୨ ଥେସଲନିୟ 3:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ କ୍ରିଷ୍ଟନାଦ୍ ଶକ୍ତି ନୁ ପର୍‍ମେଶ୍ୱର୍‍ତାଦ୍ ପ୍ରେମ ଆର୍‍ଦାଗ୍ ମିୟାଦ୍ ହୃଦୟ୍ ବିଶ୍ୱାସ୍‍ତେ ମାନ୍‍ନାଙ୍କ୍ ଅଣ୍ଡ୍‌ ମିକିଂଙ୍କ୍ ବ୍ୟବହାର୍‌ ମାଡ଼ିତନ୍ ହିଞ୍ଜ ମାମ୍‍ମେ ପ୍ରାର୍ତନା ମାଡ଼ୁତମ୍ ।

୨ ଥେସଲନିୟ 3:5 ပူးပေါင်းရင်းမြစ်များ

ରୋମୀୟ 5:5

ଆଶେ ମାନାଙ୍କ୍‍ ନିରାଶ୍‍ ଆଦାନଙ୍କ୍ ଇୱ, ବାତେଙ୍କ୍ଇତ୍‍କେ ଇଶ୍ୱର୍ ମାକିଂଙ୍କ୍ ପବିତ୍ର ଆତ୍ମା ଇସ୍ ମାନ୍‍ ଜିୱୁଣ୍ଡ୍‍ତିଙ୍କ୍ ତାନ୍ ପ୍ରେମତଡ଼୍ ବର୍ତ୍ତି ମାଡ଼୍‍ତଣ୍ଡ୍ ।

ରୋମୀୟ 8:25

ଇତ୍‍କେ ମାନାଡ଼୍ ଯଦି ତଅନ୍‌ଦ୍‍ୱାଦ୍ ବିଷୟ୍ ସେଙ୍ଗେ ଆଶେ ମାଡ଼ିତାଡ଼୍, ଆଲେକେ ମାନାଙ୍କ୍‍ ଗାଡ଼୍‍ସ୍ ପୟ୍‍ସ୍ କେପି ମାନ୍ଦାନଙ୍କ୍ ୱେୟ୍‍ତିତ୍ ।

ରୋମୀୟ 8:28

ମାନାଡ଼୍‍ ପୁତ୍‍ତାଡ଼୍‍ ଯେ, ବେନଡ଼୍ ଇଶ୍ୱର୍‌ତେ ଉଦ୍ଦେଶ୍ୟତିଙ୍କ୍ ତିୟାର୍ ମାଡ଼ାନଙ୍କ୍ ୱାଦ୍‍ତଣ୍ଡ୍ ନୁ ଇଶ୍ୱର୍‌ତିଙ୍କ୍ ପ୍ରେମ ମାଡ଼ିତଡ଼୍, ଅଡ଼୍‌ ସେଙ୍ଗେ ସାର୍‍ରେ ବିଷୟ୍ ଲେକେତ୍‍ ଆଦ୍‍ତେ ।

୧ କରନ୍ତିୟ 8:3

ଯଦି ବେନନ୍ ଇଶ୍ୱରଙ୍କ୍ ପ୍ରେମ୍‌ ମାଡ଼ିତଣ୍ଡ୍‌, ଅଣ୍ଡ୍‌‌ ନାରୁଡ଼୍ ତାନାକ୍‌ ପୁତ୍‌ ବେନ ଆୟି ଇଶ୍ୱର୍‌ତିଙ୍କ୍ ପ୍ରେମ୍ ମାଡ଼ିତନ୍ ଅଂକିଙ୍କ୍‌ ଇଶ୍ୱର୍ ପୁନ୍‍ତଣ୍ଡ୍ ।

ଗାଲାତୀୟ 5:22

ଇତ୍‍କେ ପବିତ୍ର ଆତ୍ମାନ୍‍ ଦାନ ଆଦୁତ୍‍ ପ୍ରେମ, ୱେଡ଼୍‍କେ, ଶାନ୍ତି, ଦର୍ଯ୍ୟ, ଉପକାର୍, ସାୟେତଣ୍ଡ୍‍, ବିଶ୍ୱାସ୍‍ତଣ୍ଡ୍‍

୧ ଥେସଲନିୟ 1:10

ମେଣ୍ଡେ ବେଲାନ୍ ଇଶ୍ୱର୍‌ତେ କପାମ୍‍ତାଗାଙ୍କ୍ ମାନ୍‍ନାଅଙ୍କ୍‌ ଗେଲ୍‍ସ୍ପା ସେଙ୍ଗେ, ଡଲ୍‍ତାଗାଙ୍କ୍ ପୁନରୁତ୍‍ତାନ୍ ଅନାଦ୍‌ ମାର୍‍ ଜିସୁ ସ୍ୱର୍ଗତାଗାଙ୍କ୍ ୱାଦାନ୍ ୱେଲେ କେପି ମାନୁଟ୍, ଇୱୁସାରେ ବିଷୟ୍‍ତେ ଆଗେତ୍‍ ନାରୁଡ଼୍ ଗଟି ତିର୍‍ୟମିନ୍ଦେଡ଼୍ ।

