୨ ଥେସଲନିୟ 3:6 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁶ ହୋ ଦାଦାନଡ଼ି ନୁ ଏଲାସ୍କ୍‍, ବେନଡ଼୍ ମଣ୍ଡି ଲେକାମ୍ ବାଦ୍‍କ ମାନ୍‍ତଡ଼୍ ନୁ ମାୟାଗାଙ୍କ୍ ସାରେ ଶିକ୍ଷା ଲେକାମ୍ ଆଚରଣ ମାଡ଼ଡ଼୍‍; ପ୍ରବୁ ଜିସୁନ୍ ପେଦେର୍‍ତେ ମିକିଂଙ୍କ୍ ଗଟ୍ ଇଦୁତମ୍, ଆଦ୍ ଦାଦାନଡ଼ାଗାଙ୍କ୍ ଜେକେ ମାନୁଟ୍ ।

୨ ଥେସଲନିୟ 3:6 ပူးပေါင်းရင်းမြစ်များ

ମାତିଉ 18:17

ଆଲେକେ ମିକା ଯଦି ଅଣ୍ଡ୍‌ ନି ଗଟିଙ୍କ୍ କେଞ୍ଜଣ୍ଡ୍, ଇ ବିଷୟ ଉପବାସ୍‍ତେ ମଣ୍ଡଲିତିଙ୍କ୍ କେଞ୍ଜ୍‍ପିତମ୍, ଆଗେକ୍ ବା ଅଣ୍ଡ୍‌ ଯଦି ମଣ୍ଡଲିତ୍ ଗଟ୍ କେଞ୍ଜଣ୍ଡ୍, ଆଲେକେ ଅଂକିଙ୍କ୍‌ ୱେରନ୍ କରଆଦାୟକାରି ବା ବିଜାତିୟ ଇଞ୍ଜ ଅନ୍‌ ତଡ଼୍ ସମ୍ପର୍କ ୱିଡ଼୍‍ସିମ୍ ।

ରୋମୀୟ 16:17

ଦାଦାଲଡ଼ି ନୁ ଏଲାସ୍କ୍‍, ବିନତି ମାଡ଼ୁତାନ୍, ମିଡ଼୍ ଗ୍ରହନ୍ ମାଡ଼୍‍ତେ ଶିକ୍ଷାତିଙ୍କ୍‍ ବିରଦ୍ ମାଡ଼ି ବେନଡ଼୍ ମିଇ ଲୋପେ ଗଲ୍‍କ୍ ତିୟାର୍ ମାଡ଼ାନଙ୍କ୍ ଆଲ୍‍ସି ମାଡ଼ିତନ୍, ଅଡ଼୍‌ଆଗାଙ୍କ୍‌ ଜେକେ ମାନୁଟ୍ ।

୧ କରନ୍ତିୟ 11:2

ନାନ୍ ମିକିଂଙ୍କ୍ ପ୍ରସଂଶା ମାଡ଼ୁତାନ୍, ବାତେଙ୍କ୍‍ଇତ୍‍କେ ମିଡ଼୍ ସାର୍ରେଦାମ୍‌ ନାକିଂଙ୍କ୍ ଏର୍କା ମାଡ଼ୁତିଡ଼୍ ନୁ ନାନ୍ ମିକିଂଙ୍କ୍ ଇତ୍‍ତେ ଶିକ୍ଷା ସାର୍‍ରେ ପାଲନ୍ ମାଡ଼ୁତିଡ଼୍ ।

୧ କରନ୍ତିୟ 5:4

ମିଡ଼୍‌ ନୁ ନାୟାଦ୍‌ ଆତ୍ମା ମାନାଦ୍‌ ପ୍ରବୁ ଜିସୁନ୍ ପେଦେର୍‍ତେ ଅଣ୍ଡୟାଗେ ଆଦାନ୍ ୱେଲେ, ଶକ୍ତିତଡ଼୍‌ ଇଦ୍‌ ସ୍ଥିର୍‌ ମାଡ଼ମିନ୍ଦେନ୍ ଯେ,

୧ କରନ୍ତିୟ 5:9

ବ୍ୟବିଚାରି ତଡ଼୍‌ କାଇଲ୍‌ମାଟ୍ ଇଞ୍ଜ ନାନ୍‌ ମିକିଙ୍କ୍‍ ନା ଚିଟି‌ ଲେକି ମାତ୍‌ତାନ୍‌ ।

୨ କରନ୍ତିୟ 2:10

ବେସୁଟ୍‌ ଅଡ଼୍‌‍କିଂଙ୍କ୍ କ୍ଷମା ମାଡ଼ିତିଡ଼୍, ନାନ୍ ମିକା ଅଂକିଙ୍କ୍‌ କ୍ଷମା ମାଡ଼ିତାନ୍ । ନାନ୍ ଯଦି ବାତେବା ବିଷୟ୍‍ତେ ଅଂକିଙ୍କ୍‌ କ୍ଷମା ମାଡ଼ିମାନ୍ତାନ୍, ଆଦ୍ କ୍ରିଷ୍ଟଙ୍କ୍‌ କାଇଲି ମିଇ ସେଙ୍ଗେ ମାଡ଼ିମାନ୍ତେ ।

