୨ ଥେସଲନିୟ 3:7 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁷ ମିଡ଼୍ ପୁତ୍‍ତିଡ଼୍ ଯେ, ମିୟାଦ୍ ପାଡ଼୍‍ୟିତାଗ୍ ମା ଲେକାମ୍‌ ମାଡ଼ାନାଦ୍ ସାୟେ । ମିଇ ତଡ଼୍ ମାନ୍ଦାନ୍ ୱେଲେ ମାମ୍‍ମେ ବେସୁଙ୍କ୍‍ ବା ପାଡ଼୍‍ୟି ମାଡ଼ାନଙ୍କ୍ ମଣ୍ଡି ଆୟ୍‍ୱେ ମାତ୍‍ତମ୍ ।

୨ ଥେସଲନିୟ 3:7 ပူးပေါင်းရင်းမြစ်များ

୧ କରନ୍ତିୟ 11:1

ନାନ୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ତେ ଲେକାମ୍ ମିଡ଼୍ ନାକିଂଙ୍କ୍ ବିଶ୍ୱାସ୍ ମାଡ଼ାଟ୍ ।

୧ କରନ୍ତିୟ 4:16

ଆଦିଙ୍କ୍, ନାୟାଦ୍ ଆଦର୍ଶ୍ ପେର୍‍କେ ମାଡ଼ାନଙ୍କ୍ ନାନ୍‌ ମିକିଙ୍କ୍‌ ଅନୁରଦ୍‌‌ ମାଡ଼ମିନ୍ଦେନ୍ ।

ଫିଲିପିୟ 3:17

ହୋ ଦାଦାନଡ଼ି ନୁ ଏଲାସ୍କ୍‍, ନା ଲେକାମ୍ ମାଡ଼ାଟ୍ । ମାମ୍‍ମେ ନେହେସ୍ ମାନ୍ଦାନ୍ ଆଦର୍ଶ ଲେକାମ୍ ବେନଡ଼୍ ଆଚରଣ ମାଡ଼ୁତଡ଼୍, ଅଡ଼୍‌‍କିଂଙ୍କ୍ ଉଡ଼ାଟ୍ ।

ଫିଲିପିୟ 4:9

ମିଡ଼୍‍ ବେନ୍‍ ସାର୍ରେ ବିଷୟ୍‍ ନାୟାଗାଙ୍କ୍‍ ଶିକ୍ଷା ମାଡ଼୍‍ତିଡ଼୍‍, ପାଏମ୍‍ ଆତ୍‍ତିଡ଼୍‍ ନୁ କେଞ୍ଜ୍‍ତିଡ଼୍‍ ନୁ ନାୟାଗ୍‍ ଉଡ଼୍‍ତିଡ଼୍‍ ଆୱୁସାର୍ରେ ମାଡ଼ାଟ୍‍, ଆଗେ ଶାନ୍ତିଦାତାଲ୍ ଇଶ୍ୱର୍ ମିୟାଦ୍‍ ତଡ଼୍‍ ଆଦ୍‍ତଣ୍ଡ୍‍ ।

୧ ଥେସଲନିୟ 2:10

ମିଡ଼୍ ନୁ ନିଜେ ଇଶ୍ୱର୍ ମାନ୍‍ ସାକ୍ଷି ମିଇ ଲେକାମ୍ ବିଶ୍ୱାସିନଡ଼୍‍ ପାକେ ମାୟାଦ୍‌ ବ୍ୟବହାର୍‌‌ ନିର୍ମଲ୍‍, ନ୍ୟାୟସଙ୍ଗାତେ ନୁ ନିର୍ଦୋଷ୍‍ ମାତ୍‍ତା ।

୧ ଥେସଲନିୟ 5:14

ଦାଦାନଡ଼ି ନୁ ଏଲାସ୍କ୍, ମିକିଂଙ୍କ୍ ମାୟାଦ୍‌ ଅନୁରଦ୍‌; ଦୁଷ୍ଟନଡ଼କ୍ ସତର୍କ ମାଡ଼ାଟ୍, ୱେର୍‍ତେ ନଡ଼୍‍କ୍ ଉତ୍ସାଇତ୍ ମାଡ଼ାଟ୍, ଦୁର୍ବଲ ନାରୁଡ଼୍‍କ୍ ସାହାଯ୍ୟ ମାଡ଼ାଟ୍ ନୁ ସାରେତଡ଼୍ ସେଙ୍ଗେ ଗାଡ଼୍‍ସ୍ ଆୟ୍‍ମୁଟ୍ ।