୧ ଥେସଲନିୟ 1:3

ମାମ୍‍ମେ ବାବାନ୍ ଇଶ୍ୱର୍‌ତେ ପାକେ ଏର୍କା ମାଡ଼ମାନ୍‍ତମ୍, ବେଲାନ୍ ମିଡ଼୍ ନିଜେତ୍ ବିଶ୍ୱାସ୍‍ତିଙ୍କ୍ ପାଡ଼ିୟିଦାଗ୍ ମାଡ଼ୁତମ୍, ପ୍ରେମତେ ମାଡ଼ି ବେଲାନ୍ ତିପାଲ୍‍ତେ ମାଡ଼ୁତିଡ଼୍ ନୁ ମାମ୍‍ମେ ବେଲାନ୍ ଡ଼ାଟ୍‍ଟୁମ୍ ।

୧ ଥେସଲନିୟ 3:11

ମିଇ ପାକେ ୱାଦାନ୍ ସେଙ୍ଗେ ମା ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ ମାନ୍‍ ଆର୍ ତିଆର୍ ମାଡ଼ିୱିନ୍ ।

୨ ତୀମତି 4:8

ଇଞ୍ଜେ ନାୟାଦ୍ ଦର୍ମପରାୟନ୍‍ତେ ସେଙ୍ଗେ ଜିଡ଼୍‍ତାଦ୍ ପୁରସ୍କାର୍ ନେହେତାଦ୍ ମିନ୍ତେ । ଅଣ୍ଡୟ୍‌ ଦିନେତେ ନ୍ୟାୟବାନ୍ ବିଚାର୍‍ ମାଡ଼ାନଣ୍ଡ୍ ପ୍ରବୁ ନିଜେ ନାକିଂଙ୍କ୍ ଆଦ୍ ପୁରସ୍କାର୍ ହିଦ୍‍ତନ୍ ମାତର୍ ନା ୱେରଙ୍କ୍ ଆୟ; ପ୍ରେମ ବକ୍ତି ତଡ଼୍ ବେନଡ଼୍ ଅନ୍‌ ୱାଦାନ୍‍ ଦିନାତିଙ୍କ୍ କେପିମିନ୍ଦେଡ଼୍, ସାରେତଡ଼୍ ଆଦ୍ ପୁରସ୍କାର୍ ଲାବ୍ ମାଡ଼ିତଡ଼୍ ।

ତୀତସ୍‌ 2:13

ମହାନ୍ ଇଶ୍ୱର୍ ନୁ ମାନ୍‍ ମୁକ୍ତିଦାତାଲ୍ କ୍ରିଷ୍ଟ ଜିସୁନ୍ ଗୌରବ୍ ଆଦାନ୍ ସେଙ୍ଗେ ପ୍ରକାଶ୍ ଆଦାନଙ୍କ୍ ଆଦୁତ୍‍ତେ, ଆଦ୍ ଦିନେତାଦ୍ କେପି ମାମ୍‍ମେ ମିନ୍ଦେମ୍ ।

ଏବ୍ରୀ 9:28

ଆଦେଲେକାମ୍‌ ନାର୍ଗେମୁଲ୍‌ଦାଦ୍‌ ପାପ୍‌ ଦୁରାମ୍ ମାଡ଼ାନଙ୍କ୍ କ୍ରିଷ୍ଟ ଅରଟଦାମ୍ ପୁଜିଆତ୍ତଣ୍ଡ୍‍ । ଅଣ୍ଡ୍‌ ମେଣ୍ଡେ ୱାଦ୍‍ତଣ୍ଡ୍ । ଆସୁଙ୍ଗ୍‌ ମେଣ୍ଡେ ପାପ୍‌ତେ ସାଙ୍ଗ୍‌ କାଇଲାନ୍‌ ମାଇଦିଙ୍କ୍ ଅଣ୍ଡ୍‌‌ ୱାୱଣ୍ଡ୍ । ଅଣ୍ଡ୍‌‍ ୱାଦ୍‍ତଣ୍ଡ୍, ଅନ୍‌‍ ସେଙ୍ଗେ କେପିମାନ୍ଦାନ୍‍ ନାରୁଡ଼୍‍କିଙ୍କ୍‍ ପରିତ୍ରାଣ ମାଡ଼ାନ୍‍ ସେଙ୍ଗେ ।

ଯାକୁବ 2:5

ଆ ନା ଦାଦାଲଡ଼ି ନୁ ଏଲାସ୍କ୍‍, କେଞ୍ଜାଟ୍, ଇଶ୍ୱର୍ ବାତ୍ ଇଦ୍ ଜଗତ୍‍ତେ ଗରିବ୍ ନାରୁଡ଼୍‍କିଂଙ୍କ୍ ବିଶ୍ୱାସ୍‍ତାଦ୍ ଦନ୍‍ତାଗ୍ ସାଉକାର୍ ଆଦାନଙ୍କ୍, ମେଣ୍ଡେ ନିଜେ ପ୍ରେମ ମାଡ଼ାନକିଂଙ୍କ୍ ବେନ୍ ରାଜ୍ୟ ଇଦାନଙ୍କ୍ ଶପତ୍ ମାଡ଼୍‍ତଣ୍ଡ୍, ଆଗେତ୍ ଅଦିକାରି ଆଦାନଙ୍କ୍ ଏଞ୍ଚଣ୍ଡ୍ କି ?