ଏଫିସିୟ 4:17

ଆଦ୍‍ଦିଙ୍କ୍ ପ୍ରବୁନ୍ ପେଦେର୍‍ତେ ନାନ୍ ମିକିଂଙ୍କ୍ ସତର୍କ ମାଡ଼ୁତାନ୍ । ଅଣଯିହୁଦି ନାରୁଡ଼୍ ଲେକାମ୍ ମେଣ୍ଡେ ବାଦ୍‍କ୍‍ମାଟ୍ । ଅଡ଼ାଦ୍‌ ଚିନ୍ତେ ବୁସାତାଗ୍

କଲସୀୟ 3:17

ମିଡ଼୍ ବାକ୍ୟ ବା କାମ୍‍ତାଗ୍ ବାତେ ବା ମାଡ଼୍‍ତିଡ଼୍, ଆଦ୍ ସାରେ ପ୍ରବୁ ଜିସୁନ୍ ପେଦେର୍‍ତେ ମାଡ଼ି ବାବାଲ୍‍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।

୧ ଥେସଲନିୟ 4:1

ଆଦେଲେକାମ୍ ଦାଦାନଡ଼ି ନୁ ଏଲାସ୍କ୍‍, ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନ୍ ସେଙ୍ଗେ ବେଦ୍‍ଲେକାମ୍ ବାଦ୍‍କାନଙ୍କ୍ ଆଦ୍‍ତେ, ଆଦ୍ ମାୟାଗାଙ୍କ୍ ଶିକ୍ଷା ମାଡ଼ିମିନ୍ଦେଣ୍ଡ୍ । ଆଦେଲେକାମ୍ ମୀଡ଼୍ ବାଦ୍‍କ ୱାଦୁତିଡ଼୍, ବାତେଙ୍କ୍ ଇତ୍‍କେ ହିଗାଙ୍କ୍ ବାତେଏ ଅଦିକ୍‌ ମାଡ଼ାନଙ୍କ୍ ମିକିଂଙ୍କ୍ ମାମ୍‍ମେ ହିଞ୍ଜେ ପ୍ରବୁ ଜିସୁନ୍ ପେଦେର୍‍ତେ ବିନତି ବା ସାରେଦା ମାଡ଼ୁତମ୍ ।

୧ ଥେସଲନିୟ 4:11

ମୁନେନ୍ ବେଲା କେସ୍‍ମାତ୍‍ତମ୍, ଶାନ୍ତିତେ ଜିୱୁଣ୍ଡ୍ ବାଦ୍‍କିତାଡ଼୍, ନିଜେତ୍ ପାଡ଼୍‍ୟିତାଗ୍ ମାନ୍‍ ଇଦ୍‍ତାଡ଼୍ ନୁ ନିଜେତ୍ ନିଜେତ୍ ଜିବିକା ଉପାର୍ଜନା ମାଡ଼ାନାଦ୍ ମିୟାଦ୍ ଲକ୍ଷ ଆୟି ।

୧ ଥେସଲନିୟ 5:14

ଦାଦାନଡ଼ି ନୁ ଏଲାସ୍କ୍, ମିକିଂଙ୍କ୍ ମାୟାଦ୍‌ ଅନୁରଦ୍‌; ଦୁଷ୍ଟନଡ଼କ୍ ସତର୍କ ମାଡ଼ାଟ୍, ୱେର୍‍ତେ ନଡ଼୍‍କ୍ ଉତ୍ସାଇତ୍ ମାଡ଼ାଟ୍, ଦୁର୍ବଲ ନାରୁଡ଼୍‍କ୍ ସାହାଯ୍ୟ ମାଡ଼ାଟ୍ ନୁ ସାରେତଡ଼୍ ସେଙ୍ଗେ ଗାଡ଼୍‍ସ୍ ଆୟ୍‍ମୁଟ୍ ।

୨ ଥେସଲନିୟ 2:15

ହୋ ଦାଦାନଡ଼ି ନୁ ଏଲାସ୍କ୍‍, ମାୟାଦ୍‌ କେତାନାଦ୍ ନୁ ଚିଟିତେ ବେନ୍‍ସାରେ ଶିକ୍ଷାଲେକାମ୍ ବେନ୍‍ସାରେ ସତ୍ କେସ୍‍ମିନ୍ଦେମ୍, ଆଦିଙ୍କ୍ ଡାଟୁମ୍ ପଇସ୍‌ ମାନୁଟ୍; ବିଶ୍ୱାସ୍‍ତେ ମାନୁଟ୍ ।