୨ ଥେସଲନିୟ 3:6

ହୋ ଦାଦାନଡ଼ି ନୁ ଏଲାସ୍କ୍‍, ବେନଡ଼୍ ମଣ୍ଡି ଲେକାମ୍ ବାଦ୍‍କ ମାନ୍‍ତଡ଼୍ ନୁ ମାୟାଗାଙ୍କ୍ ସାରେ ଶିକ୍ଷା ଲେକାମ୍ ଆଚରଣ ମାଡ଼ଡ଼୍‍; ପ୍ରବୁ ଜିସୁନ୍ ପେଦେର୍‍ତେ ମିକିଂଙ୍କ୍ ଗଟ୍ ଇଦୁତମ୍, ଆଦ୍ ଦାଦାନଡ଼ାଗାଙ୍କ୍ ଜେକେ ମାନୁଟ୍ ।

୨ ଥେସଲନିୟ 3:9

ମିୟାଗାଙ୍କ୍ ବାତେଏ ତାତ୍‍ନଙ୍କ୍ ମାୟାଦ୍‌ ଯେ ଅଦିକାର୍‌ ଇଲେ, ଆଦ୍ ଆୟ୍‍ୟ, ବାତେଙ୍କ୍ ଇତ୍‍କେ ବେଦ୍‍ଲେକାମ୍ ମିଡ଼୍ ମାକିଂଙ୍କ୍ ଅନୁକରନ୍ ମାଡ଼ିତିଡ଼୍, ଆଦିନ୍ ସେଙ୍ଗେ ମାମ୍‍ମେ ମିଇ ପାକେ ନିଜେ ନିଜେତ୍ ଆଦର୍ଶ ଲେକାମ୍ ତଅତାନ୍ ସେଙ୍ଗେ ଆଦ୍‍ଲେକାମ୍ ମାଡ଼୍‍ତମ୍ ।

୧ ତୀମତି 4:12

ମିଡ଼୍ ନିଜର୍ ଗଟ୍ ତିର୍‍ୟାନାଦ୍, ଆଚରନ୍, ପ୍ରେମ୍, ବିଶ୍ୱାସ୍‍ ନୁ ଚରିତ୍ର ନିର୍ମଲତାରେ ଆଦର୍ଶ ତଅତେ ପାର୍‍ତଡ଼୍, ସୁଦୁର୍ ବୟସ୍‍ ଆସ୍‍ମାତ୍‍କେ ବା ମିକିଙ୍କ୍ ମଣ୍ଡଲିତାଗ୍ ବେନ ଅବଜ୍ଞା ମାଡ଼େପାର୍‍ୱଡ଼୍ ।

ତୀତସ୍‌ 2:7

ମିଡ଼୍ ନିଜେ ନିଜେତ୍ ବ୍ୟବହାର୍‌ ତଡ଼୍ ସାୟେତ୍ ପାଡ଼୍‍ୟି ତଅମୁଟ୍, ଶିକ୍ଷାତାଗ୍ ନିଜାତାଦ୍ ନୁ ଲୋପେତ୍ ଇଚ୍ଛା ନୁ ଲେକାମ୍ ବାକ୍ୟ କେଲ୍‍ମୁଟ୍ ।

୧ ପିତର୍‍ 5:3

ମିଡ଼୍ ବେନଡ଼ାଦ୍ ଦ୍ୱାୟିତ ଆତ୍‍ତିଡ଼୍, ଅଡ଼୍‌ ପରୁ ଶାସନ୍‍ ମାଡ଼କଟ୍ ଅଡ଼୍‌ ସେଙ୍ଗେ ନିଜର୍‍ ଜିୱୁଣ୍ଡ୍‍ତାଗ୍ ଆଦର୍ଶ ତଅମୁଟ୍ ।