୧ ପିତର୍‍ 4:1

କ୍ରିଷ୍ଟ ନିଜେତ୍ ମେନ୍ଦୁଲ୍‍ତେ ମାନ୍ଦାନ୍ ୱେଲେ କଷ୍ଟ ମାଡ଼୍‍ତାଙ୍କ୍, ମିଡ଼୍‍ ମିକା ଅନ୍‌ ଲେକାମ୍ ମନ୍‍ ମାଡ଼ି ନିଶ୍ଚିତ୍‍ ଆୟମୁଟ୍ ଯେ, ବେନ୍ ନାରୁଣ୍ଡ୍ ଜିୱୁନ୍‍ ମେନ୍ଦୁଲ୍‍ତେ ତିପାଲ୍‍ ଆଦ୍‍ତନ୍, ଅଣ୍ଡ୍‌ ମେଣ୍ଡେ ପାପାମ୍‍ତାଗ୍ ମୁଡ଼ୁନ୍ଦି ମାନଣ୍ଡ୍‍ ।

୨ ପିତର୍‌ 3:12

ମିଡ଼୍ ପ୍ରବୁନ୍ ଦିନାମ୍‍ତିଙ୍କ୍‍ କେପି ମାନ୍ଦାନ୍ ୱେଲେ, ଆଦ୍ ବେଲାନ୍ ଜାପେ ୱାଦ୍‍ତେ, ଆଦିନ୍ ସେଙ୍ଗେ ନିଜେତିଙ୍ଗ୍ ତିଆର୍ ମାଡ଼ାଟ୍ । ଆଦ୍ ଦିନେ ମୟଲ୍ କାର୍‍ୱି ଦ୍ୱଂସ ଆଦ୍‍ତା । ମୟଲ୍‍ତେ ଗ୍ରହ ଉକାକ୍‍ ଗାଟି କାମ୍‍କେତେ ଉଡ଼୍‍ୟି ଆଦ୍‍ତା ।

୧ ଯୋହନ୍‌‌ 4:19

ଅଣ୍ଡ୍‌‍ ମୁନେନ୍‍ ମାନାଙ୍କ୍‍ ପ୍ରେମ ମାଡ଼୍‍ତାଙ୍କ୍‍ ମାନାଡ଼୍‍ ପ୍ରେମ ମାଡ଼ାନଙ୍କ୍ ନାଡ଼୍‍ସ୍‍ତମ୍ ।

ପ୍ରକାଶିତ୍‌ ବାକ୍ୟ 1:9

ନାନେ ଯୋହନ୍‌, ମିଇ ୱେରନ୍ ଦାଦାନ୍, ଜିସୁନ୍ ଶିଷ୍ୟ ଲେକାମ୍ ତାନ୍ ରାଜ୍ୟତେ ନାରିଡ଼୍ ପରୁ ଆସମାନ୍ଦାନ୍ ଦରାତ୍ମ୍ୟ ଦର୍ଯ୍ୟତେ ସହ୍ୟ ମାଡ଼୍‍ନଙ୍କ୍ ନାନେ ମିୟାଦ୍ ୱେରନ୍ ବାଗିଦାର୍‍ । ଜିସୁ କେସ୍‍ମାନ୍ଦାନ୍ ସତ୍‍ ନୁ ଇଶ୍ୱର୍‌ତେ ବାକ୍ୟ କେତାନ୍‍ ସେଙ୍ଗେ ନାନେ ପାତ୍‍ମସ୍ ଗପ୍‍ତାଗ୍‍ ବନ୍ଦିଆସ୍‍ ଆଞ୍ଜ୍‍ମାତ୍‍ତାନ୍‍ ।

ପ୍ରକାଶିତ୍‌ ବାକ୍ୟ 13:10

ଇଶ୍ୱର୍‌ତେ ଇଚ୍ଛା ଲେକାମ୍‌ ବେନ ବନ୍ଦି ଆଦାନ୍‍ ମିନ୍ଦେ, ଅଣ୍ଡ୍‌‍ ନିଶ୍ଚିତ୍‍ ବନ୍ଦି ଆଦ୍‍ତଣ୍ଡ୍‍ । ବେନ ମେଣ୍ଡେ ୱେରେତଙ୍କ୍‌ କଡ୍‌ଗତଡ଼୍‌ ଆୱୁକିତଣ୍ଡ୍‍, ଅଣ୍ଡ୍‌‍ ନିଜେ ଚୁର୍‌ ତଡ଼୍‍ ଡଲିତଣ୍ଡ୍‍ । ଇଶ୍ୱର୍‌ତେ ନାରୁଡ଼୍ ସେଙ୍ଗେ ଦୈର୍ଯ୍ୟ ନୁ ବିଶ୍ୱାସ୍ ଅଣ୍ଡୟ୍‌‍ତାଗ୍ ମାନ୍ଦ୍‍ତେ ।