୨ ଥେସଲନିୟ 3:7

ମିଡ଼୍ ପୁତ୍‍ତିଡ଼୍ ଯେ, ମିୟାଦ୍ ପାଡ଼୍‍ୟିତାଗ୍ ମା ଲେକାମ୍‌ ମାଡ଼ାନାଦ୍ ସାୟେ । ମିଇ ତଡ଼୍ ମାନ୍ଦାନ୍ ୱେଲେ ମାମ୍‍ମେ ବେସୁଙ୍କ୍‍ ବା ପାଡ଼୍‍ୟି ମାଡ଼ାନଙ୍କ୍ ମଣ୍ଡି ଆୟ୍‍ୱେ ମାତ୍‍ତମ୍ ।

୧ ତୀମତି 5:21

ପ୍ରବୁ ଜିସୁ କ୍ରିଷ୍ଟ, ଦୂତ ନୁ ସ୍ୱୟଂ ଇଶ୍ୱର୍‌ତିଙ୍କ୍ ସାକ୍ଷି ୱାଟି, ହିସାରେ ନିର୍ଦ୍ଦେଶ ପାଲନ୍ ମାଡ଼ାଙ୍କ୍ ନାନେ ମିକିଙ୍କ୍ ଏକାନ୍ତ ଅନୁରଦ୍‌ ମାଡ଼ୁତାନ୍ । ବେନନ୍ ବିରୁଦ୍ଦ୍‍ତେ ପକ୍ୟପାତିତା ଲେକାମ୍ ବେନ୍‌ଆଇ କାମ୍ ମାଡ଼୍‍ମାଟ୍ ।

୧ ତୀମତି 6:5

ଅଡ଼୍‌ ବିଚାର୍ ଲେକାମ୍ ଆସ୍ ଆସାମ୍ ଯୁକ୍ତିତର୍କ ତଡ଼୍ ସତ୍ୟତାଦ୍ ଅପଲାପ ମାଡ଼ିତଡ଼୍ । ଦର୍ମବିଶ୍ୱାସ୍‍ତିଙ୍କ୍ ମାତର୍ ସାଉକାର୍ ଆଦାନ୍ ଅଣ୍ଡୟ୍‌ ଆର୍ର୍ ଇଞ୍ଜ ଅଡ଼୍‌ ହେର୍କା ମାଡ଼ିତଡ଼୍ ।

୨ ତୀମତି 3:5

ଅଡ଼୍‌ ବକ୍ତନଡ଼୍ ବଣ୍ଡ୍‍କ୍‍ତିଙ୍ଗ୍ ପଇଦ୍‍ତଡ଼୍, କିନ୍ତୁ ଆଗେତ୍‍ ଶକ୍ତିତିଙ୍କ୍ ଅସ୍ୱିକାର୍ ମାଡ଼ିତଡ଼୍; ଇଦ୍‍ଲେକାମ୍ ନାରିଡ଼ାଗାଙ୍କ୍ ଯେକା ମାନୁଟ୍ ।

୨ ତୀମତି 4:1

ଇଶ୍ୱର୍‌ତେ ମୁନେ ନୁ ସାରେତଡ଼୍ ଜିୱେ ଡଲ୍‍ତେ ନାରିଡ଼୍ ବିଚାର୍ ମାଡ଼ାନଙ୍କ୍ ନୁ ରାଜ୍‍ ମାଡ଼ାନଙ୍କ୍ ୱାସମାନ୍ଦାନ୍ କ୍ରିଷ୍ଟ ଜିସୁ ୱାଦାନ୍ ଦିନେ, ତାନ୍ ରାଜ୍ୟତିଙ୍କ୍ ଲେକେତ୍‍ ମାଡ଼ନ୍ ସେଙ୍ଗେ ନାନେ ମିକିଙ୍କ୍ ଇଦ୍ ଦୃଡ଼ ଆହ୍ୱାନ୍ ଇଦୁତାନ୍ ।

୨ ଯୋହନ୍‌‌ 1:10

ବେନ ଯଦି ଇଦ୍ ଶିକ୍ଷା ଆସ୍ ମୀଇ ଗାରେ ୱାଡ଼୍‍କଟ୍ ମାତ୍‍କେ, ଅଙ୍କ୍‌ ମୀଇ ଲନ୍ କାର୍‍ଙ୍ଗ୍‍ମାଟ୍, “ମିୟାଦ୍ ଶାନ୍ତି ଆୟି,” ଇଞ୍ଜ ବେନ ଅଙ୍କ୍‌ ନମସ୍କାର୍ କେଲ୍‍ମାଟ୍ ।