଇଦ୍‍ତାଡ଼୍ ନୁ ନିଜେତ୍ ନିଜେତ୍ ଜିବିକା ଉପାର୍ଜନା ମାଡ଼ାନାଦ୍ ମିୟାଦ୍ ଲକ୍ଷ ଆୟି ।

୨ ଥେସଲନିୟ 3:12

ହିଦ୍‍ଲେକାମ୍ ନାରିଡ଼୍‍କ୍ ଶାନ୍ତିତେ ପାଡ଼୍‍ୟି ମାଡ଼ି ନିଜେ ନିଜେତ୍ ଲେକାମ୍ ବାଦ୍‍କିଡ଼୍, ମାମ୍‍ମେ ପ୍ରବୁ ଜିସୁ କ୍ରିଷ୍ଟନ୍ ପେଦେର୍‍ତେ ଗଟ୍ ଇଦୁତମ୍, ଅଡ଼୍‌ ଜିୱୁଣ୍ଡ୍‍ତାଗ୍ ମେଣ୍ଡେସୁଦୁର୍ ସତର୍କ ଆସ୍ ନିଜେତ୍ ଜୀବିକା ଉପାର୍ଜନା ମାଡ଼ିତଡ଼୍ ।